影片
港鐵荃灣西站 A1 出口, 港鐵荃灣西站 D 出口
繼續閱讀
電話號碼
28118677
開飯介紹
餐廳主打北海道直送和牛漢堡，意向打造香港少有的和牛漢堡專門店。有別於坊間自助式烹調模式，本店為保證食客能擁有最佳的食用體驗，廚師精心烹調後送上餐桌，完美的碳水與蛋白質比例才能發揮出和牛漢堡上乘滋味。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
二戰後滿街廢鐵，香港人把它搭建成為路邊大牌檔（綠鐵皮），日本人受美國駐軍影響，發明鐵板燒。並把廚房搬到外面，和貴客進行交流，讓客人在進餐，同時欣賞廚師廚藝。 鐵板燒現正下流「街邊」。在一門町，有史上最便宜的日本鐵板燒。破底價僅約100元（雙拼107・8元），可坐吧檯高椅，看廚師板藝。板上舞的當然不是海鮮，而是日式漢堡扒。漢堡扒是北海道十勝和牛與澳洲M4和牛，現場絞碎。有玻璃窗供觀察，每份100克。 一輪皎月映照眼簾！受熱轉體後，由大鐵板轉到小鐵板，檯前的銀盤原來是熱的，為漢堡扒添暖，很暖心。廚師塗上芝黃濃醬，黃光瀉地，「畫家」在鐵板畫灑上芝粉，表演結束，滿足了儀式感。漢堡扒飯一如兩餸飯，是偉大發明：前者把鐵板變成滑板，走到街頭；後者把酒樓小菜搬到巷尾。漢堡扒沒有麵包夾層、蕃茄和蔬菜，牛肉味道更突出，鐵板熱度令牛脂噴射，芝醬溶液徹底俘虜漢堡，緊緊抱團，這些都是漢堡包望塵莫及的。漢堡扒的肉脂汁和芝汁滲透入珍珠米，加上溫泉蛋的香、滑、色，證明白飯比麵包，更適合做漢堡夫人。早年在日式漢堡包店的白飯，化身硬塊去討好漢堡，現證明漢堡宜瞓身在圓碗上，才是匹配。漢堡扒的優勢，是用和牛的殘餘部份，重新組合為優質牛塊。日式漢堡扒比西式的滋味，在於添麵包糠、添牛奶、添蛋、添豬肉末，口感多元化了，爆汁、鬆軟、甜潤。麵包的元素，已與漢堡扒合體。我們愛吃肉餅哥，理所當然愛唱漢堡扒歌。這裏兩餸一沙律一麵豉湯，白飯任「裝」（放題），吃時有食煎肉餅飯感覺，味蕾遊走在享受美式漢堡包，和港式煎肉餅之間。漢堡扒是有牛肉漢堡的厚度，啖啖肉，而有食煎豬肉餅的香燒快感。 日本人是在家吃漢堡扒，這裏亮點是鐵板兩餸飯（可選1餸或3餸），鐵板熱力是非家廚可比較。 第二件餸是香辣蕃茄漢堡扒。太陽出來了，一輪紅日熱辣辣。辛辣度大衆化，蕃茄汁令我聯想茶餐廳的蕃茄湯粉。蕃茄汁漢堡扒撈飯口感不及三重芝士滋味，卻有新鮮感和酸甜味，辛辣味掩蓋蕃茄汁的缺點，並增加了食欲。像牛極店那般，是把調味權交回食客，有黑胡椒、香草海鹽、辛辣油、沙律油、醬油、芥末和燒肉汁，你可任意為漢堡扒換上七色彩虹披肩。特別是食第3個原味漢堡扒時。 日月同天，兩圍爐區呈彎形，也似日月爭輝。這種新形式餐廳，配合一人快餐和精食簡單化的趨勢。有一點兒食一人燒肉的影子！缺點是食物種類選擇太少，只有一種！在非繁忙時間，建議可在閒置的圍爐區提供肉末炒飯。日月為輪，轉動世代，時代巨輪輾出新式食文化。沉重的工業風環境，多冰冷鐵器，令人有速食的感覺，如坐在工廠輸送帶旁。「一輪」原意是指齒輪嗎？ 100克的漢堡扒，100元的餐價位，不會要求100分的。
繼續閱讀
