315
15
3
港鐵尖沙咀/尖東站 B2 出口, 步行約3分鐘 繼續閱讀
電話號碼
96824946
開飯介紹
位於尖沙咀的多國菜餐廳,裝修時尚,霓虹燈掛在天花板,十分特別。餐廳在食物中加入了CBD大麻二酚,有鎮靜及舒緩情緒的作用,主廚Rex曾於知名中東菜及墨西哥餐廳工作。 繼續閱讀
附加資料
香港第一間以大麻二酚 Cannabidiol (CBD) 為主題的多國菜餐廳。
營業時間
今日營業
12:00 - 15:30
18:00 - 22:30
星期一至五
12:00 - 15:30
18:00 - 22:30
星期六至日
12:00 - 23:00
公眾假期
12:00 - 23:00
付款方式
Visa Master 現金 銀聯
座位數目
60
其他資料
網上訂座
餐廳運作模式 - B類
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務 詳細介紹
有關獎賞計劃
食評 (342)
等級4 2021-11-24
101 瀏覽
話說 今日食飯前 朋友問我 有無聽過大麻二酚(CBD) 我當然有聽過 但礙於依家我係奶媽所以我就唔可以用CBD 但朋友依舊帶我去CBD餐廳--Med Chef入到去 有八、九十年代 disco feel因為有 霓虹光管 裝飾 氣氛唔錯 我地叫左芒果莎莎吉列蝦墨西哥薄餅日式芥末忌廉香煎廣島蠔闊條麵西京味噌醃漬烤銀雪魚伴松露芝士薯波 椰菜仔 飲品就叫左蘋果白茶梳打 同熱情果柚子伯爵茶梳打 芒果莎莎吉列蝦墨西哥薄餅 --隻蝦大大隻 啖啖肉而且莎莎好惹味 連我唔食辣 都食到好惹味加上墨西哥薄餅好crispy配埋沙律菜 match得好好日式芥末忌廉香煎廣島蠔闊條麵--一人兩隻蠔 size無縮水而且個醬夠creamy但唔膩配埋闊條麵可以掛到d醬 mm7 西京味噌醃漬烤銀雪魚伴松露芝士薯波 椰菜仔--呢個係朋友 在威靈頓三文魚 同銀雪魚 諗左好耐今次我地都覺得略甜 可能味啉多左但魚肉好香好滑身 另外松露芝士薯波 都係一大亮點有拉絲~而且脆卜卜 至於飲品 都好好份量剛剛好但足夠食呢餐尾聲時 飲晒 所以野都好igable~~希望下次可以食下CBD版本 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-22
179 瀏覽
若干年前巴士阿叔金句 : "你有壓力,我有壓力..................."作為香港人點會無壓力?!  唔知係咪咁原因,出現咗香港首間以大麻二酚 Cannabidiol(CBD)為主題的多國菜餐廳,就係呢間啦!呢度裝潢走型格路線,掛上霓虹燈及半開放式廚房,食物方面主打多國菜美食,由前菜,小食,主食,意粉,至甜品都有!  亦有提供CBD飲品!廚師會在食物烹調過程中會加入CBD成分,令大家食得更chill。如不需要可於落單時注明,服用CBD後,在幾分鐘至數十分鐘內身體會有輕微放鬆的感覺,大壓力的朋友仔可以來試一試喎 (哈...哈.......)。