4
招聘中
應徵
$14,000-$15,000
月薪
應徵
$14,000-$15,000
月薪
應徵
$14,000-$15,000
月薪
應徵
$14,000-$15,000
月薪
234
38
7
港鐵佐敦站 B1 出口, 步行約3分鐘 繼續閱讀
所有分店 (8)
電話號碼
23887887
開飯介紹
來自日本的迴轉壽司店,CP值高,近百款傳統壽司及創作壽司。同時亦新增了香港限定壽司,以滿足香港人的口味。 繼續閱讀
營業時間
今日營業
11:00 - 23:00
星期一至日
11:00 - 23:00
*截單時間: 22:30
付款方式
Visa Master 現金 銀聯
座位數目
144
其他資料
支持防疫 詳細介紹
Wi-Fi
電話訂座 詳細介紹
外賣服務
加一服務費
食評 (344)
等級4 2020-09-13
13792 瀏覽
第2次食,都係用app來book,不過要等2個月2先食到。另外,walk-in排隊太耐,暫時未考慮。佐敦店用餐時間得60mins,比較趕的,但常客就夠時間,因為落單、點餐、送餐都幾快。今次2個人來食,瘋狂進食16碟,加2件甜品,好滿足。我地覺得比較好味好以下款:三文魚腩肥美,魚油豐富,口感嫩滑。長鰭吞拿魚反而平靚正蟹膏同芥末魷魚超濃郁,冇得輸,回味無窮,而且唔腥。三味蝦就最抵食,3款都好味,虎蝦爽甜,熟蝦鮮甜,甜蝦嫩甜。魷魚好好味好鮮嫩鰈魚反而幾好味又嫩,又唔腥甜品先最吸引,千層蛋糕好食到飛起,入口層次分明,cream將千層pancake融合一起,入口化開好咪。奶茶卡達拉娜,味道濃郁,奶茶味濃濃,口感幼滑,面層焦糖脆香甜美。味道比較麻麻 :中拖好似赤身咁瘦,仲要有筋,跟本咬唔入,食唔到,超失望。油甘魚好肥美,油光好靚,但今次肉質偏爽硬。吞拿魚蓉估唔到咁失望,冇咩味,又冇脂香,肉質爛哂,唔似魚蓉。鯖魚超咸,又熟熟地咁,好難食。三文魚籽太細粒太少啦,好似縮左水咁唔抵食。今次食物質素一般,水準難保持,不過2個人食,可以試到多d款,所以發現幾款味道麻麻的壽司,但大部份壽司都好味又抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-22
5118 瀏覽
疫情底下,大家都要預6點翻屋企,因為夜晚6點後起出面就無野食,原本睇下有無D餐廳有折頭優惠或者外賣特價,來到壽司郎先有個驚奇發現,原來晏晝4點係無落到場同埋仲有壽司食咖,雖然要響應限聚,但唔洗排隊嘅壽司朗更加吸引😍😍😍第一次來原來都要知好多野,好似凍水起邊度斟,汽水點任飲,點樣攞野食同點野食都要研究下先可以開動最基本嘅規矩係睇顏色碟firm價錢,紅$12,銀$17,金$22,黑$27,黑碗$27,黑白碗$32總體來講係好食同感覺都平,即使最尾係嗌左最多黑碟,因為係試過好味之後番灼,好食推介有好多,唔一定全部係黑碟😂😂<日本產帆立貝握壽司>好大粒同好甜咖<生和牛壽司>食落一D都唔似生牛肉<厚切三文魚腩握壽司>好有水準嘅三文魚,肥美鮮甜<原條海鰻握壽司>好淋同好滑,舊鰻魚直接滑左落喉嚨<鹽味牛排握壽司>好有牛味,同生和牛好有區別咖<特選大吞拿魚腩握壽司>正,好充實嘅拖羅特色種類<生火腿握壽司>好似煙肉咁<蟹膏軍艦>中意膏嘅朋友就會中意佢嘅鮮味<北海道漬鯡魚卵紫菜包>好滑嘅感覺,入口即化嘅feel 繼續閱讀
(以上食評乃用戶個人意見 , 並不代表OpenRice之觀點。)
