421
16
33
港鐵旺角站 E2 出口, 步行約2分鐘 繼續閱讀
所有分店 (2)
電話號碼
21519918
營業時間
今日營業
12:00 - 00:00
星期一至日
12:00 - 00:00
付款方式
Visa Master 現金 銀聯 支付寶
座位數目
210
其他資料
網上訂座
Wi-Fi
自帶酒水 詳細介紹
切餅費 詳細介紹
外賣服務
加一服務費
當面支付
有關獎賞計劃
食評 (515)
💁🏻‍♀是咁的,草根媽媽話想食放題加打邊爐喎。咁作為2個窩心女兒👩🏻👧🏻,一定要滿足媽媽👩🏻‍🦱嘅願望啦~~就上網搵咗間又有放題又有得打邊爐嘅餐廳🙌🏻。🤩一次過滿足佢2個願望✨!🍴特選進口牛肉 ($238)📑餐牌種類多,想食刺身🍣又得,壽司🍣又得,打邊爐都得🥘🔥。用手機📱App落單方便快捷👍🏻。壽司🍣同一般放題店一樣,每件份量都唔大件,飯量較少,咁大家就可以試多幾款👍🏻。壽司🍣質素都Okay👌🏻。特別係🥢火炙左口魚裙邊壽司⭐,魚肉經火炙後入口即融😍。刺身🐟還算新鮮🌊,肉質爽口彈牙。🥢三文魚肉夠油潤。另外,🥢海膽手卷同🥢帆立貝手卷發揮正常👏🏻,不過不失。最好食嘅🥢燒物係汁燒雞肉串🐥🍢,燒汁帶甜,而且雞肉非常入味。反而,🥢汁燒帶子貝太乾😭,不鮮不甜不多汁😐。另一重點🍲打邊爐,配料可以透過手機或人手落單💡之餘,仲有個自助吧無限拎😳。整體上,打邊爐配料正常,海鮮還不錯。甜品🍮份量全部都係一囗Size,蛋糕🍰選擇唔多,但味道還不錯。朱古力慕絲蛋糕賣相精緻🤩。雪糕大部分都係雀巢杯裝雪糕🍦,唔夠特色,不過可以瘋狂食幾十杯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-16
1803 瀏覽
同事今日幫左我好大忙,我請她食返餐以表謝意,知她喜歡食火鍋和日本菜,我特別請她去旺角八幡屋涮涮鍋。因為我之前食過吾錯,八幡屋地方夠大又整潔,並設有自助區,有多款飲品、雪糕雪條、火鍋配料有丸類、孤菌類、蔬菜類。其他火鍋配料和日本食物,要用手機掃描個二维碼,就可以用手機落單,方便快捷又可環保。多款湯底中,我們選了沖繩海鮮清湯連兩層海鮮塔,海鮮塔分二層,有蝦、扇貝、生蠔、青口、蜆等,蒸熟後,就可以品嚐海鮮,原汁原味好鮮味,之後加湯食火鍋。刺身新鮮,我最喜歡的有三文魚、甜蝦、赤貝、希靈魚、馬刀貝、鮑魚片、虎蝦刺身,尤其是三文魚是厚切,有口感又鮮味。甜蝦大隻好鮮甜。火炙胡麻三文魚:經過火炙的三文魚,油脂突出,加上胡麻醬更美味。火炙蒲燒鰻魚壽司:鳗魚加上燒汁好惹味!炸蝦天婦羅:即叫即炸,外層酥脆,蝦肉彈牙。鹽燒大虎蝦:虎蝦好大隻,有少許鹽提升了蝦的鮮甜味。烤菠蘿:菠蘿經過燒烤更香甜。火鍋配料款式多又新鮮,一次根本食吾晒,我只試了其中的美國黑豚片、午餐肉、魚皮餃、豬皮、豬紅、豆腐件、蟶子、海蝦、豆卜等。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-31
2231 瀏覽
涮涮鍋其實到處都係,要選一間價錢合理食物質數又OK既又真係唔易,平時自己係屋企打邊爐買料都要幾百蚊,加上重要洗野執野,倒不如出去食餐好既,今次呢間八幡屋我就覺得幾抵食又多選擇啦!剩係睇菜單都知多選擇,不過多未必一定有質數,等我逐樣試下先!刺身方面都幾新鮮,唔會有雪藏味,而且完全解凍。壽司細細件,主菜又多飯,又可以試多幾款口味,唔錯。呢款叫肉山升降鍋,見到大大坐用肉堆成既山,真係無改錯名,旁邊已經放滿左好多海鮮同配菜,剩係呢個鍋都已經幾飽。呢舊應該係女性最喜歡的膠原,煮熱後會溶左係湯中,更加香濃。食完坐肉山後就可以當作2個湯底咁打邊爐。肥牛方面正常常,半肥瘦,喜歡既亦可以升級食好D既牛。步隊鍋既材料我都集齊啦!可以自成一鍋。炸物方面剩油唔多,炸得香脆,可以一試!燒物就值得讚啦!睇賣相都知幾香口,最最最喜歡就係呢款雞泡魚乾,唔係度度有得食架,每位入座可以自選一款,係下酒既好伙伴。最後我就以和果子結尾,每個造型都好可愛呀!場內重有其他甜品,如者喱、蛋糕、水果等等選擇。以$270連加一既價錢來講都算係抵食!場內係有啤酒提供的,可以同三五知道暢飲! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-29
