天府人家

營業中

休息中

今日約咗班小學同學黎到灣仔"天府人家"食四川菜, 提到四川菜又點少得食辣, 原先諗住食麻辣邊爐, 但因為有小朋友, 又有唔舒服既大朋友所以我地轉食小菜。我地呢班同學都算好鐘意食辣, 雖然冇咗麻辣煱, 但我地並無放棄食辣, 7個大人2個小朋友, 三大道辣菜,水煮桂花魚,水煮田雞同口水雞, 仲有酸菜桂花魚, 鹽水雞, 芙蓉三鮮, 竹笙翡翠苗, 粗糧西洋菜同其他包餃。先講水煮桂花魚同水煮田雞, 望落個樣同味道辣都無分別, 辣中帶有很重麻香味。桂花魚好滑無骨啖啖肉, 易入口。平時我唔食田雞, 但得三個食唯有試下, 留番D唔辣既比其他人, 又比我想像中OK, 有D似雞肉, 我又接受到。其實除咗主食魚同田雞外, 窩裡面既薯粉係會令食不停, 每條薯炒都包有麻辣味, 。雖然枱上有其他食物, 但原來我全程只係食咗水煮同酸菜桂花魚, 由於個口水雞辣味無水煮咁重, 所以我只食咗一嚿。今次每人承惠$290, 食咗咁多, 服務又唔錯, 環境仲幾企理, 都值呢個價。