伙食工業 (已結業)

一向都覺得火炭係美食沙漠🤕偶然之下喺火炭發現到呢間餐廳🤩🤩🤩決定上網睇下食評👀發現網上都有唔少正評所以決定入去試吓😚一入到去就見到差唔多全場坐滿人咁濟😆不過當然都可能因為咁岩撞中食飯時間🤣佢晏晝有啲lunch set吸引下附近嘅打工仔😎第一次試我叫咗個應該唔會伏嘅魯肉飯套餐😂套餐包飲品都價錢只係$50-$60左右🤩最吸引係佢個滷水拼盤真係好足料😍大概有豬耳滷蛋滷水雞翼😋😋😋味道整體唔錯但可能係滷水關係偏向濃味少少但整體都係值得一試嘅✨😗

疫情前呢間餐廳旺到不得了，現在包埸咁只有我一台客的星期六下午，在這餐廳食飯慶祝生日，叫了3件cake, 同staff 講慶祝生日，佢地好有心仲寫左HBD ，其他野食方面不過不失。

1️⃣ 半根半腩紅燒牛肉麵牛肉同牛根都好入味👍🏻牛肉重牛味得黎唔會好韌湯底頗為清新，但面嘅口感不一，有啲好霖有啲就好硬評價：🌕🌕🌕🌑🌑推薦程度：🌕🌕🌕🌗🌑2️⃣ 滷肉飯套餐首先值得一讚嘅係飯嘅口感粒粒分明，同時有咬口，配上滷肉汁同肉一流！其他滷味都有入味，食物本身口感也有保留，美中不足的是蘿蔔有「衣」評價：🌕🌕🌕🌗🌑推薦程度：🌕🌕🌕🌗🌑總括而言食物質素唔錯，裝修風格幾有特色，好似偶爾會有live band（不過冇遇上😫）適合去打卡hea下。不過離火車站有斷比較長嘅距離，條路有啲曬同熱，想係夏天幫襯嘅朋友仔要留意啦‼️

呢間台式餐廳係位於火炭💁🏻‍♀️火炭係一個工業區, 所以嘢食嘅選擇並唔係好多喺OpenRice搵到呢一間伙食工業聽個名完全唔知道佢係一間台灣餐廳😂室內嘅環境係好大, 位置都非常之多裝修都係以木枱為主感覺上好有懷舊感入邊嘅員工聽講大部份都係台灣人黎而且佢係自助形式需要自己揀好嘢食睇咗枱號, 之後就去收銀處同職員講底枱號同埋你想食啲咩就OK啦☺️今次我叫咗個麻辣牛筋腩湯麵湯底我覺得好一般🙈麻辣味一啲都唔重, 湯底都唔係好香濃不過份量係好足嘅, 牛肉方面都幾好食但麵質我就覺得相對都係普普通通所以整體來講就不過不失啦🤣回👧🏻指數: 👧🏻👧🏻

行完道風山於火炭出，見時間尚早當然就係食tea 時間啦，火炭唔太熟之餘亦唔覺有咩餐廳，係OR search 到呢間台式餐廳，依稀記得N年前遊伙炭工作室時曾經黎過，所以就再幫襯。因為真係食tea， 所以都係揀啲小食：🔸台式蛋餅因為好耐無食蛋餅，所以見到忍唔住就叫一份，正常。🔸一口多士（？）（確實名字忘記了😅）朋友叫了西多，說有驚喜，因為上邊加了朱古力粉，朋友很喜歡。另外飲品就叫了紫薯latte 跟芋頭latte, 我果杯紫薯都係普通，咖啡味較淡。整體tea 的食物就一般，但環境寬敞，而且裝修幾靚，有工業風的電路線，而且食物選擇頗多，有機會可以再試要試主食。

