伙食工業 (已結業)

火炭一個偏偏地嘅地舖，原來係台式餐廳。好早排電視節目介紹過，但位國實在太吊腳，所以排到咁遲先黎。一個絕對唔適合推BB車黎嘅地方，入門口先爬上N級樓梯。裡面裝修非常有趣，完全工業風，幾有風味。 台式香酥雞排飯 $60 份量都幾多，雞排炸得香酥，落左辣粉幾惹味。肉質正常啦，配飯食都相當飽肚。 紅燒牛筋腩麵 $60 一大碗好澎湖，成碗面都係肉，牛筋夠腍都好入味，牛腩又夠肉。 魯肉飯配魯蛋 $25 廿幾蚊一碗都幾抵食，餸料夠多，醬汁撈飯正。 美祿恐龍 $20 摩卡冰沙 $42 打得幾滑，味道都夠濃，唔會飲到一半就淡而無味。 餐廳係特別嘅，味道都好，但位置確實就唔係幾方便，試過就算了。