Y Show Tasty (已結業)

今日同女朋友行尖沙咀 平時好少尖沙咀所以都唔係好熟路 周圍兜下見到有個大廈好modern 同埋成棟野都係做飲食 行到餓就睇下有咩食 見到呢間西餐廳就試下睇下好唔好食 一上到去 睇落間餐廳都幾有格調 燈光略暗 環境十分之舒適 窗上面貼左啲幾有意思嘅字句 I totally agree with Eating is a necessity 坐低左之後侍應就拎左幾份餐牌過黎 有Drink list,dinner set menu同埋一本餐牌 drink list上面有啲wine vodka whiskey 等酒精類飲品 除左酒之外後面有啲coffee juice選擇 set meun有主要以一，二人餐為主 而且都有幾款選擇 想食平啲有Pasta 嘅Set 想食豪啲又有啲高級少少嘅set 至於餐牌上係一啲Salad ,soup 同main course 飲品方面我同女朋友就叫左一杯pineapple juice 同 apple juice 我就無試過女朋友杯野飲 但杯蘋果汁中規中矩 甜得黎帶出淡淡嘅蘋果酸味 主菜我地就叫左個軟殼龍蝦意大利粉 碟飯嘅擺盤非常精緻 大大隻龍蝦鋪設係碟飯上面 旁

每次同埋朋友係尖沙咀行完街都會黎厚福街呢邊搵食，今次朋友有事早走左，唯有自己一個搵個豐富D既lunch食。早前聽朋友介紹呢間歐洲fusion菜唔錯，於是就上去試試。一個人叫左個軟殼龍蝦意大利飯($188)同埋一杯raspberry既mocktail。軟殼龍蝦意大利飯賣相一流，Po左上ig好多朋友都問我邊到有得食。軟殼龍蝦大細正常，但炸得十分香口，呢D鬚同埋蝦頭都可以食，岩晒想食蝦但唔想剝殼既朋友仔，意大利飯濕度同埋硬度適中，平時最怕坊間既意大利飯煮到好似平時食白飯咁軟或太濕，呢到就岩岩好，而且忌廉味十分濃厚，十分正宗。raspberry既mocktail十分清新，唔會太甜，起到開胃解膩既作用，這間餐廳西餐十分不錯。

當日係同老公拍拖週年紀念日，想去間近市區又高水準既餐廳食晚餐😍因爲之前同朋友去過呢間食，覺得唔錯，所以今次同老公一齊黎🥰好彩我地訂左枱，估唔到平日晚都咁多人，成間餐廳幾乎坐滿。所以有點嘈😛燈光比較昏暗，忍唔住拎出手機開燈睇menu🙈我地點左兩樣：Carbonara 意粉配炒磨菇、香煎比目魚。意粉份量唔少，粉上面有一隻poached egg,配合忌廉汁，香香既煙肉，所有野都好夾，好好食！炒磨菇都好好食，味道剛好！好香。個比目魚煎得剛好，皮香脆，肉身好軟滑，配薯蓉食，非常好食。呢間最好食在於每道菜都好熱辣辣！呢個好重要，試過有餐廳既野食係唔熱，更是凍既，完全唔好食，基本質素都冇。但呢間絕對唔錯，野食係熱到睇到有煙出！好中意呢點😋😋😋

Y Show Tasty係我很喜欢的restaurant，还曾经在这里为好友庆祝生日，今晚又与友人来开餐，回味一下啦！個香煎帶子配大野菇賣相好特別，大野菇好juice, 一切落去d沖彈晒出黎，配埋輕輕煎左既帶子，份量唔多但當前菜食就岩岩好！卡邦尼意粉我地叫咗卡邦尼意粉，蘑菇、洋蔥同煙肉爆到好香，仲灑咗少少香草做調味，配埋個意粉食落去多汁更幼滑香口，幾creamy ！口感不錯。豬手頗Juicy, 而且上枱前已經預先切開了，方便進食，不會有狼狽情況出現。 旁邊有2個醬汁，但我覺得原汁原味最好食。整體賣相和味道都另人好滿意！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

