741
27
55
港鐵旺角站 E2 出口, 步行約2分鐘 繼續閱讀
所有分店 (1)
電話號碼
21519918
營業時間
今日營業
12:00 - 00:00
星期一至日
12:00 - 00:00
付款方式
Visa Master AlipayHK 支付寶 現金 銀聯
座位數目
210
其他資料
網上訂座
Wi-Fi
自帶酒水 詳細介紹
切餅費 詳細介紹
外賣服務
加一服務費
當面支付
有關獎賞計劃
食評 (894)
等級4 2020-12-11
991 瀏覽
位於旺角彌敦道628號瓊華中心12樓的八幡屋涮涮鍋 (Yahataya Shabu Shabu),主打日式放題。。今次和朋友點了三小時和牛刺身火鍋海鮮之盛宴,$368 一個人,買一送一。入座前,會先選定湯底,選了骨膠原豬骨湯 (Pork Bone Soup)。入座後,在等候湯底來到時,可以先去自助吧拿取食物。自助吧有壽司,也有蔬菜供火鍋之用,約有十多款蔬菜,全部都切成了小件。壽司略為乾身了一點點。飯品吧約有十多款飲品,除了汽水,還有一些較為清熱的飲品,以及一些罐裝茶飲。侍應送上了一客刺身拼盤、M5和牛一客及海鮮拼盤一客,每桌入座客人都會送以上三款食品。不夠吃的,可以用手機掃QR Code繼續加單。M5和牛的肉質滑溜,不會過韌,肉味頗濃厚。湯底滾起後,將和牛擺在湯底內烚大約二十至三十秒。個人喜愛,和牛片剛剛轉色便撈起。其他任點肉類:澳洲m5和牛、牛肩胛、美國進口牛肉、黑豚肉、豚腩片刺身質感爽口,口感冰凍。筆者相當愛吃刺身,所以也追加了一份。個人最愛吃赤蝦,味道鮮甜爽口。其他任點刺身:珍寶帶子、赤蝦、鮑片、呑拿魚、希靈魚、榮螺、馬刀貝、赤貝、劍魚腩、三文魚、甜蝦、八爪魚、鯛魚海鮮拼盤上桌了,一共有六款海鮮。除了半殻扇貝和鮑魚,其他海鮮也是任點任食的。個人最愛吃扇貝,肉質鮮甜。其他任點海鮮:海蝦、廣島蠔、帆立貝、墨魚滑、象拔蚌、海蜆、蟶子、日本魷魚、東風螺天婦羅和炸物也是任食的,即點即炸,新鮮熱辣。筆者和朋友點了粟米芯天婦羅、章魚小丸子、炸香芋丸、燒日本蕃薯仔、焦糖燒菠蘿。炸物脆卜卜,夠新鮮,可以一件件地叫,多試不同口味。自助吧也有一些甜品可以拿取。最後兩個人埋單,連加一共$442,每人大約二百幾蚊,幾抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-04
367 瀏覽
當日坐底左無耐 第一round既海鮮拼盤品刺身拼盤就自動送上 因為係預先訂位 所以有鮑魚送 食材用料都算新鮮 比一般放題質素高 我地之後都有用QR code再加單除左可以用QR code簡單快捷咁落單之外 我地仲可以行岀去自助bar慢慢揀野食 不過就記得要戴口罩😷蔬菜區有四款菜.幾款茹類 仲有南瓜同粟米等等隔離仲有打邊爐必備嘅響鈴同炸魚皮 好脆好正海鮮區就有新鮮嘅青口.東風螺同海蜆 男朋友就最鍾意食東風螺 每次出去拎嘢食佢都會拎幾隻返嚟丸類都有好多選擇 根本就試唔晒想即食既就可去壽司區 推薦火炙三文魚同花之戀甜品都有8款 作為甜品控既我梗係全部都試晒 隻隻都唔差 但係冰卷食落似冰皮月餅 我就麻麻地飲品又係有超多選擇 除左汽水 茶飲 啤酒 連台灣既黑松芭樂汁都有湯底方面我地就揀左要另外加錢既沙嗲湯同蕃茄龍蝦湯 個龍蝦湯竟然都有半隻龍蝦 真係幾驚喜 而且好岩淥海鮮黎食 不得不提既係用QR code可以order廣島蠔 好鮮甜 真係唔可以錯過澳洲m5和牛就切得比較薄 不過口感都唔錯既原來仲有燒物同雪糕都係任食既 呢個經WhatsApp訂枱既買一送一任食和牛海鮮火鍋放題刺身真係好抵啊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-29
