616牛肉火鍋專門店 (西菁街)

營業中

休息中

曾經我被朋友話，打邊爐唔食肥牛，同冇打過邊爐有乜分別呀？不過嚟到616 打邊爐，又點只食肥牛咁簡單，全港食牛食得最刁鑽都係呢度，入到去就見到張枱墊列明牛嘅不同部位應該要淥幾耐食得，包括金花趾、匙皮、封門柳、腩頭、吊龍伴...... 真係聞所未聞，616 稱為「牛肉專家」真係非常專業。  不過刁鑽冇用，最緊要好食，我同老公面對住咁多唔同款式嘅牛肉，都有少少選擇困難，最後揀咗幾款唔同嘅部位，諗住試完好食再encore。 叫咗金花趾、匙皮、腩頭、牛柳、牛朴肉，想知即係咩部位請自行睇張紙，而我同老公一致嘅心水推介係金花趾同匙皮，真係從來未食過咁特別嘅牛肉，超濃郁。  “金花趾“非常彈牙、爽口，有啲似牛𦟌但好食10倍！超香濃嘅牛味，配合自助調味吧我最愛嘅蒜香，好食到我同老公要搶咁滯，哈哈！  而“匙皮“就好有嚼勁，但唔會靱，一樣極濃極濃牛味，連我加埋金銀蒜辣椒芫茜調味都蓋唔住，我地食到停唔到口，連可樂都唔記得飲。  至於其他如腩頭、牛柳、牛朴肉，一樣係好好食，最重要係鮮味，因為616 堅持每日新鮮運回來，保持良好品質。  我地未食完呢餐，已經打緊電話約朋友遲啲一齊嚟再食。 冇辦法，食過呢度嘅牛，