影片
港鐵佐敦站 B1 出口, 港鐵油麻地站 C 出口
繼續閱讀
電話號碼
27101901
68060664 (WhatsApp)
開飯介紹
餐廳設有七個美食專區，提供多款國際美饌，各種冰鎮海鮮採購自世界各地，新鮮且選擇多樣；亦設有即叫即燒海鮮、即席切肉等。自助餐設有午餐及晚餐時段。
繼續閱讀
營業時間
今日營業
06:30 - 21:30
星期一至日
06:30 - 21:30
公眾假期
06:30 - 21:30
公眾假期前夕
06:30 - 21:30
以上資料只供參考, 請與餐廳確認詳情
有關獎賞計劃
相關文章
食爆生蠔🦪、蟹腳🦀、時令海鮮🦐，每晚仲有現場解體原條日本直運油甘魚表演🐟 仲要香港品牌「Gwei-lo 鬼佬」啤酒、紅、白酒任飲！任食生蠔、蟹腳、時令海鮮自助晚餐之前成日比人洗版，食過佢Food court，第一次食佢Buffet，我不嬲對比較平嘅buffet唔會抱有太大期望，點知呢間有驚喜🫣首先每位送牡丹蝦一客（星期一至四)/拖羅一客（星期五至日及假日），同埋主菜一客香烤美國緬因州龍蝦尾，兩者質素都唔錯，係新鮮彈牙。海鮮冷盤區必食回本即開紐西蘭生蠔，以呢個價位嚟講，質素中上，淡味但口感順滑，微微奶油香，我食咗8隻😆！雖然size 有大有細，但無一隻有問題，可以放心食🫶🏻 而是日時令海鮮有松葉蟹蟹腳、麵包蟹、小龍蝦、蜆及青口，都屬正常質素。刺身就有三文魚、吞拿魚、劍魚及帶子。而冷盤唔止平時有嘅自己砌沙律，仲有日式漬物，值得讚賞。食完之後，我覺得熱葷係呢間餐廳嘅重頭戲，縱使因場地大每個區域唔集中擺得較開，但劃分都清晰，好處係拎嘢食好舒服！一啲都唔逼同埋唔洗點排隊（除咗特別環節啱啱開始）。熱葷有海鮮區、東南亞區、燒味部、粉麵部、天婦羅、素食區及西式區。海鮮有不停新鮮蒸嘅陳皮蒸鮮鮑魚、荷葉蒸鮮蝦👍🏻，火喉時間都定好，所以確保到每底出品都一樣。隔離有粉麵區，串燒等等，都係即製，不過質素就一般。西餐區自助餐不能缺少嘅香烤有骨肉眼，又係有驚喜❗️牛味濃之餘，仲帶有肉汁一啲都唔乾，贏好多自助餐（因為烤牛肉真係10間有8間都係又柴又乾又老），必食！仲有香烤豬腩卷、香烤有骨蜜汁火腿都係即切。較有特色嘅匈牙利慢燉玫瑰肉，好軟冧，有啲似食牛腩咁但又無咁肥膩，仲有香焗蕃茄蘿勒石斑等等。燒味區係19:15會搖鈴提大家有得拎片皮鴨，所以一開始會勁長龍，我就避開人龍之後先去拎😆，而佢嘅燒味真係招牌，叉燒半肥瘦，鬆軟唔洗咬咁濟🥹蜜汁甜度剛好，比坊間好多燒味店出色，太多試唔哂，例如清蒸海東星、鮑魚雞絲紅燒豆腐、普慶炒三鮮、豉油皇羅氏蝦等等⋯亦有照顧素食者設有素食區，秋葵、栗子、就蒽、甘荀等等，看似簡單，但全部都有調味過同埋keep到温度之餘蔬菜唔乾唔老。少有嘅即炸天婦羅🍤有天婦羅蝦、天婦羅紫心蕃薯、天婦羅三文魚皮，旁邊就係即燒日式燒物，三文魚頭、雞翼、雞軟骨、粟米等等。甜品絕對有驚喜😍😍😍 有師傅瘋狂即製嘅朱古力棉花糖三文治配焦糖芝士，超邪惡但好好食🤤 Churros都有，都係直咋，但略嫌耍得唔夠多Cinnamon Sugar，有中式糖水、豆腐花、12款Movenpick 雪糕，之後甜品蛋糕仔都有10款左右，Opera cake 、德國芝士餅、熱情果芝士蛋糕，都做得好有誠意好好食，分層精緻，朱古力味濃而不漿口，芝士打得均勻綿密。飲品好有驚喜，因為鬼佬啤酒任飲！平時要$30一支，飲得之人絕對輕易回本🙈，仲有紅白酒啤酒，美中不足係得茶包同埋冇咖啡任飲。
