影片
以上資料只供參考, 請與餐廳確認詳情
相關文章
食評 (216)
👩❤️👨與家人1月26日（年廿七）的年夜飯，一個幸福又開心的大家庭❤️「關財記」的新鮮又生猛海鮮🦀🦐🐟🦪🐚配合𦷫天花園酒家的廚藝，綜合了酒家的廚房食物，匹配的時間，就是人生的幸福快樂🎉🥰———————🦀🦐🐟🦪🐚原隻巨型阿拉斯加蟹，特大賴尿蝦、生猛基圍蝦、東風螺、巨型班頭腩兩味製作，蝴蝶蚌、松皮蟹，桶蠔（薑蔥生蠔堡的製作），各款海鮮都煮得相當不錯，時間火喉時間也相當恰當👍—————🐷半肥瘦的叉燒，豐富又適當的蜜汁，肉質軟熟無比🐔沙薑雞和炸子雞兩款味道各有不同，肉質亦相當嫩滑。杏汁豬肺湯，滋潤養顏，味道甜美蝦乾扒菜膽，鮮甜好味甜品：椰汁紅豆🫘糕，足料椰香和紅豆的口感甜品：芒果🥭布甸🍮巨型的壽桃包：裏面原個咸蛋王，豐富蓮蓉、包肉軟熟好味道———————大家庭的溫暖⋯⋯共渡佳節的歡樂其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————
繼續閱讀
突然想食燒鵝，所以就去咗海天食，我好鍾意食佢哋嘅燒鵝😋，同埋買咗啲海鮮俾佢哋加工。椒鹽瀨尿蝦、清酒煮青口、蒜蓉粉絲蒸元貝、豉椒蟶子皇煎米底同埋甜品 - 雷沙湯丸。燒鵝 - 💯，不過差咗少少。椒鹽瀨尿蝦 - 算好食，唔會太鹹。清酒煮青口 - 本人唔食芫荽，佢落咗，所以🙅🏻♂️。蒜蓉粉絲蒸元貝 - 好大量份，落完好飽😂。豉椒蟶子皇煎米底 - 好食，特別係煎米煎得好好。雷沙湯丸 - 唔算好好食，正正常常，花生粉唔夠香。
繼續閱讀
本身諗住開開心心飲餐茶, 雖然唔係超級熟客, 但都叫做去親三聖都一定去呢間酒樓幫襯, 而家blacklist左呢間野, 都奉勸大家入去幫襯前要諗清諗楚。朝早已經唔多人, 我地多人要左兩張枱, 但未有碗筷等等餐具, 咁眼見起碼有幾個人做緊野, 都已經等左陣先叫人擺枱, 第一個話等等, 咁咪等囉, 但係又去招呼其他人, 隔多陣又叫另一個人擺枱, 又話等等, 個個都西口西面, 叫左起碼3-4次完全冇人理, 成個過程已經起碼10分鐘有多, 但遲過我地來既客人已經係招呼緊, 谷鬼氣咪出去叫個短髮知客叫佢幫幫手搵下擺枱, 勁差態度, 超級無敵冇禮貌, 仲要大大聲話咁咪等下囉, 係咁嫁啦, 一個人做野嫁炸, 完全係趕客態度, 問佢等幾耐又話唔知答唔到, 仲要兩張枱已經俾左我地, 仲夠膽死叫另一個人坐我地張枱, 訓醒未? 唔係有大有細, 真係想轉場。野食已經差左好多, 價錢唔算平都算, 之前試過酒位明明10位, 夠膽死收你16位茶錢, 睇漏單真係收多錢都唔知。真心從未試過嬲到要來打評價, 等多D人見到唔好去幫襯, 否則包你扯火。
繼續閱讀
食品質素坦白講每況愈下，我係這間茶樓的常客，但係看得出客人越來越少，食品嘅質素越嚟越差，點心、小菜的件頭越縮越細，咁都算啦，部份職員態度非常惡劣！要俾錢受氣，唔怪知越嚟越少食客。就以今天為例，今日帶老人家去飲茶，入去才知送樓上樓層裝修不開放，然後粉藍色衫東菇爆炸頭知客叫我們去地面樓層，老人家行動慢，遲疑了一下，她便非常不耐煩並先俾位後邊的客人，然後叫「你們站在這裏等吓啦咁」！我可是帶着一位行動不便的老人，竟然要老人這樣的罰站，這是怎樣的操作？！我立即離開這間垃圾酒家。這樣的員工根本就是倒老闆米，反正這酒家質素也每況愈下，不飲也罷，只是服務差劣如此實在不得不在這裏公開！帶老人的食客還是去別家吧。
繼續閱讀
晚市入到去已經只得幾枱人客，冇人招呼，叫短髮經理態度極差，見我哋帶咗幾支酒上嚟，話要開瓶費$180一支，之前一直唔需要，跟住多多原因話無可能，係都係之前嘅事，黑晒面，今時今日晚市差係有原因。叫小食埋單走人，吃小食途中隔離有一台12人帶咗超過四支酒喺度，非常熟絡亦都冇提醒要開瓶費。去附近兩間海鮮酒家招呼非常好，免開平再加冰桶再比九折，招呼殷勤，味道亦相當好，老闆更時常出嚟招呼落手落，抵讚，咁先係做生意
繼續閱讀