影片
更多
2024-05-22
86 瀏覽
我同閨蜜最鍾意四圍搵啲靚靚下午茶打卡，前排行開The One 留意到呢間法國餐廳推出咗個Picnic In Paris 嘅下午茶，二話不說約埋閨蜜來個巴黎鐵塔下的約會，仲要只係$258／2位，真係超抵食。 呢個下午茶係用咗一個巴黎鐵塔嘅層架嚟擺盤，仲鋪咗張桃紅色嘅餐墊嘅底，真係好似置身喺巴黎鐵塔下野餐一樣，啱晒影相打卡😍 鐵塔分咗兩層，底層喺鹹點，頂層係甜點。 我哋先由鐵塔底層嘅鹹點開始食起... 法國鄉村凍肉醬多士：非常道地法式嘅食法，凍肉醬配上香脆嘅多士，口感濕潤，加上酸瓜更添風味。 吞拿魚他他迷你撻：吞拿魚他他加上爽脆嘅青瓜，味道清新。 法國聖馬羊山羊奶芝士配餅乾條：第一次試羊奶芝士，無我想像中嘅羶味，口感柔軟幼滑，配餅乾條食都係幾match。 炸黑松露蘑菇球：炸得金黃酥脆，入面充滿住黑松露忌廉蘑菇，口感外脆內軟。 西班牙白毛豬火腿：雖然白毛豬比黑毛豬味道較淡，不過充滿鹹香味，味道都唔錯。 焦糖餅乾口味芝士蛋糕：淡淡焦糖餅乾香氣，味道唔會太甜，芝士蛋糕口感幼滑細膩。 士多啤梨迷你撻：莓果香十足，糅合香脆嘅撻皮，酸甜滋味，果香四溢。 紅桑子馬卡龍：一向都怕馬卡龍會好甜，今次呢款紅桑
我同閨蜜最鍾意四圍搵啲靚靚下午茶打卡，前排行開The One 留意到呢間法國餐廳推出咗個Picnic In Paris 嘅下午茶，二話不說約埋閨蜜來個巴黎鐵塔下的約會，仲要只係$258／2位，真係超抵食。
呢個下午茶係用咗一個巴黎鐵塔嘅層架嚟擺盤，仲鋪咗張桃紅色嘅餐墊嘅底，真係好似置身喺巴黎鐵塔下野餐一樣，啱晒影相打卡😍
鐵塔分咗兩層，底層喺鹹點，頂層係甜點。
我哋先由鐵塔底層嘅鹹點開始食起...
法國鄉村凍肉醬多士：非常道地法式嘅食法，凍肉醬配上香脆嘅多士，口感濕潤，加上酸瓜更添風味。
吞拿魚他他迷你撻：吞拿魚他他加上爽脆嘅青瓜，味道清新。
法國聖馬羊山羊奶芝士配餅乾條：第一次試羊奶芝士，無我想像中嘅羶味，口感柔軟幼滑，配餅乾條食都係幾match。
炸黑松露蘑菇球：炸得金黃酥脆，入面充滿住黑松露忌廉蘑菇，口感外脆內軟。
西班牙白毛豬火腿：雖然白毛豬比黑毛豬味道較淡，不過充滿鹹香味，味道都唔錯。
焦糖餅乾口味芝士蛋糕：淡淡焦糖餅乾香氣，味道唔會太甜，芝士蛋糕口感幼滑細膩。
士多啤梨迷你撻：莓果香十足，糅合香脆嘅撻皮，酸甜滋味，果香四溢。
紅桑子馬卡龍：一向都怕馬卡龍會好甜，今次呢款紅桑子馬卡龍酸酸甜甜，入面夾雜住紅桑子醬，外殼鬆脆。
榛子朱古力迷你撻：呢個榛子朱古力迷你撻係咁多件甜品我最喜歡，包面幼滑嘅榛子醬，表面再綴以榛子碎，口感極豐富！
飲品方便揀咗杯latte，上面有心心拉花，仲有塊餅可以點住嚟食。
另外朋友就點咗凍檸檬茶，茶味都濃郁。
張貼
