識吃buffet一定先吃海鮮, 通常第一"水"推出都是全日quality最好的. 我這生蠔控很自然去了生蠔bar, 由兩位師傅分別負責開蠔和洗蠔的工序, 確保不會有丁點碎蠔殼吃進肚子. 有檸檬, 海鮮汁(cocktail sauce), 紅酒醋(red wine vinegar)等等醬汁. 每次一碟兩隻, 來自美國的當然沒有我上次在觀塘Manhatthan Bar吃的如手掌大隻, 但是真的超·新·鮮· 超·爽·甜. 也忘了來了幾多round(饞嘴的).
芝士, 熱葷都有很多選擇, 每樣都吃一點. 龍脷柳肉質鮮嫩, 圈成一個個玫瑰花型, 好看又好味; 即席燒帶子每每推出便一掃而空, 裙邊一點也不韌, 帶子燒得剛剛好外面微脆.
整個lunch buffet一定是甜品, 首先吃了現製waffle top with一球焦糖雪糕, 有staff幫手不雪糕非常衛生, 熱騰騰的waffle稍溶了雪糕, 兩樣東西真是絕配; finger food size檸檬撻, 一口吃盡了蛋白加糖打起meringue的甜和檸檬filling的微酸; 牛奶布甸很滑, 上面的朱古力脆珠增加了口感.
事不宜遲，往自助餐枱方向逛逛。
只有一款美國生蠔供應， size細，不太肥美，幸好是即開，即使細隻亦充滿海水和鮮甜味。
幸好有兩個生日CUPCAKE補數
總括來說食物質素不差,但可能我食得太密食厭左....食埋今次之後,短時間內應該不會再來。
餐廳座位很舒服
冷盤食物選擇也不少
甜點部份有好多，每件試也吃不完，太多款式
鮮甜龍蝦肉質鮮嫩
跟住食刺身，得三款，有三文魚，吞拿魚同八爪魚，三文魚最好食，其他兩款就普普通通，所以食咗一次都無再攞。鰻魚同海膽壽司仲好食d，壽司飯細細件，食多兩件都仲得。
日式凍螺肉，一樽樽攞，不過我就覺得多咗d，細番少少好d，要同朋友一齊食先食得晒。
跟住食熱葷，食咗燕窩炒蛋，即叫即炒，熱辣辣好新鮮，其實燕窩本身都無乜味，但係d蛋都幾香同滑，都幾好食。
再食燕窩灌湯餃，原盅上，都幾多燕窩，餃子皮都好薄，連湯都飲清光。
鵝肝多士，鵝肝煎得乾乾地，入口甘香，配埋又薄又脆嘅多士，好食。
小籠包都唔錯，有肉味，而且好多湯汁。
甜品有梅子果凍，酸酸味味，開胃消滯。抺茶布甸，抺茶味好濃好滑，不過就甜咗少少。
飲品仲有落神花茶無限添飲，酸酸地，好解渴。
最後食埋水果同飲埋杯熱檸茶，真係飽晒。
Yamm其實都食過好多次，不過我今次就覺得佢d海鮮麻麻地，雖然好多選擇，仲加得都好快，但係就好似無乜味，今次熱葷好似出色d。
食物位置都幾集中，唯甜品section係門口嗰邊。
聖誕氣氛都算濃厚，有不少xmas佈置。
Furniture design 好artistic。
今次主題有即開生蠔，每次限取2只。都好fresh，淡口D，不過唔夠肥美。
海鮮少不了有龍蝦鉗，好大隻！可以啖啖肉食，肉質有D實。每枱都有剪刀，方便食用。
仲有snow crab長腳蟹，crab meat幾嫩。
熱盤唔錯，有即香草燒羊架配薄荷醬、焗三文魚菠菜、豬肘配honey mustard等等。非常好味道！仲有即炸天婦羅、roasted 生蠔 with black truffle cream sauce、sashimi & sushi。
唔少得火雞，燒香草豬肉卷和roasted US sirlion。 一定要食埋個sauce，perfect match! 勁like個baby cabbage，一般係香港好少見到brussels sprout，令我回想起英國的生活。
最有節日氣氛就係甜品，有santa、Xmas tree decoration。淨食甜品都食返個本返黎！有新idea嘅橙酒特色聖誕鬆餅、巴西朱古力、passion fruits chocolate、伯爵茶朱古力tart、opera cake、柚子無花果cheese cake等，都好特別！俾十個Like!