572 瀏覽
朋友又有好介紹呀!話這間「八幡屋」而家經WhatsApp 訂枱有買一送一優惠,係19:00前離座或21:00後入座。任飲任食3小時任食和牛火鍋放題任食海蝦、帆立貝、廣島蠔等9款海鮮任食新鮮帶子、赤海蝦、劍魚腩等12款刺身太正啦!即刻約時間去食先。海鮮盆~飽魚、海蝦、帶子、青口和大蜆等。鮑魚大隻好鮮甜,大蝦夠爽口,每款海鮮都很新鮮,所以淥兩三分鐘就可以食,又可以任食真的回本之選。剌身拼盆~三文魚、赤海蝦、帶子、爃螺等。赤海蝦非常新鮮,很大隻味道超鮮,帶子很厚身鮮甜,三文魚很肥美。M5澳洲和牛、牛肩胛、美國黑豚肉非常鮮嫩,油脂分布平均入口即溶又有牛味。骨膠原豬骨湯底,奶白色湯底味香濃配海鮮肉類一樣好夾。再叫多轉海鮮,海蝦夠大隻帶子、蜆好鮮甜。丸類餃類自助形式,鍾意食邊款任君選擇。另外點了蝦天婦羅,熱辣辣非常鬆脆。八爪魚小丸子,同樣出色。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-09
1182 瀏覽
之前喺facebook睇倒八幡屋嘅廣告,只要經whatsapp訂座,就可以有任食和牛海鮮火鍋•刺身放題買一送一優惠,即係人均二百蚊倒有得打邊爐同放題,都幾抵食,優惠一至日同紅日都用得,但就一定要7點前離座或者9點後入座,反正有年假要清,就約埋朋友黎食個中午放題。八幡屋除左哩個和牛海鮮火鍋刺身放題套餐,佢仲有唔同價位嘅放題套餐,最平$68就有交易,所以即使係平日中午,都坐滿左差唔多一半,大部份都係放左學嘅學生哥同唔洗返工嘅食客。而哩度嘅海鮮火鍋放題有幾個唔同價位,分別在於肉類款式,我地點左最貴嘅澳州和牛餐,原價$388,經whatsapp訂枱有買一送一優惠,即係每位$194。湯底有八款揀,我地哩個番茄龍蝦海鮮湯雖然要另外每位加$20,但裡面有半隻龍蝦,真係好足料,番茄酸味突出之餘亦飲倒淡淡龍蝦味。火鍋醬料可以喺自助吧拎,旁邊仲有湯,要加湯亦可以自己拎。自助吧仲有火鍋料,包括丸類、蔬菜、麵同豆品,另外亦有壽司同甜品。至於其他火鍋肉類,好似肥牛豚肉,同埋海鮮刺身燒物同炸物哩啲就可以scan QR code落單。野飲方面雖然冇韓牌飲料,但就多左啲平時少見嘅台灣牌子,就算係本地牌子都見倒有啲特別野飲,好似橙味可樂同薑汁雙檸,都算有heart。食放題雪糕當然亦唔少得,雖然冇貴價牌子,但就有韓牌雪條同香港牌子雪糕Co Co Berry,口味仲幾特別,好似有沖繩海鹽、港式奶茶、牛奶糖同菠蘿椰子。趁湯底未滾,我地首先去拎野飲,揀左啲平時少見嘅款式。哩隻薑汁雙檸其實冇乜薑味,低糖版有啲似冇咁甜嘅檸水咁。刺身正常放題質素,有光澤得黎雪味亦唔重,其實我最鍾意赤蝦,比普通甜蝦大幾倍,蝦肉亦比較爽口。壽司係放喺自助吧,雖然所有食客要戴口罩先可以去自助吧拎野食,但都建議盡快拎左壽司先。