風味和牛漢堡🍅 香辣蕃茄汁 🧀 芝士汁賣相：🐧🐧🐧🐧🐧味道：🐧🐧🐧🐧🐧漢堡扒即點即煎，煎好後會送到客人桌前的鐵板上繼續保溫，保證熱騰騰香噴噴。漢堡扒食落外層焦脆，內裡肉質軟嫩多汁，牛味濃郁，油香不膩，十分高質。配搭香辣蕃茄汁，食落酸酸辣辣，開胃又過癮，送飯一流。選配芝士汁，師傅會在客人面前淋上滿滿的芝士汁，再手刨車打芝士，芝香四溢非常邪惡😈 。咬落滿口都是鹹香濃稠的芝士滋味，令人回味無窮。🐧❣️跟餐奉送和風沙律、日料麵豉湯、珍珠大米白飯（可以任添架🥴 )以及半熟溫泉蛋，非常豐盛❣️🐧❣️餐廳同時提供燒汁、辣椒油、沙律油和芥辣等調味料，選擇頗多樣化。環境：🐧🐧🐧🐧餐廳全部採用吧枱高座，枱下有多個小勾，讓客人掛行李袋用，十分貼心。吧枱正中央是師傅煎煮漢堡扒的地方，客人可邊欣賞師傅的高超技巧，邊享用美味的漢堡扒。🐧❣️餐廳採用QR code 自助下單，方便又快捷❣️🐧❤️結語：漢堡扒高質製作有誠意，值得一試。🐧❣️餐廳位處荃灣荃新天地二期地下新開的「一門町市場」，內有十多間各具特色的餐飲和娛樂商店，行過路過不妨前往體驗一番🥴👍
繼續閱讀
一間餐廳淨係做一個菜式，和牛漢堡，係好大膽嘅，由日本帶到嚟香港，一般開呢啲餐廳都只會喺港島區或者尖沙咀。係個湯比較一般。同埋需要少少耐心等候煮食時間。荃灣多咗一間會會常嘅餐廳。性價比OK。
繼續閱讀
放工經過荃灣荃新天地，先知最近新開咗一間門町市場，係一個集多間餐廳嘅日式美食街嚟㗎！😋 當中最受歡迎嘅，就係近期好多人推介嘅即燒漢堡扒專門店，好彩早去唔駛排好耐，當我地食完之後見到門口已經好多人排隊！🤩🤩🤣 （芝士汁風味和牛漢堡 + 香辣番茄汁風味和牛漢堡）套餐B 售價$98🥗 前菜上得非常快速，可以自己揀沙律醬，不過個味增湯就真係平淡無味，但都有溫泉蛋喺度！飯🍚 會等到和牛漢堡扒上枱嗰陣時先送上，暖笠笠嘅，真係好貼心嘅服務呀！🥩和牛漢堡佢哋係用咗北海道和牛同M4澳洲和牛現場製作。再喺大鐵板上滋滋咁煎，煎到兩邊都好香脆，鎖住咗入面嘅肉汁同油脂，一切開真係漏哂肉汁出嚟，睇落去真係好肥美！🧀 芝士汁風味：淋上啲濃稠嘅芝士汁，再撒上滿滿嘅芝士粉🤭有一刻想問吓店員可唔可以再刨多啲🤣漢堡排係半肥瘦嘅絞肉整嘅，口感好有彈性，一食落口，飽滿嘅肉汁喺嘴裡面爆發，充滿香濃嘅芝士味！🍅 香辣番茄汁風味：其實佢冇乜香辣嘅味道，不過個番茄汁嘅酸甜味真係好開胃，又可以解膩，配埋香濃多汁嘅肉餅，令人食到停唔到口！因為係可以無限添日本珍珠飯🍚，所以我額外再加多咗半碗去撈呢個蕃茄汁😋下次去荃灣，一定要去試下呢間嘅漢堡扒，絕對係一個唔錯嘅選擇！😋
繼續閱讀
簡單生日飯話說呢期好興牛肉漢堡扒加日本米飯，好出名嗰間book唔到，趁着生日，我同太太就去另一間食相同食物嘅餐廳試一下餐廳環境方面大概分左兩張吧枱，每一張大概有10個位左右圍住個爐坐，每個位前面都有一塊鐵板用嚟暖住漢堡扒。餐廳只有一款漢堡扒一款食物，但係佢有分原味，蕃茄汁同埋芝士三款唔同口味，每一個套餐都有沙律，溫泉蛋，麵豉湯同白飯任裝。漢堡扒方面，唔算醃得好濃味，如果食原味嘅話，建議加少許鹽同黑椒會更加好食。茄汁漢堡扒，我哋覺得茄汁嘅味道有少許太重口味有少少搶咗漢堡扒嘅味道。芝士汁漢堡扒，店員會喺你面前加芝士汁同即磨嘅芝士，份量絕不手軟，非常igable! 雖然睇落去好似好heavy, 但食落一啲都唔heavy! 不過個人比較喜好原汁原味，原味係我嘅首選。 follow 社交平台仲有汽水送，兩個人加埋買單先$200左右，非常抵食。不過服務就麻麻哋，啲侍應生唔知係part-time定係太junior，好多時候搵佢哋幫手都，唔係好理你同埋因為餐廳嘅路線嘅問題，佢得吧枱高櫈，亦都無BB櫈，唔係咁適合有小朋友嘅家庭。
繼續閱讀