一輪 (一門町市場)

營業中

休息中

北海道十勝和牛係稀有的高級和牛之一，品質控管嚴格，肉質細緻柔嫩，估唔到喺荃灣可以用一百蚊鬆啲嘅價錢，就食到3款唔同味嘅和牛漢堡套餐，真係抵到爛呀！餐廳入面有兩個輪，顧客圍住坐，店員就喺中間煎漢堡所有套餐都有麵豉湯、中華沙律、日本生蛋同埋日本珍珠米飯。麵豉湯都真係好足料㗎，有豆卜、雜菌、海帶等，仲好大碗添！至於生蛋就喺撈飯食嘅，因為打得太偏，就唔影相畀大家睇了套餐D $128三重芝士和牛漢堡+微辣番茄和牛漢堡+原味漢堡：啲漢堡真係好厚身，同埋好軟嫩，入口即融！身為芝士控的我最推芝士味，鹹香惹味，配飯一流！番茄味都唔執輸，辣辣地，又酸酸地，非常開胃！套餐C $118甜洋蔥燒汁和牛漢堡+黑松露忌廉汁和牛漢堡：覺得餐廳真係好有創意，連黑松露忌廉都有，高級配高級！豬雞漢堡 追加$45呢款係期間限定的漢堡，以北海道戶米豬同免治雞肉混合而成，同樣都係頂級豬肉，入口甘甜，比較有口感！炒野菜 $32健康啲加道菜，又幾新鮮，食落好爽脆，同埋特別清甜！烤鱈魚乾 $28魚乾香脆，送酒最岩！

位於荃灣荃新天地的「一輪」是香港首間現打燒烤和牛漢堡專門店，去年嘅年頭已經開幕，採用北海道自家農場直送和牛，每日新鮮手製漢堡扒，而且更自家研發食譜，漢堡扒共有多款口味可以選擇，基本上開業以來非常人氣，任何時候門口遠遠都會見到一條人龍，今日我午市嚟到朝聖，當然一樣唔例外都要排隊🫶🫶店家有多款套餐供應，食邊款口味幾多件，任君選擇豐儉由人，而且更有多款日式小食飲品供應😋所有漢堡扒都是北海道十勝產和牛使用🐮我就點咗最豐盛的套餐 $ 128分別有三款不同口味嘅漢堡扒😋🐮北海道和牛漢堡原味一定要食，牛肉味極香濃，入口Juicy鬆化，不需沾醬已經夠晒入味，亦可沾上店家自製嘅燒肉醬或者海鹽增添風味🍅微辛蕃茄汁和牛漢堡醬汁就像蕃茄牛肉一樣，濃香蕃茄味酸酸味味帶點辛香，配上漢堡扒和米飯，味道清新夠晒開胃🍅芝士三重芝士汁和牛漢堡芝士控又點會放過呢一件，三重芝士漢堡，師傅先將車打芝士和水牛芝士醬汁淋上漢堡扒，然後再爬上大量巴馬臣芝士碎，完全滋味滿瀉，而且一啲都膩，好味道我需要加多半碗飯去配合🤣配送：前菜、日本國產生蛋、麵豉湯、珍珠大米白飯（任添）🍺Suntory 380ml有多款飲品選擇，我就最鍾意嘆番杯啤酒

今日我終於黎食呢間想食好耐既香港首間手打和牛漢堡專門店，呢到主打係用自家農場養殖既十勝產和牛，有唔同既套餐揀我地分別點咗套餐C同埋套餐D，全部漢堡都係見到佢即刻燒，所以都要等一陣先有得食套餐C有2件漢堡，但就係唔同既口味，第一件就係洋蔥燒汁和牛漢堡，洋蔥燒汁漢堡味道好香，煮得岩岩好，肉質好鮮嫩，而且咬落去係爆汁，搭配埋洋蔥燒汁，個感覺好清新，可以同漢堡既油膩感相抵消，令人食得好順滑！至於黑松露忌廉汁漢堡，呢個真係驚喜！忌廉汁好濃郁，加上另外加既黑松露油，有種好獨特的香氣，令到成個漢堡好高級，食落去好享受另外叫既套餐D就有3件漢堡，分別係原味和牛漢堡、微辛蕃茄汁和牛漢堡同埋三重芝士汁和牛漢堡，微辛蕃茄汁漢堡帶有少少辣味，搭配上新鮮的蕃茄，有種西式既感覺，而且酸酸地好開胃，至於三重芝士汁漢堡係今日既MVP，因為個芝士汁味超濃，佢仲係面頭再刨左芝士碎，芝士碎因為好薄，個口感好輕，但芝士味就好濃，包著左件漢堡咁，食落去每一淡都好滿足，芝士控最愛另外，我仲加咗免治雞肉漢堡，呢個選擇亦都唔錯！雞肉漢堡鮮嫩多汁，燒到外皮煎香，口感反而比較扎實，搭配上特製的醬料，味道清新。最後，清酒煮蜆亦都好好味，蜆

