澤記快餐飯店

營業中

休息中

星期六番半日工，放工後專登入柴灣試吓呢個巨型魚柳包。雖然要坐喺馬路邊食，其實都有一番風味。如果唔怕熱唔怕曬嘅話咁樣就冇所謂，側邊啲車行過好似去返幾十年前街邊食嘢𠴱種風味。魚柳大過塊包，魚柳唔會太厚粉，配埋千島醬簡直一流。啱啱上菜時，咬咗一啖，塊魚柳新鮮炸起，好辣嘴，而且好juicy，啲汁會漏少少出嚟不過要小心一邊食一邊漏到成手都係醬。大熱天時配埋凍啡直頭係透心涼埋單都係$37，食完之後覺得物有所值

問吓柴灣街坊都知道，澤記嘅巨型魚柳包真係好出名，不過因為自己好少去東區，所以一直都冇試到。直到有一次朋友帶我嚟食晏晝，佢就極力推薦我試一試個魚柳包。晏晝嚟食魚柳包嘅話，嘢飲就要額外再計正價，嗰陣時我就冇再嗌嘢。淨係個包唔算好貴，都係三十幾四十蚊。佢一上枱嘅時候真係嘩出聲，塊魚柳同我嘅手臂一樣咁長。喺我仲幫佢打緊卡嘅時候，有另一台食客走過嚟問我可唔可以幫個魚柳包影相，可想言之個size係幾咁吸引。好老實講，我最後係食唔晒個包，但係打包返去我又覺得已經唔好食。魚柳真係熱辣辣，好正，但係我略嫌佢粉味重咗少少，如果個粉味冇咁重嘅話就真係一流，不過老實講呢個價錢我當淨係買塊魚柳都抵。就算淨係食塊魚柳，我都唔知點樣開始食好，因為真係太大塊，去到最後都係剩返少少魚柳同埋個麵包皮，不過我朋友就同我講話如果下次再食澤記，佢建議我食豬扒或者雞扒包，佢話佢覺得豬扒同雞扒包好食過魚柳包。

去柴灣行吓，專登睇網上有咩好介紹，所以係衝住巨型魚柳包嚟食！.冇冷氣要坐街邊，怕熱嘅人可能要三思，我今次坐近馬路邊，感覺都幾通風，只係真係太近馬路，大貨車駛過嘅時候，都有啲壓迫感.但叫嘢食嘅時候，突然想轉軚，試另一款同樣屬於隱藏餐牌嘅食物…雞扒包 $32雖然尺寸冇魚柳咁大，但基本上都大過塊包。而且佢塊雞扒煎得好好食，又香又脆，每一口咬落都滲出好滑嘅雞油，都係好食之選😋😋 （但溫提食包嘅人要自備紙巾，份量真係好大，食到後面一定整污糟手😂）.星洲炒米+凍奶茶 $49朋友話現場感覺鑊氣好大，所以試吓食炒嘢，但結果冇咩驚喜，食落口感覺一般，不過價錢幾抵雞扒扒包冇得跟餐叫飲品，凍檸茶正價$23，頗貴.見其他食客嘅食物賣相都唔錯，可能只係星米今次失準，有機會會再幫襯👍🏻

15/12/2023Bookmark 左好耐嘅柴灣名物之一：澤記快餐嘅巨型魚柳包 （作為港島東居民都係第一次去，有啲慚愧）其實佢係接近大排檔感覺，所以夏天真係去唔到。其實今日都係接近28度嘅12月15日😵‍💫😵‍💫😵‍💫😵‍💫不過因為下晝要去東區醫院複診，早咗有少少時間，所以可以去食 （食店收五點的）果然一上枱勁巨型，炸得香口，魚肉厚身之餘好嫩滑，好食。不過都食得幾論盡，因為佢入邊有醬汁，同埋有蕃茄同青瓜，所以都會整濕少少個包，拎上手擺落口都有啲難度🤣🤣🤣🤣佢本身應該早餐同下午茶時段就會平啲嘅 （平啲加錢配嘢飲）但係我係晏晝時間去，所以就分開計。

✨巨型魚柳包包係凍嘅 口感鬆軟偏空氣包身搽左少少牛油 魚柳份量十足 真係幾巨型 炸得乾脆 但邊位有啲乾 炸皮都唔算厚 魚肉軟嫩 配搭千島醬 青瓜同蕃茄整體味道正常 冇乜特別✨凍檸茶檸檬薄 茶底唔算濃 偏甜總結：食物正常 份量足環境一般 服務差 話說上凍檸茶時後面有個怪客 大聲表示自己都係叫凍檸茶最有趣的是 店員唔係幫佢追係直接將我枱上嗰杯比左佢仲要態度好差咁問我哋係咪叫外賣大佬 我地坐咗喺度 落完單都五分鐘你又識上凍檸茶比我 咁你話我係咪叫外賣🙄不正常的店有不正常的怪客 真係無奇不有撇除服務環境 價錢可以 性價比算唔錯

