Y Show Tasty (已結業)

Happy celebration of my best friend’s birthday. Not easy to have kept the friendship with someone for tenish years. The reason I have chosen this restaurant is for its convenient location for everyone and being a tasteful place for dinner. Suckling pig Really nice soft texture of the meat yet the skin quite crispy Seared Hokkaido scallop with portobello The first time having these two element together as a dish. Fresh scallop itself already tasted good and quite nice going with the juicy porto

尖沙咀lunch 好多選擇，但好少會做買4送1。午餐有6款可選擇，有沙津/湯、主菜，還有甜品芝士蛋糕，咖啡/茶仲可以添飲。食物質素好，餐廳環境乾淨，員工有禮貌，非常喜歡每張枱上都會放上標語卡片，十分特別。另外可以用openrice app book位十分方便

尖沙咀厚福街 H8早己是區內的食廈之一，食肆林立，其中一間位於12樓，名為 Y Show Tasty的西餐廳，日前曾經去幫襯過，感覺頗佳。 吃的是午餐，價錢由$68-88不等，不算很便宜，可也不貴，食物水準挺高，餐廳環境也挺舒服，可觀看窗外樓房景致，在這兒用餐，不錯呢！而我特別喜歡這餐廳窗上貼著的英文句子，饒有意思。 這午餐除了主菜、甜品和可以免費添飲的咖啡或茶外，還有沙律或餐湯，如果想沙律、餐湯兩者兼得的話，就要另加 $15，這天我想吃得豐富些，就魚與熊掌，兩者兼得了。「精選沙律」是簡單的「凱撒沙律」，羅文生菜，薯仔與脆煙肉碎的組合，不特別，但挺清新。「是日餐湯」是「忌廉磨菇湯」，口感稠滑，味道都幾好。主菜六選一，我與太太分別選了「紅酒燴牛肋條」（$88）和「香煎鯛魚柳配香草忌廉汁」（$78），兩者都有不錯的水準，前者紅酒味濃，醬汁濃稠可口，配以軟腍的牛肋條，味道頗佳。後者魚肉煎得甚香，香草忌廉汁香甜膩滑，伴以皮脆肉滑的鯛魚柳，也挺不錯。

姊妹慶生聚會即興挑上了這家，氣氛浪漫，不限時，還很有小巧思。入座時每人碟子上都隨機放著不同的名言卡。「接受有限的失望，但不能失去無限的希望」很喜歡，適合消極懶散的我。—APPETIZERS—Buffalo Mozzarella with Japanese Peach就是傳統的水牛芝士配蕃茄，再加上一片片日本水蜜桃，好甜好match.-Beef Meatball in Tomato Sauce with mashed Patato自然非IKEA質素，肉丸有牛味有嚼頭，薯蓉綿滑有牛油香.—MAIN— Spaghetti Carbonara ‘in our way’對’in their way’本來好期待，畢竟我是carbonara控，但可惜並不特別濃郁，還有一點過硬，不過不失。-Hokkaido Scallop Risotto in Pesto Sauce在台灣迷上了青醬，在香港比較少吃得到。冒險一試，basil+olive oil無得輸，勁好味。北海道帶子個頭不小，鮮甜. Best of today—DRINKS—Strawberry Mojito 酒量下滿多的 飲到變了關公；Coco

中午時份出尖沙咀食lunch，到處人山人海，諗起厚福街有唔少餐廳，是但撳一層上咗去試試話晒正午一點幾，餐廳內8成滿好在都有張4人檯即時入座，唔使久等餐廳細細有大玻璃採光度唔錯，加咗磨砂又唔會令室內太熱，職員服務仲相當殷勤，加分！Lunch set由$68~$88，意粉食扒任君選擇，價錢已經連埋餐湯/沙律+甜品+餐飲！藜麥芝麻醬沙律喺呢個天氣食落勁fresh，胃口大增！連平時唔鍾意食生菜嘅媽媽都清碟~叫咗份紅酒燴豬仔脾，肉質相當嫩，紅酒汁配薯蓉恰到好處，正~飲品仲可以refill，啱晒慢慢坐傾下計～下次可以encore！

是日生日反局。。tst高質西餐。。。各樣東西都算大份。。。。。2人套餐更是3个份量。。。有心慢煮黑毛豬。。。海鮮都新鮮。。。酒類多選擇。。。最後是火燄雪山不過較甜

