海天花園酒家

港漂住蓝地，一直想来屯门吃海鲜，今天去玩青山禅寺之后来到三圣邨还是被海天吸引过来，需要先去旁边的店买海鲜，买好了才拿到海天来加工，海天收取加工费总体看味道还不错，清蒸瓜子斑盐焗奄仔蟹小青龙芝士伊面，特别推荐奄仔蟹，合计1500海天环境不错，就在海边，海景还行，可惜大堂海边位置需要预定，三楼包房低消 5000大约下午两点来的，刚好午餐结束，客人慢慢离开，服务员也有时间和我们聊聊天，对于我们来说，这时间还是挺好，人少惬意的啊…查看更多

📍海天花園酒家［屯門三聖邨得獎拖地叉燒］屯門三聖邨是海鮮聖地，但其實得獎拖地叉燒（HK$190)都非常出名好食，半肥瘦、厚切大大啖、落枱的時候仲熱辣辣，啲肥係舌上融化，超高享受，每次到訪都必點。但建議盡量變凍前食曬；金鈎果香小炒皇（$138），新鮮蝦都有唔少，相當有誠意；大澳蝦羔生啫唐生菜（$108），味道都幾惹味，蝦羔味突出。值得一提是食物的份量不少，兩個人點三個餸，最後都要打包，以免浪費。…查看更多

食過好多間三聖嘅海鮮餐廳，覺得都係海天環境最好，有獨立房間，同埋下晝時間可以食埋點心，佢哋嘅點心我都覺得好好😌今日下晝時間過來，同一時間食海鮮再加點心，點心揀咗蝦餃同埋蟲草花棉花雞，每次時間都會過來食佢哋嘅棉花雞，覺得佢哋嘅棉花雞都好出色，蝦餃亦都大大粒，啖啖蝦肉今日海鮮：蒜蓉粉絲蒸扇貝~扇貝超級大粒，佢地嘅蒜蓉粉絲蒸都好夠味豉椒炒蟶子王～蟶子皇大大隻超厚肉，豉椒炒呢個配搭每次都係必選，椒鹽瀨尿蝦～椒鹽好乾身好脆口，依度嘅椒鹽瀨尿蝦都係無敵果皮蒸鮑魚～今日隻鮑魚超級大隻，真係非常大隻，拳頭咁大隻好威風芝士焗龍蝦～龍蝦好鮮甜，焗上滿滿嘅芝士，真係好滿足…查看更多

【三聖邨海天花園酒家服務態度極差】今日一家人去咗屯門三聖邨海天花園酒家飲茶，畫好點心紙之後，我哋想點一鍋魚湯雲吞米線，但因為唔想畀小朋友食米線，所以想問下可唔可以轉做米粉。當時我面前有位服務員，佢叫我等一陣。點知我身後又有另一位服務員，態度非常不友善，問我係咪要交點心紙。我遞交點心紙嘅時候，仲未開口查詢，呢位姐姐就惡狠狠咁話：「未得唔好交畀我啦！」之後就將張紙還返畀我，轉身就走。幸好公司前面另一位服務員見到，主動幫我落單，仲解答咗我可以轉做米粉。想說當時只是入座率估計70%，這位態度不好的服務員 之後又和別的同事惡狠狠地討論邊一張枱開茶的問題 。想講一句：「一粒老鼠屎，搞壞一煲粥。」希望呢間酒家可以正視員工嘅服務態度問題。唔好再問點解港人唔留港消費！…查看更多

突然想食燒鵝，所以就去咗海天食，我好鍾意食佢哋嘅燒鵝😋，同埋買咗啲海鮮俾佢哋加工。椒鹽瀨尿蝦、清酒煮青口、蒜蓉粉絲蒸元貝、豉椒蟶子皇煎米底同埋甜品 - 雷沙湯丸。燒鵝 - 💯，不過差咗少少。椒鹽瀨尿蝦 - 算好食，唔會太鹹。清酒煮青口 - 本人唔食芫荽，佢落咗，所以🙅🏻‍♂️。蒜蓉粉絲蒸元貝 - 好大量份，落完好飽😂。豉椒蟶子皇煎米底 - 好食，特別係煎米煎得好好。雷沙湯丸 - 唔算好好食，正正常常，花生粉唔夠香。…查看更多