今餐先由呢客帶子蟹肉牛油果他他配薑油黑醋汁 ($128)打頭陣,香脆多士圍邊,中間一"磚"帶子蟹肉牛油果他他,頂部再加上蟹子及黑魚籽,擺盤見得出心思。類似鵝肝多士食法,將帶子蟹肉牛油果他他放上脆多士,豪邁D可以一口食晒,蟹肉與牛油果嘅香味係口內爆發,一綿一脆,雙重口感!肉類代表今晚由羊架跑出,就係佢...............薩他烤羊架配楓香乳酪醬伴蘋果玉桂藜麥沙律 ($228)一客4件都幾抵食,羊架切開後仍帶少少粉紅色入口唔太"蘇",肉質部份鬆軟部分帶嚼口,加入麵包糠一齊烤煮增加香脆口感!  配以乳酪醬伴蘋果玉桂藜麥沙律一齊食,帶點酸甜口感代替咗傳統嘅薄荷醬,又幾有驚喜喎!食意粉個人比較歡喜唔太多醬汁嘅,呢客白酒金不換蜆肉意大利麵 ($138)就半點醬汁也沒有,眼見嘅只有蜆及意粉加入香蒜及金不換與意粉一齊炒,D味入晒落意粉度,就咁單食都好好味,仲有少少辣椒粒更加惹人胃口; 蜆肉鮮甜嫩滑,零沙粒,食得放心!!甜品時間又到啦,呢客牛油甜蕃薯蓉配甜奶法式多士 ($78)係廚師推介黎架,一大球士多啤梨雪糕再淋上同味醬汁,主色係粉紅,未食已覺得甜美可愛啦件法式多士外圍煙韌,內裏索滿牛奶嘅香綿感; 再配以牛油甜蕃薯蓉,加埋雪糕及忌廉,一熱一凍,感覺相當過癮!呢度上菜速度快,一邊聽住輕快音樂,一邊嘆住美食,姑勿論加入咗CBD對個人反應有幾多,都一樣令人有CHILL嘅感覺~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-24
1008 瀏覽
朋友邀請我一齊去一間尖沙咀新開的大麻餐廳共聚晚餐,我聽到大麻餐廳感覺好新奇,但又有一個疑問,咩香港用有大麻成份合法架咩,於是我上網睇發現大麻二酚(CBD)冇精神活性作用,所以不受《危險藥物條例》監管,可以放心食用,亦不怕會上癮,同時亦有唔少好處,例如放鬆心身、改善皮膚、抗養化等等的神奇功用。而這餐廳所有食物均可選擇可加入CBD或不加入,一場黎到冇理由唔加試下,食黎去又唔覺有有咩特別味道,反而是因為期待,多了一份興奮嘅感情。去到這餐廳,環境偏藍又偏紫,播著輕鬆的英文歌,而餐廳全程是用電話落單,非常方便。威靈頓三文魚配秘魯蛋黃醬($198),平時只是食威靈頓牛,初嚐轉為三文魚同樣唔錯,外皮焗得好酥脆,而家牛油味好重,但又唔會感覺油膩,同時外皮塗下了秘魯醬,陣陣的黑椒味,好惹味,三文魚肉質軟熟,而且去左骨,每一口嚐到三文魚油香好甜,三文魚配上菠菜,非常出色。阿限廷殼飼牛扒($298),賣相好靚,份量大份,一塊塊牛扒厚切的疊上排列,牛扒大約4-5成熟左右,紅肉的位置比較多,每一塊咬落都肉質嫰滑,本身牛扒位置脂肪位唔多,所以啖啖肉,牛肉伴的燒汁味道香濃。墊在底的是小揶菜波波,味道香甜,食肉之餘還有蔬菜可以平衡返。脆炸焦糖西班牙油炸鬼($88),每條油炸鬼都質感硬而脆卜卜,本身油炸鬼是冇咩味但 沾上了焦糖同埋雲呢拿雪糕,冷凍凍甜而不膩,味道好夾。旁邊還有爆谷同埋原粒焦糖。這餐飯都好滿意,簡直是大滿足! 繼續閱讀
