壽司郎 (已結業)

今日襯自己放假，去試近期熱門新店壽司郎。當日約5pm到達，估唔到平日都咁多日等位，由於app上好多人試過攞唔到位，所以我決定親自去拎位，結果等了約40分鐘才可入座。😢餐廳有規定限時食60分鐘，若叫號超過30分鐘就會失效，要人齊才可以入座，非常嚴格的規定，但當你見到周圍排隊的人盛況，你會明白和體諒他們的規定。壽司種類唔算太多，各類型都有一些款式，價錢親民。由於價錢平，所以唔好有期望壽司上的刺身係厚切，有些甚至係超薄，但質量和味道唔錯，除了帆立貝有些“腥”外，其他味道都合格。以咁的價錢和質素，我覺得可以接受。但若果平日食飯時段要等超過一小時以上，卻只可以食一小時，我覺得唔值。題外話：每次食滿$80可以儲印花一個，每次只可以儲一個印花，儲夠一定數量印花可以換餐廳的特別公仔。