以前讀書時不時會嚟delifrance食早餐食tea 入門法式餐飲當時已經覺得好似好有品味 多年過去呢個商場都改頭換面多次 唯獨呢間餐廳可以一直同一個位置不變 5點幾經過見到仲有tea set 兩大一小來個early dinner 小朋友好似第一次食 迷你湯螺絲粉就啱晒 有蛋有肉有澱粉，食完元氣滿滿 自己揀咗份邪惡嘅炸魚薯條 $59連飲品 份量唔少魚柳都有手板長 但味道平平，炸得唔夠脆＆唔夠鮮味 薯條不過不失，過下口癮都可以嘅

🐈‍⬛ 被60隻貓包圍食飯 🐈🐱 阿仔一向好鍾意小動物 同朋友去完摘🍓再第一次去 貓貓cafe 去到有2道門防止主人出走 入場前全部要喺機器笠鞋套保持清潔 每隻貓頸上都有名牌 有隻叫 "糯米糕"，由我地到場就一隻喺旁邊 其他貓跑過踩過都瞓得好安穩😆😆 問職員先知場內足足60隻貓😱 一啲味都無真係打掃得好好👍🏻👍🏻 . QR CODE點餐，本身對食物無太大期望 估唔到好有驚喜！係份量少啲但味道好ok 煙三文魚溫泉蛋卡邦尼煙肉意粉 啲小朋友火速食晒再encore 🤩😋 北京烤鴨pizza & 四重芝士pizza都唔錯 小食拼盤魚寶同雞翼都好食 main course百幾蚊 4人餐7百幾蚊，花茶幾十蚊一大壺夠2位share 大小嬰兒同價，最低消費$100一位玩2個鐘 已經約定再去encore😍😍😍

好幾年無試過連凍咁多日，早幾日仲去到5度 諗食飯第一時間一定係打邊爐啦 烚下烚下成個人暖晒。 有老有嫩揀間坐得舒服D 諗起之前同朋友嚟過呢間湊湊， 上網即日仲訂到位就GO GO GO 四大一小畀張4人檯，好在都算闊落 睇餐牌花多眼亂，唔想煩直接叫4人餐 仲免咗每位19蚊醬料費 呢度D湯底好濃厚，特別係花膠雞鍋 一上檯叫我地先一人一碗，飲完加湯打邊爐 勁濃郁仲好多花膠添 肉揀咗牛小排&黑豬肉 份量合理，牛小排肉味濃 烚耐少少俾小朋友都完全唔會UN 企鵝丸外型可愛，小章魚福袋好味 海鮮揀咗鮑魚&帶子，好鮮甜﹗ 擺盤好靚勁大碗冰，顯得份量有點少 最後落埋響鈴冬粉索汁 出面仲有小食拎，薯波好食，但2個鐘見得1次。。。補得快啲就好了

聖誕就是多聚會 仲要係疫情過後第一個CHRISTMAS 大家終於唔使戴口罩睇住限聚令做人啦 成班同學早早約定食飯 西方節日又有小朋友 食西餐就最啱數啦 剛好有朋友有會員卡，呢樣真係好緊要 有卡無卡價錢差不多相差一倍﹗﹗ 七大兩小叫咗一整檯美食 小朋友足足有8款兒童餐可以揀但不連飲品 餐紙可以填色，亦有兒童餐具提供 期間限定嘅炸紫菜雞又JUICY又脆口 炸物拚物可以揀大份20件，炸芝士條不得了﹗ 炸魷魚唔會太多粉，醃得入味 大蝦長通粉，啲蝦係要用巨型嚟形容﹗ 白汁巴住長通粉剛剛好 叫咗兩款扒，封門柳不得了勁好食 有個魚柳意大利飯，魚就有少少腥 埋單2千3左右，聖誕大餐差不多啦

假日嘅德福廣場人山人海，間間餐廳都勁多人，小朋友肚餓周圍搵下坐得舒服又唔使等嘅舖 剛好喺平台見到呢間可直入，正常西餐廳格局，一推開門就有位可入座，不過人較多唔俾平排坐，要同小朋友坐對面 下午茶餐牌同門外有啲出入，選擇唔算好多，價錢都算合理 燒雞肉羅宋湯煙斗粉 配牛角包及飲品 餐牌見到係雞扒切件，上檯變成雞粒，應該得返半塊扒，小朋友食一啖飲一啖水話好咸，沖咗2次水都食唔到 好狂個牛角包都ok又大件，暖暖地夠頂肚 熱即磨咖啡不過不失 笑笑係俾職員超快手拎水同上餐

