65
7
1
港鐵屯門站 C1 出口, 步行約4分鐘 繼續閱讀
所有分店 (3)
電話號碼
25119990
營業時間
今日營業
11:00 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
付款方式
Visa Master 現金
其他資料
加一服務費
食評 (87)
好耐無同朋友出街食野聚一聚,難得終疫情舒緩了一點,於是約了好耐無見嘅好朋友出來,食番個下午茶傾下計。朋友本身住屯門比較熟呢區,所以建議去屯門市廣場旁較優閒的錦薈坊 K-Point 。最後選了呢間星加坡餐廳。餐廳坐位空間寬敞,整體環境及裝修十分舒適,令人心情很放鬆。我們安排入坐近窗邊卡位,可以看到街景。下午茶有很多不同選擇,湯粉麵類有咖沙湯麵、咖哩麵、雞絲湯粉等;飯類有海南雞飯、巴東牛肉飯、星洲香辣炒飯 ;炒粉類有炒貴刁和老鼠粉;另外,輕食嘅仲有班蘭咖吔多士。下午茶以外,仲有串燒、烤魚、烤蔥餅、知名嘅檳城街頭排骨山等等。最後我哋決定試佢嘅馬來炒貴刁,認真要介紹一下,呢個貴刁好特別,粉底不單止粗河粉,更併埋黃麵一起炒,口感十分豐富。另外,佢更不同於一般常見炒貴炒,不是黃咖喱色的。炒貴刁用鑊仔上檯,份量及材料十足,有肥肥芽菜、大大隻蝦、煙肉腸仔片、魷魚、蛋等等,香辣又惹味,再配埋新鮮青瓜片及青檸供調味。另外試咗份「烤馬來蔥餅配咖喱」,䓤油餅烤到熱辣香脆,而個咖哩汁超香濃,兩個絕對係完美配搭,令人食到停唔到口。飲品分別點了馬來拉茶、南洋白咖啡。馬來拉茶是淡淡的茶香,絕對不是港式奶茶那般濃郁。而馬洋咖啡,啡香純滑,喜歡咖啡嘅我覺得十分不錯。今次初嘗下午茶,包括環境衞生及食物質都很好,價錢方面亦合理,屬中價類別餐廳。下次可以同多幾個朋友再來,要試試佢嘅烤魔鬼魚和排骨山。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-25
432 瀏覽
#屯門 @kayadining 💃約咗朋友喺屯門交收, 順便食個靚飯! 畢竟都好耐好耐無見過面! 避開食晏的繁忙時間, 嘆個下午茶! 😌 Lucky 被安排坐窠窗邊, 暖暖的陽光照射但又唔曬, 開心! 🐄 巴東牛肉配班蘭椰醬飯 $56 ~ 原價$60, 而家做緊推介, 抵! 我真係好喜愛食巴東牛肉, 因為繁複, 所以出街食就最好! 牛肉妏得超腍, 好入味! 味道香濃, 唔算太辣, 又唔會太多醬太濕, 朋友話幾正宗! 配上綠色的椰醬飯及江魚仔、花生等, 夠晒香口惹味! 🦐檳城蝦麵 $66 ~ 有蝦、豆腐卜、糖心蛋、魚片、豬肉片...等等, 油麵拼米粉的, 夠正宗! 滿滿的蝦味湯底, 不錯! 🐷參峇醬燒豬頸肉 $78 ~ 份量多, 燒得香脆, 入口唔油, 特別欣賞個醬料, 增添更佳風味! 🍲參峇醬怡寶芽菜 $32 ~ 份量不少, 芽菜好爽脆, 夾上辣辣的參峇醬, 好滿足! 🥪斑蘭咖央多士 $28 ~ 多士香脆, 咖央唔會太重手, 所以唔算太甜, 夾上冰凍牛油, 好邪惡, but I like it! 🍊凍香茅鮮橙茶 (跟餐) & 桔仔話梅冰 (跟餐) ~ 首先...靚! 其次, 唔太甜又夠清新解渴! 夏天來臨了! 繼續閱讀
(以上食評乃用戶個人意見 , 並不代表OpenRice之觀點。)
好鍾意呢間新加坡餐廳服務好,坐得舒服食物好正宗,唔會太咸,價錢比好多新加坡餐廳抵今次去係下午茶時間叫咗新加坡喇沙米線$62好大碗有通菜、魚片、魚條、魚蛋、洋蔥、蝦、豆卜米線好滑,好飽肚喇沙好香椰醬味,下午茶都幾大碗我聽到隔籬枱話怕喇沙會辣,我就覺得一啲都唔辣。屋企人就叫咗老街咖喱麵$62屋企人話呢個辣過喇沙,勁好食,不過食得辣先好叫😁入面有豆角、魷魚🦑、蝦、肉絲、豆卜好快就送到,廚房好快手野飲屋企人叫咗跟餐凍白咖啡我就叫咗個美祿哥斯拉 跟餐加$12我好鍾意呀 好香濃 上面仲有啲美祿波波 好得意再叫左個串燒拼盤(雞&蝦)$68跟餐叫多個椰青濕濕口+$22正 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-16
0 瀏覽
咖吔 (屯門)屯門屯隆街1號錦薈坊3樓301-306號舖疫情冇得周圍,去想食咖吔多,就一定要去咖吔,咁先夠晒正宗。斑蘭咖吔多士$28牛油🧈滑流流,融化好滋味🫠咖吔甜絲絲,最岩愛好甜食者,多士鬆脆,口感豐富。新加坡鹹蛋黃雞翼$68必食‼️‼️鹹蛋黃味濃香,雞翼外脆內嫩,食到停唔到口。串燒拼盤(雞肉大蝦🍤)$88三串大蝦三串雞肉,炭燒夠香,啖啖肉,正到飛起。炒椰菜苗 $78馬拉盞口味,別具東南亞風味,菜苗鮮甜,足料大碟,清吓腸胃都啱嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-08
36 瀏覽
想念星馬了在星馬必食一定走唔甩係叻沙同埋咖央多士,我又點會錯過呢新加坡喇沙摻摻 $62見到佢賣相係幾出色,而且都幾足料,但係食落去味道唔會話好似平時嗰啲垃圾咁嘅味,味道都算清淡地道老鼠粉 $62未食過老鼠粉嘅我就覺得應該要試吓,佢唔算油膩比較乾身,上面仲有啲魚仔同埋花生,加埋一齊食都夾到馬來蔥油餅配咖喱 $52最愛薄餅嘅我點樣唔食,咖喱加薄餅永遠都係夾嘅組合咖央多士 $28一份兩件,所以叫咗兩份滿滿嘅牛油同埋咖央,都係點解我次次去新加坡或者馬來西亞餐廳一定要食嘅嘢熱桔仔話梅水估唔到佢幾好飲,潤喉嚨一流熱白咖啡店員推介走糖,估唔到走糖之後都唔會苦海鹽雪糕椰汁珍多冰 +12好精神,因為有我最愛嘅海鹽雪糕,配落椰汁到,大愛椰青+$22椰青又係東南亞地方必飲嘅嘢,夏天飲爽佢嘅環境同埋服務都幾唔錯,事關我有個好唔細心嘅朋友,佢件衫三番四次就來比啲食物揩到,然後店員勁心思細密同佢講咗幾次👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)