焼肉而今 by 富小路やま岸

由懷石料理名店富小路經營嘅燒肉店🥰 lunch set 性價比好高，竟然係香港食到日本嘅味道😭 餐廳裝修幾舒服，門口仲有一個大牛肉櫃，幾有氣派😂🐮 燒肉方面叫左極上A5黑毛和牛燒肉盛盒定食 ($480) 同埋A5 黑毛和牛赤身盛盒燒肉定食($320)，全部牛肉嘅雪花都好靚😍 唔同部位嘅牛真係食得出唔同味道同質感，個人幾鍾意佢嘅赤身，食落毛咁油膩，牛味濃郁，食落口個下真係覺得自己係日本食緊飛驒牛🤭 值得一讚係佢份量真係好多，仲要全部都好好食💯 除左燒肉之外，今次仲試左A5 黑毛和牛壽喜燒定食($290)，佢嘅醬油湯底真係好正，鹹味同甜味balance 得好好！牛肉點蛋漿口感更加鮮嫩，中和醬油嘅味道，食極都唔膩🤩裡面仲有好多蔬菜同埋豆腐，非常足料👍🏻所有定食都包埋沙律、飯、蒸蛋、湯、甜品，真係大滿足，食得好飽🙈整體黎講，食物質素好好，午餐性價比高，staff 服務都唔錯，不停主動添茶，值得一試💯