更多
2023-01-07
16416 瀏覽
逸東酒店旗下普慶餐廳的自助餐向來好評,上個月去左食聖誕大餐,成人每位$658加一,真係幾多野食,服務唔錯,仲有攤位遊戲玩。餐廳食物區域分佈在不同位置,樓梯入口位有聖誕火雞、燒牛肉及豬腩卷,燒牛肉幾好食,夠腍。旁邊有素食區,不同食材以烤為主,不過我就無食到;再旁邊有牛面脥,龍蝦汁意大利飯都唔錯。升降機旁的是回本海鮮吧,生蠔、龍蝦、麵包蟹、翡翠螺等等,職員會將生蠔沖水再給客人,算是肥美;而麵包蟹蓋亦有好多膏!轉角有芝士、火腿等冷盤前菜,比較吸引我的是醃三文魚。另一區是日式料理區,有刺身,壽司和卷物,以及較少見的串燒及天婦羅,仲有不同口味的鹽,不過我夾左兩次天婦羅都係凍既,明明賣點係即炸,只怪我唔啱時候。東南亞美食有泰式火山排骨,印度咖喱,即煮粉麵,蟲草海鮮粥和點心等等選擇。但這區最吸引我的是熔岩芝士,自行選取食材例如西蘭花,麵包,火腿等,再望住職員一層熱溶芝士淋在面頭,極之邪惡!另一邊盡頭是中菜區,燒味就一般,不過有片皮鴨,羊腩煲,中湯都唔錯,最正係原條蒸魚!好滑溜!餐廳中央是甜品區!除了朱古力樹頭蛋糕,還有多款聖誕造型糕點,曲奇及水果。重點是有12款口味的MÖVENPICK雪糕,配可麗餅
餐廳食物區域分佈在不同位置,樓梯入口位有聖誕火雞、燒牛肉及豬腩卷,燒牛肉幾好食,夠腍。旁邊有素食區,不同食材以烤為主,不過我就無食到;再旁邊有牛面脥,龍蝦汁意大利飯都唔錯。
升降機旁的是回本海鮮吧,生蠔、龍蝦、麵包蟹、翡翠螺等等,職員會將生蠔沖水再給客人,算是肥美;而麵包蟹蓋亦有好多膏!
轉角有芝士、火腿等冷盤前菜,比較吸引我的是醃三文魚。
另一區是日式料理區,有刺身,壽司和卷物,以及較少見的串燒及天婦羅,仲有不同口味的鹽,不過我夾左兩次天婦羅都係凍既,明明賣點係即炸,只怪我唔啱時候。
東南亞美食有泰式火山排骨,印度咖喱,即煮粉麵,蟲草海鮮粥和點心等等選擇。但這區最吸引我的是熔岩芝士,自行選取食材例如西蘭花,麵包,火腿等,再望住職員一層熱溶芝士淋在面頭,極之邪惡!
另一邊盡頭是中菜區,燒味就一般,不過有片皮鴨,羊腩煲,中湯都唔錯,最正係原條蒸魚!好滑溜!
餐廳中央是甜品區!除了朱古力樹頭蛋糕,還有多款聖誕造型糕點,曲奇及水果。重點是有12款口味的MÖVENPICK雪糕,配可麗餅,香蕉船,窩夫都好正!
每位客人有張飲品卷及遊戲卷,飲杯黑牛都係用MÖVENPICK雪糕!攤位遊戲則是二選一,幸運輪或歡樂卡,有朋友抽中二獎(樓上Food Court$50現金券),亦見到有人轉到大獎(免費Buffet!!!)
有段小插曲是安排入座時,我的座位有個阿婆坐低食緊,原來阿婆唔知屋企人用咩名訂位同人數,之後職員即時將枱上所有餐具換過以及消毒,處理得幾迅速。
張貼