下午去荃灣行街街平時大排長龍的和牛漢堡竟然唔洗排隊即刻衝入去和牛漢堡係自家農場養殖十勝產和牛即日手打，即叫即煎店員燒好後，會放係座位前的獨立鐵板上確保食個陣仲會熱，可以慢慢細心品嚐。分別叫左套餐D同期間限定餐套餐D有3塊漢堡原味和牛漢堡，三重芝士汁和牛漢堡，微辛蕃茄汁和牛漢堡期間限定係2塊北海道千歲米豚鷄肉漢堡2個套餐都附送前菜，日本國產雞蛋，麵豉湯，同白飯(任添)漢堡厚度十足，牛味香濃加上微辛蕃茄汁，甜甜辣辣好和諧，再撈飯食一流三重芝士汁直頭視覺美覺大享受，米豚雞肉漢堡同樣鮮嫩多汁配上店鋪特調燒汁，令整體肉味更突出或者點番微辛蕃茄汁或三重芝士汁連同撈左蛋既飯食，真係停唔到口另外叫左2款小食清酒煮蜆清酒味香而唔會太濃，蜆肉鮮甜炒野菜椰菜加上菇同紅蘿蔔一齊炒，未等到漢堡到已經食得7788最後叫埋原味波子汽水+葡萄味波子汽水呢個午餐超級滿足

推介: 明太子雞翼好好味!點左套餐D, 3件和牛漢堡 (原味 / 香辣番茄汁/ 芝士汁)我較會選原味, 香辣番茄汁&芝士汁, 不是不好味, 或不太合我個人要求, 原味獨自更精彩.如再來食, 我會揀走醬. (卵建議醬另上)湯: 可以.泡菜:沒問題.飯: 大大碗的.和牛漢堡: 都好味. 但唔好同大佬比.在旁有三款醬料(醬油, 辣油, 黃芥末)供應,  最讚有壺水在旁, 唔使走幾轉, 夠細心, 我是有暗示的.抽櫃內有湯匙紙巾提供, 夠細心, 我亦都是有暗示的.係唔同的, "大佬"有"大佬"應有水準, 但唔想排隊, 又想食, 都是可以的選擇.

套餐D有3個漢堡，原味、三重芝士汁同埋微辛蕃茄汁各一，個漢堡係用北海道十勝和牛去整，加咗少量洋蔥、香草同其他調味料，味道唔錯，望住廚師喺席前一路燒，真係會食指大動🔥三款入面最鍾意蕃茄汁，蕃茄嘅酸味同輕微嘅辣度減輕咗漢堡嘅油膩感，至於芝士汁都落得好足，廚師仲會即場刨啲芝士喺面，味道相當濃郁，仲做到拉絲效果🧀套餐仲包括泡菜、日本生蛋、麵豉湯同埋白飯，麵豉湯入面有海帶同菇，唔夠飯可以添加🍚除咗漢堡套餐，仲有啲小食叫，今次叫咗炒野菜同埋明太子雞翼～

朋友成日話要食香港首間手打和牛漢堡專門店～佢地係自家農場養殖十勝產和牛！ 我地終於食到啦😍叫咗套餐A和套餐C❤️套餐A有原味和牛漢堡同微辛蕃茄汁和牛漢堡。原味漢堡肉質鮮嫩多汁，保留了和牛的濃郁肉香，加埋隻生蛋， 令和牛更滑嫩! 唔落任何調味， 已經好好食！ 微辛蕃茄汁和牛漢堡酸辣平衡，非常開胃。❤️套餐C有黑松露忌廉汁和牛漢堡同甜洋蔥燒汁和牛漢堡。黑松露漢堡香氣濃郁，忌廉汁滑順卻不膩，好惹味；甜洋蔥燒汁帶有微微焦糖甜味，與和牛的油香好夾。每款套餐均配前菜、日本國產生蛋、麵豆湯及珍珠大米白飯，米飯可無限續添。❤️炸雞軟骨，外皮酥脆，內裡軟嫩帶嚼勁，調味岩岩好！ 送酒一流。❤️Asahi熱情百香果有汽果酒清新的百香果香氣，酒精感溫和，入口清爽! ❤️明太子雞翼炸到外脆內嫩，入面有濃郁的明太子，鹹鮮中帶有微微辛辣👍🏻