食春茗.. 飲靚酒🍷🥃⋯食海鮮🦞🐚🦀🦐🐟🐷🪿🫎🦪🍥🐷馳名半肥瘦叉燒…必吃軟硬度適中，咬落有口感—————-🪿熱辣辣燒鵝.. 皮脆肉嫰又香滑🦐灼蝦.. 新鮮肉爽又鮮甜瀨尿蝦，成隻手臂咁大隻上湯龍蝦🦞彈牙又爽口的肉質炸生蠔外皮香脆好夠新鮮又大隻蟹🦀啖啖肉啖啖蟹膏龍躉三吃👍炆頭腩、炸脆骨、西蘭花炒球三種不同的口味，各有特色，又是新鮮彈牙的肉質原隻帶子🥳成隻碟咁大，正👍好味道😋仲有蝴蝶蚌、白灼蝦、螺頭羊肚菌燉湯、香脆熱辣辣燒鵝，全部材料新鮮又好味，好食到盡在不言中———————食得幸福，食得開心❤️其實開心🥳⋯⋯簡單就在我身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰———————…查看更多

👩‍❤️‍👨與家人1月26日（年廿七）的年夜飯，一個幸福又開心的大家庭❤️「關財記」的新鮮又生猛海鮮🦀🦐🐟🦪🐚配合𦷫天花園酒家的廚藝，綜合了酒家的廚房食物，匹配的時間，就是人生的幸福快樂🎉🥰———————🦀🦐🐟🦪🐚原隻巨型阿拉斯加蟹，特大賴尿蝦、生猛基圍蝦、東風螺、巨型班頭腩兩味製作，蝴蝶蚌、松皮蟹，桶蠔（薑蔥生蠔堡的製作），各款海鮮都煮得相當不錯，時間火喉時間也相當恰當👍—————🐷半肥瘦的叉燒，豐富又適當的蜜汁，肉質軟熟無比🐔沙薑雞和炸子雞兩款味道各有不同，肉質亦相當嫩滑。杏汁豬肺湯，滋潤養顏，味道甜美蝦乾扒菜膽，鮮甜好味甜品：椰汁紅豆🫘糕，足料椰香和紅豆的口感甜品：芒果🥭布甸🍮巨型的壽桃包：裏面原個咸蛋王，豐富蓮蓉、包肉軟熟好味道———————大家庭的溫暖⋯⋯共渡佳節的歡樂其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————…查看更多

第一次去食位於屯門三聖邨嘅海天花園酒家，今次既體驗覺得真係都幾好食，下次再去三聖食海鮮我諗我都係會嚟番呢度加工👍🏻。今晚有椒鹽瀨尿蝦（不錯）、焗芝士琵琶蝦（啲芝士有啲膩） 、燒鵝（出色！）、蒸魚（有少少蒸過龍）、豉椒蟶子王煎米底（好味，尤其係煎米底非常出色，又薄又脆）、油鹽焗奄仔蟹（正常）、蒜蓉粉絲蒸扇貝（正正常常）同埋蝦乾上湯菜心（都係正常）其實有正常水平已經好好，起碼唔係差或者係難食😅。今餐真係好豐富！好滿足！好味！至少無浪費左啲海鮮😊。…查看更多

本身諗住開開心心飲餐茶, 雖然唔係超級熟客, 但都叫做去親三聖都一定去呢間酒樓幫襯, 而家blacklist左呢間野, 都奉勸大家入去幫襯前要諗清諗楚。朝早已經唔多人, 我地多人要左兩張枱, 但未有碗筷等等餐具, 咁眼見起碼有幾個人做緊野, 都已經等左陣先叫人擺枱, 第一個話等等, 咁咪等囉, 但係又去招呼其他人, 隔多陣又叫另一個人擺枱, 又話等等, 個個都西口西面, 叫左起碼3-4次完全冇人理, 成個過程已經起碼10分鐘有多, 但遲過我地來既客人已經係招呼緊, 谷鬼氣咪出去叫個短髮知客叫佢幫幫手搵下擺枱, 勁差態度, 超級無敵冇禮貌, 仲要大大聲話咁咪等下囉, 係咁嫁啦,  一個人做野嫁炸, 完全係趕客態度, 問佢等幾耐又話唔知答唔到, 仲要兩張枱已經俾左我地, 仲夠膽死叫另一個人坐我地張枱, 訓醒未? 唔係有大有細, 真係想轉場。野食已經差左好多, 價錢唔算平都算, 之前試過酒位明明10位, 夠膽死收你16位茶錢, 睇漏單真係收多錢都唔知。真心從未試過嬲到要來打評價, 等多D人見到唔好去幫襯, 否則包你扯火。…查看更多

食品質素坦白講每況愈下，我係這間茶樓的常客，但係看得出客人越來越少，食品嘅質素越嚟越差，點心、小菜的件頭越縮越細，咁都算啦，部份職員態度非常惡劣！要俾錢受氣，唔怪知越嚟越少食客。就以今天為例，今日帶老人家去飲茶，入去才知送樓上樓層裝修不開放，然後粉藍色衫東菇爆炸頭知客叫我們去地面樓層，老人家行動慢，遲疑了一下，她便非常不耐煩並先俾位後邊的客人，然後叫「你們站在這裏等吓啦咁」！我可是帶着一位行動不便的老人，竟然要老人這樣的罰站，這是怎樣的操作？！我立即離開這間垃圾酒家。這樣的員工根本就是倒老闆米，反正這酒家質素也每況愈下，不飲也罷，只是服務差劣如此實在不得不在這裏公開！帶老人的食客還是去別家吧。…查看更多

