影片
更多
2022-09-07
31 瀏覽
今日帶爸爸媽媽食好野~自從疫情之後冇得去日本，佢地已經成日嗌話好掛住沖繩，所以今晚就同佢地黎呢間高質日本餐廳食個DINNER~三文魚壽司、山葵八爪魚軍艦、鵝肝壽司、玉子壽司、三文魚4切而家星期一至五做緊刺身壽司半價，之前冇半價黎食過已經覺得食材好新鮮，而定半價就梗係嗌多D啦!特別想講三文魚壽司，每件折完8蚊件，三文魚刺身4件都係30幾蚊，咁高質又平真係抵到叫! 玉子壽司又係勁抵，玉子甜甜地份量又多，一口一件岩岩好! 鵝肝壽司平時唔捨得食，而家半價點都要試下啦，入口甘香油脂感重，鵝肝味好濃，真係好正!六味真蠔、岩手縣赤崎真蠔呢道六味真蠔真係切點，6隻唔同口味既蠔都係2百幾蚊，味道仲要唔錯，賣相又勁IG-ABLE!入面包括兩款生蠔，分別係柚子伴日本蠔同三杯酢啫喱蠔，而熟蠔有芝士焗蠔、蒜蓉焗蠔、天婦羅蠔同岩鹽海膽蠔~中間仲配有沙律，入面仲有沖繩海葡萄!爸媽對呢個六味真蠔評價勁高，話兩款生蠔勁CREAMY又新鮮，好有沖繩食既感覺，因為媽咪覺得太好食，就話想要多款生蠔，我地見有岩手縣赤崎真蠔，為媽咪開心就梗係要叫俾佢試啦，$98一隻，一黎到見到好大隻，有手掌咁大!我地坐係隔離都聞到隻蠔既鮮味!真
三文魚壽司、山葵八爪魚軍艦、鵝肝壽司、玉子壽司、三文魚4切
而家星期一至五做緊刺身壽司半價，之前冇半價黎食過已經覺得食材好新鮮，而定半價就梗係嗌多D啦!特別想講三文魚壽司，每件折完8蚊件，三文魚刺身4件都係30幾蚊，咁高質又平真係抵到叫! 玉子壽司又係勁抵，玉子甜甜地份量又多，一口一件岩岩好! 鵝肝壽司平時唔捨得食，而家半價點都要試下啦，入口甘香油脂感重，鵝肝味好濃，真係好正!
六味真蠔、岩手縣赤崎真蠔
呢道六味真蠔真係切點，6隻唔同口味既蠔都係2百幾蚊，味道仲要唔錯，賣相又勁IG-ABLE!入面包括兩款生蠔，分別係柚子伴日本蠔同三杯酢啫喱蠔，而熟蠔有芝士焗蠔、蒜蓉焗蠔、天婦羅蠔同岩鹽海膽蠔~中間仲配有沙律，入面仲有沖繩海葡萄!爸媽對呢個六味真蠔評價勁高，話兩款生蠔勁CREAMY又新鮮，好有沖繩食既感覺，因為媽咪覺得太好食，就話想要多款生蠔，我地見有岩手縣赤崎真蠔，為媽咪開心就梗係要叫俾佢試啦，$98一隻，一黎到見到好大隻，有手掌咁大!我地坐係隔離都聞到隻蠔既鮮味!真係勁誇張!海水味好出，媽咪話食落好鮮甜，非常高質咁話!而幾款熟蠔亦各有特色，唔需要點醬汁就咁食都已經好好食!
燒羊架、七味脆炸魷魚酥
食完凍野一定要叫D熱野既，我想話呢個燒羊架係我食過最好食既!平時日本餐廳叫既唔係太酥就係太韌!但呢度既羊架係好軟稔，一咬落去就會咬得開，羊味重得黎唔酥!點都要叫黎試下!
七味脆炸魷魚酥呢個小食都唔錯，份量唔少，魷魚酥又唔韌，一咬就斷，炸得香口又唔油，點個沙律醬食絕對係開胃小食之選!
安格斯牛肉鍋
第二款熱食我地叫左安格斯牛肉鍋，牛肉一排掛係度咁present，睇見都覺得好食，仲配有雞蛋~呢個鍋入面既料都唔少，湯底又香又濃，蔬菜索哂D汁真係好好食!牛肉淥一淥再加D芝麻醬，真係冇得頂，另外加$28有一個烏冬，口感煙韌，建議叫埋一齊黎食!
松葉蟹肉海膽炒飯
松葉蟹肉海膽炒飯黎到好香，海膽一D都唔腥，估唔到配落炒飯都KEEP到個鮮味，飯粒都炒到粒粒分明!
總括黎講呢度既食物質素真係好高環境又好，下次要試埋佢地個LUNCH同TEA SET!
張貼
