影片
更多
2023-05-22
311 瀏覽
放假一支公，由馬鞍山坐車去柴灣，就係為咗試傳聞中嘅魚柳包。10:00出發，去到已經差唔多11點，由巴士站行落去5分鐘左右。未到食飯時間，人流唔算太多，求其搵張路邊嘅枱坐低。姐姐問我食乜，我就話魚柳包啦！佢話我今日好好彩，因為平時上晝係冇魚柳包賣㗎 ！真係好彩，如果唔係特登由馬鞍山出到嚟冇得食就慘啦！（不過之前睇過佢哋個早餐Menu，係有賣魚柳包個喎？）坐低3分鐘杯凍奶茶已經嚟到，個包就等咗差唔多10分鐘，嚟到都相當震撼！嗰塊魚柳嘅size完全超過晒個麵包，差唔多多咗一倍。麵包烘得脆脆，魚柳底下有青瓜蕃茄同埋生菜絲，醬汁似千島汁，酸酸甜甜幾好！塊魚柳好脆，咬落去有汁㗎 ！呢個包唯一一個缺點，就係塊魚太大，有啲無從入手嘅感覺，最後我選擇食咗半件魚先，整體用餐經歷愉快，個魚柳包真係抵食夾大件！用餐途中發生咗件趣事，斜對面個叔叔投訴，話佢個豬扒飯叫咗扣底，點解都仲係咁大碟？個姐姐話巳經比少咗飯！個叔叔話豬扒點解唔同佢扣底？我聽完都拗晒頭🤣🤣
10:00出發，去到已經差唔多11點，由巴士站行落去5分鐘左右。未到食飯時間，人流唔算太多，求其搵張路邊嘅枱坐低。姐姐問我食乜，我就話魚柳包啦！佢話我今日好好彩，因為平時上晝係冇魚柳包賣㗎 ！真係好彩，如果唔係特登由馬鞍山出到嚟冇得食就慘啦！（不過之前睇過佢哋個早餐Menu，係有賣魚柳包個喎？）
坐低3分鐘杯凍奶茶已經嚟到，個包就等咗差唔多10分鐘，嚟到都相當震撼！嗰塊魚柳嘅size完全超過晒個麵包，差唔多多咗一倍。
麵包烘得脆脆，魚柳底下有青瓜蕃茄同埋生菜絲，醬汁似千島汁，酸酸甜甜幾好！塊魚柳好脆，咬落去有汁㗎 ！
呢個包唯一一個缺點，就係塊魚太大，有啲無從入手嘅感覺，最後我選擇食咗半件魚先，整體用餐經歷愉快，個魚柳包真係抵食夾大件！
用餐途中發生咗件趣事，斜對面個叔叔投訴，話佢個豬扒飯叫咗扣底，點解都仲係咁大碟？個姐姐話巳經比少咗飯！個叔叔話豬扒點解唔同佢扣底？我聽完都拗晒頭🤣🤣
張貼