壽司款式唔太多,但飯扼得都夠實,唔會一夾就散,細細舊過下口癮又唔會影響肚量。海鮮一坐低侍應會先送黎一round,唔夠喉可以再點。和牛同樣係一坐低侍應會先黎一份,之後可以再scan QR code落單。和牛雖然切得比較薄,但食落都幾滑。另外仲叫左美國肥牛、黑豚片同豬腩肉片,因為切得薄,所以淥幾秒就食得。唔同嘅丸每樣都拎左啲,雖然唔係手打,不過有啲款式都幾特別,好似有麻辣豬肉丸同黑松露丸咁,都真係食倒麻辣同黑松露味。蝦滑比想像中彈牙,不過留意數量1係大約乒乓波咁大嘅一人份量,如果鍾意食嘅可以叫多少少。蔬菜喺自助吧拎,食幾多夾幾多。梅酒係Scan QR code點嘅,甜甜地幾易入口,唔差得過出面居酒屋幾多。清酒點左數量1原來有一小枝,建議可以點一枝share,唔夠再叫。平時唔太好清酒嘅我就覺得唔算易入口,冇梅酒咁好飲。章魚丸送到黎仲係熱辣辣,加埋個章魚丸醬甜甜地都幾好食。燒物每款要左啲試下,特別鍾意個鹽燒虎蝦同汁燒雞肉串,前者唔會太細隻蝦肉亦結實,後者唔會太乾太鞋,甜甜地味道唔錯。幾飽都要食埋雪糕雪條,Co Co Berry嘅雪糕出名口味特別之餘味道亦做得似,哩三款口味各有特式,其中我最鍾意海鹽味,唔會太咸味道幾清新。雪條有三款,哩樣朱古力冷條入面有爆炸糖,都幾特別。總結,野食係正常放題質素,雖然唔係咩貴價食材,但睇得出款式有用心思揀過,丸類野飲同甜品都有好多少見款式。經whatsapp訂枱確係抵食,埋單每人二百幾已經有海鮮火鍋同刺身放題任飲任食,不過留意返加一係以原價計算。 繼續閱讀
(以上食評乃用戶個人意見 , 並不代表OpenRice之觀點。)
今晚小妹同朋友去左食日!式!邊!爐!放!題!😆😋 E間餐廳之前都食過而且覺得唔錯幾高CP值, 所以今次嚟翻兜🤭 而家仲做緊180分鐘M5和牛海鮮刺身放題任飲任食🙈, 岩哂小妹!! 我地一坐底就即刻啟動餓👻mode, 喪叫野食😆只需要用電話掃QR Code就可以即時落單! 電子餐牌入面除左有多款食物例如火鍋配料包括肉類🥩同海鮮🦐🦑🐚, 十幾款新鮮刺身🐟, 炸物🍤, 串燒🍢🍡, 仲有清酒梅酒🍶全部都係任飲任食! 想食得再盡興d亦設有收費項目😉, 值得一讚嘅係仲可以電子order加湯服務, 咁就唔洗驚舉極對手🙋🏻‍♂️🙋🏻‍♀️都無人show你🤣🤣!出面仲有十幾款丸類腸類, 蔬菜菇類🥬🍄嘅火鍋配料, 仲有飯🍚同碗仔翅, 手握壽司🍣, 沙律🥗等……當然唔少得甜品🍰🧁同雪糕🍦!飲品櫃亦有多款汽水同比較新嘅焦糖咖啡可樂, 朱古力咖啡可樂同橙味可樂🙈!我地揀左蕃茄龍蝦湯底🍅🦞🍲, 味道鮮甜濃郁, 龍蝦🦞仲大大隻肉質夠哂厚實😊! 刺身拼盤款色多而且幾多塊, 海鮮拼盤種類同樣多, 除左鮑魚同扇貝之外其他都可以無限追加! 鮮蝦🦐肉質彈牙, 鮑魚幾爽口, 大蜆鮮甜無沙! M5和牛紋理鮮明, 肉質幼嫩牛味濃! 牛肩胛肉亦係另一推介💁🏻‍♀️, 肉質結實有嚼勁! 熟食方面, 炸物🍤同串燒🍢都係即叫即燒即炸, 熱辣辣幾好味! 甜品方面有啫喱蛋糕布朗尼等等, 食到小妹非常滿足☺️! 總括而言, 餐廳環境幾大坐得幾舒服, 食物種類繁多, 上菜速度幾快, 亦無漏單情況出現, 價錢合理, CP值幾高, 極度推介!😋👍🏻 繼續閱讀
(以上食評乃用戶個人意見 , 並不代表OpenRice之觀點。)