Y Show Tasty (已結業)

母親節囡囡請我去食好西，佢叫我自己選擇鍾意食的餐廳，我就選擇可以Booking 的餐廳同埋可以响尖沙咀行下街，見到網上評價都幾好，所以試一試！我地叫咗午餐，兩個肉眼扒，雖然佢話5乘熟其實郁Over咗少少，過好香好有牛味，一個鱸魚都OK仲有甜品係我鍾意的cheese cake, 我地仲叫多咗個心太軟，好滿足會再幫襯！

Y show tasty ..... ? 我覺得餐廳個名都改得幾特別…… 似問緊掂解咁好食， 又似想話你知我地想俾好野你食既意思。 來食過之後，覺得呢間餐廳好窩心，食物都好“tasty"。 每個位除左有餐牌，仲有一張勵志卡呢個係令我覺得佢窩心既第一印象。 同朋友一人點左一個lunch set大家都要左沙律做頭盤今日既沙律係加左super food黎麥。份量剛好，唔會太少，有2~3種沙律菜又有番茄藜麥，口感清新又豐富。 藜麥煮得幾腍唔會好硬，味道不錯。 主食要了雜菜千層麵其實好少餐廳會整千層麵，好耐無食過了。麵底大概疊了4、5層，不是太厚中間夾著雜菜加上番茄芝士汁，一點都不膩，夠滋味。 另一道煎三文魚配香草忌廉汁三文魚都幾厚切外皮煎得香脆，將魚肉魚油鎖在中間食落唔乾好魚肉好滑而且有獨特既三文魚香。旁邊椰菜花番茄蘆筍保留原始味道而底底薯蓉好creamy最後一件new york cheese cake 🎂是軟芝士製作creamy但唔滯唔膩，好完味今日天色暗沈，但可以嘆個美味午餐，個人都開心返。

辛苦左5日終於到星期六😭. 當然要食好野獎勵自己～今次簡左間走簡約休閒風既西餐廳. 呢間餐廳位於尖沙咀厚福街，而呢條出名既食街真係好多餐廳，有選擇困難症既我都簡左好耐😂. 講番Y Show Tasty 環境清靜好有特式，每一個位置都有金句，相當吸引！門面～卡位上既金句Toilet都有😂野食方面叫左2個set 餐，每個餐都包餐湯/沙津，餐飲同甜品.平均每人消費加埋一 100蚊有找（lunch).忌廉湯，幾多mushroom粒😄西冷5成熟，呢個真係值得推介. 望落幾大塊，入口鬆軟，冇煎得太熟. 三文魚都唔錯，塊皮脆脆加埋個汁😋隻杯好靚好優雅😍個甜品係士多啤梨奶凍，唔太甜😄👍🏻又有粒粒口感.最岩放假黎食！

星期六和朋友找地方食lunch， 亂打亂撞下到了尖沙咀厚福街 ，揀選了這間餐廳 。一入到餐廳覺得自己沒有選錯地方， 環境很舒適 ，點菜後食物很快便送到 。我們點了一個西冷扒 ，一個闊條麵 ，味道不錯， 如果西冷扒可以選生熟度就更好。 一向喜歡吃闊條麵的我， 覺得這裏的水準非常不錯 ，喜歡吃的朋友切勿錯過。 最後送上甜品cheesecake ，朋友是芝士迷， 他說芝士味濃郁，非常美味。 吃完午餐閒聊了一會兒才離開，非常滿足，若想過一個悠閒的下午，這是很好的選擇。

第一次去.. 入到去既感覺係好grand.. 即係findining 既感覺.. 食物質素OK.. 但出菜時間略嫌有啲耐... 真係會餓死.. 但以findining黎講至少食得飽先.. 因為我食過食唔飽既.. 又貴又唔抵.. 杯紅酒真係加分...幾好飲...幾易入口.. 咁service 果面都好好.. 好滿意. 可能係因為禮貌上既關係.. 佢地唔敢問我地.. 驚好似催我地快啲食咁.... 個環境同格調非常適合媾女同情侶去既....想追女仔又怕高消既朋友可以一試..

