影片
更多
2010-05-19
10 瀏覽
大家好, 我係openrice既新丁, 今次係第一次寫食評, 多多指教我岩岩考完會考, 表姐大學畢業又就黎生日, 好多原因之下就決定食返餐好既.見到openrice d食評同相都好吸引, 原來之前有幾次想book都book唔到, 於是今次早左兩個禮拜book定要黎試下啦!今期係北海道祭, 主打係即開生蠔, 熊本A4同澳洲M9和牛, 北海道松葉蟹, 法國鵝肝!7點就到左, 先係飲個熱湯為之後既生野打個底. 佢有磨菇湯同紅蘿蔔中湯揀, 我就揀左磨菇湯.乳白色既湯加上好多黑色既粒粒菇, 一筆落去已經覺得好creamy, 飲落更加有驚喜!陣陣既磨菇香味, 簡單既食材但係就令到個湯好濃郁, 令我之後都忍唔住再飲多碗北海道松葉蟹腳擺係出面任你拎, 有d個樣唔多大隻, 但係都好厚肉!一開殼就有d汁流出黎, d肉仍然係咁juicy, 蟹肉勁鮮甜, 停唔到口呀餐廳好貼心, 係蟹側邊有兩大桶交剪, 數量絕對唔需要你用完擺返出去俾人用.三文魚, 鯛魚, 魷魚刺身新鮮, 師傅唔菇寒, 切得幾厚話咁快到左7點半, 更加多靚野食都開始serve啦!一開場已經大排長龍, 有兩條勁長既隊分別排生蠔同鵝肝, 佔據左佢放
我岩岩考完會考, 表姐大學畢業又就黎生日, 好多原因之下就決定食返餐好既.
見到openrice d食評同相都好吸引, 原來之前有幾次想book都book唔到, 於是今次早左兩個禮拜book定要黎試下啦!
今期係北海道祭, 主打係即開生蠔, 熊本A4同澳洲M9和牛, 北海道松葉蟹, 法國鵝肝!
7點就到左, 先係飲個熱湯為之後既生野打個底. 佢有磨菇湯同紅蘿蔔中湯揀, 我就揀左磨菇湯.
乳白色既湯加上好多黑色既粒粒菇, 一筆落去已經覺得好creamy, 飲落更加有驚喜!
陣陣既磨菇香味, 簡單既食材但係就令到個湯好濃郁, 令我之後都忍唔住再飲多碗
北海道松葉蟹腳擺係出面任你拎, 有d個樣唔多大隻, 但係都好厚肉!
一開殼就有d汁流出黎, d肉仍然係咁juicy, 蟹肉勁鮮甜, 停唔到口呀
餐廳好貼心, 係蟹側邊有兩大桶交剪, 數量絕對唔需要你用完擺返出去俾人用.
三文魚, 鯛魚, 魷魚刺身新鮮, 師傅唔菇寒, 切得幾厚
話咁快到左7點半, 更加多靚野食都開始serve啦!
一開場已經大排長龍, 有兩條勁長既隊分別排生蠔同鵝肝, 佔據左佢放野食既大半場-_-
排左好耐終於拎到生蠔, 原來今日有四種生蠔! 分別係美國珍寶蠔, 愛爾蘭蠔, 澳洲A同澳洲B(師傅簡稱)
師傅好friendly, 係咁同人講記住要順序由淡食到濃, 而佢地開蠔都係順住擺係你隻碟.
第一次蠢左, 落左檸檬同茄汁 原來師傅話最好唔好落啦, 咁先食到佢既原味.
不過都食到d蠔好新鮮, 平時buffet都應該係食開美國果隻, 淡得易入口又幾大隻.
澳洲B係真係超級鹹*0* 帥傅開完已經將蠔落一落冰既檸檬水, 但係仲勁有海水味.
我比較鍾意愛爾蘭同澳洲A, 有蠔味得黎又唔會太鹹
後來再食第二次乜野都唔落, 口腔就充滿蠔味, 非常鮮甜!
見人多, 餐廳都增加左人手開蠔, 果然快好多! 有人話大師傅唔係度開仲快, 因為佢成日同d客講點樣食呀d蠔點樣好詳細
熊本A4和牛係師傅即燒, 熱辣辣香噴噴! 牛肉既肥反而係邊邊而唔係平均分佈, 如果想食冇咁肥都可以切走佢, 不過我當然食埋佢啦, 超級甘香 我比較鍾意食A4因為A5實在太肥啦o_O
澳洲M9和牛就係燒定係度一大舊切, 相比A4失色左d, 比較rough
法國鵝肝配多士, 多士脆鵝肝亦唔會rough, 燒汁非常夾, 調起左鵝肝既味, 不過嫌唔夠熱.
海膽擺係青瓜上成海膽薄脆, 口感幾豐富, 但係海膽唔多甜, 我表姐話因為唔夠新觧a_a
帶子同甜蝦都一般, 唔算好甜, 冇乜驚喜.
熟食我食左好少, 值得一提既係大根和牛煮, 白蘿蔔勁清甜又冇渣, 和牛又煮到好林, 非常入味!
沙律既選擇亦非常多, 連中東既木瓜椰絲沙律都有, 自助形式既沙律配料同醬汁都非常齊全.
一向專攻甜品既我今次已經俾前面既美食攻陷左, 食得落既甜品唔多-_-
雖然好飽, 但係都食左兩杯北海道牛乳布丁! 呢個真係超級好食呀
佢好滑, 每啖都有淡淡既牛奶味, 唔會好似平時果d咁甜, 而係好簡單既一種好味!
另外我食左成個creme brulee, 甜度岩岩好, 蛋好滑好有蛋味, 上面既焦糖亦好脆!
其他甜品賣相好精緻, 好多一杯杯既pudding, jelly, mousse等等, 不過食落去都係一般.
chocolate mousse幾有質感但太苦, 有個pudding既咖啡酒味太重難入口.
果度亦有專人整日本燒餅, 不過已經食唔落啦*0*
服務方面亦係唔錯, refill同收碟都好快, 就算係長腳蟹都好有效率, 唔怕sit抵.
場地就比較細, 好彩book左位, 坐既係高一級既台階, 同自助餐台隔住塊玻璃, 方便拎野食又可以成日望實有咩野食出爐
用visa白金卡有9折, 再加返一都係~$330一位, 有咁多靚野食, 平時既buffet絕對冇可能食到咁靚既野, 實在係抵食呀
張貼