就算疫情下,你想食到呢間從日本空降過來新人氣嘅壽司郎,都唔係一件易事,閑閑地都要排返兩三粒鐘,問了服務員說:除咗11:00剛剛開門比較小人排對外,全日都沒有易排,壽司郎因為沒有預先訂位,如果又唔想排隊,可以好像我一樣,早一日預定外賣,6月3號開始就有喇!佐敦店限定販售。所以今次去到「壽司郎」來港首間分店,位於佐敦彌敦道348號彌敦坊,試一試呢間聲稱日本第一迴轉壽司店嘅外帶質素。訂了14:00來拿外賣, 雖然已過飯市,但係絕對唔好睇小。可能外賣剛剛新出關係,唔係太多人攞,服務員很快已經準備好我嘅訂單。今次為了試味一口叫了全部三款套餐A) 超人氣盛盒 8件 $88 @$11日本醋飯-分量適中入口香軟。《醬燒鰻魚壽司》 就算放得久了,亦感受到鰻魚身香汁濃而不鹹配珍寶size煙韌鰻魚肉加上壽司飯, 吃得非常滿足的感覺。《帆立貝壽司》雖然比較細件,但係非常新鮮,既爽口又軟滑。《赤蝦壽司》本身就是店舖推介,當然唔會失威。------------------------------B) 壽司郎特製成盒 8件 $88 @$11輕輕火炙過的《 醬烤帆立貝壽司》外雖不算香,但內算juicy吃起來雙重口感。 《鯖魚壽司》肉質雖然不會過硬太乾,但令不知是否存放太久腥味略重。《芝士火炙三文魚腩》 芝士味香又不會太濃蓋過三文魚,相信新鮮包起更好吃。《鯖魚押壽司》 和手握壽司比,有另一番風味。啲款比較多火炙過及熟嘅壽司,如果唔係咁受得生冷嘢嘅,可以諗啲款。------------------------------C) 超值三文魚盛盒 12件 $88 @$7.33《高脂肪的三文魚》入口算juicy。《三文魚子軍艦》入口時三文魚子汁激射出來,三文魚子之多直頭係三文魚子航空母艦。日本人不太喜歡吃三文魚,香港人就剛剛相反,如果三文魚控不可錯過。三文魚夠大件細心位-每盤套餐都有跟上壽司薑片,給你每一件壽司中間清一清口腔味道,再品嚐下一件。Wasabi和日本豉油,份量十足,詢問過服務員,如果不足夠可以免費再加。 wasabi 聞起來很清香,但不會太攻鼻搶喉,如果喜歡較刺激嘅可能不太合適。 醬油好像感覺很容易被wasabi吸收,日本制,食得正宗安心。PS. 由取外賣到放入口,我們花了差不多一個小時,同事評價說沒有堂食這麼好味,過了一個小時,個人覺得比起預期好。下次有機會再做堂食評價。食物賣相=(滿分20) 17食物味道=(滿分20) 14(外帶關係)服務質素=(滿分20) 16裝修整潔=(滿分20) 18性價比率=(滿分10) 8回頭指數=(滿分10) 9總評分(滿分100)82分 繼續閱讀
(以上食評乃用戶個人意見 , 並不代表OpenRice之觀點。)
今日就share吓價錢比較親民嘅「壽司郎」.相信有大部份人都食過㗎喇~我就唔再作太多介紹,想精選吓幾款我覺得唔錯嘅壽司俾大家😋🍣赤蝦 $12大件得嚟又爽口又鮮甜!呢個值錢真係一個字‘好鬼死抵’🍣特選大吞拿魚腩 $27咁嘅價錢食到拖羅🤭冇得挑剔啦🤫🍣壽喜燒牛排 $12其實平時我都好鍾意食壽喜燒,因為佢個汁煮乜嘢都好好食,所以呢舊壽司好食嘅點喺佢個醬汁🤣🤣至於唔推介項目有以下:❌厚切三文魚咬落去有根的😳而且質感有點奇怪❌海膽壽司臭架臭架臭架🤢重要嘅嘢講三次嘛.我覺得我會再去食,但如果要我排隊嘅話我係永遠唔會考慮🤗 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-29
0 瀏覽
Food for the body is not enough.There must be food for the soul.一向都係壽司狂迷既我今日終於去左壽司郎都到潮聖下同打卡今次去左佐敦店到食排既過程唔算話等左好耐 around 一個鐘左右 (其實係可以網上預約 但網上預約都經常爆)壽司種類都多而且 sashimi 都好新鮮同鮮甜價錢都唔算話太貴Remark:可以試下揀開鋪至lunch hour既個段時間去應該會相對地會小啲人Location: JordonPrice (10 is expensive): 6/10Yummy (10 is delicious): 8/10 繼續閱讀
(以上食評乃用戶個人意見 , 並不代表OpenRice之觀點。)