神山麺屋 (創紀之城五期(apm))

營業中

休息中

之前食過拉麵，所以今次試左招牌辣沾麵，亦因為拉麵非常香濃好味，等待既時候非常期待。等左一陣，沾麵來了，雖然色澤不錯，但我覺得唔夠辣，不過拉麵沾麵普遍來講都唔會話超辣，所以都冇乜問題。沾汁味道都夠香濃，但美中不足係麵煮得太耐過淋兼唔夠熱。平時係其他沾麵店通常有冷麵熱麵選擇，我本身比較鐘意熱野，所以個麵唔夠熱係失色左好多，同埋其他店既冷麵係會比較彈牙爽口，對比之下呢個麵就顯得有啲兩頭唔到岸。另外仲叫左炸雞，肉質嫩滑，小食反而比主打食品更出色。下次來都係會叫返拉麵。