荃新天地2期地下有好多新進餐廳，種類繁多，今日小編簡左一間食和牛漢堡「一輪」。圈形大枱既設計，廚師會係中間煎和牛，可以偷下師😂😂😂基本上和牛漢堡餡料都係一樣，分別在於漿汁既味道會影響和牛漢堡既味道。所以小編分別叫左幾款唔同漿汁。分別叫咗2個套餐和3款小食。套餐配有前菜、日本國產生蛋、麵豉湯及珍珠大米白飯(任添）小編鍾意將生蛋倒落飯度，撈勻晒再食😋麵豉湯套餐c $118黑松露忌廉汁和牛漢堡黑松露既味道未算好濃，忌廉汁有少少淡。小編比較鍾意食其他味既。甜洋蔥燒汁和牛漢堡甜洋蔥的甜味與牛肉的鮮美相互融合，燒汁增添了牛肉的香濃味，每一口都充滿驚喜。套餐d $128原味和牛漢堡原味都唔輸蝕，口感軟綿綿，牛味香濃又唔會太肥膩。🍅微辛蕃茄汁和牛漢堡蕃茄汁好濃，酸酸味味帶點辛香，好開胃，配上和牛漢堡好夾。🧀芝士三重芝士汁和牛漢堡哇，呢個好正，師傅先將車打芝士和水牛芝士醬汁淋上和牛漢堡，然後將大量芝士碎灑在上面，三重芝士配和牛漢堡一啲都唔油膩，餸飯食一流。炒野菜 $32炒野菜用牛油炒香味十足，即使用牛油炒都唔會太油膩，野菜口感清脆。配料有香菇和紅蘿蔔。清酒煮蜆 $46份量都多，味導鮮甜，不過略有少少沙粒

今日我去咗荃灣搵朋友，佢話荃新天地2期地下一門町巿場開咗好多間高質餐廳😋 我哋去咗「一輪」呢間日式漢堡餐廳，有即叫即煎嘅和牛漢堡，食客圍住廚師坐，睇住廚師煎漢堡、火喉十足🔥 而我哋面前每人有一個私家鐵板爐，可以邊興住邊同朋友傾計，真係好爽💬我哋叫咗兩個套餐，套餐D有北海道和牛漢堡🇯🇵、微辛蕃茄汁和牛漢堡🍅同埋三重芝士汁和牛漢堡🧀 最勁揪一定係三重芝士汁和牛漢堡，廚師喺我哋面前落芝士汁同刨芝士🫕 真係無得彈套餐C就係甜洋蔥燒汁和牛漢堡🧅同黑松露忌廉汁和牛漢堡，廚師又會表演咁喺我哋面前落黑松露忌廉汁。一次過可以食哂五款味道嘅漢堡，真係好正，原來用咗北海道自家農場十勝庭和牛，唔怪之得肉質咁鮮嫩咁juicy🥩🤤套餐仲包埋麵豉湯、珍珠大米白飯🍚同日本生蛋🥚 店員建議我哋打落飯度食正呀🍳 小食我哋叫咗清酒煮蜆，鮮甜美味🍶飲品方面，我哋叫咗杯Asahi桃味有汽果酒，勁大杯、清新可口、底下仲有桃肉。另外仲叫咗罐葡萄味波子汽水🍑🍇