馬卡龍所剩無幾，下次要快手！焦糖栗子蓉布甸都好正。
餐茶好優雅，有tea pot送上，加分！
高懸的吊燈，極具堂皇氛圍，半圓卡座、長檯及半開廂座，各自有空間，就算全場爆滿，都絲毫沒有逼狹感。
有美國及法國兩款即開生蠔。
麵包蟹、翡翠螺、鱈場蟹腳、凍蝦及青口
黑松露蒸蛋
濃湯灌湯餃
燒老虎蝦
煎鵝肝配海鮮汁、木魚薄片及芝麻
燒火雞
燒威靈頓牛肉
燒羊架
泰式燒豬頸肉伴羅望子汁
另外仲有燒三文魚頭配日式鰻魚汁、煙鴨胸、紅酒燴牛尾及甜酸雞球，不過太多選擇了。
點心有小籠包及羅漢齋餃，試了小籠包，有肉汁而包皮沒穿破，還是可以的。
帶子、北寄貝、三文魚、甜蝦、火炙三文魚、鰻魚、炸蠔卷及加洲卷，每件都很小巧，質素亦相當好，賣相亦見心思。
不想浪費胃部空間，有八爪魚刺身、吞拿魚刺身、三文魚刺身、海膽刺身及赤蝦刺身選擇，解凍得啱啱好，保留了肉質的嫩滑或爽彈。
之前的泰國食品節實在成功，所以亦保留了泰式粉絲扎肉沙律與及泰式菠蘿沙律。
當然有健康的藜麥吞拿魚沙律及扒意大利青瓜。
當然還有傳統的Gruyere、Emmental、Blue Cheese、Cheddar、Brie、Goat 及 Manchego Cheese，芝士迷想必心滿意足。
雪糕已經有香草、忌廉曲奇、夏威夷果仁、朱古力及紅莓，一口氣先品嚐三款，大美好了。
在入口處的甜品區，先在日本抹茶40%白朱古力噴泉，用小朋友拳頭大的棉花糖蘸點一下，真是很豐腴的口感。
綠茶慕絲糯米糍、綠茶芭芙、香檳啫喱、聖誕節朱古力樹頭蛋糕、Tiramisu、抹茶千屠餅、士多啤梨撻、雜錦果撻、Macaroon、木槺布甸、柚子牛奶朱古力布甸、柚子無花果芝士蛋糕、藍莓芝士蛋糕、朱古力蛋白、聖誕節拔蘭地蛋白撻、聖誕節意大利朱古力餅、聖誕節百果餡餅、核桃批、曲奇、葡撻、聖誕節麵包布甸，要大家一口氣讀一次，恐怕都有點難度。
實在太飽了，只好試了最愛的Tiramisu，加上應節的樹頭蛋糕，這次真的是味覺的大滿足了。
Yamm的自助餐有多鼎盛不需要我多講，不過循例都介紹下比大家睇下有啲咩好嘢食啦，這夜即開生蠔有兩款選擇，包括美國及法國的佳麗。
凍海鮮選擇亦超多有青口，大蝦🍤，鱈場蟹腳，埋麵包蟹，當然唔少得呢一個宏偉的龍蝦山啦，仲有靚海螺添🐚。
凍肉方便就有煙鴨胸，煙三文魚，巴馬火腿同沙樂美腸，仲有意大利豬肉腸同蘑菇豬肉腸呢，超多選擇。
現成沙律有意粉沙律同埋勁好食嘅薯仔沙律。
自助沙律區內有各式各樣新鮮蔬菜，客人可以隨心混出自己喜好，當中有我最愛嘅火箭菜已經夠我開心了😄。
而這個現成嘅沙律當中有一個泰式菠蘿沙律🍍超好味，又香又辣酸酸甜甜開胃度十足呢！
切粒生果每款也新鮮多汁又香甜，尤其係菠蘿超正。
芝士區嘅陣容亦都十分強大，選擇有六款之多總有一款啱大家口味啦。
但係最正當然係有呢款瑞士熱溶芝士啦，當晚識食的小男神吃了好幾轉呢！
刺身區款式就選擇唔多不過勝在夠新鮮，有三文魚，八爪魚同埋吞拿魚刺身。
反而壽司卷物選擇十分之多而且質素亦超高，少少的一件可以試多幾款都唔怕太佔胃呢！