與朋友又再次來到厚福街，看到一間餐廳名吸引了我們。「Y Show Tasty」  ，我們便決定一嚐是否真得tasty。這裏的環境十分舒適，播放著音樂，氣氛讓人很放鬆，而且燈光的佈置也讓人很舒服。而這裏有不同特色的金句，我的是講述 Let Go, 真的很合適現在處境的我，讓我感覺到安慰和能量。我們隔離枱有小朋友，他很喜歡看這些金句，嘗試看別人的金句是什麼， 餐廳的店員十分之醒目聰明，問他是否很喜歡這些金句，然後便送了十張不同的金句給他。 我覺得這個行動十分窩心，而且很有教育意義， 因為金句全是鼓舞人心的，讓孩子能從興趣中學習，實在是很珍貴。帶子蟹肉濃湯 $78一來到的時候，帶子放在碟中，店員再從壺中慢慢倒出蟹肉湯。湯十分重蟹味， 而且當中亦有不少蟹肉。味道鹹中帶點鮮甜，湯不會太稀或者太結，平衡得很好。帶子很大粒，咬起來很juicy. 而且層次分明，不會是膠膠的口感。意式茄汁肉丸配薯蓉 $68肉丸有五粒，每粒也很大粒呢！ 肉丸一咬開，有肉汁溢出。配上酸酸甜甜的茄汁， 更加惹味可口，醒神開胃。而底部有一層薯蓉，薯蓉很香滑，配上肉丸吃， 彈牙的肉丸配上軟身的薯蓉，咀嚼時多層次化，令口感一流。歌

今天與朋友相約在尖沙咀聚舊，我們決定來到這間餐廳。這間餐廳的環境佈滿不同的金句， 除了在座位上有金句卡外， 在窗口玻璃 牆身，甚至是廁所，也有不同的金句。而且它的金句都是十分鼓勵性的， 置身在壓力的都市下，竟然覺得這些金句十分有力，讓我們都覺得很鼓舞。這裏有不同的食物，甚至也有Tasting Menu，二人晚餐。龍蝦蟹肉天使麵 $118在天使麵中，龍蝦肉十分多。而且還有龍蝦鉗呢，而且還不用自己去殼，很正呢！他的龍蝦肉十分新鮮，味道鮮甜，很好吃。而它的麵， 除了龍蝦，亦配有不同的配料，很豐富。 若果這個麵有多點醬汁，會更加好吃。煙肉椰菜花薯蓉 $58它的薯蓉十分大個， 當中混合了煙肉和椰菜花，令咬起來的口感有不同的層次，先是薯蓉軟綿綿的口感，咬起來後， 煙肉煙韌彈牙， 椰菜花爽口清脆，很有咀嚼感。意式芝士餅 $48原來即是 Tiramisu。 這裏的Tiramisu十分有特色， 雖然他的外表 不像普通的Tiramisu，但吃起上來的味道也是一樣的，而且味道很好吃。它讓顧客自己倒上喜歡份量的酒， 讓客人有自主性是很聰明的做法，讓客人能自己調出喜歡的味道，有人喜歡較甜，有人喜歡較重酒味，能滿

今天和朋友去厚福街H8大廈吃西餐。環境裝修也算不錯的。午餐價錢合理，而且送甜品。😊餐湯是南瓜忌廉湯，甜甜的幾好飲。午餐點了紐西蘭西冷配野菌汁，個汁幾香濃，同西冷好夾。西冷我點左7成熟，不過我覺得他也是煮得熟了少少，如果再生多少少可能會好點。牛排也不算韌，只是根位比較多。而且這碟牛排上來時不夠熱，所以扣了點分。配菜有薯仔，西蘭花，露筍，番茄。薯仔煮得幾香，但其他配菜都不夠熱，味道也沒什麼特別。最後甜品是朱古力奶凍，雖然貌相普通，但意想不到的超好吃，不會太甜也不會太淡，份量也剛剛好，非常好吃。埋單我和朋友2個人吃共194元，價錢也合理，而且環境坐得舒服，服務質素好，食物整體質素也偏高，的確值得一去。

