396
17
4
港鐵尖沙咀/尖東站 B2 出口, 步行約3分鐘 繼續閱讀
電話號碼
96824946
開飯介紹
位於尖沙咀的多國菜餐廳,裝修時尚,霓虹燈掛在天花板,十分特別。餐廳在食物中加入了CBD大麻二酚,有鎮靜及舒緩情緒的作用,主廚Rex曾於知名中東菜及墨西哥餐廳工作。 繼續閱讀
附加資料
香港第一間以大麻二酚 Cannabidiol (CBD) 為主題的多國菜餐廳。
營業時間
今日營業
18:00 - 23:00
星期一至四
18:00 - 23:00
星期五
18:00 - 23:45
星期六至日
12:00 - 23:45
公眾假期
12:00 - 23:45
公眾假期前夕
18:00 - 23:45
付款方式
Visa Master 現金 銀聯
座位數目
60
其他資料
網上訂座
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務 詳細介紹
有關獎賞計劃
食評 (429)
等級4 2022-05-30
462 瀏覽
以前唔知咩係CBD, 但自從有左失眠問題,開始接觸CBD honey, 發現CBD令人放鬆,提升睡眠質素,有時仲會用係護膚品。疫情後真係少左好多聚餐,補食生日飯,所以要食返個開心放鬆飯,叫到一枱都食唔曬既嘢。餐廳好好坐,唔係好多人,真係可以好耐。可以選有CBD或者唔要, 但黎得呢間我覺得係要試下CBD 既食物前菜:大麻二酚小食拼盤出黎食飯就係想放肆,好想食炸嘢,呢個小食拼盤2個人食岩岩好。水牛城雞翼一向都我既至愛,好juicy,配上醬汁即時有水牛城風味。炸蝦餅真係見到有蝦,真材實料,外脆內軟,又多汁。洋蔥圈都唔錯,甜甜地。主菜一:墨汁蟹肉意大利飯伴香煎北海道帶子呢個墨汁好出色,好香濃。帶子都煎得岩岩好,加埋蟹肉無咁油膩。主菜二:威靈頓三文魚配秘魯黃椒醬威靈頓牛就食得多,三文魚真係第一次。出街食飯當然係要試d 自己唔識整既料理,唔洗諗即時點左。賣相真係好好,仲有菠菜係中間,外面脆脆地,入面又無overcook, 唔錯,不過可以多少少汁。飽飽的完結,星期一至四黎食仲有15%OFF, 返屋企段路都開始覺眼訓,好輕鬆愉快既一晚。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-29
259 瀏覽
今晚同舊同事聚舊,決定食好少少~佢話想試下Med Chef,原來係因為呢到嘅食物會加CBD(大麻二酚)佢話呢排壓力好大喎XD 其實大麻二酚(CBD)係大麻中其中一種有醫療作用嘅成分,純CBD有能夠令人放鬆心情、幫助入睡、消炎及收復肌肉疼痛等等作用。由於Med Chef依家做緊星期一至四 all item 15% off所以我地星期四黎食~呢到係QR code自助落單,我同事叫左個法式龍蝦湯($108)佢話鮮香濃郁!威靈頓三文魚配秘魯黃椒醬(走CBD $238)平時食威靈頓牛多,三文魚第一次食,外脆內嫩滑口感一流~美國安格斯穀飼平鐵牛扒配燒汁伴黑醋露荀/白菜花蓉($338)牛扒煮得啱啱好唔會好鞋口,由於呢個冇走CBD,味道微微有CBD但唔係怪味/難食,所以大家可以放心!脆炸焦糖西班牙油炸鬼配雲呢拿雪糕($98)個油炸鬼好鬆脆加埋雪糕食就啱啱好!舊同事叫嘅法式橙酒可麗餅伴雲呢拿雪糕($88)佢話甜度ok唔鍾意食甜嘅都唔怕!飲品方面,舊同事叫凍Latte($52)而我就叫左含CBD嘅蜜桃乳酪沙冰($58)酸酸甜甜易入口。以前只試過搽含CBD嘅護膚品,食落肚都係第一次~食完返到屋企之後明顯成個人好relax,當晚亦訓得好冧~大家不防試試! 繼續閱讀
