Odelice! (The ONE)

812
94
45
港鐵尖沙咀站 B1 出口, 港鐵尖東站 N2 出口 繼續閱讀
所有分店 (5)
電話號碼
25202136
開飯介紹
菜式多元化、走巴黎小酒館風格的法式連鎖店,以傳統法國菜食譜為基礎,創作一系列融入亞洲風味的家庭式法國料理。 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
Visa Master AlipayHK 支付寶 現金 八達通 銀聯 Apple Pay 微信支付
座位數目
75
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
外賣服務
加一服務費
可持續海鮮
當面支付
前往餐廳網站
http://www.o-delice.com/chinese#chinese-home
以上資料只供參考, 請與餐廳確認詳情
有關餐廳
法國人主理 環境好有法國街頭嘅Chill 氛圍
法國餐廳一直給予大家的刻板印象就是一個高級餐飲場所﹔但在ÔDELICE,您會感覺置身於巴黎大街小巷上的小酒館,聞到菜肴扑鼻誘人的香氣,聽到賓客源源不絕的歡笑聲。作為一家親民的多元化法餐連鎖,ÔDELICE 巧妙地運用傳統法國食譜,創造出一系列又一系列融入亞洲風味的家庭式法國料理﹔讓每位客人每次的光臨,都是一次煥然一新的愉快體驗!

有關獎賞計劃
食評 (1053)
等級4 2023-10-07
787 瀏覽
完左一個大EVENT, 公司終於無咁忙。難得可以準時放工, 約埋好朋友一齊聚下。今次好朋友揀左一間好多好評的法國餐廳 Odelice! , 地點係尖沙咀The One 4樓, 仲可以係Openrice 訂座, 方便快捷。餐廳裝修精緻, 我地早早6點去到可以坐近窗邊, 落地玻璃夠開揚, 景靚地方靚, 亦十分欣賞職員有禮, 除了主動不停加水, 還會主動介紹菜式, 難怪未到7點已坐滿8成, 還有不少walk-in 客進入, 可見餐廳好受歡迎諗起法國菜, 諗起油封鴨腿, 係2人餐見到有, 而且$538, 有湯有主菜有甜品。價錢好優惠。而且仲可以加配法國產地直送生蠔及紅白酒。法國產地直送生蠔 $145 (4隻)紅葡萄酒 $75白葡萄酒 $70晚市雙人套餐 $538法國產地直送生蠔 $145 (4隻)法國的生蠔一向極受歡迎, 十分新鮮及肥美, 味道層次分明, 入口還有獨有海水鮮味紅葡萄酒 $75易入口, 完全唔苦澀, 邊嘆美食邊嚐美酒真係一件樂事白葡萄酒 $70白葡萄酒味道清新, 好適合聚會時慢慢享用晚市雙人套餐: 蕃茄茴香酒煮蜆第一次品嚐由法國茴香酒煮蜆, 上枱時已聞到淡淡的酒香, 加上蕃茄本身的味道, 味道好夾。而且帶酸甜, 作為開胃菜十分理想大蒜薯仔忌廉湯是日餐湯一點都不馬虎, 薯仔打到碎晒變蓉, 啖啖都好豐富, 好細心主菜 – 法國油封鴨腿 (+$20)只係加$20便能吃到法國餐廳主打的法國油封鴨腿, 真係好值得。油封鴨腿的皮煎得金香脆口, 鴨腿肉夠嫩滑, 回味無窮。主菜 – 澳洲肉眼牛扒 (+$20)我地要5成, 果真煎到如期效果。牛扒軟嫩多肉汁, 層次分明, 愛吃牛的真係要試下甜品 – 花生朱古力可麗餅本身好中意食可麗餅, 花生醬夾朱古力醬又係一絕, 配上雪糕的組合, 真係可以再食一個 繼續閱讀
