更多
2018-06-21
5721 瀏覽
大概半年多前食過Lab既尖沙咀分店,印象中唔差,見到旺角近近地開左分店,就充滿期待過黎食野。入到去環境好闊落,坐得休閒又舒服,出面仲有露台可以燒烤,同一班朋友黎飯聚都幾正。枱既花紋都係雲石,精緻又高雅。🍞Dinner Bread 餐包暖笠笠,香脆好食。🥄Seafood Soup $138個湯味道非常濃郁,海鮮材料豐富,有蝦、帶子、青口等,上面放左一塊香蒜包,蒜香十足,做有少許蕃茄粒,整體好夾。🥗Caprese Salad $168呢個沙律非常有特色,外層好似炸皮,但實質係香脆既芝士,用上荷蘭既彩車厘茄,好清甜。當中細細粒同魚蛋般大小既Bocconcini,質感煙韌,柔軟香滑。🍝Clam Spaghetti $178蜆肉十分新鮮,手工意粉入口彈牙,蛋香濃郁。🐖Iberico Pork $298好多時唔鐘意食豬既人,都係因為食到品質唔好、臊味濃既豬肉。但我着重豬既肉味,所以貴少少都會揀黑毛豬,因為質素較好,慢煮熟度剛剛好,切開中間呈粉色,肉質鮮嫩,值得一試。🍴Floating Island $118純白既Floating Island (飄浮之島)其實係有名既法國家庭甜點,主要用蛋白霜、卡
枱既花紋都係雲石,精緻又高雅。
🍞Dinner Bread
餐包暖笠笠,香脆好食。
🥄Seafood Soup $138
個湯味道非常濃郁,海鮮材料豐富,有蝦、帶子、青口等,上面放左一塊香蒜包,蒜香十足,做有少許蕃茄粒,整體好夾。
🥗Caprese Salad $168
呢個沙律非常有特色,外層好似炸皮,但實質係香脆既芝士,用上荷蘭既彩車厘茄,好清甜。當中細細粒同魚蛋般大小既Bocconcini,質感煙韌,柔軟香滑。
🍝Clam Spaghetti $178
蜆肉十分新鮮,手工意粉入口彈牙,蛋香濃郁。
🐖Iberico Pork $298
好多時唔鐘意食豬既人,都係因為食到品質唔好、臊味濃既豬肉。但我着重豬既肉味,所以貴少少都會揀黑毛豬,因為質素較好,慢煮熟度剛剛好,切開中間呈粉色,肉質鮮嫩,值得一試。
🍴Floating Island $118
純白既Floating Island (飄浮之島)其實係有名既法國家庭甜點,主要用蛋白霜、卡士達醬制作而成,蛋白充滿泡沫口感,醬汁微甜、帶有牛奶香濃味,頂層紅色係士多啤梨既糖片,周邊見得到既都食得,又靚又好食既一道甜品。
🍹Mangoman $48
無相像中甜,好飲。
🍹BananaBerry Smoothie $48
我就簡左呢杯,濃濃既香蕉味偶爾帶莓香味,甜度微甜,除左野食外,呢度既野飲都加哂分。
食物質素比想像中好,旺角區黎講很小有,而且地點就腳方便,朋友聚會好選擇。
張貼