焼肉而今 by 富小路やま岸

營業中

休息中

如果是牛馬，可以來吃。把這裡當飯堂只為填飽肚子。如果是來享受美美的晚餐，我勸你揀個第二間餐廳。19:01在被帶入位時，就被告知20點前要交台。從來沒吃過那麼離譜的餐廳，一般都是說75分鐘交台，這個直接是幾點前，請問是有那麼嚴苛的標準嗎？隔離台那個講普通話的人從我們進去前就在用餐，一直到我們離開都還在餐廳坐著。是區別對待每位顧客是吧？20:02準時過來催埋單，只是在吃甜品前去上了個廁所，回來剛坐下還沒開始吃甜品，就被要求埋單，剛買完單是20:03:32，然後開始食甜品，過了2分鐘（20:05）服務員過來催交台。嘴臉不要太難看！顧客在用餐期間去廁所的時間都是擠出來的，你們不要太過分！本身order嘅就係set套餐，很多道，食用完立即又上下一道菜，牛馬都冇食得咁窘迫。只不過是在食完最後一道菜後（甜品上之前去了個5分鐘嘅廁所）回來就立刻讓埋單，然後埋完單2分鐘後就被要求交台。換言之顧客要在2分鐘內食完甜品，你們自己聽聽合理咩？

短說：事隔唔夠一年，呢間餐廳嘅服務水準竟然由昔日嘅高質，直落無水花，變到同茶記不相伯仲。而依家嘅質素根本配唔上呢個價位，出面有更多更好既選擇。未嚟過嘅人：不建議。再想嚟嘅人：做好心理準備價錢與服務水平不相稱。TLDR;In less than a year, the service level at this restaurant has shockingly dropped from its former high standard to one that barely beats that of a local no-service diner. The current quality simply does not justify its price range, you don’t get what you pay for in here and there are plenty of far better alternatives out there.For newcomers: avoid this place.For those thinking of returning

生日當然要食好啲，我地揀左最貴既餐，有專人幫我地燒肉，餐廳有準備圍身，著白色衫都唔怕整污糟👍🏻套餐有10道菜，食哂都真係幾飽🤩牛肉選用日山和牛，口感果然一流有入口即溶既感覺，配菜有些酸汁或漬物可以解膩，配合得很好！服務都非常好🥰光頭哥哥幫我地細心介紹每道食物，又推薦我哋加埋啲咩配料去食👍🏻幫我地燒既肉都燒得岩岩好！仲每道菜都幫我地換碟，超級細心🫶🏻最後食甜品時更耐心幫我地影相，體驗很好！下次一定會再返嚟食😊

📍焼肉而今 by 富小路やま岸, 尖沙咀📍〰️〰️〰️〰️〰️𝗬𝗔𝗠𝗔𝗚𝗜𝗦𝗛𝗜 𝘀𝘁𝘆𝗹𝗲 𝗨𝗻𝗶𝗸𝘂 𝗗𝗼𝗴 而今海膽A5黑毛和牛熱狗🌭️ ($𝟮𝟵𝟬)紫菜上面夾住飯, 海膽, 同即刻係你面前燒既牛🥰本身仲有塊紫蘇葉不過我唔食所以拎走左～幾樣野加埋一齊就係好味 但如果有多d海膽就好了._.𝗦𝘂𝗽𝗿𝗲𝗺𝗲 𝗔𝟱 𝗪𝗮𝗴𝘆𝘂 𝗕𝗲𝗲𝗳 𝗬𝗮𝗸𝗶𝗻𝗶𝗸𝘂 𝗣𝗹𝗮𝘁𝘁𝗲𝗿 𝗦𝗲𝘁 極上A5黑毛和牛燒肉盛合定食🐄 ($𝟰𝟴𝟬)𝗣𝗿𝗲𝗺𝗶𝘂𝗺 𝗔𝟱 𝗪𝗮𝗴𝘆𝘂 𝗦𝘁𝗲𝗮𝗸 𝗬𝗮𝗸𝗶𝗻𝗶𝗸𝘂 𝗦𝗲𝘁 A5黑毛和牛牛扒燒肉定食🥩 ($𝟱𝟱𝟱)唔同部位既牛食落有唔同味同質感😆 但我個人最鍾意係薄燒～牛味重得黎又有入口即溶既感覺😝〰〰️〰️〰️〰️💖8.4/10 🏠尖沙咀梳士巴利道18號Victoria Dockside K11 Musea6樓603號舖

野食同價格都可以接受  服務態度差  特別係前面個位姐姐 一副睇唔起人嘅樣 打電話黎催 把聲好似我爭佢幾百萬咁 完全理解唔到。 單點唔係好貴 味道都其實中等以上，但係食飯有時講嘅係feel，呢間真係冇。