星期六睇完戲，約咗班朋友去H8食飯。餐廳地方闊落，坐得舒服，環境安靜。同朋友傾計最好。lunch多嘢揀，我揀咗肉眼扒。前菜係餐湯或沙律。沙律有藜麥，好健康。份量細細碟。肉眼扒半成熟，有點硬，配燒汁。味道有點不夠，自己加了一些鹽味道總算好味了一點。配菜有西蘭花，薯仔，蕃茄。餐飲熱檸蜜。甜品係朱古力味果凍，朱古力味剛剛好，不太甜，今日有點熱，吃這個甜品很舒服。同一班好耐冇見嘅朋友傾左好耐，店員都冇趕我地走，店員服務好好。

星期六出去同姐妹們食個午餐、釋放下啲悶氣。坐位寛闊舒適，適合大伙兒傾計。有幾款午餐選擇，價格於6x到8x之間。可選餐湯（南瓜湯）或 沙律，南瓜湯帶甜味，加咗忌廉，很滑，朋友個女十分喜歡。我正餐點了肉眼扒、半熟。內質口感不錯，個汁非常惹味。如果成人吃可以再生啲。但半熟來說已做得相當不錯。呢個朱古力奶凍做得不錯，吾太甜，又香滑，朋友個女又再度把它吃光了。我點了一杯鮮奶咖啡，香滑。朋友點的朱古力咖啡也相當不錯。

午飯時間，媽媽過來陪我吃午餐。我們去了尖沙咀最多野食的厚福街，其中街尾的M8整棟都是餐廳，其中一間在12/F的Y Show Tasty之前同事幫襯過，食物質素不俗且價錢合理。我們一人點了一個午餐。老闆很有心地做了一張鼓勵大家的卡片，所有人都不一樣的，幾有心意，值得一讚。南瓜湯&日式芝麻醬藜麥沙律南湯味濃郁而且很幼滑，質感濃稠。沙律是以近年的健康產品藜麥配上沙律菜及芝麻醬做成，味道開胃清新。香煎三文魚配香草忌廉汁三文魚外皮煎得微脆，肉質結實且嫩滑，香草汁跟三文魚味道很相配，而且簡單又好味，旁邊是椰菜花及煎過的番茄，香甜帶微酸且多汁。紅酒燴牛面肉牛面肉份量頗多，炆到有點似牛腩，又腍又入味，而一齊炆煮的蘿蔔都很清甜入味，下面還有些薯蓉，整體很飽肚。士多啤梨奶凍奶凍不會太甜，有淡淡的士多啤梨奶香，非常軟滑。最後飲埋杯檸茶，非常滿足的一餐。

今次又同BB仔嚟食嘢喇~每次同有BB仔都要搵啲舒適又有BB櫈坐嘅地方~而 Y Show Tasty 就啱既我哋喇~我哋揀咗食Lunch~book咗1400~上到去唔多人~得一兩枱人~非常舒適啊~店員態度都非常好~間唔使仲會同我哋傾幾句計~好親切咁~上網book有4位免一位嘅優惠~好抵啊~是日餐湯係西蘭花忌廉湯~但太淡~飲唔出西蘭花味,亦都睇唔出係西蘭花我原本想揀紐西蘭西冷配野菌汁~但店員話改咗做唔知墨西哥肉定唔記得咗咩肉~所以我就揀咗 香煎鯛魚柳配香草忌廉汁 個人覺得呢個最好味賣相唔錯啊~味道都好好味~朋友仔就BB嘅關係~揀咗 煙三文魚菠菜茄蓉意大利麵我一向都小食煙三文魚嘅~所以無試食朋友仔就話OK la~另外嘅朋友就真係叫咗嗰個唔知咩肉喇~佢切咗小小比我食~我覺得都OK好味嘅~臨尾仲有甜品~ 士啤多梨布甸掛~我覺得幾好味~我哋又餵BB食嘢又傾吓計~都食咗好耐啊店員無吹我哋走~仲話可以比我哋坐到1800添~真係食物質素比想像中好味~下次同朋友嚟食lunch又想傾耐啲~可以諗吓呢間喎~