凍食推介紹完而家到熱辣辣嘅美食喇！今次有呢款新出的海鮮灌湯餃，看下去湯底挺香濃呢。😍
中式點心方面有上海小籠包和羅漢齋餃，甜酸雞球，清蒸沙巴龍躉，竹生魚絲蝦子醬浸時蔬，燉雜菜。
香口嘅亦都有蟹餅配蛋黃忌廉汁，鵝肝配海鮮汁木魚薄片及芝麻，惹味香濃嘅紅酒燴牛尾。，勁好吃的泰式燒豬頸肉半羅望子汁，味噌三文魚伴西班牙辣肉腸，想食得健康啲有蕃薯🍠及栗子呢，最後仲有超惹味嘅蟹肉粉絲鍋車媽媽勁推介。
燒烤方便有燒羊架🐐，老虎蝦🍤，美國有骨肉眼牛扒和威靈頓牛肉🐂，聖誕節當然唔少得有燒火雞啦🐓。
今日嘅湯品有西蘭花忌廉湯🍀，同埋海鮮南瓜羹🎃。
另外亦都有任飲飲品供應，今日供應嘅係洛神花茶和菊花蜜。
不過全晚最有驚喜嘅絕對係甜品Corner。
先有觸目的日本抹茶40%白朱古力噴泉。
連配料亦都睇頭十足，你看那粒棉花糖大到呢！而士多啤梨🍓亦香甜好吃質素十分之高呢。
呢個係綠茶慕絲糯米糍賣相超可愛呀，另外還有顏色十分之鮮艷的綠茶泡芙以及香檳啫喱，仲有抹茶千層蛋糕，來過Yamm一定對馬卡龍塔唔陌生吃，士多啤梨撻，雜錦果撻都小巧精緻，仲有柚子朱古力牛奶布甸試多幾款都可以。
放在甜品架上，柚子無花果芝士蛋糕，朱古力蛋白，藍莓芝士蛋糕和木糠布甸，但講到聖誕節又點少得薑餅屋呀！呢個薑餅屋賣相真係十分之精緻喔！🏡，聖誕甜品當然係唔少得樹頭蛋糕啦，呢度有款聖誕節嘅栗子樹頭蛋糕都幾香滑好味㗎！
怎會少得聖誕朱古力樹頭蛋糕呢，不過呢個樹頭蛋糕真係好甜美囉！呢個係聖誕節白蘭地蛋白撻，口味都幾特別喎！意大利朱古力餅看落去好濃厚，應該會幾好食呢，葡撻同埋麵包布甸，最後仲有聖誕節百果餡餅，核桃批以及各式曲奇。
介紹完一系列美食後，終於到我哋開餐喇。😋😋
第一時間當然要試生蠔啦！呢一款美國佳麗有驚喜喎鮮味香濃，雖然質地唔算好脆口，但係整體表現十分之得我歡心啊~💓
其實法國蠔味道也不俗，而且新型亦都較為豐滿，不過今次終於比美國嘅佳麗比下去了！
凍海鮮當然要食龍蝦啦，肉質好爽彈，另外大蝦和鱈場蟹腳都係新鮮好吃的貨色，不過真係要留番D位比其他美食，所以只能淺嚐吧！
吃罷美味海鮮，整番碟自製沙律前菜，減低眾罪惡感先，樣樣都攞少許啦，生果，芝士，燒雜菜當然唔少得我最愛巴馬火腿啦😁。
生果粒真係好新鮮好甜，尤其是菠蘿夾埋我最鍾意嘅巴馬火腿，好食到一個點呀👍。
食咗咁多凍冰冰美食，當然要食返啲熱辣辣的正點，呢碟當中我最鍾意嘅就係豬頸肉🐷，真係超級好味怪不得有得留底在自助餐內啦，而呢度嘅壽司質素亦十分之不錯，大家記住要試喔！另外仲有嗰個粉絲好鬼好味㗎，希望大家嚟到都可以試到啦！
這碗黑松露燉蛋白亦都係必食之選，蛋白幾嫩滑加上香氣十足黑松露醬，滑嘟嘟多吃兩杯都唔覺飽呀。
最後唔少得瑞士熱溶芝士，其實可配薯仔或多士，因為實在太多嘢食嘅關係，我只點了淨芝士，質感煙煙韌韌，鹹香十足真係好好味，怪不得Matthew仔吃了數轉才停口啦。
鹹胃已經完全滿足了，而家就要餵飽我嘅甜胃嘞！
仲有這夜供應大師五款雪糕，不過太飽的關係，我只能夠吃一球紅莓雪糕咋🍧！
