更多
2019-06-09
3798 瀏覽
平時都唔行呢邊,今日經過見到好似有間新開嘅居酒屋,因為時間尚早,所以等左一陣位就可以入得,但坐低食緊之際,都好多客入嚟,但係佢哋人手好似唔多夠,所以服務一般,講番啲食物先,首先叫咗個雞泡魚乾,本身以為會比較乾身同硬身,但你都出奇地軟身同埋熱辣辣,不錯,之後就叫咗個燒厚身豆腐配自家製醬汁,厚身豆腐普通冇乜味道,但個自家製醬汁幾特別,令到個豆腐變得好味左,之後就係一口牛柳粒,牛柳粒入口即溶嘅感覺,好軟身,呢個做得不錯,亦都好香口,之後係廣島蠔鍋,啲豪整得一啲都唔腥,個湯係用面豉去調製,呢個整法又出奇地好味喎,之後係手打免治雞肉棒,呢個整得幾好味雞肉好軟唔會硬,另外嘅燒菠蘿味都好香,菠蘿好甜,食得出唔係用普通菠蘿去整,因為口感同味道都好好,最後係海膽炒飯,海膽好新鮮,而炒飯係睇得出好有心機,因為啲飯粒粒分明係,每一粒飯都包含着海膽嘅味道,另外仲加咗一啲蟹子同埋一啲雜菌落去炒,變咗成個炒飯好有口感好香好新鮮👍🏻👍🏻👍🏻👍🏻
張貼