Med Chef (已結業)

最近訓得唔太好，同朋友傾開，佢話不如去試下間新餐廳。我奇怪，訓得唔好同試新餐廳有何關係？原來佢推介的呢間餐廳係CBD大麻素主題餐廳，在厚福街。環境格局摩登簡潔，仲有大大個霓虹燈招牌。CBD其實係大麻抽取的成份，是鎮靜劑的一種，能緩解緊張情緒，在香港已合法使用。加入到食物這概念頗有新意，值得一試！帶子蟹肉牛油果他他造型精美，上面插著烤得香脆的麵包，他他配上薑油黑醋汁，酸酸地又帶淡淡薑香，點麵包食，清新健康又滋味！柚子漬三文魚飯，材料好足！有半熟吞拿魚、三文魚刺身，烓茄子、青豆等，料多得飯都見唔到！而且顏色豐富，食慾大增！用的是赤身珍珠飯，飯粒圓潤有咬口，成個飯性價比好高！威靈頓牛食得多，但變作三文魚真的第一次食。酥皮烤得酥薄香脆，魚肉冒煙而濕潤，配上秘製黃椒醬，好合拍！開心果鮮奶油芒果千層酥，也令人驚喜，首先是奶油食得出用心，應是自家製的，濃稠而帶奶香，不是買回來的現成的貨色。芒果香甜，加上香脆酥皮，小小一件令人賞心悅目，味道更没有令人失望，個人認為是必點甜品！這家餐廳，估唔到除左有主題，食物都咁有驚喜，CBD有無起作用暫時未有太大感覺，但難得我個挑剔朋友食完都即刻話要encore！