影片
更多
2021-06-14
310 瀏覽
呢排天氣熱就特別想食啲開胃嘅菜式，新加坡菜就係不二嘅選擇，見到屯門開咗呢間充滿熱帶風情嘅餐廳，於是就去試一試。餐廳嘅裝修絕對會令人覺得身處係馬來西亞🌴，餐廳職員都着晒充滿東南亞特色嘅服裝，而且餐廳內嘅佈置都好賞心悅目。餐廳亦都貼心，配備濕紙巾，特別係而家疫情，方便你如果唔記得帶酒精搓手液，可以用嚟消毒雙手。點菜方面，我哋叫咗三個菜式，分別係海南雞飯、地道老鼠粉、芒果大蝦米紙卷，至於飲品方面就叫咗香茅橙茶🍊同椰子斑蘭冰🥥。海南雞飯完全符合心目中嘅要求，雞非常嫩滑，一啲都唔會鞋，份量亦好足夠，點一點海南雞必定出現嘅三種醬汁，再配埋軟熟嘅油飯，非常開胃🤤而且仲有一碗冬瓜湯，十分之解暑！老鼠粉嘅配料十分豐富，個人特別鍾意食香脆嘅魚乾同埋花生，味道亦都好惹味，但由於都係主食，同埋都有少少油膩，所以我哋都食唔晒呢個老鼠粉，將剩低嘅都打包，如果下次大家都係份量比較細，建議可以嗌一個主食，再另外加小食，咁就唔怕食唔晒。芒果大蝦米紙卷🥭都係其中一個推薦嘅菜式，可以解一解油膩嘅感覺，芒果果肉香甜，夾埋其他紅蘿蔔絲同椰菜絲，口感爽脆，好開胃，完全係夏天必備嘅菜式🤤兩杯嘢飲都好啱打卡，香茅橙茶係朋友叫嘅，一開
餐廳嘅裝修絕對會令人覺得身處係馬來西亞🌴，餐廳職員都着晒充滿東南亞特色嘅服裝，而且餐廳內嘅佈置都好賞心悅目。餐廳亦都貼心，配備濕紙巾，特別係而家疫情，方便你如果唔記得帶酒精搓手液，可以用嚟消毒雙手。
點菜方面，我哋叫咗三個菜式，分別係海南雞飯、地道老鼠粉、芒果大蝦米紙卷，至於飲品方面就叫咗香茅橙茶🍊同椰子斑蘭冰🥥。
海南雞飯完全符合心目中嘅要求，雞非常嫩滑，一啲都唔會鞋，份量亦好足夠，點一點海南雞必定出現嘅三種醬汁，再配埋軟熟嘅油飯，非常開胃🤤而且仲有一碗冬瓜湯，十分之解暑！
海南雞飯
11 瀏覽
1 讚好
0 留言
老鼠粉嘅配料十分豐富，個人特別鍾意食香脆嘅魚乾同埋花生，味道亦都好惹味，但由於都係主食，同埋都有少少油膩，所以我哋都食唔晒呢個老鼠粉，將剩低嘅都打包，如果下次大家都係份量比較細，建議可以嗌一個主食，再另外加小食，咁就唔怕食唔晒。
地道老鼠粉
18 瀏覽
1 讚好
0 留言
芒果大蝦米紙卷🥭都係其中一個推薦嘅菜式，可以解一解油膩嘅感覺，芒果果肉香甜，夾埋其他紅蘿蔔絲同椰菜絲，口感爽脆，好開胃，完全係夏天必備嘅菜式🤤
芒果大蝦米紙卷
15 瀏覽
1 讚好
0 留言
兩杯嘢飲都好啱打卡，香茅橙茶係朋友叫嘅，一開始覺得茶嘅味道唔係好出，唔係好飲到橙嘅味道，之後感覺好少少，至於椰子班蘭冰都好重斑蘭嘅味道，絕對冇因為係沙冰而味道淡咗，啱晒平時鍾意斑蘭嘅朋友💚
香茅橙茶&椰子斑蘭冰
14 瀏覽
1 讚好
0 留言
張貼