有日係尖沙咀唔知食乜好，見訂檯app有半價，食評亦相當高分，所以上左去試！成棟都係食肆，競爭激烈！一出lift就係reception，呢度有少少奇怪係無人同我地打過招呼...當我一路搵booking ref，接待員都係做自己野好似我唔存在咁，直至我搵到佢先帶位。先講環境，地方唔係好大但好骨子，黃昏時份有陽光射入黎，個氣氛都好舒適寫意。檯面仲放左一張卡仔，幾有心思，如果同朋友去食，呢張卡仔會係唔錯嘅opener！坐低就睇下menu，雖然有半價，但係食物本身都唔平！Carbonara份量適中，佢標榜in our way製法，其實除左隻溫泉蛋係創新少少之外，睇唔到有乜特別，不過overall味道係ok嘅，意粉亦都彈牙！牛肝菌意大利飯我就唔太啱食，覺得食落口感滑潺潺咁，友人話係因為其中一款菇係咁嘅味道喎，所以好唔好食就見人見志！露筍呢個唔錯，用料新鮮，全部都無渣，加埋蒜片好好味，但份量真係好少Alaska  火焰蛋糕唔係度度有得食所以叫，面係cream，入面係香橙蛋糕，食之前淋上火焰酒，係幾特別，可以一試。略嫌內裡蛋糕太甜，食到好膩！除左招待個下招呼不周外，其餘整頓飯都好好服務同禮貌，加上環境

同男朋友黎到厚福街搵食，今晚係我地嘅週年紀念，所以想食西餐，好似浪漫啲😝上到黎Y Show Tasty，暗暗地靜靜地又真係幾好feel☺️嗌左個凱撒沙律配慢煮雞胸，個雞胸好好味！一啲都唔鞋！因為我地好鐘意食意大利飯，所以我地叫左個帶子意大利飯，仲有個黑啤豬手配酸椰菜，個豬手皮脆卜卜，好味😋最後係餐廳介紹下我地仲叫左個Tiramisu，佢好特別嘅，係俾曬啲材料你，由你黎撈埋一齊嘅，份量唔算好多但幾得意☺️總括黎講，呢間餐廳值得一試👍🏻

尖沙咀精選午餐去到尖沙咀有好多野食揀，價錢也五貴，今日去左H8 食野，H8有好多野食，揀左Y SHOW TASTY，佢今日有4人同行一人免費，所以約左4個人去食野，午餐價錢很相宜，價錢$68元起，包括餐湯/沙律，主菜，飲品再加甜品，好抵! 沙律係藜麥沙律，都幾大碟，有誠意! 我地2個叫左紐西蘭西冷配野菌汁 $88，一個叫左3成，一個叫左5成，都幾好食! 另外2個叫左香煎三文魚，都幾好食，大約七成熟，仲有甜品! 4個人埋單都係$70左右，不過餐廳人手好似五係好夠，比較耐先有人應，希望佢下次做得更好!

呢日同個朋友去增加下情調, 佢卜左呢間餐廳, 一去到覺得幾浪漫。我地叫左個乳豬同pasts, 逐一講下食後感。呢個蟹肉意粉一啲都唔吝嗇蟹肉, 顏色配搭好好, 味道適中。然後呢個雜菌飯好好食!! 但好飽, 因為估到佢每碟野細, 但食兩食都好飽下。呢個乳豬製作需時,見意一開始就叫定先, 偏咸, 預其他野唔好咁重味先會食到呢個。呢個hazelnut我覺得一般, 無味咁濟。。。香就好香, 但我本身飲野唔洗加糖既人來說都覺得太淡, 加左成包都無味。。。到底係咪我食既野咸問題?到最後呢張卡仔, 我覺得好有心, 每個位都有一張係台面, 可能我感性啦, 收工勁攰個時見到就覺得好放鬆, 個腦可以抖下, simple 下。另外服務, 環境, 衛生都好一流, 音樂不太大聲, 員工有禮貌, 燈光setting幾靚, 座位有足夠空間坐得好舒服, 但嫌有上手既一啲食物碎, 如麵包碎之類既野係椅上面, 呢個問題去到每間餐廳都出現, 但整體感覺良好, 可再一戰。