(以上食評乃用戶個人意見 , 並不代表OpenRice之觀點。)
早幾日報導泰國大麻合法化,其實香港都有間大麻餐廳,絕對合法㗎!【Med Chef】 係全港首間大麻二酚餐廳(Cannabidiol)簡稱CBD,CBD係大麻植物內的化合物,有鎮靜、消炎止痛、舒緩情緒、放鬆心情作用,所有食品係製作過程會加入大麻二酚CBD,份量已悉心調教,如果唔想加入CBD,落單時講明就得全店以深紫為主色,配合昏暗氛圍好有mood,成個人好relax,店內亦有香港本地品牌【FORMERCBD 】CBD產品購買,價錢都好親民,有興趣CBD可以直接買走大麻二酚小食拼盤(水牛雞翼、炸蝦餅、炸洋蔥圈) $148見到依個組合唔使諗即刻嗌,炸蝦餅真係食到粒粒蝦肉。見餐牌寫水牛雞翼但食落一d都唔辣嘅?原來係隨碟附上個醬係水牛汁,所以食唔到辣朋友仔都可以食雞翼,唔點醬就得威靈頓三文魚配秘魯黃椒醬 $238威靈頓牛柳聽得多,不過唔食牛嘅Venus就未試過,Med Chef 威靈頓用三文魚做餡終於可以試下la,上枱已經好期待,好香牛油酥皮味,切開外層鬆脆酥皮,入面有軟腍腍三文魚肉,仲有洋蔥菠菜增加味道層次,加上微辣黃椒醬,無論口感、味道層次都非常豐富,一定要試!墨汁蟹肉意大利飯伴香煎北海道帶子 $158蟹肉絕對唔吝嗇,約有4大湯匙,夠哂撈勻全碟,墨魚汁意大利飯充滿香濃忌廉味,有切粒青瓜和洋蔥增強口感,帶子煎到好香口又不失鮮甜,相當高質!總括食物相當高質,地方夠Chill~另外相信好多人都同我一樣好奇大麻二酚味道係點?答案係我都唔知?因為食落d食物真係無額外味,聞落亦同平時食嘅一樣,唔會特別苦/甜/酸咁。不過夜晚真係好好訓,訓到第二朝鬧鐘響先醒,無好似平時咁中途扎醒,估計係CBD功效!【Med Chef】做緊星期1~4餐牌內所有item全日15% off,所以我揀星期一去食,抵食勁多!Med Chef地址:尖沙咀厚福街12-12A號藍馬商業大廈1樓 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-17
258 瀏覽
放假先至來落雨! 不過希望<並非>在明天! 星期日落雨, 明天就係星期一! 要返工囉! 好灰囉!  幸好今日約左朋友見面, 總算是小確幸! 朋友帶我到這樓上餐廳, 保證可以鬆一鬆. 原來係食物加入CBD大麻二酚. 以手機下單後, 我倆就開始雞啄唔斷吹呀吹!!   帶子蟹肉牛油果他他配薑油黑醋汁SCALLOP, CRAB MEAT, MENTAIKO, GUACAMOLE TARTARE       食蟹要有儀態, 看到CRAB MEAT, 所以首選這款小食. 綠色, 橙色, 白色, 黑色, 顏色夠豐富. 以脆脆法包作匙, 將白色帶子肉和CRAB肉, 連同青BB牛油果醬一起舀出來, 再配上橙色三文魚籽, 全部都放入口裡慢慢嘆. 