試咗咁多款甜品中我最鍾意係呢個香檳啫喱喎，質感好軟滑加埋幽幽香檳味道，仲有仿三文魚子的甜美爆珠，好精彩又超美味。
完成晉級賽後，叻豬也正好餓到不行，帶他來 Yamm 開餐最開心了！當還未進入 Yamm 範圍，在 COCO 位置已經見到超誘人的甜品陣；原來聖誕自助餐比以往內容豐富強大，特別甜品款式極多，故特別有此安排！
既然如此，就由甜品開始介紹吧！讓空氣中飄送動人甜香的，是 Yamm 經典的抹茶白朱古力噴泉，配料則有巨大棉花糖，以及甜魔媽媽最愛的清甜士多啤梨，加起來超好吃！
聖誕嘛，就是點紅點綠的季節，所以除了抹茶白朱古力噴泉，也有不少的綠色甜點，其中包括外表酷似 Lady M 的抹茶千層班戟、甘濃脆口的抹茶忌廉泡芙，後者味道不錯。
紅色的甜品則有香檳啫喱、士多啤梨吉士撻等等，艷麗漂亮，加上 Yamm 另一招牌甜點 Icon －馬卡龍山，感覺無限繽紛～
場內還有既有特色又比預期中清新的迷你巴黎法撻，上面插著聖誕樹形朱古力非常可愛；另一邊檯內還有琳瑯滿目的木槺布甸、紫薯芝士蛋糕、疏乎里蛋白蛋糕、曲奇奶凍杯，還有充滿節日氣息、置放了印著聖誕冬青葉朱古力片的聖誕白蘭地蛋酒批、胡桃批等！
還未完！場內更有栗子朱古力樹頭蛋糕、聖誕朱古力木頭蛋糕，最後還有意大利芝士餅、各式曲奇、葡撻、麵包布甸等等。要知在場內還有 Haagen Dazs 雪糕、雪米糍、即焗窩夫、即燒班蘭口味焦糖燉蛋，以及意大利／德國聖誕麵包；甜魔要小心別撐破胃啊！
回到場內，也洋溢著一片聖誕氣氛，這裡供應廣受歡迎的即開生蠔。當晚提供法國及美國兩款佳麗，各有特色；想享受加倍，也可以優惠價升級香檳任飲，counter 就設在蠔吧邊～
主場內還有更多的水果、沙律、冷盤，其中西瓜及蜜瓜都很甜又多汁，無論是打底還是別飽了要解滯，都值得取來試試；而煙三文魚就是Matthew至愛項目，馬上取來當頭盤。
水果區右邊是我稱為「甜品號外區」，有芝麻／綠茶口味的雪米糍、5-6款口味的 Haagen Dazs 原罐雪糕（比杯裝好吃！）、班蘭味的即燒 creme brulee，以及即焗蕃薯味 waffle！
再之後，是雖然我遲了不少，仍然堆成小山的波士頓龍蝦山。更多的凍海鮮包括：麵包蟹、熟蝦、青口、翡翠螺等等，就看你喜歡那一樣了～
然後是花款眾多的麵包，除了用來滿足同行小孩，也有聖誕麵包的選項！我一直致力留力想試，不過最終還是太飽，連同蕃薯 waffle 一樣，只能飲恨！
轉角位是兩款 free flow 的特飲，包括清甜明目的杞子菊花蜜，以及酸甜清新的洛神花茶，喜歡兩款都不會太甜，後來選了開胃的後者來佐餐。
然後還有佈置有如築地市場的誘人刺身區，以及更豐富繽紛吸引的壽司／卷物區，後者亦是囝囝每次必吃的重點，這晚媽媽也忍不住取了兩件吃！
對面則是強大的芝士區，不過芝士迷先別出全力，因為更誘人的烤 Raclette cheese 尚在後面！
接著有材料又多又新鮮的自助沙律吧，最妙是有個現成的凱撒沙律兜，我可以更方便取用；其後又有更多特色沙律，個人心水是泰式辣菠蘿沙律，以及健康的藜麥吞拿魚沙律！
