Yamm

營業中

休息中

三個人去食下午茶，我見上網話好小野食，但我有張卷一個免費，咪去試下囉！3:45開始至5:45，3:30就可以入坐了，一去到見到馬卡龍被掃，得返幾粒，只好食住其他先。熱食都有十幾款，又有三文魚sushi ,墨魚sushi 等等，又有沙律，芝士，湯，中色糖水,麵甜品有10幾款，都ok!!!!味道幾好呀，下次會再去！$288加一，價錢ok! 如果有HSBC signature card 85折，但我無！

完本這個價錢，會有d期望…但去到食凍海鮮已經差，熟食款色又太小，最難食莫過於甜品…我大大話話去個十幾間酒店！真係未食過咁差嘅甜品，雪糕又溶溶哋？一d硬身都冇，收這個價錢，太不值啩入場要排隊 有一剎那想離開！真後悔冇離開！食物款式過少，食嚟食去都係嗰D嘢。

以此價格的自助餐， 食物款式少得很，味道亦没有特別好味道的， 蠔餅更是廟街的還好吃，雪糕亦只是普通質素， 生果亦只有切成粒狀用作噴泉朱古力所用， 除了職員服務態度好， 折扣後也不值這價錢

銀行送上下午茶禮券，五人同行4人免費⋯⋯如果俾錢去食真係要食多啲先得⋯⋯行咗一個圈雖然嘢食唔多，但都覺得不錯。入面嘅擺設都不錯，幾有特色，有幾個玩具鏟泥車，好正熟悉就要重複食先會覺得飽，甜品都做得唔錯，都係好鍾意佢嘅擺設我哋坐U型沙發位反而有啲唔方便，不過大致上都幾好

朋友從美國回歸想吃大閘蟹，由confirm booking的電話至到入座也沒有提及因食安提出大閘蟹有毒為由而暫停供應，直至入座一段時間聽到隔離枱問先知，以所謂的盤龍鱔和花鵰蟹替代，蟹無肉細隻又無膏，如果佢一早同我講無大閘蟹我唔會入去，當堂好失望之餘，竟然一貫的基本供應都強差人意，刺身類已沒有過往的帶子海膽，鵝肝以奇怪的日式醬汁烹調，龍蝦無膏，蟹腳好幼完全不吸引，蠔細隻得可憐，每次行出拎食物都聽到其他客人說無樣嘢好食，想點？！扣哂分，以後唔再去

小妹係第一次寫食評, 真心覺得好滿意既一次體驗!! 想立即同咁多位鍾意食野既朋友分享之前已經聽聞過yamm既自助餐好好食,而且岩岩推出大閘蟹同蠔既主題,岩晒我既口味 簡直係賣非佛呀!!! 而且聽聞經常full house, 所以即刻打電話book定枱 約埋朋友一齊試一試!!哈 由於當日太心急 所以早到左 未入得座 企門口既餐廳職員安排我地到大堂梳化坐陣先 餐廳環境同裝修都好靚 令人覺得好舒服6點半準時入座 職員細心安排位置 亦都有介紹當晚主角 大閘蟹我已經急不及待喇!!!第1時間拎大閘蟹先, 來自太湖既大閘蟹 大細有返咁上下 d膏好好食 好香口呀!!!!!而朋友同時都食緊開邊龍蝦 都好吸引 心諗如果我有兩個口就好喇試完主角大閘蟹 小妹就試signature龍蝦 長腳蟹 同埋即開生蠔 所有海鮮都好鮮甜 好好味 對於我呢個海鮮迷黎講 真係好滿足 海鮮已經佔左我成個肚3分2既位置 haha 當中有兩個國家既生蠔 包括係法國同美國 兩者大同小異 都好有海水味 好鮮 加埋醬汁 真係可以食到唔停得口呀!!!! 另外壽司比較多款 見到真係嘩一聲 雖然舊飯好飽肚 但見到賣相咁靚 點都要試幾舊 果然不負

