影片
更多
2018-12-02
775 瀏覽
一直喺屯門元朗食飯都冇介紹過食海鮮，今次適逢朋友嘅生日一行六人過嚟三聖邨食海鮮，講到三聖邨老字號得來又夠出名嘅莫過於今次幫襯既「海天花園酒家」，海天花園酒家之所以名號咁大，係因為佢喺2008年嘅華爾街日報得到獎項，而且多年來多位達官貴人都係依間酒家嘅賓客。 先講講地理環境，喺三聖邨食飯非常適合揸車人士，有三個露天停車場一個有蓋停車場，亦好容易搵到價錢相宜嘅代客泊車服務，又或者你唔係揸車嘅人士，依度就近輕鐵站巴士站或者係紅色小巴一樣去到附近。 今次介紹嘅三聖邨食海鮮有別於其他地方食海鮮，依度食海鮮必須要喺下面嘅海鮮檔攤選取心儀嘅海鮮，然後攞去任何一間餐廳做加工，因為海鮮檔攤同餐廳係冇任何關係，而餐廳都唔會設有任何養海鮮嘅設備，所以應該唔會偷龍轉鳳。 今次飯局嘅首要係要去海鮮檔買平靚正既海鮮，根據朋友介紹，有免費泊車嘅攤檔，海鮮售價一般比較貴，至於去邊間會比較新鮮比較平就真係唔同人有唔同嘅心得。 我哋去咗一間店面比較舊嘅老字號選購完心頭所好，就帶着一袋二袋行上海天花園酒家，因為一早訂咗枱關係我哋好快可以就坐，侍應問完我哋
先講講地理環境，喺三聖邨食飯非常適合揸車人士，有三個露天停車場一個有蓋停車場，亦好容易搵到價錢相宜嘅代客泊車服務，又或者你唔係揸車嘅人士，依度就近輕鐵站巴士站或者係紅色小巴一樣去到附近。
今次介紹嘅三聖邨食海鮮有別於其他地方食海鮮，依度食海鮮必須要喺下面嘅海鮮檔攤選取心儀嘅海鮮，然後攞去任何一間餐廳做加工，因為海鮮檔攤同餐廳係冇任何關係，而餐廳都唔會設有任何養海鮮嘅設備，所以應該唔會偷龍轉鳳。
今次飯局嘅首要係要去海鮮檔買平靚正既海鮮，根據朋友介紹，有免費泊車嘅攤檔，海鮮售價一般比較貴，至於去邊間會比較新鮮比較平就真係唔同人有唔同嘅心得。
我哋去咗一間店面比較舊嘅老字號選購完心頭所好，就帶着一袋二袋行上海天花園酒家，因為一早訂咗枱關係我哋好快可以就坐，侍應問完我哋飲咩茶就開始幫我落單，亦發現依間餐廳比起三聖村其他餐廳落單嘅分別，佢哋落單只係會將一袋袋嘅海鮮放喺地下，有別於餐廳會用一個個筲箕盛起海鮮，係落單方面感覺上衛生較差。
落完單大概等左20分鐘，菜式亦都接種而黎放上枱面，可惜佢地差唔多最後先至放個刺身上黎，上菜次序不合預期，跟住開始講每一道菜嘅情況
蒜蓉粉絲蒸開邊花竹蝦
17 瀏覽
0 讚好
0 留言
蒜蓉蒸開邊花竹蝦：花軸下原本夠晒新鮮，入口彈牙，蝦嘅鮮味十足，可惜佢啲蒜蓉蒸到帶左D苦味出黎
椒鹽賴尿蝦
23 瀏覽
0 讚好
0 留言
椒鹽賴尿蝦：依個餸中規中矩，賴尿蝦嘅鮮味十足，但係椒鹽冇香氣冇鑊氣可言
清蒸蘇鼠斑
30 瀏覽
0 讚好
0 留言
清蒸蘇鼠斑：蒸嘅火候啱啱好，豉油亦都帶得出魚鮮味，非常好食水準之作
墨魚刺身
31 瀏覽
0 讚好
0 留言
墨魚刺身：新鮮彈牙爽滑，可惜食完主食，再食刺身覺得有啲奇怪，而且仲要唔夠凍
薑蔥台山蠔
25 瀏覽
0 讚好
0 留言
薑蔥台山蠔：全晚最差嘅菜式，炒到有陣燶味
芝士焗龍蝦
23 瀏覽
0 讚好
0 留言
芝士焗龍蝦🦞：芝士汁做得好好，香得黎唔膩又唔槳口，配合埋龍蝦獨有嘅鮮味，非常好食
整體而言，一間標籤度整海鮮咁頂級嘅餐廳比我嘅感覺係浪費左我一大半嘅海鮮，仲要係我用饍其間，我隔離張枱竟然有隻曱甴喺度周圍走當堂冇晒胃口仲有啲反胃，雖然即刻叫阿姐幫我地執走咗，但係衛生方面真係好差，睇嚟都冇下次
張貼