趁住婚前最後一個週末又要去剪髮染髮 之後就番落柴灣做facial見仲有時間 就嚟咗出名大大件魚柳包嘅澤記試吓佢坐低即時落單🔹️巨型魚柳包 跟熱檸水咁L大件都只係34蚊 🫣我平時都算大食 但都食唔晒塊魚柳炸得好脆 同埋即叫即炸 夠晒熱辣辣建議大家食之前拎定濕紙巾同紙巾出嚟 😆😆😆一拎起就開始標醬出嚟 毫無儀態可言

唔需要多講去到諗住巨型魚柳大包包，比人食曬叫jor個豬扒包，一杯熱檸水🍋見到碟野打個凸 好大個包包要大大啖咬 有汁出噶！！好入味D味正道不得了D番茄🍅蔬菜🥬都好足 食過返尋味會再食早餐必選！！！ 真係唔方唔食到變豬扒同埋好飽一杯熱檸水+一個豬扒包價錢：$34味道：⭐️⭐️⭐️⭐️服務：⭐⭐⭐btw 杯檸水有D苦 位置環境：澤記大排檔風格，街頭小巷位置。環境：⭐️⭐️衛生：⭐⭐⚠️早餐、lunch時間多人食，有機會要搭檯⚠️不過我好彩，個日10點左右時間去到有位坐

澤記是柴灣的著名餐廳之一，坐落在吉勝街熟食市場，不起眼的店前有幾張小桌，但面向吉勝街馬路，雖然鮮有車輛經過，但總有沙塵滾滾的感覺，所以我多數選擇外賣。今次吃了咖喱雞扒飯，咖喱是偏向港式咖喱的感覺，顏色較深色，香味濃，辣味少，反而有更多的咸味，唔太吃辣的我都能夠吃得津津有味。雞扒就普普通通，但勝在份量多，食完有非常滿足的感覺。個人的整體意見是推薦的，食厭左巨型魚柳包，或者是飯量要求比較高的朋友，不妨一試。

拜訪一下呢度嘅名物，巨型魚柳包😌見到個姨姨送餐嚟時，我眼都凸埋🤣洗唔洗大塊到咁呀🙈都唔知自己食緊包定魚柳🤣塊魚柳直情係小女子前手臂咁長。魚柳炸得好脆，係邊位有少少乾，但魚肉一d 都唔失色，仍然係好滑嫩。仲有，滿滿嘅千島醬鋪係魚柳上並夾雜住青瓜，蕃茄同生菜絲，真係生色不少。雖然環境係麻麻, 但呢d 先叫卧虎藏龍😋😋 咁大個包只係$34，大件夾抵食👍🏻食完飲返杯凍奶茶，簡直係透心涼😌👉🏻溫馨提示：茶檔係露天嘅，所以夏天去食會比較熱。由於份量真係好大下，女性應該一個人未必食得晒。

咁啱經過柴灣 行咗一陣有少少肚餓 就求其搵咗間茶餐廳坐低食少少tea 😚一睇先知原來依度嘅魚柳包好出名😋🌟巨型魚柳包 $34 (9/10)雖然已經知道係巨型魚柳包 但係邊度有諗過咁大個🤣 講真$34真係好抵食🥰 重點係好好食💕 首先個魚柳炸得好滑 加埋入邊有生菜 青瓜 蕃茄 好多千島醬😋 食完真係返唔到轉頭 難啲再食麥當勞嘅魚柳包🤣🤣🤣🌟滑蛋火腿奄列 跟餐+$12（7/10）就係知道個魚柳包好大個 所以決定就叫一個餐再加少少小食🤣 最後發現其實連個火腿奄列都唔使叫🤪 淨係食完魚柳包已經好飽🤣 就係普通茶餐廳嘅火腿奄列 唔知間茶餐廳係咪出名慷慨😚 連火腿絲都好多😋整體：8.5/10講真依個魚柳包真係最好食😋 不過佢係茶餐廳 有啲枱係擺喺路邊 有啲風吹住都唔會太熱😚 如果大家嚟到柴灣點都要試一試👊🏻💕