First， 食物ok， 牛有質素， 但係個和牛趴個服務員定經理燒到Welldone， 唔講以為食緊叉燒。 Second， 因為要招呼客人距地會force 客人 2000/ head 先可以食兩round 去meet min.charge， 唔緊要我地已經叫左個最貴個和牛趴， 但係準備埋單仲話我地唔夠想我地開多支酒， excuse me 已經食完飯傾完計， 迫我飲酒做咩？ 我本身開個支就已經末飲曬。 之後死死地氣先比我埋單。 Third， 我講廣東話， 幾個waitress 一黎就同我講普通話？ ？？ 之後中間有幾次都係keep 住講普通話？？？ 976/ head 可以係k11 musea 食其他野有更好服務態度。 附上收據費時話老作。真係無下次

今日朋友生日選擇在這裏午餐，在網上OpenRice訂位，還可以拿九折，那就決定在這裏用餐慶祝生日，我們拿了一個小蛋糕去，用餐完切蛋糕的時候，她告知我每位要收$50切餅費，我們一共八位單頻切餅費都已經$400，我們的蛋糕還不夠一磅，跟住跟服務員說可以優惠點嗎？其實$100-$200我覺得可以合理接受，但服務員解釋是以每個人計算$50，還告知我已經OpenRice訂位可以拿九折已經優惠了你們！真要跟他說，多謝晒

其實之前我都一年去兩次左右，我今日book 18:00,朋友18:10到達開始點單，點了原價$1480 x 2 現在特價 $1280 x 2 套餐，嘩！！上菜速度前所未有，已經叫咗唔好上咁快19:40已經上晒，19:45冇叫埋單的情形之下帶張單叫我埋單，大佬成$26xx 餐飯唔洗吹人走呀,全場一半人客都冇，又唔係滿坐，真係唔會有下次，我臨走直程同伙記講，你哋好趕時間啊。

男友話要帶貓奴食燒肉🤩 果然值得一試😍🔸極上A5黑毛和牛燒肉定食 $488四款唔同部位嘅A5和牛，油花咁靚又平均嘅外觀已經好吸引🤩🔸醬汁薄燒A5黑毛和牛燒肉定食 $338男友喜歡薄燒偏向油份無咁重嘅選擇，食返和牛本質同醬汁嘅味道，相對無咁油膩。🔸牛舌 $90貓奴食燒肉必追加厚切牛舌😛 外層燒至微焦，入面依然軟嫩有彈性🥹跟餐有茶碗蒸、沙律、前菜、湯同白飯。燒緊嘅時候香噴噴，但油煙唔大，食完都唔會成身燒肉味👍🏻貓奴個人喜歡西冷同羽下位置，和牛西冷肉味較濃，羽下則油脂較濃郁，款款各有特色😚薄燒配蛋汁食好滑溜😋跟餐有幾片菇同南瓜🎃甜品有蕨餅💚環境闊落幾舒服，只係窗邊位置太陽曬住，燒嘅時候愈食愈熱😅不過食完離開都冇油煙味，呢個值得讚👍🏻🐾貓奴足跡🐾🌐 焼肉而今 by 富小路やま岸 (尖沙咀)📍尖沙咀梳士巴利道18號維港文化匯K11 Musea 6樓603號舖

「而今」意為不受過去與未來束縛，全力活在當下燒肉而今係京都米芝蓮一星懷石料理「富小路岸」的燒肉品牌，午餐有燒肉定食，人均都係$400左右，比係晚餐過千蚊我覺得好抵食座位好闊落，中間有竹簾隔開，而且基本上全窗邊位置，好開揚，最緊要係食完冇油煙味！冇油煙味！冇油煙味！每一份定食包括泡菜粟米、煮牛肉、芝麻醬沙律、湯、茶碗蒸等。茶碗蒸，湯，甜品燒肉盤就包兩片南瓜同兩件菇⭐️極上A5黑毛和牛 ⭐️A5黑毛和牛赤身@yakiniku_jikon

和牛入口即溶，好有日本和牛嘅感覺，日本嘅風味，仲有專人幫我去烹調，細心講解。環境裝修得非常之日本風格，打卡都係一個唔錯嘅選擇，地點非常方便，喺地鐵站上蓋，餐廳衛生整潔，服務態度都好好。仲有店員親自為我服務，專人燒烤我叫左個和牛套餐，有專人幫我烹調，食咗唔同牛嘅部位，仲有生牛肉，配合唔同嘅醬汁嚟食，我覺得好好味，一試難忘，牛肉好新鮮，嫩滑，與眾不同，再加上黑松露嘅配搭，另有一番嘅味道。用料真材實料，日本運到

