74
79
29
電話號碼
35860863
開飯介紹
環境以懷舊及 loft 風作主題,主打台灣美食,如台式起司肉鬆蛋餅,價錢平民化。餐廳更會不定期舉辦表演活動,是在地人的休閒好去處。 繼續閱讀
獎項殊榮
最優秀大埔/沙田區開飯熱店 (2016)
營業時間
今日營業
12:00 - 18:00
星期一至四
12:00 - 18:00
星期五至日
12:00 - 22:30
付款方式
Visa Master AlipayHK 支付寶 現金 八達通
座位數目
120
其他資料
網上訂座
Wi-Fi 詳細介紹
酒精飲品
自帶酒水
泊車
電話訂座 詳細介紹
外賣服務
加一服務費
Live Music
當面支付
有關獎賞計劃
食評 (210)
等級3 2021-05-20
182 瀏覽
喺屋企附近冇乜好嘢食,要行好耐好耐好耐先去到呢一間餐廳,但係我依然會行好遠下你呢間餐廳食,因為佢真係好高質好正。呢一間嘅裝修好工業風,因為佢喺工廠大廈入邊囉,完全唔覺得佢係台灣野黎,不過呢佢會播住一啲台灣嘅歌,都幾有台灣feel嘅。我最鍾意食嘅就係佢個紅燒牛肉麵,我湯底好濃郁,但係又唔係好油膩好清爽,帶着淡淡的辣味,刺激啊!啲牛好淋好鮮嫩,唔會好柴皮,而且好入味,有花椒八角味。佢啲髯鬚雞都好出色㗎,揸得好趣口,又香,又唔會好鹹,食完會想再食。一句講晒好好味😋 繼續閱讀
(以上食評乃用戶個人意見 , 並不代表OpenRice之觀點。)
等級1 2021-05-10
207 瀏覽
未食之前睇樓下評價,啲評價係一半讚一半彈。-咁可能帶狗入內既餐廳真係唔多,仲要近彭福公園既狗狗友善餐廳更加寮寮可數。所以唯有去呢間試下啦😊-一入去我地即刻問職員狗仔可唔可以唔入袋,職員話唔洗入袋,超開心,可以比狗仔出黎透下氣(如果佢話要入袋我地就唔幫襯了,因為用袋狗仔其實真係幾唔舒服)咁之後就要自己去counter俾錢點餐,佢冇跟餐野飲,要分開叫,所以lunch黎講價錢算中上,80幾蚊有麵有特別野飲,唔算話貴但唔係平,但勝在入面環境夠大夠舒服。咁都好快上左餐,我地叫左佢地menu推薦既魯肉飯同 辣牛肉麵,味道不過不失,唔係難食但稱不上好食。反而想講兩杯野飲,我地叫左一杯黑糖珍珠同紫薯latte, 兩杯都想少糖少冰黑糖珍珠想少冰但店員話唔可以,咁黑糖冇得少甜係正常既,但冇得少冰就。。。。紫薯latte 就化學味,入面冇紫薯,應該係化學調飲品加奶精?總之唔推介飲。-見好多評價話店員態度差,我覺得唔可以話差,只可以話佢地冇服務,基本上係客人自助,店員都冇黑面既,可能係工作攰姐,但唔係惡意個種。咁人地冇收服務費,有收個啲店都好多冇服務啦,冇收個啲就唔好要求太高啦-店內環境真係幾舒服,都幾靜同幾大,帶大狗狗都冇問題,不過要小心好多蚊,但店員都好盡責成日攞枝蚊拍電蚊,都有做野嫁啦😉80幾蚊買個舒服,人同狗都坐得舒服我覺得ok啦~應該會再去(但唔建議叫特飲) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-09
125 瀏覽
呢日又嚟食,想食飯又簡簡單單,於是叫咗鹽水雞。點知一嚟,知道中伏鳥😨雖然好大兜,但翻開成碟雞都碎濕濕,一粒粒碎碎咁,十足十開咗個罐罐,倒到滿滿用嚟餵主子🐱🐶食嗰啲雞咁樣... 😧外表差不特止,食落仲難食 😨😨😨 又乾又硬,又無雞味又無鹽水味,仲要亂加咗一味粉,辣辣哋... 🐶我懷疑係咪整廿一世紀新狗不理... 超級伏~ 食咗三分一,還返比佢,真係食唔落,變相齋食白飯。同食少少環境千祈千祈唔好食呢度鹽水雞,極伏~ 繼續閱讀
(以上食評乃用戶個人意見 , 並不代表OpenRice之觀點。)
💛💛💛伙食工業💛💛💛如果唔係有事要去火炭,我諗我都唔會食到呢間餐廳,因為真係遠離市區😂。就咁睇外邊已經見到充滿森林FEEL既木裝飾,入到去簡直係文清打卡之地😎。台式香酥雞排飯 $55香酥雞有少少辣,未辣到要飲水,好惹味,炸得好好。份量都okay,幾多雞扒又幾多飯,不過略嫌個飯有少少笠口😥。如果你問我下次會唔會食,我會因為呢個價錢而食,如果加價就不了🤪。台式蛋餅(肉鬆)$40食落有少少奇怪,個蛋餅比較濕,可能呢個係真台式做法,只係我哋唔習慣咁食🤨。肉鬆份量好多好足料,食到每啖都有肉鬆,就算食蛋餅邊邊位都有😽。美綠恐龍 $25唔係好多地方有得飲美祿恐龍,呢度嘅美綠粉就好似座山咁!好味又抵飲,只要$25,下次都一定會再嗌☺️。埋單$120(無加一) 繼續閱讀
(以上食評乃用戶個人意見 , 並不代表OpenRice之觀點。)
位於火炭嘅『伙食工業』,地方非常寬倘而且價格合理。加上有啲時候會有不同嘅Live Band 演出,係放鬆心情嘅好去處。步入餐廳,彷彿時光倒流30年。各種充滿溫度的擺設和字句,猶如置身古早台灣。宜蘭蔥肉餡餅,皮同肉餡味道唔錯,不過溫度稍為唔夠熱。台灣菜又點少得鹽酥雞?呢度係雞排版本,炸得外脆內軟,雞肉亦醃得入味,係是晚最滿意嘅一道。牛筋牛肉麵係另一台灣名菜。呢度牛肉炆得夠腍,份量亦夠慷慨,可惜湯頭略淡,未能將牛肉味帶出。魯肉飯配鹵水拼盤,魯肉充滿豬油香,配上白飯當然一絕。鹵水拼盤有雞翼,豬耳同海帶,味道正常。後加嘅新竹米粉,炒得乾身足料。 繼續閱讀
(以上食評乃用戶個人意見 , 並不代表OpenRice之觀點。)