接著就是香氣撲鼻、味道迷人的烤 Raclette Cheese 站，褐色外殼包著奶黃色的芝士肉，在射燈熱力下緩緩融化流出，可配薯仔／法包或淨食，全部都好吃得不要命啊！識食囝囝驚艷初試後，一連 encore 了兩回、即前後去排了三次，魅力可見一斑。
聖誕主菜還有烤美國有骨牛肉，肉質柔嫩、相當美味；坊間較少見的威靈頓牛柳，外層酥皮豐富了食味，雖然論肉味還是前者更得我心。
至於非牛魔一族，就吃烤火雞吧，也保持到皮脆肉嫩，同上又有個人愛吃的塞火雞、栗子、蕃薯、BB椰菜等等配料。
就在火雞不遠處，還有一款必試珍饈，就是這花蟹炒粉絲，成品既乾身又香口，粉絲又帶點彈牙，太好吃了！之後還有一中一西餐湯，就看你胃納夠不夠。
另一邊，還有更多中／西熱盤，包括蒸小籠包、蒸羅漢餃、咕嚕雞球、味噌三文魚拌西班牙辣肉腸、香草烤羊架、蟹餅拌蛋黃醬，以及很好吃的燒豬頸肉拌羅望子醬等，不能盡數。在這邊也要記得抬頭，尚有更多的黑松露蒸蛋、香煎鵝肝、燒老虎蝦，甚至是灌湯餃供應！
食物大致介紹完畢。囝囝已經很餓了，先陪他取了心愛的煙三文魚、芝士（除現成芝士還排了 Raclette cheese!）、壽司、車厘茄，回來見到食友豐富的海鮮碟，我也要發力了！
第一碟還是以水果／沙律開始吧！讚多次西瓜起沙、蜜瓜清甜多汁，而藜麥吞拿魚沙律既好吃又健康，打好個底後，再挑戰更多海鮮、熱盤吧～
接著品嚐兩款生蠔、龍蝦、香煎鵝肝（拌上軟餅及木魚絲，估不到的很好吃！）、蟹餅、燒美國有骨牛肉、威靈頓牛柳、泰式豬頸肉等；這碟全部都好吃，全部都推介啊！
食友又取來黑松露蒸蛋，那蒸蛋挺滑溜，囝囝一試就被迷住了，之後也有再 encore！
前一隻龍蝦給囝囝KO了，媽媽我只分到頭部少量膏呢，所以又出去拿龍蝦，加上炒虎蝦、超美味粉絲、Raclette Cheese、壽司，以及 Matthew 指定要的蒸蛋。要讚店員非常細心，見到同行小孩，主動詢問是否要淨蛋，當然這樣更理想啦！媽媽我不用淨吃醬了～
最後一輪，還是炒粉絲、小籠包、烤火雞、塞火雞、蕃薯、栗子等等，鹹胃已經很飽了～至於囝囝，也是吃芝士、壽司吃飽的！
其實，如果不是劉總貪心取了太大件聖誕朱古力木頭蛋糕（外加兩粒巨大棉花糖！），然後又吃不完要我出手（朱古力部分稍甜，但蛋糕很濕潤好吃），應該還至少來個會合～
最後再去取了好吃的 Belgian Chocolate、Vanilla 及 Raspberry Sorbet 口味的 Haagen Dazs，又滿足得不能彈動，至少又肥一至兩磅了！算了，兩母子都那麼高興，增磅也值得。
除了食物環境升級了，也超高興見到 Yamm 設立了一個餵奶換片室，對母乳媽媽是很大的方便！回想 2013年9月30日 我們一家自費（還是團購優惠價）到訪時，餐廳並未有此配套，職員就讓我到國金軒房內餵奶！這份對母乳媽媽的尊重，正是甜魔媽媽傾情 Yamm 原因之一。
最後分享價錢：全新主題自助午餐成人$408起／小童$328起，自助晚餐成人$788起／小童$448起；至於24及25號的特別場次及收費，可見下圖，或到 酒店網站 瀏覽更多～
影片