焼肉而今 富小路やま岸 餐廳環境設計有缺陷，通風不足，唔知餐廳用咩爐種但係對食客都勁熱。從未見過咁熱嘅燒肉爐，大家都係要注意同希望餐廳要改善嘅⭐️ 極上A5黑毛和牛燒肉盛合定食 $488這款定食簡直是饕餮盛宴，包含了四款頂級A5黑毛和牛，每一款都各有特色。特上牛小排肉質細膩，入口即化，油香四溢；牛柳則嫩滑多汁，肉味濃郁；肩胛部分帶有豐富的脂肪，入口有驚喜的嫩度和香味；西冷肉質緊實，烤後散發著誘人的香氣。每一口都讓人感受到黑毛和牛的極致美味⭐️ A5黑毛和牛壽喜燒定食 $298這款壽喜燒定食同樣用料講究，選用了A5黑毛和牛，肉質超卓。和牛片薄而均勻，放入壽喜燒鍋中稍微燙熟，吸收了壽喜燒醬汁的甜美和鮮香，肉質更加嫩滑。配上新鮮的蔬菜和傳統的壽喜燒配料，整體口感豐富且層次分明。這個定食不僅價格實惠，還能充分體驗到A5黑毛和牛的優質口感

Came to Yakiniku Jikon after an event in K11 Musea! The restaurant is tucked away in a quiet corner of 6th floor! The decor of the restaurant has a very nature wooden aesthetic with partition in between. We were greeted by very friendly staff at the front, got seated and were offered tea and water on the spot. (But there was one particular staff that was very blunt.)We ordered two limited sets with appetiser, soup, beef tartar, A5 wagyu, the famous beef dog, rice/noodle/soup and finished with de

星期五喺k11 musea搵野食，都好彩有位，加上好耐冇食過燒肉有啲期待😋入到餐廳都差唔多八九成滿座率，座位都算寬敞舒服，不過坐得較入嘅位置應該有班內地人飲多咗比較開心嘈咗少少，令人出面位置都聽到🤪叫咗兩個套餐，前菜和牛刺身超好食🌟🌟🌟，煙燻A5黑毛和牛配魚子醬，煙燻過好有儀式感喺你面前打開，拍片打卡一流，再加咗一小勺魚子醬（但我發現比朋友嗰個啖魚子醬係多啲🫥🫥）燒肉部份，而今特選A5黑毛和牛分咗三款鹽燒同五款汁燒，每件唔同部位唔同口感，油花同肉汁都好豐富👍🏼👍🏼👍🏼中間有個冰菜蟹肉沙律過場，好爽口好清新亦可以解膩。仲有兩道和牛就係會有職員幫你處理燒埋，一個就係A5黑毛和牛薄片壽喜燒加蘭王蛋，唔使多形容都知好好食❤️❤️❤️；另一個就係而今A5黑毛和牛熱狗，用紫菜夾住手手飯再加少少青瓜生菜，配搭和牛嘅肉汁提升到另一個層次。最後湯/素面/甜品都幾好食，不過真係太飽食唔曬，但個開心果雪糕值得一提，加上少少Wasabi竟然帶出個清新口感😗服務就正正常常，啲侍應都比較年輕，同埋可能比較忙，缺少咗啲親切感～

食日本燒肉最緊要有Beef Master即席烤肉，將牛肉以最完美嘅烤法呈現。今次來到餐廳品嚐「而今大師烤肉套餐」，由女將為我地烤煮每款菜式，成個體驗好到我要俾100分！前菜煙燻A5黑毛和牛粒配魚子醬和牛帶有煙燻櫻花木香氣，再配上咸香魚子醬同埋柚子醬醋，係好清新嘅開胃前菜！主菜A5黒毛和牛他他配A5黒毛和牛壽司將牛肉他他加入日本蛋黃攪拌，味道香濃，鋪上烤至香脆嘅牛油多士，口感更加豐富。而和牛壽司輕輕火灸過，油香更出👍🏻而今特選鹽焼A5黒毛和牛（3切）三款肉當中，最愛厚切牛舌，既爽口又Juicy，印象好深刻！而今特選醬燒A5黑毛和牛1切配海膽A5黑毛和牛熱狗最令人期待嘅海膽熱狗😍用紫蘇葉同紫菜，包住黑毛和牛及一整排鮮美海膽🥰真係極致嘅享受！鮮甜冰凍嘅海膽配上剛烤到熱辣辣嘅和牛，冷熱交融嘅口感，相當正！而今特選醬燒夏多布里昂（1场）及A5黑毛和牛西冷配柚子醋女將將珍貴嘅Chateaubriand部位烤煮得好完美，肉質極軟腍，油香同肉味都好balance，實在係太美味！和牛西冷卷起呈上，燒至半熟狀態，同樣好好味。而今特選A5黑毛和牛壽喜燒配松露和牛壽喜燒，沾上蛋黃醬油，再用原粒松露刨上滿滿嘅松