行過見到呢間專食漢堡扒嘅餐廳，抱住「試吓新嘢」嘅心態就坐低咗。餐廳嘅座位分開兩邊，每邊都係一張圓枱圍住個爐，有少少似鐵板燒，不過個煮食位離得比較遠，冇咩互動感。 餐牌方面，主食嘅和牛漢堡套餐都有兩塊100g嘅漢堡扒，跟白飯、麵豉湯、泡菜同日本蛋。唔同套餐嘅醬汁唔一樣，所以價錢都有分別。最近做緊期間限定嘅豚雞漢堡，不過我哋專登為咗牛而來，就冇試到啦～除咗主食，仲有幾款小食同飲品可以單點。 ———————— 🐮原味 x 微辛蕃茄汁🍅🌶️北海道和牛漢堡套餐 $93評分：3/5 原味可以試到塊扒最原始嘅味道～偏鹹 牛味唔突出，又唔夠juicy，肉質比起平時食開嘅burger嗰啲鬆散啲蕃茄汁辣得嚟帶酸，同平時食開嘅辣蕃茄汁好唔同 🦈覺得有啲怪怪哋 🍄‍🟫黑松露忌廉汁 x 甜洋蔥燒汁🧅北海道和牛漢堡套餐 $118 評分：3.5/5 黑松露汁淋面仲加咗少少黑松露油，算係有心思～咁多款醬汁入面最欣賞呢個，🐳🦈都覺得唔錯～ 不過燒汁嘅甜度完全蓋過咗肉味，雖然塊肉本身都冇咩肉味可言......撈飯係幾好食嘅，但成塊扒浸住啲汁就真係too much喇🥲 📝**鯨鯊後記** 明明見到好多l

今日約個舊同事見面，佢帶我嚟呢間一輪，話佢午餐好鐘意食嘅餐廳。佢叫我幫手早d排隊，好多人，但其實都要人齊先入得。不過真係唔少人排緊，所以令我好期待。餐廳主打自家農場十勝和牛漢堡，我地揀左C餐・極選和牛四件套餐同D餐・北海道和牛雙重享受。每件和牛油花分布細緻，肉質均勻，入口即溶，肉味濃郁。燒烤後外層微焦，內裡保持嫩滑多汁，單吃或配特製醬汁都非常出色。配菜有日本國產生蛋、經典味噌湯及珍珠米大米白飯，蛋香濃郁，拌飯一流，味噌湯鹹香適中，為套餐增添層次感。份量充足，適合高質和牛愛好者細味品嚐。D餐以北海道和牛為主角，雙重享受一次滿足味蕾。包括兩件北海道和牛，每件肉質細嫩，油脂豐富，燒烤時香氣四溢，入口柔軟多汁。另外還有兩件特選和牛，肉味更濃，咬感紮實，帶來不同層次的和牛體驗。呢到都有幾款口味可選，芝士醬同松露醬實在太邪惡，但真係好好味，唔會遮蓋肉嘅油脂香，反而更多一層香氣同豐富味道。套餐加配嘅小食明太子雞翼外皮炸得金黃香脆，內裡肉質嫩滑，配上明太子餡，鹹香微辣，層次豐富。每啖都食到明太子鮮味，唔會太膩，非常適合配啤酒或汽水。套餐加配小食炸雞軟骨，炸雞軟骨外層香脆，內裡保持彈牙口感，咬落去有咯吱

最近，同朋友係荃灣打完羽毛球，就行到呢間餐廳，呢度嘅和牛漢堡💯💯💯我同frd都叫咗set D ($128)北海道和牛漢堡北海道和牛漢堡，原味就最接每一口都能感受到牛肉的鮮嫩和多汁，漢堡的外皮烤得恰到好處，爆汁💥💥💥微辛番茄汁和牛漢堡這道漢堡調味，將番茄汁的微辣感增添了層次感，每一口都讓我感受到牛肉的鮮美與番茄的酸甜，真的是一個完美的搭配☄️三重芝士汁和牛漢堡三重芝士汁和牛漢堡，這款漢堡對於芝士愛好者來說簡直是天堂✨！濃郁的芝士汁搭配著嫩滑的和牛肉，讓人每一口都感受到幸福😚😚這種濃厚的口感，讓我一吃就上癮🤤炸雞軟骨不能不提的是炸雞軟骨。外脆內嫩，口感極佳，非常適合作為下酒菜或小食，讓人一口接一口，真係完全停不下來😋清酒煮蜆蜆肉鮮美，湯汁清淡卻又充滿了酒香，非常適合在用餐時享用👍配送的前菜與湯品每道漢堡還配有前菜、日本國產生蛋、麵豉湯和珍珠大米白飯（任添）。生蛋搭配米飯，口感滑順，特別適合用來中和漢堡的油膩感。而麵豉湯則是清淡可口🤌🏻飲品點咗葡萄味波子汽水（250mL）和龍井茶（320mL），這兩種飲品的搭配讓用餐體驗更加完美。波子汽水的清爽與微甜，非常適合搭配重口味的漢堡，而龍井茶則增添了