是日2022年3月13號(日)在火炭附近找餐廳，因為大部份工廠區的餐廳都關閉，於是想起這間「伙食工業」，之前搭車經過一直想試。我地中午12點05分左右入去 (當時只有2台客人)，點了R2. 台式香酥雞排飯、R10. 台式鹽水雞飯、仲有個蛋餅加珍珠奶茶。點知食到中後段，發現台式香酥雞排飯的飯內有***一隻有腳的小強***，極度嘔心，之後我拎出去比女侍應並告知有小強在碗內，但女侍應馬上收走飯碗，一句不說便轉身離開，我亦無多說返回座位。隔20分鐘後我們離開餐廳，期間一直無職員跟我們交待，連一句"唔好意思"、"對唔住"都無聲，完全係零反應!!! 不知所謂!!! 完全無哂胃口 連香酥雞都無胃口食，以後不會再光顧此小強餐廳。這午餐花了200元，但衛生極差、服務極差、態度不知所謂，希望大家慎入。利申:  我全程沒有要求更換任何食物、亦沒有要求任何退錢及優惠。

見到有人喺社交平台度介紹咗呢一間餐廳好靚，真係好高級嘅餐廳呀，於是就走咗入去食嘢啦！叫咗一個紫薯麗飯配香煎帶子， $168 ，非常精緻嘅賣相，而且呢度嘅紫薯飯真係好吸引，顏色好靚，而且紫薯嘅味道好香，上面嘅帶子煎得非常之香口，而且鮮甜味十足！

今日到火炭工業區食午餐，雖然位置距離火車站遠了一點，不過絕對值回票價。伙食工業主打台灣菜，也有提供不少咖啡選擇。餐廳空間寬敞，不時在這裏舉辦其他活動。環境佈置以懷舊為主題，我還見到一面牆身掛了一個一比一的紅綠燈。朋友點了一份京蔥豚肉燒飯，她說京蔥味道十分突出，而且豚肉肉質鮮嫩。我點了是一份藍帶起司豬排飯，油炸豬扒淋上甜醬油，芝士夾附在皮下，而且中間還夾了一塊火腿，味道非常有層次。我們兩人又點了一份小食——椒鹽雞軟骨。清新伴菜絕對有助減少食煎炸食物的罪惡感。可惜餐廳的手沖咖啡兩點半之後才供應，於是我點了一杯凍粉紅岩鹽焦糖拿鐵。飲品並非粉紅色，不過焦糖味道好突出。朋友點了紫薯拿鐵不含咖啡因，賣相十分夢幻。凍粉紅岩鹽焦糖拿鐵紫薯拿鐵京蔥豚肉燒飯 $55藍帶起司豬排飯 $65椒鹽雞軟骨 $40🟡

聖誕假期想同朋友聚吓，專程再次黎呢度食吓飯。呢度嘅裝修好有心思，工業風牆身、水管、懷舊電影海報... 連廁所都好靚，如果第時有間屋嘅話都想參考吓啲佈置。餐牌有幾多選擇。蕃茄牛肉煲，牛肉同牛筋非常多，估計係三至四人份量黎。成個煲仲會有生菜同白飯附上，打開蓋個陣香氣四溢，牛筋都煮得非常冧，呢啲凍到打冷陣嘅天氣食到咁暖嘅野好幸福呢。牛肉麵非常足料！感覺冇吝嗇到牛肉，粗麵亦掛湯。牛筋同牛肉煲一樣，煮到好易咬開。魯肉飯嘅豬肉個人覺得肥瘦度剛剛好，但如果想食肥豬肉嘅話，呢個飯可能會有啲太瘦。而且肉躁量唔太夠送飯。但整體覺得都有台灣味道。瀂水拼盤非常大份，豬耳好爽口，雞翼、豆腐等都好入味。健康地叫碟蒜蓉炒A菜，唔太咸份量又多。黑松露薯條個醬太好食，幾乎唔記得仲有茄汁存在。加上咗調味粉後味道唔單調。甜品嘅芋圓入面仲加咗珍珠，非常大份，但冰就似乎係普通冰，如果係牛奶冰，溶咗之後味道唔會變淡就更好了。水蜜桃沙冰幾清新，就算係罐頭桃，加落沙冰都令人好滿足。因為位置幾僻，所以假日想搵個冇咩人嘅地方靜靜地坐吓，呢度係一個好選擇。