💪🏻 脆炸巨型魚柳包 （$34）魚柳係即叫即炸，所以超級香脆，食落卜卜聲🤩，非常香口！ 而且，配上大量蕃茄同青瓜，加上千島醬，酸甜味中和番炸魚嘅油膩，食落好清新，冇咁飽濟🤪不過當日下午茶時段去，平時魚柳包嘅麵包已經賣晒，只剩多士可以揀，所以想食正常魚柳包就要早啲去食！另外，餐廳係普通大排檔，要戶外坐路邊，所以環境比都一般同比較熱。味道：7/10性價比：8/10 食住瘦指數：💪🏻/5

柴灣有間名物路邊茶檔，出晒名巨型魚柳包，想食要趁早，4:30 last order，而且只係得早餐同下午茶有。巨型魚柳包 $34 跟餐凍飲 +$3以為係人哋講到太誇張，原來真實的確好驚人。個包有成隻前臂咁長🤣🤣亦都有一定厚度，因為有唔少番茄、青瓜同生菜絲，一啖未必咬得晒。唔單止size巨大，味道都一樣出色。魚柳即叫即炸，熱辣辣之餘，外皮非常香脆。魚質嫩滑多汁，唯獨魚柳有少少🤏腥味。麵包係非一般地甜嘅甜麵包，幾有趣😂第一次食個咁滿足嘅包，整體好好味。女仔一個絕對食唔晒，記得搵多個人share/帶定食物盒🤭

今次真係要大大力咁寫吓親身感受。話說我一路都係柴灣名物既支持者，嗰手掌咁大既魚柳飽，我一路不停推介身邊朋友。有時見到啲負評都會諗佢應該唔係咁差架。不過經過今天之後，就完全改觀。話說午飯時間去買嗰胡椒豬肚湯飯，返到屋企預備開餐，見到都大大份好抵食，點知第一口飲啖湯。。。，甜既???心諗冇理由仲甜過糖水架，咁咪攞返落去同佢哋講叫佢睇睇囉。落到去同佢哋講話碗嘢有問題，甜架，心諗你都整過碗啦，點知嗰厨房佬二話不說就將我碗嘢落返鑊，加咗匙我估係鹽既物體，再煮返唔夠一分鐘就上返嗰碗比返我。佢哋入面傳菜嗰個都覺得有問題，同佢傾咗一陣，但佢都堅持出返嗰份餐。傳菜嗰阿姐囉出來，我就同佢講，請你倒咗佢啦，邊有人咁去解決問題架?#柴灣之恥#做好一百次唔夠你衰一次咁比人唱#仲要話人痴X線

店名: 澤記快餐飯店 地址: 柴灣吉勝街10號熟食市場柴灣站B出口，行2分鐘環境: 2.5/5價錢: 4.5/5味道: 4/5柴灣呢個熟食市場臥虎藏龍，有好多隱世美食，包括車仔面，自家製熱辣辣點心，巨型魚柳包等🤩不過夏天黎就有啲辛苦，比較熱巨型魚柳包❤️❤️❤️❤️$32魚柳長度長過人嘅手掌，呢個價錢，有嘅個size，仲要即叫即炸🥹🥰食起嚟仲係好熱，入面嘅肉質非常嫩，佢哋加上超多嘅千島醬配青瓜，蕃茄等，唯一要小心係太多醬，食嘅時候好易整污糟🤣🫢#stitchfoodie柴灣#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

放假一支公，由馬鞍山坐車去柴灣，就係為咗試傳聞中嘅魚柳包。10:00出發，去到已經差唔多11點，由巴士站行落去5分鐘左右。未到食飯時間，人流唔算太多，求其搵張路邊嘅枱坐低。姐姐問我食乜，我就話魚柳包啦！佢話我今日好好彩，因為平時上晝係冇魚柳包賣㗎 ！真係好彩，如果唔係特登由馬鞍山出到嚟冇得食就慘啦！（不過之前睇過佢哋個早餐Menu，係有賣魚柳包個喎？）坐低3分鐘杯凍奶茶已經嚟到，個包就等咗差唔多10分鐘，嚟到都相當震撼！嗰塊魚柳嘅size完全超過晒個麵包，差唔多多咗一倍。麵包烘得脆脆，魚柳底下有青瓜蕃茄同埋生菜絲，醬汁似千島汁，酸酸甜甜幾好！塊魚柳好脆，咬落去有汁㗎 ！呢個包唯一一個缺點，就係塊魚太大，有啲無從入手嘅感覺，最後我選擇食咗半件魚先，整體用餐經歷愉快，個魚柳包真係抵食夾大件！用餐途中發生咗件趣事，斜對面個叔叔投訴，話佢個豬扒飯叫咗扣底，點解都仲係咁大碟？個姐姐話巳經比少咗飯！個叔叔話豬扒點解唔同佢扣底？我聽完都拗晒頭🤣🤣