(以上食評乃用戶個人意見 , 並不代表OpenRice之觀點。)
今日來到一間好特別嘅餐廳相信坊間只有為數不多嘅餐廳做緊相同嘅offer一於嚟試試佢先~睇下餐牌先「帶子蟹肉牛油果他他配薑油黑醋汁 $128」牛油果他他最怕就係整得太過爛,沒有口感但呢個他他嘅質感恰到好處上面配以新鮮嘅蟹肉,帶子同三文魚子加埋底下嘅薑油黑醋汁口感味道豐富,十分開胃「日式芥末忌廉香煎廣島蠔闊條麵 $158」芥末忌廉帶有芥末嘅香味,但唔會好似壽司芥末咁攻鼻廣島蠔係烚到僅僅熟後再輕煎表面保留到本身蠔嘅鮮味同蠔汁整個闊條麵食起上嚟感覺好和諧好夾「板燒西班牙八爪魚海鮮炒長米飯配秘製醬油汁 $268」個人認為呢款係必點菜式之一大大條八爪魚鬚放喺飯上面已經十分吸睛容易切開,不難咀嚼加入炒飯嘅仲有海蝦等海鮮再配以秘製醬汁(有少少似蛋黃醬,甜甜地)所有嘢加埋一齊,十分美味「香烤海鮮白醬啤酒薯角 $98」今晚每款菜式都係有關海鮮當然連薯角都唔好放過!鐵板上嘅薯角又熱又脆,再鋪上滿滿嘅海鮮白醬一拎起,竟然混合咗拉絲芝士!好邪惡呀!令人食完一條又一條!「手打流心菲達芝士撻 $68」脆到好似餅乾嘅餅底加上熱辣辣嘅流心芝士甜度適中,感覺唔會太滯為成餐飯劃上一個完美嘅句號總括而言,十分推薦家人朋友情侶嚟用餐食物質素比想象中更好,必定再次光顧! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-10
819 瀏覽
2021年9月30日 星期四今晚為左預祝老婆生日,專登帶左佢黎呢間位於尖沙咀既餐廳,等佢試下香港少有既菜式幸好去到既時候唔需要等位,好快就有位坐,睇返餐牌主要同一般既西餐廳無乜太大分別,前菜、主菜,甚至飲品都有好多選擇,而且價錢唔算太貴,不過最特別嘅地方係每道菜式都有寫可以加CBD,咁究竟係咩嚟呢?其實CBD係類似大麻既一種,食完可以紓緩壓力同提升睡眠質素,而且無色無味,食完少量都唔會上癮,香港真係無乜餐廳會提供,所以真係好特別,不過如果唔想要既話都可以點餐既時候同店員講,於是我哋就要左兩款主菜加一個甜品等咗大約15分鐘左右,第一道主菜就到,係日式芥末忌廉香煎廣島蠔闊條麵,醬汁非常濃郁,每一條麵條都沾滿醬汁,味道好足夠,既食到忌廉嘅香濃,又食到芥末嘅微辣至於廣島蠔都幾大隻,食落去完全冇腥味,肉質幾飽滿,味道唔錯另一道主菜就係阿根廷穀飼平鐵牛扒配柚子燒汁伴黑醋蜜抱子甘藍同白菜花蓉,牛扒大約係五成熟左右,而且上菜嘅時候已經切好晒一舊舊,食起上嚟好方便,完全見唔到血水,食落去好腍唔會韌,加上牛肉味夠濃,唔洗點醬汁都夠味配菜白菜花蓉同蜜抱子甘藍都整得幾出色,加入左黑醋一齊食,味道酸酸甜甜,食完更加開胃最後甜品有脆炸焦糖西班牙油炸鬼配雲呢拿雪糕,呢一款油炸鬼係西班牙嘅傳統食物,用麵粉炸完之後上面再加上砂糖,不過食落去唔算太甜,又唔會覺得太過油膩,配埋雲呢拿雪糕食就啱啱好,一冷一熱不斷衝擊味蕾,作為甜品啱啱好最後埋單每人都不過係$300有找,老婆非常滿意 繼續閱讀
(以上食評乃用戶個人意見 , 並不代表OpenRice之觀點。)