是日父親大人生日，一年一次，俾多少少錢食間貴d既自助餐都無所謂啦～星期日成人每位$718+，相對出面既buffet係貴d，開頭都擔心會中伏，點知食物既好味程度超出預期，另外仲有好多回本位；）每次食buffet主攻既一定會係海鮮，所有既海鮮都好新鮮，波士頓龍蝦d肉一d都唔韌，好彈牙，另外兩款凍蟹都好多肉，鮮甜無比，蟹腳唔會太咸；）生蠔有兩款，法國同美國，兩種唔同感覺，一種creamy一種海水味重，滿足到唔同人既喜好，不過就心急得濟食完唔記得影相哈哈唔係好多buffet會有海膽刺身食架，所以係yamm見到好驚喜，仲好鮮甜是日主題係韓牛生蠔，唔少菜式都加入左韓牛元素，連sushi都有，肉質鮮美同埋好似入口有少少溶化，證明脂肪分佈平均；）原來星期五六日都會有大閘蟹無限量供應，大閘蟹d膏多到係個蓋度湧出來，like爆呀！鵝肝既話就唔太油利，煎得好香羊架既成熟度就剛剛好，一咬就咬得開，又唔會太蘇。燒安格斯牛肉都係，肉汁好豐富最後到萬眾期待既甜品時間，mocaron塔好壯觀，職員refill既速度都好快。本人係綠茶控，見到咁多綠茶既甜品緊係樣樣都試晒，呢個綠茶甜品corner原來都係星期五六日先有架

前幾日同幾個老友傾開想食buffet, 有個就介紹尼間，話試過幾好，琴晚就去試下，坐左梳化位，環境唔錯，食物選擇亦都算多，龍蝦同生蠔好味，不停食熱食方面味道都唔錯，壽司同魚生選擇亦都不少，甜品好精緻，好吸引，而服務方面亦都好好，都好有笑容同禮貌，值得推介

食物選擇不多。。。。。。羊架好硬又乾。。。。。。沙律菜黑媽媽。。。。。。好心唔好放出來啦。。。。。。絕對無下次。。。。。。食物質素價錢絕對唔值這個價。。。。。。完

從網上得知Mira Yamm午餐自助餐有"Buy 3 get 1"這個優惠，馬上約朋友去一齊試試，訂位時得知原來每個星期都有不同的主題，例如有東南亞口味，日韓主題，海鮮和燒烤主題，感覺令人有新鮮感，而每個主題都各有特色的菜式，但我們最後都是選擇了最受歡迎的海鮮主題。當天我們凖時到達，場地空間感大及樓底高，而門口的大型吊燈感覺高貴，剛好我們被安排坐在圓形的梳化，位置很舒適，而服務員亦很貼心地為我們提供䁔水。坐下後當然第一時間去取法國即開生蠔，幸好人龍不太長，雖然每次只能取三隻，但都排得比較快，法國蠔雖小但味道鮮甜，所以都不錯，畢竟有生蠔供應的午餐自助餐已經比較少，海鮮方面還有龍蝦鉗，海蝦，青口，翡翠螺，適合喜歡食海鮮的我，大滿足！另外還有很多種類的刺身壽司，三文魚和吞拿魚刺身顏色鮮明，很好食！而壽司細細位，適合多試不同口味種類的我，而熱食方面，都有海鮮主題特色的XO醬蒸蠔，蕃茄龍蝦意粉，燒牛肉，燒豬仔脾，全部都很入味，正！不得不提就是他們的甜品，除了有現在大熱的抹茶口味甜品之外，藍莓芝士蛋糕，曲奇餅，還有H字牌的雪糕，更有六款口味，已比其他酒店選擇多，生果方面，士多啤梨同哈密瓜很甜，大大