自細就好鍾意食蛋包飯，去到日本當然瘋狂食 喺荃灣都有搵左好耐，直到呢間舖開左 應該每個月都會食一兩次，直情變左飯堂一樣 餐廳賣嘅食物種類唔多，但大部分都好啱小朋友食 啱晒我地呢D家庭客，座位都坐得舒服 1點左右就會好多人架啦要早入座 每次必叫嘅咖哩蛋包飯，呢次叫咗牛舌汁另上方便分俾小朋友 睇下D牛舌厚到﹗但一D都唔會UN 啲蛋好似裙擺咁放喺飯上面，好治癒呀 咖哩汁其實唔太辣，小朋友都可以食到少少 另外推介都經常叫嘅糖心蛋豬軟骨丼飯 糖心蛋勁正，啲汁好好撈飯架

每次經過商場，都會被燒肉香味吸引住 今年另一半生日大家都返工，揀個中心點食餐好 6PM愉景等直接入座，終於有坐低慢慢嘆 一家三口雖然有個小朋友，但到指定高度就要點一份主食 叫咗一份澳洲M7和牛盛合(二人餐) & 美國Prime神石牛扒虎蝦經典盛合 叫餐自助吧可以任食，包括沙律、湯、飯、紫菜等 牛扒虎蝦率先送到，虎蝦勁大隻好鮮味 牛吞薄切但咬口十足，不得不大讚Prime牛扒 厚切上檯，為小朋友燒到幾近全熟，但一樣相當嫩滑唔會柴﹗ 澳洲M7和牛盛合 $398 澳洲M7和牛/ 美國Prime神石牛扒/ 美國天然無激素雞肉片/ 西班牙極豚肉/ 蒜蓉帆立貝/ 日式清酒煮蜆 和牛油脂味濃但入口唔會太油膩 相對頭先個餐，呢個餐反而雞肉同豚肉比牛扒更出色 二人餐塊石下面一直有火燒住，唔怕食材多到尾段唔夠熱燒熟 埋單$612，消費每滿$150可以抽扭蛋一次，全部都有coupon拎走 有得玩有得食仲要好食，呢餐生日飯好抵呀﹗

三不五時有同事萬歲請飲嘢 通常大家都有默契試下新嘢先 之前去CITYWALK睇戲 見到戲院隔離開左間茶飲店 主打台式健康茶飲，就不如試下啦一齊 外賣APPS見到好多唔同選擇 有人揀左400次咖啡，話好OK 不過夜了我就唔揀咖啡啦 健康D養生D 紅棗雪梨蜜加椰果 $40 首先要講貼心位，除咗揀凍定熱 少冰正常多冰之外 佢個走冰係有（凍），有時出去飲嘢 就係唔想要冰但凍凍地，呢樣係加分嘅 同埋個杯真係非常厚實 朋友直情話飲完洗乾淨留嚟用 眼見都幾多椰果，仲明顯真係有落紅棗 不過整體略嫌太甜 同埋較為普通 似普通蜜糖水多於雪梨蜜

周末下晝難得出九龍同人逼，玩完PLAYHOSE成班散晒狂嗌肚餓，想食飯食麵澱粉質COME COME COME，見到呢間可直入就GO啦 職員都幾好人，未坐低已經拿拿聲拎餐牌過嚟，提我地下午茶仲有幾分鐘呀，快D落單啦，幫我地慳埋錢真好 嘉義手撕雞便當 雖然係下午茶但份量都唔少，仲有一隻蛋添﹗手撕雞睇落有D乾但食落口幾嫩滑唔會柴，加上台灣特有醬汁，正 跟餐飲品叫咗杯紅玉即係紅茶，唔會澀免費跟送無所謂啦 同檯小朋友叫咗杯BB熊珍珠髒髒乳，成隻熊仔造型冰勁可愛﹗食到尾先溶咗一半，打卡一流呀

難得夾到一日入主題樂園玩，明知天氣唔多好都照出咗門，入園睇咗一輪企鵝海豹，開始大雨了，望下APPS即刻拎飛行去纜車站隔離 好好彩去到就有位，坐低唔夠5分鐘風雲色變，坐窗邊睇住風景慢慢食好了 入得嚟玩食嘢都預左唔會平，以有得坐低慢慢食嚟講，呢間價錢算合理，一個飯或意粉大約$150，兒童餐有埋H牌雪糕，都係$158﹗自助形式，入座拎餐牌埋位睇，之後自己去檯位類似IKEA咁取餐再畀錢 西西里鮮蝦蕃茄意粉 $148 熱住上檯，意粉份量男人都會夠飽，西西里汁就…茄汁囉，正常可入口嘅，不得不說，D蝦好大隻，仲有好多隻添﹗ 兒童餐 $158 個餐盒外形好得意﹗係海洋列車呀﹗推開上面個蓋就見到食物，唔好睇好似好少，個盒好深架，同埋D意粉都好夠熱，不過汁就少D。薯條雞寶都唔會焗到冧晒，仲有好多啫喱糖呀﹗有張單食到尾自己再去拎雪糕，75ML裝H牌雪糕，都有三四款口味可以選擇 食足成個鐘，停雨了可以繼續行程啦