一心嚟試佢哋聲稱嘅「主打米飯」，點知第一啖白飯就嚇親！啲飯粒乾爭爭、硬繃繃，一食就知係中午甚至更早嘅隔夜飯翻焗**，完全失去米飯應有嘅煙韌同香氣。講到天花龍鳳嘅米飯質素，最後竟然係咁嘅貨色，真係「得啖笑」，仲要係苦笑！前菜都唔慌好。個餐湯送到枱只係微暖，飲落唔湯唔水，誠意欠奉。至於碟泡菜，明顯擺咗好耐，「岀哂水」，變得又淋又淡，毫無爽脆同發酵香氣，睇得出完全冇心機處理食材。唯一稍為似樣係碟牛肉，確實有啲「牛味」，肉質勉強合格。可惜個醬汁調得太過濃稠同死鹹，食多兩啖就覺得好「膩口」，完全蓋過咗牛肉本身，認真浪費咗！最令人氣結嘅係，成日見到餐廳請一大班「foodies」、KOL嚟打卡宣傳，影到啲食物好似天上有地下無。結果呢？實物同宣傳嚴重不符，質素差到離譜！香港餐飲業嘅口碑，就係俾呢啲只識做表面功夫、唔肯用心做好食物本質嘅劣質餐廳「做壞晒」！絕對唔會再幫襯，亦唔建議大家浪費金錢同時間去試。

呢間位於荃新天地嘅人氣和牛漢堡專門店「一輪」係香港首間手打和牛漢堡專門店！千祈唔好以為呢到嘅漢堡扒好普通，其實餐廳對選用嘅食材非常之有要求，每一塊漢堡扒都係用咗自家農場養殖嘅十勝產和牛製作而成嘅～呢度嘅套餐價錢合理！每個餐都包咗泡菜、生雞蛋、麵豉湯同埋白飯～✨原味和牛漢堡&三重芝士汁和牛漢堡&微辛蕃茄汁漢堡套餐可以一次過品嚐晒三種經典口味嘅漢堡扒！每款口味都各具特色，個人最中意三重芝士汁和牛漢堡，漢堡扒表面淋上咗勁多邪惡嘅芝士汁，芝士碎碎都係店員即場喺客人面前刨芝士嘅～✨黑松露忌廉汁和牛漢堡&甜洋蔥燒汁和牛漢堡套餐呢兩款係期間限定口味嘅漢堡扒！甜洋蔥燒汁和牛漢堡扒味道香甜！而加入咗黑松露忌廉汁嘅和牛漢堡扒，味道更加係再昇華咗～✨明太子雞翼(2隻)即叫即整熱辣辣，一咬落去仲有爆汁嘅效果～✨香烤鱈魚乾鱈魚乾非常香脆，點埋沙律醬更滋味～✨Asahi桃味有味果酒味道清新，仲有粒粒桃肉～

今日在荃灣行街，順道來了這餐廳吃午飯。聽聞這餐廳是香港首間手打和牛漢堡專門店呢！香烤鱈魚乾（$28）：香烤鱈魚乾經過醃製和烘烤，味道鮮美，帶有淡淡的海鮮香氣。鱈魚本身肉質細膩，經過烤製後非常酥脆，非常適合作為開胃菜或零食。炒野菜（$32）：炒野菜的鮮香味十足，讓人食欲大增。大火炒製能保留野菜的脆感，口感清脆。青酒煮蜆（$46）：蜆的肉質鮮嫩，經過青酒的烹煮後，保留了其原汁原味，吃起來特別滑順，每一口都令人愉悅。青酒的獨特香氣與蜆的鮮味交融，讓整道菜的風味更加層次分明。青酒的輕微甜味和酸味，能有效地提升蜆本身的鮮美。套餐D$128:三重芝士和牛漢堡+微辣番茄🍅和牛漢堡+原味漢堡三重芝士和牛漢堡：和牛的肉質非常嫩滑，油脂分布均勻，讓每一口都充滿了肉汁的鮮美。與一般牛肉相比，和牛的味道更加濃郁。三重芝士讓這道漢堡更加芳香四溢。不同芝士的風味相互融合，讓口感更為豐富。融化的芝士與漢堡的肉餅結合，讓味道更為醇厚。微辣番茄和牛漢堡：漢堡的和牛肉質鮮嫩多汁，口感滑順，油脂分佈均勻，吃上一口能感受到肉汁在口中爆炸的幸福感。微辣的番茄醬為漢堡增添了層次感，甜中帶著一絲辣味，與和牛的鮮味相得益彰，讓每一口