火焰雪山酒味香濃  與衆不同溫泉蛋煙三文魚焗牛油果 蛋白做到薄薄的剛剛好 真正的溫泉蛋lunch set 都只是 $68 起 還有免費添飲的咖啡或茶另外 餐廳老闆還會貼心的想大家送上打氣字句 真心向大家推薦噢

尖沙咀係小妹最常行街嘅地方，不過尖沙咀好多嘢食都係比較偏貴嘅，今日難得有一個美食apps可以有折，就試下呢間呀呢間餐廳位於厚福街h8入面，位置都易搵。以喺呢大厦入面嘅餐廳普遍都覺得食物質素都ok，不過價錢就貴咗少少。我哋用餐時間就係下晝六點半鐘，一入到間餐廳，就覺得佢入面好有氣氛情調窗上面嘅玻璃都寫住一啲療癒嘅字句。而我哋坐嘅位每人張枱面度，都有一張紙仔每個人嘅紙仔都唔同，特別有鼓勵字句餐牌方面係採用比較低調嘅色我哋兩個人就嗌咗兩個主菜同埋兩杯嘢飲首先講下個卡邦尼意粉先，佢都幾creamy嘅汁都夠多，上菜嘅時候都係埶辣辣，意粉嘅口感係到彈牙然後就 咸豬手啦，鹹豬手就比較遜色 因為佢比較難咬， 但賣相還可以。飲品方面我就嗌咗一杯熱嘅mo chail 另一個就嗌咗個凍嘅 泡沫咖啡呢一兩樣嘢飲真係無得輸,呢間餐廳雖然話正價食嘢比較貴,但係其實都對得住食物嘅質素嘅,服務方面侍應都好爽手做嘢亦都唔會黑面畀顏色你睇本身月尾都訂咗呢一間餐廳俾朋友慶祝生日,咁我就同佢講話想要少少畫碟服務，佢都即刻幫我處理實在太過 細心

我地5個人，朋友book jor 呢間西餐廳一齊支持英格蘭！係世界盃期間，會有2款當日對決國家嘅特色cocktail，我地個日睇嘅係瑞典對英格蘭，瑞典係芒果味，英格蘭係檸檬味，我地清一色支持英格蘭🤣因為睇住波食，無特別為食物影相，叫左水牛芝士沙律配水蜜桃，水蜜桃好清甜！仲有蒜香意大飯，蜜汁豬肋排同黑松露薯條，三個都唔錯！最重要坐得舒服，位同位之間鬆動，有一個電視，同一個大screen 俾你睇波，全場客人都好投入，仲要無最低消費😃讚！

餐廳幾有特色，食物ok, 職員專業有禮， 好有效率。用餐時間為個半鐘， 我哋好準時到。 食咗大約1個鐘左右， 侍應見我哋差不多食完就勁快速收晒啲嘢。跟住話幫我哋埋咗張單。。。其實我想食埋個甜品先，但我哋覺得好似阻到職員做嘢，咁就埋單啦。 況且，其他地方都有甜品食。 但你一係同我講用餐時間1個鐘，唔好同我講個半鐘。 重點係餐廳內仲有幾枱吉枱同埋冇人喺出邊等緊位一係分兩場，同我哋講明6：30 一場8：30 而唔好比我訂7：45。。。

數月前，曾到此餐廳進食晚餐，覺得食物質素與服務都不錯。 想不到，原來他們的午餐價錢很相宜呢！ $68元起，包括餐湯/沙律，主菜，飲品再加甜品，很有吸引力！ 藜麥沙律 雖然是跟餐沙律，但絕不馬虎，沙律菜新鮮，配上芝麻醬很開胃。南瓜湯味道不錯，南瓜很香，不過太稀，個人不太喜歡。紐西蘭西冷配野菌汁 $88五成熟，廚師控制得剛剛好，西冷肉味很濃郁，不過肉質稍為"鞋口"。 美國豬胺配藍莓燒汁 $78 豬胺分量十足，藍莓燒汁頗特別。不過肉質很"鞋",不夠嫩滑，整體一般。值得一贊的甜品！ 跟餐甜品竟有芝士蛋糕，而且是New York Cheese Cake! 甜品質素很高，芝士味夠香，有點酸忌廉的微酸口味，質感實在，很不錯！ 整體而言，可以看出食物製作有誠意，雖然某些菜式有改善空間，但看在誠意，服務與價錢方面已經值得再來訪。