Bistronomique

營業中

休息中

喺呢間堅尼地城海旁嘅法國餐廳可以休閑咁享受佢哋嘅lunch，真係人生一大樂事。前菜-安格斯生牛肉他他：生牛肉切得較大粒，所以更有咬口，經調味同埋拌勻埋喺牛肉表面嘅鵪鶉蛋黃，可以有效辟除牛肉嘅腥味，配埋附上嘅香脆嘅多士仲滋味食。-法式煎田雞腿：田雞腿調味好正，加上外表煎得好香，完美嘅金黃色，而田雞腿肉質飽滿，咬落仲好多肉汁。墊底嘅薯蓉就吸索哂田雞腿嘅調味同埋油香，加埋綿滑嘅口感，令人一食愛上。主菜-炭燒美國頂級西冷牛扒：炭燒牛扒份量十足，而熟度煎得掌控得宜完美做到MEDIUM RARE，外表焦香，內裡呈粉紅色，唔會有血水滲出，只需少量嘅調味，突出呢塊高質牛扒本身嘅肉味，而用炭燒所以亦令牛扒帶有陣陣嘅炭火香味。-豬肋骨 (Daily Special)：豬肋骨烤得好juicy，肉質軟嫩，而搽喺豬肋骨嘅燒烤醬，勁惹味。是日甜品檸檬撻：檸檬撻的檸檬味濃郁，很清新，同埋個餅底非常之鬆化，所以其實就算佢呢個 size 都唔會食到好漏，成倜擺盆再加倜熱飲同雪糕冷熱交替。