本身我都住得近火炭，但一向都知火炭係美食沙漠，所以知道有一間台式cafe就好興奮咁去試吓餐廳裝修復古，非常適合打卡一入門口就有一面牆充滿咗梅姐嘅黑膠碟講番嘢食，我哋叫咗一個麵一個飯一個滷水拼盤同沙律。拼盤我唔記得影相，份量好充足，可惜蛋同雞翼食落滷咗一段時間，偏硬。其他配料都唔錯，而且仲比好多豬耳牛油果蛋沙律對於女仔嚟講就十分唔錯，牛油果新鮮而且菜份量十足，價錢亦較相宜呢個藍帶芝士豬扒飯好大碟，而且一切落去啲芝士流晒出嚟不過少咸，同白飯一齊食就非常match啦而呢個醉雞麵線我覺得非常好食！酒味香濃，而且食完完全冇好heavy嘅感覺份量亦比睇落多雖然位置比較偏遠，但亦因為咁所以少人啲，想要一個寧靜又靚嘅餐廳食嘢聚一下，甚至溫書，呢度都十分適合

尋日經過，就試下呢度既午餐門口都有好多唔同既植物，如果遠望，唔覺得似一間餐廳入到去，裝修環境都唔錯再講下食物先叫左個全日餐， 好似去左台灣食早餐咁😂呢個餐真係超飽，如果女仔食既話，其實兩個人叫一份就可以。之後叫左個鴨血鴨肉麵線， 普通野， 唔好預佢好好食😮‍💨到杯黑糖珍珠奶茶，我就覺得麻麻地，冇茶味既呢間店鋪， 一大班朋友過來聚會都ok既， 好在地方夠大。見到所有既佈置都係有花過心思，總結：人均消費午餐 $100 左右， 野食雖然唔係好好食，但勝在可以坐得耐，同朋友去傾下計，坐下都ok 既

以前成日嚟食點知越嚟越難食，係咪轉咗廚師？鹽水雞有沙。。。豬扒加塊火腿再炸甜不辣冇醬檸檬茶茶底苦到好似中藥咁點解同之前差咁遠已經唔想多講呢間嘢個負責人有冇負責過。。

麻辣鴨血鴨肉麵線 $85負分，竟然夠膽用煙鴨胸代替鴨肉？！成碗都係超市現成即開即食加工副食品拼湊而成，包括湯底，一口即食麵味粉嘅味，鹹到灼喉！黑糖珍珠奶茶冇奶味，得個甜字三杯牛尾飯 $70牛尾完全係硬到咬唔開，完全挑戰門牙，食落每一口都黐牙，完全係虐待自己。牛尾要煮得腍係基本要求啦，仲衰過茶餐廳。三杯烹調方法唔正確，導致只得薑味最突出。環境裝修不錯，坐位亦舒適，奈何食物奇差，導致整體用餐體驗不佳，不推薦此餐廳。

《伙食工業》火炭💛次次去火炭都想黎試，但每次都撞正Lunch Hour🕐 好多人，今日終於可以早早少少，12點15分左右到，有位開餐🍴《麻辣鴨血鴨肉麵線》🦆有三大片鴨血（鴨血是主角是常識吧）麻味不算重，辣味中度，但配住麵線就感覺味道較濃。鴨肉其實是鴨胸肉，味道還可以不是特別，反而豆乾吸左湯底味就超正。《台灣鳳梨牛肉麵》🍜這個相對有驚喜，先講湯底竟然啖啖都有鳳梨既甜味，超喜歡💕牛肉係三大件配二件牛筋，牛肉牛筋炆得好冧身，麵底係我最愛既粗身麵🥰《台灣鹽水雞》🐥鹽水雞加大量炸蒜青瓜，底層有西蘭花做底，感覺平衡返，無咁漏。《紫薯拿鐵》+《玫瑰拿鐵》☕☕我覺得比較甜左小小，如果少甜一點比較理想整體都係推薦，隔離左右份份都係大份量，而且好多選擇，環境一流，下次會試下Tea Time 可以坐耐少少🤗

要係火炭工業區中搵美食其實唔難，只係你要識路🤣依間餐廳離火車站就有啲遠，咖哩牛筋牛腩飯，牛腩同牛筋都煮得好淋，而且份量充足味道唔差。😘不過個人認為咖哩香酥雞會好食啲，因為炸過香口啲🤣