晚市入到去已經只得幾枱人客，冇人招呼，叫短髮經理態度極差，見我哋帶咗幾支酒上嚟，話要開瓶費$180一支，之前一直唔需要，跟住多多原因話無可能，係都係之前嘅事，黑晒面，今時今日晚市差係有原因。叫小食埋單走人，吃小食途中隔離有一台12人帶咗超過四支酒喺度，非常熟絡亦都冇提醒要開瓶費。去附近兩間海鮮酒家招呼非常好，免開平再加冰桶再比九折，招呼殷勤，味道亦相當好，老闆更時常出嚟招呼落手落，抵讚，咁先係做生意…查看更多

第一次喺三聖食海鮮。海鮮購自 #三聖墟海鮮市場 嘅 #威盛生猛海鮮，並在鄰近的 #海天花園酒家 加工。酒家經理熟練介紹如何炮製各種生猛海鮮，我只需坐享其成，食食食～豉油王蝦好食到吮手指！（所以後期很多菜式都沒有拍到獨照）象拔蚌兩食 - 刺身 & 椒鹽象拔蚌膽第一次食椒鹽象拔蚌膽，原來咁鮮甜，椒鹽炮製零腥味！清蒸三刀魚無幫味餸影到close up，但睇睇條魚嘅真身就知佢幾好食，只係略嫌蒸耐咗少少～清蒸鮑魚肉質彈牙好味！豉椒炒蜆同其他菜式相比，無辦法～真的比下去～醬汁稍為太多～P.S. 沒拍照，但酒家送嘅海鮮湯很清甜美味！…查看更多

本身滿心歡喜嚟見家長飯，係海鮮檔嗌咗四隻瀨尿蝦嚟椒鹽食，點知嚟到得三隻，問完個傳菜姨姨就叫咗經理過嚟處理。個短髮女經理離遠第一句就大大聲問我地係咪肯定有四隻！話佢無數到有幾多隻，唔肯定我地係咪真係有四隻。聽到都火滾！明明個女經理落單個陣自己都寫四隻，我地係客人唔會知佢有無數，但數隻數係佢嘅責任，同埋佢唔數就唔應該寫四隻啦！一餐飯本身開開心心，依家全枱人都㷫烚烚，火都嚟埋！真係多謝晒！短髮女經理態度惡劣！垃圾！…查看更多

今個月佛誕嗰日入去飲茶，都唔知有咩地方飲茶就搭的士去三聖邨，求其見到一間就走入去，見到下面沒有位問過部長邊度有位佢話上面，一入到去已經招呼10分惡劣，基本上冇人會招呼你，問個肥部長攞支筆因為要畫點心，佢一手飛埋我哋張枱嗰度，心諗有冇搞錯，李飛到我一定報警，其實佢哋都唔係好忙只係唔想做嘢貼晒埋牆傾閑偈，唔會同你加水唔會服務你，將點心紙我都係自己拎出去，俾錢嗰時仲要鬧你排隊啦，乜乜物物乜乜物物，俾你都唔好去。…查看更多

本來諗住一家人開開心心食餐生日飯，結果體驗到史上最差嘅餐廳服務！我哋食飯當晚買埋海鮮 6:30 pm 到達海天，7:05 pm 齊人就叫服務員照住已經溝通好嘅烹調方法去煮海鮮，另外加咗一份叉燒同菜心。7:10 pm 上叉燒，味道同溫度都一般。7:20 pm 左右上菜心，竟然係凍凍嘅😅 7:50 pm 一碟海鮮都未上，請咗位紅色短髮嘅女子幫我哋跟進，點知我哋未講完佢就已經一句：「落咗㗎啦！」諗住敷衍我哋，再繼續同隔籬枱嘅熟客吹水，冇再回覆我哋嘅查詢。我哋要問返佢嘅同事先知道食物嘅情況。紅髮啊姐啊，我哋都等咗45分鐘先請你跟進一下情況，唔想做生意不如執咗間餐廳？如果淨係做熟客，不如喺門口寫到明？最後等到 8 pm 先上到海鮮，順帶一提，蒜蓉蒸帶子呢樣咁簡單嘅餸，竟然係冇味嘅~多謝海天俾咗我哋一次畢生難忘嘅用餐體驗，如果唔係熟客都唔好去幫襯，費事貼錢買難受 …查看更多