以韓牛和生蠔作晚餐，折左都要$600左右，有點失望韓牛牛肉味重但超難咬，切都難切，生蠔今日係法國但超薄同細隻有點失望，其他野食選擇只屬正常，甜品就失望一半吾好食，所以勁多人選擇食雪糕一人送一杯飲品，出面只有班蘭和洛神花特飲，味道正常甜左少少啦但都有好既就係有吾同沙律菜和芝士選擇，壽司刺身都吾錯如果生日仲有2杯酒和小蛋糕送，但這價錢就吾係咁值得

從未如此差劣自助餐, 不是高級的酒店出品. 幾年前曾經食過, 出品不多, 但勝在食物質素高可以彌補到. 今次, 差差差!!!! 體積4吋長生蠔, 蠔肉只得一元體積, 完全無法接受. 長腳蟹同龍蝦可以接受, 不過9點前不再出冷盤啦, 要食要快手. 藍青口唔新鮮, 壽司同刺身好生味度, 唯一好食”蕃茄海鮮粥”值得一試. 當日主題係” 海陸盛宴自助晚餐, 體驗法國新鮮生蠔及Yamm即席烹調的韓牛美饌”, 焗蠔有沙, 炸蠔可以不考慮, 炒米粉太硬, 韓牛只是牛肉加上泡茶的漢堡飽無吸引力. 還有洛神花涼茶提供. 甜品比較吸引值得一試, 但服務員見到沒有水果, 不會主動去補給. 整體感覺好差, 發現好多客人食到9點左右就自動離開, 因為環境比人感覺無野食, 要關門.  完全覺得為了節省控制成本做法, 要用如此貴價錢, 就不值一試. 今時今日要珍惜資源, 不可浪費食物.  十分之無耐下,  最後直接向Tommy經理反應, 希望高級酒店能夠改善, 珍惜每個客人意見. 

無咩嘢特別好食生蠔 細細隻咁唔會想食好多隻長腳蟹 龍蝦 OK啦 刺身 普通 壽司 麻麻熱盤 無乜特別 牛肉 一舊舊甜品 多數都很難食 尤其TIRAMISU 環境 麻麻 無境唔值呢個價 完用VISA SIGNATURE 八五折埋單每人六百五十可以去其他酒店食

聽到朋友介紹一試，好失望、好難食、中伏感覺。未試過食自助餐食到咁冇心機...冇乜水準、價錢貴、野食種類少蠔得一種海鮮算新鮮不過...冇厘味道中式野多過乜唯一鵝肝好食少少。咁既質素對唔住果價錢

由於慶祝小妹生日, 朋友一早訂咗位, 咁啱星期五呢一日係做緊日本築地主題既自助餐,  而呢個主題唔係經常有每月一次, 9月9日, 10月14日, 11月4日,12月1日及12月22日先會有得食, 價錢方面成人$788, 3-11歲小童$498, 而12月22日會再貴啲, 成人$838, 3-11歲小童$498, 另收加一服務費, 而恒生匯豐白金咭有9折, MIRA PLUS會員有75折即場烹調食物: 什錦魚生飯, 即燒日本青椒和紫薯, 刺身有赤蝦, 三文魚,北海道帶子, 海膽, 吞拿魚, 黃尾魚, 紅甘鯛及鱆紅, 壽司有 三文魚,吞拿魚, 海鹽香蒜烤牛及燒鰻魚等, 有即煎鵝肝, 天婦羅有海蝦, 南瓜, 金菇及軟殼蟹, 鐵板燒有洋葸蒜片和牛粒及日本帶子, 稻庭烏冬煮食食物沒什麼特別, 再加上主題係日本築地, 應該注意力放在刺身壽司上甜品方面較特別的 :有綠茶白朱古力噴泉, 綠茶芝士蛋糕, 日本海綿芝士蛋糕, 黑芝麻焦糖布甸, 柚子批及番薯窩夫冷盤方面 :有新鮮生蠔(即場開), 波士頓龍蝦, 鱈場蟹, 海蝦, 各種芝士, 火腿特別飲品 : 洛神花茶及斑蘭水洛神花茶味道怪怪的,顏色紅色, 味