今晚尖沙咀食街厚得街的盡頭發現這間型格餐廳，充滿驚喜！甫坐下已感受到餐廳的心意，每位客人都有一張勵志心意咭，內容原來張張不同，非常有意思！而窗門裝飾亦滿佈勵志句子，甚至洗手間也不例外，足見心思處處！All day Happy hour 有Sangria 買一送一好抵飲~ 酒香果香兼備，至愛的餐前開胃酒 Dinner for two $598二選一"牛油果田園沙律"至愛的新鮮牛油果及沙律菜混和自家製甜酸沙律醋，非常醒胃，令人食慾大增。帶子蟹肉濃湯香氣四溢的蟹肉濃湯湯頭濃厚，煎香了的厚肉帶子，質感輕盈軟綿， 啖啖滋味 😋二選一"卡邦尼意大利麵"自家獨創的卡邦尼醬汁配上流心蛋汁稠得漿口， 份外惹味，而意大利麵亦軟身入味！"香焗美國頂級肉眼扒配野菌汁"香氣撲鼻的肉眼扒以二人來說也覺份量十足！牛扒肉質鬆軟而豐腴，牛味濃郁，沾上特製野菌汁，令人回味！用心之作的餐後甜品~ "特濃朱古力蛋糕"賣相精緻吸引，散發迷人的朱古力甜香。 特濃朱古力甜而不膩， 口感順滑，一試難忘！So Tasty....I will be back !

喺尖沙咀大型購物商場The One 搵唔到食乜? 唔緊要, 附近厚福街呢棟H8 美食林立, 實有間啱你既友人話想食西餐, 就上左12樓呢間個招牌充滿綠色植物既Y Show Tasty 度食可能時間尚早, 周圍又咁多地方逛, d 人未行夠街買夠野未肚餓要食飯掛裝修好精緻架呢兩個set 如果2個人黎食都係一個唔錯既選擇黎不過友人唔太啱食所以揀左其他每個人都會送你一張名人金句卡, 食飯前有時間可以咀嚼下當中既意義叫左杯white sangria 歎下先黎個前菜食下先, 香煎帶子配大野菇, 帶子好鮮甜冇雪藏味底下隻菇真係好大隻勁濃菇味唔想食太膩既意粉可以試下呢個, 香煎蒜片欖油意粉, 淡淡蒜香唔油膩既炒意粉, 好香口好乾身彈牙呢個香燒荷蘭黑啤豬手特別好食, 佢有別於平時豬手既做法, 有淡淡黑啤味口感好清新最後歎埋個心太軟配vanilla 雪糕, 暖暖既心太軟真係好吸引配埋雪糕簡直係冰火混合

走到尖沙咀厚福街(美食街)， 我們選擇了 Y Show Tasty. 餐廳內裝修很別緻，四處都可看到一些勉勵金句，當你坐下來的時候，也可碰碰運氣，餐廳會預先安排各座位上的金句，很有創意，免費求簽！ 😊😊我們不想動腦筋，就點了當晚的套餐Dinner for two $598牛油果田園沙律開胃醒胃沙律，用料新鮮，以鮮牛油果和各式沙律醬製作成，加上沙律醬料，爽口又香口。帶子蟹肉濃湯熱辣辣的香濃蟹肉，啖啖鮮味，煎香的帶子，鬆軟好吃😋！卡邦尼意大利麵非一般的卡邦尼醬汁，有獨特的香味，吃出了廚師👨🏻‍🍳 以用心烹調煮，成功炮製自己的風格，而意大利麵亦是軟硬適中！香焗美國頂級肉眼扒配野菌汁整件肉眼扒端上枱，份量十足！以刀叉慢慢品嚐這牛扒， 配以餐廳自製野菌汁，單是想像畫面都叫人流口水了🤤， 充滿牛味，肉質鮮嫩帶點肉汁！這時候當然唔少得一杯最愛的白餐酒！人生最大享受 😊特濃朱古力蛋糕餐後甜品，以特濃朱古力製作而成的蛋糕，加上廚師以美術角度的擺設，可以說色香味俱全！👍🏻特色美食，用心製作，值得推介。