更多
2017-11-14
5084 瀏覽
今日去左八幡屋涮涮鍋打邊爐，除左有任食火鍋外，仲有放題食，同海鮮層塔，一次過滿足三個願望。一入到去就點野食，仲有得自助任夾野食、拎飲品同甜品。開頭見到甜品好吸引，又泡芙、布甸、啫喱，本來打算食完飯先夾，點知食完已經無哂咁濟，好彩仲有雪糕，仲要有自製雪糕品同沙冰！唔知佢地係咪知道我地肚餓，等個煲滾既期間，就上壽司比我地食住等。我地仲嗌左兩層海鮮塔，初初掛住食d海鮮，點知原來最底個湯底先係精華，d蠔、蜆、青口、蟶子、帶子既汁滴哂落湯底，最尾煲到非常濃郁，再淥埋個烏冬，索哂d汁！仲要食完成餐飯都唔覺得好頸渴。d火鍋配料，都幾有心機，d菜都大大塊又新鮮，d丸都好特別，有幾款係街都未見過。自助吧個位d配料一比人清空左，d姐姐會即刻添加，等我地唔洗失望而回。壽司都有好多選擇，仲有佢自家製既特色壽司。手卷細細舊，等你留肚。刺身都夠厚，賣相都唔錯，亦都乾淨衞生。至於燒物，燒肉燒雞翼都好入味，燒蕃薯夠哂甜，燒菠蘿面頭仲有層糖添。服務員d態度都唔錯，經過都會幫我地加湯收碟，會問我地有無漏單等等。
一入到去就點野食，仲有得自助任夾野食、拎飲品同甜品。開頭見到甜品好吸引，又泡芙、布甸、啫喱，本來打算食完飯先夾，點知食完已經無哂咁濟，好彩仲有雪糕，仲要有自製雪糕品同沙冰！
唔知佢地係咪知道我地肚餓，等個煲滾既期間，就上壽司比我地食住等。我地仲嗌左兩層海鮮塔，
初初掛住食d海鮮，點知原來最底個湯底先係精華，d蠔、蜆、青口、蟶子、帶子既汁滴哂落湯底，最尾煲到非常濃郁，再淥埋個烏冬，索哂d汁！仲要食完成餐飯都唔覺得好頸渴。
d火鍋配料，都幾有心機，d菜都大大塊又新鮮，d丸都好特別，有幾款係街都未見過。自助吧個位d配料一比人清空左，d姐姐會即刻添加，等我地唔洗失望而回。
壽司都有好多選擇，仲有佢自家製既特色壽司。
手卷細細舊，等你留肚。刺身都夠厚，賣相都唔錯，亦都乾淨衞生。
至於燒物，燒肉燒雞翼都好入味，燒蕃薯夠哂甜，燒菠蘿面頭仲有層糖添。
服務員d態度都唔錯，經過都會幫我地加湯收碟，會問我地有無漏單等等。
張貼
