83
4
1
港鐵尖沙咀/尖東站 B2 出口, 步行約3分鐘 繼續閱讀
電話號碼
96824946
開飯介紹
位於尖沙咀的多國菜餐廳,裝修時尚,霓虹燈掛在天花板,十分特別。餐廳在食物中加入了CBD大麻二酚,有鎮靜及舒緩情緒的作用,主廚Rex曾於知名中東菜及墨西哥餐廳工作。 繼續閱讀
附加資料
香港第一間以大麻二酚 Cannabidiol (CBD) 為主題的多國菜餐廳。
營業時間
今日營業
12:00 - 15:30
18:00 - 22:30
星期一至五
12:00 - 15:30
18:00 - 22:30
星期六至日
12:00 - 23:00
公眾假期
12:00 - 23:00
付款方式
Visa Master 現金 銀聯
座位數目
60
其他資料
網上訂座
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務 詳細介紹
有關獎賞計劃
食評 (88)
難得平日放假休息下,當然要搵啲好嘢食下啦~搵餐廳嘅時候偶然搵到呢間位於尖沙嘴嘅樓上餐廳,見到佢係以大麻二酚做主題嘅~好似幾得意咁,所以就去咗試試~大家唔好誤會~CBD其實唔係毒品黎㗎,只係一種有助減壓嘅物質,仲有安眠作用,所以可以放心食用,但如果你都唔想食用呢種物質的話,其實都可以同餐廳講嘅~😆呢間餐廳嘅裝修充滿迷幻感,好適合打卡,而且座位寬敞,好適合三五知己黎呢度聚下~介紹下食咗啲咩先!青咖哩安吉拉雞捲青咖哩辣辣地,香料味好足😍雞捲餅皮係脆脆地嘅,配咖喱汁一齊食,感覺似食緊印度薄餅😆入面嘅雞肉雖然係雞胸,但一樣嫩滑~唔錯唔錯~威靈頓三文魚配秘魯黃椒醬酥脆嘅酥皮包住嫩滑多汁嘅三文魚同鮮嫩嘅菠菜,呢個組合實在無得彈!黃椒醬集合酸、甜、辣,可以中和酥皮嘅油膩感,可見廚師嘅用心考量~流心菲達芝士撻撻皮酥脆到好似曲奇一樣,配上甜而不膩嘅流心芝士餡,yummy! 加埋伴碟嘅紅莓醬一齊食,味道就更加balance~開心果青檸奶油芒果千層酥千層酥又薄又脆,奶油香滑,脆脆嘅開心果碎增加口感,芒果粒酸酸甜甜好醒胃,食多幾咬啖都唔覺得膩呀!焦糖脆脆奶茶呢款飲品加左CBD,但一啲都無影響味道~奶茶濃滑,有淡淡焦糖香味,奶油香甜,仲要加埋上面嘅焦糖爆谷~飲一啖就令人有一種好幸福嘅感覺💕🥰熱情果柚子伯爵茶梳打熱情果同柚子都酸酸甜甜,味道好夾,同本身都帶橘子香氣嘅伯爵茶係perfect match ,味道清新,非常解渴~😆呢間餐廳嘅其他野食都好吸引,一於試曬佢!😆😍 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-25
157 瀏覽
好耐冇同老公二人世界,今日偷左半日出黎食個晏輕鬆下。第一次去有大麻二酚CBD既餐廳,店員都好細心解釋咩係CBD,其實都係非常安全的,不會影響健康之下令人放鬆既成份。*青咖喱安吉拉雞捲($138)雞捲的皮有點似春卷,脆脆的;中間的雞肉嫩滑;但個人覺得主角是青咖哩;青咖哩的辣度是我可以接受的,而且有種特別的香味。*板燒西班牙八爪魚海鮮炒長米飯配秘製醬油汁($238)似是乾身版的西班牙海鮮炒飯;海鮮配料的份量比想像中多;長米飯粒粒分明;秘製醬汁的味道應該用上幾種香料,配出黎的味十足西班牙海鮮炒飯。*特濃香蕉朱古力奶($52)應該是朱古力味太濃,所以食唔到CBD既味道;食後感:的確有少少放鬆,但感覺唔算好強烈。*士多啤梨乳酪沙冰($58)老公點的,因為味不會太濃,所以佢食到有大麻的味。*流心菲達芝士撻($48)芝士撻是即焗的,所以等了大概15分鐘;熱辣辣的芝士撻,一切開就是流心芝士;芝士味濃,又不會太甜配上餅碎和莓食,不算太膩。#eatproduct#吃貨#食好西#食完先有力減#food#hk#hkfoodie#lifestyle#foodie#iameatproduct#hkgirl#foodlover#igirl#hongkong#大麻二酚#fusionfood #CBD#尖沙咀 繼續閱讀