1649 瀏覽
老實講,而家去旅行都唔興買手信番來,感覺香港乜都有得買,不過今次幫朋友買左少少野,所以就襯仲新鮮相約交收。晚飯就揀左呢間火鍋放題,印象中我來過,都覺得ok,所以先再來。星期日晚都未到晚飯時間,我地就入座,當時得三枱客,期後去到六、七點就開始多人。座位都夠闊落,我地坐得好近自助區,方便拎野食。呢度嘅火鍋價錢唔貴,仲有唔少升級選擇,適隨尊便。我地食特級美國肥牛套餐,包左刺身、壽司、炸物等日式食物,幾豐富,食得飽。同上次唔同,今次落單係要下載手機程式,可以方便左嘅。想要D乜自己點,又唔怕入錯單,上菜數目準確。每次點菜要隔分零兩分鐘,合理時間。湯底揀左唔洗加錢嘅辛辣泡菜鍋,鍋底可以接受,都係預期中唔會好重泡菜味,比較淡,亦都唔係好辣,起碼冇愈食愈鹹或者令人口渴。刺身:隨便點左幾款,唔係日本野放題果種浮誇嘅擺盤,都幾新鮮,點左三文魚、赤貝、八爪魚等,冰底上。壽司:壽司一口份量,唔會太大舊,我主要點D火炙、花之戀,飯粒就硬左少少,但魚生質素ok。火鍋配料方面我地左左三碟牛,頭兩碟質素都唔錯,唔會太薄,入口仲嫩亦都唔鞋口。不過最尾果碟個賣相就爭D,有少少黑。另外午餐肉、豆腐、芽菜、丸類、餃等都係正常火鍋水準。菜有油麥菜、白菜、生菜,我地都食左幾轉滑就普普通啦,都彈牙冇粉感,不過味較淡。仲點左雞翼同天婦羅飲品好多選擇,仲有雪糕同雪條~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-18
2104 瀏覽
很久無落旺角食飯了,平時揸車跟本就無咩機會泊車坐定定食晚餐,今日無揸車當然行下街睇下波鞋食餐好啦。經過瓊華中心見有樓上食店當然醫肚先啦。我們選擇了一間叫八幡屋涮涮鍋日式任食放題餐廳因為最愛吃火鍋了。餐廳設在12樓全層,我們以為6點半呢段時間應該唔太多人,但上到去時已經開始有人幾個人排隊了,快快脆脆攞位先。坐低了先揀火鍋湯底,淨湯底已有8種選擇熟食•刺生•壽司及火鍋食材更有11張紙選擇,對於我地有選擇困難症嘅人嚟講揀湯底同食物都諗了15分鐘,哈哈。。。最後選擇昆布鍋加地獄湯底辣辣的更有食慾。先點了些熟食刺生做前菜打打底,刺生都夠生鮮食落唔會有怪味,手卷請最好上枱後盡快食用,這樣的話紫菜就不會變得軟身了。不過因為最近胃子都常經不適所以都不敢吃太多,刺身方面都吃了一點點罷了! 今次反而主攻熟食,我特別欣賞熟食的燒蝦同炸物。燒蝦咸香度適中,燒得香香的蝦殼十香可口,肉質口感都不錯,最後encore了好幾回到了火鍋時間了! 先勻一勻醬配料我們主要叫了海鮮拼盤•肥牛•豬肉還有菜菜子,菜菜子是我最受吃的,因為湯底夠味,蔬菜吸收了沙汁食落更加好味肥牛 & 豬肉味道不算太有驚喜,說到是任食放題當然沒有太高水準,但有了湯底配合下整體還算不錯。肉類切得比較薄身,喜歡吃肉的不妨多叫數碟海鮮拼盤沒有賣相的,就是一堆堆放在碟上。肉 & 海鮮兩者比較下個人比較喜受後者,兩小口在家吃火鍋很少會買到蠔,所以今次見到都不由自主的點了數件,蠔香當然不夠新鮮大筒蠔相比,煮熟後也變少了。吃下蠔香味也不錯除了蠔之外,少有地點了東風螺做火鍋食材,東風螺頗大隻的,嘗到有鮮甜味,多叫幾份就已經回本了!地獄湯底香濃我令我們胃口大增飽飽的抱腹回家。 繼續閱讀
(以上食評乃用戶個人意見 , 並不代表OpenRice之觀點。)