(以上食評乃用戶個人意見 , 並不代表OpenRice之觀點。)
等級4 2023-08-03
2422 瀏覽
今日難得老公平日放假,同佢去了尖沙咀the one呢間餐廳食返餐法國餐。呢間餐廳既食物同水準都好高質。平日晚上7點前都可以直入不用等位,7點後人流會較多,建議先訂座更好。當晚點了一個2人餐,發覺又有餐湯、前菜、主菜、甜品,而且仲可以以優惠價加配生蠔,唔錯。首先講一講加配既生蠔,相當鮮甜及好味,生蠔肥美肉厚,而且仲有啖啖清新既海水味,好正。配埋佢個醬汁令生蠔更香更提升鮮味。另外我們仲點了一杯飲品,一杯是士多啤梨、香蕉奶昔,飲起來香蕉味好重好creamy…而且仲好飽肚,真材實材。另一杯是玫瑰糖漿伯爵茶,伯爵茶茶味清香,仲帶有淡淡的玫瑰花香,十分特別。好了,要介紹一下呢個2人晚餐了。首先會有是日餐湯兩客,今日的餐湯為南瓜湯,南瓜湯好creamy好濃郁,啖啖都是滿滿的南瓜味,正呀。另外仲有塊薄薄脆脆的多士,可以沾上湯汁來食,都相當不錯呀。前菜方面有煎封吞拿魚薄片,賣相相當吸引,一整碟都鋪滿了無數片嫩紅鮮紅的吞拿魚片,每片的吞拿魚片邊邊都煎得脆脆,吃起來外脆內軟,外熟內生的口感跟味道,十分好吃,而且配上了獨有醬汁,啖啖都充滿驚喜。主食方面點了一客墨汁海鮮意粉,雖然我們都知道吃墨汁都會吃得滿咀墨汁,但我們都不怕,因為呢客墨汁意粉相當出色,墨汁又香又濃,啖啖意粉都帶有鮮味,好正,每一條意粉都滲滿了墨汁,好惹味。而且海鮮類有青口跟蜆,都相當鮮甜好味,大讚。另一客主食點了經典燒雞,看似平平無奇的燒雞,但令人充滿驚喜,燒雞不但肉身嫩滑,而且味道做得相當惹味,好香好入味。十分欣賞個磨菇忌廉汁,真係好香好惹味,配上了雞及薯蓉好好味。薯蓉都做得相當幼滑,入口即融,配埋磨菇忌廉汁,惹味。甜品點了熱情果焦糖布蕾,口感十分特別,外層有脆脆的焦糖,入面是滿滿creamy的布蕾,吃起來仲會吃到熱情果味,所以整個味道就是酸酸甜甜,又香又清新,好好味好滿足。餐廳的食物非常高質,而且2人餐都相當不錯。期待下次再來食其他款式的美食。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-07-12
2437 瀏覽
朋友想食法國餐, 大家即記起 尖沙咀 The One 的  ODELICE.今日星期一,  以為到晚上八點, 會有位, 怎料餐廳好熱鬧, 我們等待 15 分鐘才有位, 下次要醒目, 記住訂位了.餐廳座位安排不錯, 有室內也有開放式對著商場座位, 很舒服, 無壓迫感.   店員招呼很好, 先遞上餐牌, set dinner for 2,  好岩食.  立即落單.   Set dinner, 有頭盤, 湯, 主菜, 甜品.   跟餐優惠:  法國生蠔 85折,  葡萄酒 8折.  好抵啊.我們點了紅, 白酒,  及生蠔.齊齊送上.  紅, 白酒, 酒味不太濃,  有酒香.   法國生蠔也來了.法國生蠔, 蠔身較長, 蠔肉大而爽口, 海水味和蠔味兼備.頭盤,  煎封吞拿魚薄片,  擺設吾錯.每塊吞拿魚色澤鮮明, 好厚身, 煎得香口,  配上酸甜柚子醬, 十分開胃.粟米忌廉湯 連同法式烘麵包.  個湯濃淡適中,   烘麵包好脆口, 點些湯, 好味.主食兩款,   法國油封鴨腿   這道菜好有法國餐特式.   