(以上食評乃用戶個人意見 , 並不代表OpenRice之觀點。)
早排同朋友講起近來大熱嘅CBD(即大麻二酚),詳細係乜我唔係好清楚,不過就見用途廣泛,可以用於護膚品、香薰同食物等;而尖沙咀更有一間主題餐廳「Med Chef」添!即係擺到明食「大麻」😳🤣?餐廳位於尖沙咀嘅食街-厚福街,但並唔係地舖;不過你枱高頭一望,就會見到大大個燈箱招牌🌈,好矚目!餐廳裝修行型格路線,燈光昏暗之下,更顯出瑩光燈箱嘅夢幻。入座後,店員會先向客人介紹何謂CBD,然後我哋亦發現餐牌上有仔細説明👍。專家指出成人每日攝取1,500mg或以下嘅CBD,一般都唔會出現副作用,而呢度嘅菜式每款平均只係得10-20mg,所以食咗都幾確定唔會有乜嘢。不過客人亦有選擇權可以揀唔落👌。餐廳用QR code落單,但餐紙其實即係餐牌,所以睇食咩都算幾方便。餐廳食物款式唔多,不過勝在涵蓋各個種類同混合各地風味,而且每款配搭都好特別,經過精心設計💕,喺第度食唔到。青咖哩安吉拉雞捲($138),呢個小食幾有墨西哥風味🌮,兼且比起一般食到嘅Tacos更特別。雞捲有三件,捲内包住雞肉🐔,肉質滑,但份量唔多。捲皮有一定厚度,同我想像中唔同,因為我以為係軟身,而實則係偏硬得嚟又好爽脆。青咖哩汁亦係菜式嘅靈魂,咖哩汁香而不辣,好惹味,當中仲有啲茄子粒同菇菇添。柚子漬三文魚半熟吞拿身赤身珍珠飯($148),丼飯係日本菜嘅代表🎌?其實又好似係夏威夷先啱。呢個Poke Bowl好鬼正,成個組合好夾,餸料多到一個點,蓋過哂啲飯。飯底用上大大粒嘅珍珠米,醬汁夠多,令佢食落一啲都唔乾。兩款魚生各有千秋🍣,三文魚份量多,肥瘦適中,用上柚子汁醃漬好入味;而半熟呑拿魚只得四件,更顯矜貴,外面經炙燒後散發魚香。另外,餸料仲包括大量毛豆同煎香脆咗嘅茄子粒,配埋溫泉蛋撈飯食,口感層次豐富,令人回味🤤。板燒頂級肉眼配阿根廷青醬伴烤菊芋蓉($298),老實講牛扒個樣有啲其貌不揚🙈,看似一大塊牛腩。但扒不可以貌相,我哋食落發現件扒同醬汁配料同樣出色。🥩牛扒預設五成熟,切開後肉身呈淺紅色,肉質軟兼好Juicy,好好食。🇦🇷阿根廷青醬則發揮劃龍點睛嘅作用,醬汁香濃,但唔會搶味。另一邊廂,配菜方面用上四款蔬菜🥗 菜名所指嘅菊芋,即Artichoke,佢喺香港唔算好普遍嘅食材。菊芋煮成蓉後呈透明白色,食落少少潺,但又幾清香😬。此外,配菜仲有炸蓮藕片、蘆筍同沙律菜,前者就一般啦,油咗啲。開心果青檸鮮奶油芒果千層酥($58),甜品賣相相當精美,我第一次咁欣賞酥餅類嘅甜點😁,皆因佢真正體現到「酥脆」一詞。呢件千層酥同食開嘅拿破崙有啲唔同,因為酥皮之間較為貼身,而且比一般食到嘅更薄更脆,無得輸啊!千層酥除咗質感正之外,味道亦好清新,即使用上唔少忌廉,但都無膩嘅感覺。飲品方面,我哋要咗特濃香蕉朱古力奶($52)以及焦糖脆脆奶茶($52)。兩杯味道都唔錯,夠濃,兼且唔會太甜。我鍾意香蕉朱古力嗰杯多啲🍌🍫,因為超香,而且飲落唔係熟悉嘅味道,即係講緊超市有得賣嗰啲盒裝奶。奶茶嗰杯就正常,不過啲脆脆就甜甜的,好味道,令人愛上。總括嚟講,我認為Med Chef嘅食物出品最大特色並唔係加咗CBD,而係佢整得好好食😋,食材配搭有心思。你可以喺一個地方食到多個國家嘅菜式,更重要係每樣都好有水準。定價中等,不過勝在份量唔少,整體各方面都令人滿意。推介🌟! 繼續閱讀