硬的軟的亁的濕的,都盡口裡.  可是帶子蟹肉牛油果他他份量很足, 反而顯得薑油黑醋汁比例較小.       美國安格斯穀飼平鐵牛扒配燒汁拌黑醋露筍, 椰菜花蓉PAN SEARED USDA PRIME ANGUS FLAT IRON STEAK  BROWN SAUCE, ASPARAGUS, CAULIFLOWER PUREE             原塊FLAT IRON STEAK表面灑有黑椒碎碎, 很正常的做法. 牛扒油花分佈很平均, 先取一件到自己小碟裡慢慢切. 牛肩肉的肉質較軟腍. 就因為牛扒很軟身, 難以用叉子定位, 加上這塊牛肩肉中央有2-3條明顯的白筋, 餐刀要多鋸几次.  整肉質不結實, 很鬆軟嫩滑. 就因為容易咀嚼, 所以味蕾較容易感受到牛肩肉的甘香.   燒汁 炒洋蔥碎的甜味和黑椒的辣味, 同時也有點醋酸味, 配甘香的牛肩肉一流!  間中來一口車厘茄, 好讓味蕾清新一下.  消滅牛扒後, 來到伴碟沙律菜.    沙律菜有油醋汁很正常, 食露筍要有儀態, 先分切為小段, 再以叉子來享用.    椰菜苗 泰菜常出現的椰菜苗呀! 有了椰菜苗承托, 牛扒就不沾上下方白色椰菜花蓉.  保持牛扒的原味了!    白色軟綿綿, 乍看之下以為是薯蓉, 實情是椰菜花蓉. 終於明白剛才廚房的<沼沼>聲何來! 原來是攪拌器制作椰菜花蓉!  不過椰菜花蓉軟綿綿, 無需牙力即何享用, 我喜歡這口感.  黑松露忌廉什菇意大利飯 BLACK TRUFFLE MIX MUSHROOM RISOTTO     又是軟綿綿杰撻撻的美食! 可是RISOTTO始終要咀嚼. 幸好飯粒煮得剛剛好! 中芯位不硬, 意大利飯的口感反而似雪藏後日本飯糰那口感. 忌廉不太濃, 没有蓋過雜菇味道呢! 不知不覺, 我倆邊食邊談, 直到太陽落山了! 也許是難得和朋友見面, 讓人身心康泰. 也許是CBD大麻二酚, 令人放鬆. 當晚的睡眠質素有改善!   繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-29
1311 瀏覽
隨着公司搬咗去港島區,已經好耐冇去過尖沙咀食飯,臨近年尾飯局總係好多,今日約返個同事去厚福街嘅一間樓上鋪晚飯,佢嘅特色係以大麻素為主題。之前係第二到試過落咗大麻素嘅咖啡,老實說除咗貴都覺得冇乜特別感覺,所以其實今次去之前期望都唔係好大。上到餐廳,黑暗嘅環境加上霓虹燈裝飾,係比較新潮嘅酒吧feel;食物價錢都親民wo,而且感覺都特別。我都一如以往唔想諗,一於叫二人set。通常set嘅野食都會比較普通,方便廚房烹調,但今次呢餐確實震撼左我!由沙律到主菜,都feel到誠意十足。最欣賞佢嘅威靈頓三文魚,工序多唔再講,佢個皮脆之餘件三文魚都係係劣質貨,黃椒醬更加意外地好食,唔會有陣生生嘅椒味。廣島蠔闊條麵同樣出色,芥末忌廉汁係少有嘅配搭,唔膩但又好juicy,麵質軟硬合適,蠔鮮甜味美!簡單嘅甜品都有花心思擺盤,唔係比行貨蛋糕應酬客人。餐廳聲稱每道菜都加左大麻素,而我地點龍蝦湯亦都extra加左,味道當然無分別,不過食完之後感覺真係relax左,可能真係有一定放鬆作用🥰 繼續閱讀
(以上食評乃用戶個人意見 , 並不代表OpenRice之觀點。)