配皺葉椰菜, 薯糰丸子, 混上砵酒醬汁.法國油封鴨腿, 鴨肉煮得好稔, 保持鴨香味而不油膩,  皮酥肉嫩,  皺葉椰菜, 薯糰丸子,  口感有層次.   薯糰丸子少少煙韌, 夠飽肚.  砵酒醬汁, 調味至正. 另一客主食 香烤牛柳配薯條, 賣相非常好, 組合滿意.  配有醬汁.香烤牛柳肉質優, 香烤至五成熟,  表面焦香. 切開紅嫩多汁, 肉汁四溢,  牛味鮮甜. 薯條熱辣辣又脆口, 沾些茄汁, 好快食完,   香烤牛柳配薯條, 絕對系一道令人難以抗拒嘅美味佳餚.芒果提拉米蘇, 睇見都好想食,  芒果味入口香濃, 提拉米蘇不會過甜, 香滑美味, 很好吃.這個晚餐份量足, 由前菜吞拿魚, 主菜鴨, 牛扒 至甜品,  都好滿意.   法國餐廳有型有格, 食物及廚藝有水準,  價錢實際, 招呼友善, 我們會再來.   繼續閱讀
(以上食評乃用戶個人意見 , 並不代表OpenRice之觀點。)
等級4 2023-06-14
2693 瀏覽
依間位於The One既法式餐廳相當有情調同氣氛,坐係窗口位可以望到尖沙咀廣闊既天空,今次叫左法式小館雙人套餐,包沙律、頭盤、主菜、甜品, 未食到主菜嗰陣已經有d飽🤤,是日餐湯係南瓜忌廉湯,南瓜味濃郁,而且有粒粒口感,配埋新鮮酸甜既溫泉蛋蘆筍沙律,相當開胃。🥓🧀🥗 主廚拼盤拼盤食物種類好豐富,有煙三文魚、意大利火腿、炸黑松露蘑菇球、鱈魚醬、雞蛋沙律、茄子同酸種麵包,每款互相配搭得好好,有甜有咸,口感有硬有軟有脆,一次過帶來多重既口感刺激。我特別鍾意佢個炸黑松露蘑菇球, 外面香脆,咬開就聞到陣陣濃郁嘅松露香味,仲有裹面切碎既蘑菇。🥩🦐 海陸雙拼依碟主菜以牛脊肉同大虎蝦打頭陣,薯蓉同蘆筍作配料,肉質我揀左medium,可以見到肉身半紅半黑,黑松露紅酒醬汁令入口的香嫩牛肉,每一啖都帶有迷人既黑松露香氣,昇華唔少。食到依到已經7-8成飽,覺得應該足夠3個人食🍖 脆皮燒豬腩燒豬腩既外皮被非常之香脆,有少少難咬開,但味道比起港式既香得多,特別係豬肉既油脂分佈均勻,而擺係下面既蕃茄橄欖莎莎,第一眼都唔知道係咩來,只見一堆綠色既粒粒,味道偏草青味,唔係太岩我口味,但口感幾特別,好似蟹籽咁。🍮 芒果提拉米蘇依個甜品外觀好吸引,鮮黃色嘅芒果醬令人食慾又起,相比起傳統嘅提拉米蘇,咖啡味冇咁濃,取而代之嘅係芒果嘅果香,中間仲夾雜着粒粒嘅芒果肉,都有d甜得仔,但就為依餐。Odelice尖沙咀彌敦道100號The ONE4樓L407號舖$758+10% 繼續閱讀
(以上食評乃用戶個人意見 , 並不代表OpenRice之觀點。)
等級3 2023-10-17
41 瀏覽
慶祝朋友生日,決定揀一間好同性價比高嘅法國餐廳,所以我去咗odelice 晚市雙人套餐最方便!前菜甘荀湯配酸種麵包番茄茴香酒煮蜆生蠔🦪 4 隻-新鮮即開即食,好鮮甜好味🤤呢度生蠔價格合理,非常抵食法國🇫🇷波爾多紅酒🍷主菜💛法國油封鴨髀椰菜,薯團丸子非常特別,口感煙煙韌韌配合砵酒醬汁一流,肉質鮮嫩可口!💛澳洲肉眼牛排🥩香脆薯條,牛扒配上黑松露紅酒醬汁更惹味更有口感,入口即化,肉汁完美鎖住,配上紅酒一流!甜品💛酸甜熱情果焦糖布蕾 crème brûlée我本身唔鍾意太甜,呢個巖巖好,消除我之前食嘅油膩!必試正宗法國甜品! 繼續閱讀
(以上食評乃用戶個人意見 , 並不代表OpenRice之觀點。)