繼續閱讀
酒店價食垃圾，以前係好好食，而家變到咁真心覺得好失望，海鮮bar得小龍蝦，蟹腳等，仲要唔點refill,燒味仲難食過快餐店，到限定片皮鴨，鴨肉巨大但啲皮只有一小塊，每人配給一隻龍蝦同拖羅(好難食)，嘢食少咗差咗，又無咗主題，到底當食客係傻定係想點？如果大家以為好似以前咁好食，我就奉勸大家停一停，諗一諗，問吓 親戚朋友近排有冇食過， 參考後再決定，唔係只會食到一肚氣，浪費金錢及quota去食一餐好一般既酒店自助餐
繼續閱讀
OpenRice訂座7折優惠，去試佢嘅午餐自助餐，食物選擇多，嗰日嘅生蠔新鮮，但蟹腳比較細，侍應有禮貌收碟都好快，味道不過不失，但選擇多而感到滿足，推介燒味部嘅叉燒，真係好好食。
繼續閱讀
普興buffet真係好抵食，特別係60歲以上老人家如果喺OpenRice定位有七折12點入座，如果一點入座有六折。嘢食種類多有海鮮。最抵食就係午餐buffet都有生蠔即開生蠔有魚生有熱盤有冷盤，有即炸天婦羅，亦都每人有一份羊架，有甜品有海南雞飯有米芝蓮叉燒。。亦有好多甜品好多種類真係又抵食，又值得招呼又好又快脆收碟。亦有好多飲品。唯獨是羊架會有啲生，但你可以同佢講要熟少少佢會再幫你安排另外一份，另外有限時黑松露意粉差唔多時間會有人通知，然後你就出去排隊都OK 㗎，可以一試
繼續閱讀
#20250426 🤍📍 #普慶餐廳 @theastorhk 佐敦彌敦道380號香港逸東酒店B1樓➖➖➖➖➖➖➖➖➖➖➖➖➖➖➖➖#自助午餐 #成人 $454/位💭 雖然呢度60歲以上可以平$100左右，但上網用埋discount買都仲係呢個價有啲貴，同埋可以要迎合啲舊香港feel，所以啲盤呀碟呀望落都好cheap，成個presentation整到好low class咁😓. 🥢 #冷盤💭 主打當然係生蠔，不過呢度係預先開好既半殼急凍蠔，品質唔算太高，拎左兩三次都停左手🦪蟹腳偏咸又係唔食得好多次，刺身就正常啦，但無蝦同帶子，真係放題仲抵咁🍣. 🥢 #熱食 💭 呢度分左好多張枱裝野食，種類係多但幾乎全部都係啲日常會食到既野，無咩好深刻既野食，夾硬數的話就係天婦羅或者串燒算係比較好食，有吸引到再去拎多次🍤. 🥢 #甜品 💭 即整既雞蛋仔有啲gimmick，不過去到中段開始多左人拎就整多左於是放凍晒，其他cake果啲都係同一個底換左唔同口味無咩特別，雪糕係movenpick亦唔算高級，第二個胃完全唔滿足🧁. 🥢 #飲品 💭 難得buffet直頭開個水吧任揀野飲，茶記啲檸茶檸水都有，果汁有橙汁西柚汁，又有楊枝甘露幾特別，仲有唔同茶包可以揀，岩晒食到尾想飲返杯熱野既朋友仔🍹.#佐敦美食 #🐷在佐敦 #🐷_食
繼續閱讀
您可能會有興趣的...