(以上食評乃用戶個人意見 , 並不代表OpenRice之觀點。)
CBD大麻二酚聽得多 終於一嚐神奇之處是大麻裡的提取物 具有輕微的鎮靜功效不會上癮不會依賴 是一種合法天然成份自問 是一個很容易情緒低落及緊張的人睡眠質素也不好 聽過CBD之後一直好奇外力幫助放鬆及助眠 不就正好適合我嗎-略微昏暗迷幻的燈光 闊落的卡座很舒適餐牌款式不算多 員工介紹了CBD的功效 和我所知差不多 放鬆助眠舒緩止痛等等食品飲品都添加了~20mg的水溶性CBD 朋友和我都不餓 叫了兩款受歡迎的菜式賣相好吸引呀打卡一流 味道也非常討喜效果也明顯 慢慢地真的感覺到精神放鬆朋友吃到一半睏了 說「食咗腦輕鬆」哈- 🐾帶子蟹肉牛油果他他配薑油黑醋汁🐾 $128精緻的造型最底層是creamy的牛油果蓉上面鋪上滿滿的蟹肉以及帶子粒 很鮮味最頂層咸香魚子醬及三文魚籽 口感新穎再沾些微酸開胃黑醋dressing 清新匹配配搭麵包脆片食用 加添深度層次更豐富-🐾威靈頓三文魚配秘魯黃椒醬🐾 $198以酥皮包裹著三文魚 酥皮烤得金黃香脆三文魚生熟度剛好 嫩滑有汁完全不會柴魚與酥皮之間是菠菜 調味調得很match秘魯黃椒醬微微酸辣 感覺有點像莎莎醬外脆內嫩的口感加上這賣相與味道 推介-🐾流心菲達芝士撻🐾 $48甜品很有驚喜 切開還冒著煙半流心狀態內餡有厚實感也有滑溜的口感 雙重感覺芝士味好濃郁撻底香脆 再加上oero碎碎芝味很滋味水準有如甜品店Cp值非常高-🐾CBD COCKTAIL - TIRAMISU🐾 $98🐾TOO GOOD TO BE TRUE🐾 $88Tiramisu是可可酒溝Baileys及Espresso甜甜朱古力味很好入口 大大杯也喝得完另一杯tequila 加rum酒 苦橙酒及檸檬汁酒味好濃所以有點苦 個人喜歡前者多些其實兩杯的酒精濃度都很大方 放鬆一流 -整體極之對我口味 味覺與神經同步滿足舒服的一晚 覺得整個人都特別輕鬆快樂好食又靚而且價錢合理 特別的一次體驗畢竟友人買過 添加CBD的咖啡也頗貴的下次 就帶著生活壓力大的姊妹來翻兜吧 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-11
996 瀏覽
呢日放工後去左間前排好多人推介既餐廳,入到去見到個半開放式既實驗室,加上粉紫迷幻既燈光,好似進入左個科幻空間咁💡無論廚師定係侍應都係滿滿年輕既面孔,熱情介紹呢度既特色係可以食物會加入左小量既CBD,有助舒緩情緒放鬆身心,但係孕婦同埋小童就要避免服用,落單時可以自行選擇返唔加🤭▪️ 薩他羊架配楓香乳酪醬伴蘋果玉桂藜麥沙律(7/10)💲248🐑切成四大舊既羊架,色澤粉嫩大概係三至五成熟,食落都唔會太羶,但有點兒略鹹🙈醬汁配搭亦幾創新,係個乳酪醬同埋底下有蘋果肉桂蕎麥沙律,酸酸甜甜咁中和返頗為清新🤣但係咁新穎配搭都應該視乎個人口味,估計未必個個鍾意▪️ 威靈頓三文魚配秘魯黃椒汁(8/10)💲198威靈頓魚幾有驚喜,上檯要盡快食左先,個金黃色既酥皮入口酥脆,亦帶有牛油香,包裹住菠菜同埋三文魚,生熟度控制得唔錯保持到半熟嫩滑,蘸上個幾夾既秘魯黃椒汁😍▪️ 香蒜橄欖油海虎蝦扁意粉(7.5/10)💲138虎蝦肉質爽口彈牙,個邊位帶點焦香,加上蒜絲同埋辣粉,味道雖則比預期中辣,但都香口惹味,連同淋有橄欖油既闊條麵,可以一戰😛▪️ 熱情果柚子伯爵茶梳打(7.5/10)💲38開始時要攪拌一下沉澱係底下既柚子醬,飲落首先係熱情果柚子味梳打,之後會慢慢有伯爵茶既甘香餘韻,解渴一流🔎 整體評分(7.5/10) 繼續閱讀
(以上食評乃用戶個人意見 , 並不代表OpenRice之觀點。)