尖沙咀呢棟大廈多好野食就係人都知，平時經過見到呢間都已經好想試，今次就決定book位試下佢係米真係咁正第一樣嗌左水牛芝士日本水蜜桃沙律，平時食開既都係得蕃茄同水牛芝士，第一次食配水蜜桃既，感覺又幾新鮮，原來幾夾架wor，同埋呢款芝士味係比較淡，成碟都好fresh香煎帶子配大野菇，大野菇好juice, 一切落去d沖彈晒出黎，配埋輕輕煎左既帶子，份量唔多但當前菜食就岩岩好龍蝦蟹肉天使麵，天使麵唔係落左好多調味，唔會好重口味，而且麵身岩岩好唔會煮得太淋，龍蝦肉彈口爽甜，成道菜用比較清淡既處理方法岩晒，唔會覆蓋左龍蝦味之後就係軟殼龍蝦意大利飯，又可以成隻龍蝦咁食啦，龍蝦唔算大隻，但肉質爽甜好食，意大利飯好濃味,但都唔會太濟，同岩岩既天使麵一樣都好好食另外都嗌左龍蝦軟轂蟹burger,賣相勁吸引，多料到唔知點開始食好，個包焗到好脆身，一大啖咬落去好滿足，有包既脆，肉扒juice，同其他配料都好夾慢煮牛肋骨，肉質鮮嫩，煮到岩岩好，牛味好重，因為慢煮保持到肉汁同嫩滑，份量仲幾多tim火焰雪山當然係慶祝生日之選啦，可以幫我地寫上生日字句，影相一流，店員等我地影晒相先再幫佢點火，記得要吹熄佢唔可以燒咁耐

朋友介紹厚福街H8呢間西餐廳，味道ok，午餐仲做緊買三送一，仲送埋甜品，於是乎跟朋友去試下。黎到餐廳覺得環境幾女，夠靜，我叫左一個豬鞍，味道可以，食埋伴碟嘅薯仔，仲有跟餐嘅甜品芝士蛋糕，非常之飽。

黎到H8，相信唔少人係食飯時段都排隊排好耐。係附近聚會，搵個容易去嘅地方就揀咗H8，幸好我地係遲食嘅，好快就可以上去。環境都唔錯，多情侶係度，亦都有三五知己組合，暗暗地有小小音樂都ok。價錢晚餐差不多，我地就點幾款食。Scallop risotto ，168元，帶子大大粒，又煎得幾香。個飯以為會濕，但食落又ok，而且份量係多，唔會一人一小口。Scallop portabello，98元，大啡菇配帶子，加咗啲香草汁，都幾滋味。大啡菇煮得夠入味，帶子唔駛分，可以一人一粒。Lobster capellini ，188元，天使麵好食，有小小蝦汁，而且唔會整到一餅嘢咁，好好分。龍蝦肉都唔錯，不過如果龍蝦鉗可以易開埋就好。Halibut ，268元，我好鍾意食比目魚，個汁整得好creamy，煎香咗再配個醬都ok。叫咗兩個side，一個係菜，一個係薯條，份量比想像中多，呢個有驚喜。整體唔錯，初初以為啲餸份量好少，但又唔會，而且都飽飽地。去到埋單先知原來用hsbc信用卡有9折，都幾好，每人163元，都抵嘅。

約咗朋友食飯！適逢朋友生日，一於請佢食龍蝦餐啦！仲準備左小小驚喜俾佢！ 位於H8 12/樓 嘅y Show tasty, 主打特色西餐！ 呢排佢仲推出左軟殼龍蝦料理！先嚟前菜！ 〈水牛芝士日本水蜜桃沙律〉  水蜜桃好香甜！ 仲帶貴價沙律菜—火箭菜，加埋酸酸甜甜沙律汁，好啦！ 我地個胃開咗喇！嘩嘩嘩！ 波士頓龍蝦同軟殼龍蝦係枱上爭艷鬥麗，食邊個先好呢？why not both?今晚係我地嘅軟殼龍蝦初體驗！ 軟殼龍蝦有點似軟殼蟹，但比軟殼蟹更有肉更而鮮香！ 炸得香脆的軟殼龍蝦，睇落個子比波士頓動蝦細！ 不過咁喎，軟殼龍蝦可以全隻進食，而波士頓龍蝦有一部分都係由硬殼組成，食得落肚嘅份量，其實差不多。  至於味道呢⋯⋯他地同樣鮮甜，不過因為軟殼龍蝦連殼進食，食落香口啲，更有層次，真係好睇個人喜好。〈軟殼龍蝦意大利飯〉〈龍蝦蟹肉天使麵〉〈軟殼龍蝦漢堡〉生日又點少得生日蛋糕呢？  早係朋友嚟之前已經order 左火焰雪山！ 知道你玩開火，希望你鐘意今次嘅驚喜啦！ 火焰雪山唔係得個樣，外層由蛋白整成，包住雪糕同蛋糕，食落感覺冰火兩重天！

朋友生日諗住黎慶祝啦，一開始唔多人已經叫咗黑毛豬鞍，不過過咗好耐都無黎，其他嘢都食哂啦，我地就追追佢啦。點知個陣先話已經無哂啦 🤔 懷疑佢地漏咗單。有啲失望，唯有食吓其他嘢啦香烤乳豬 📍 $248上嘅時候已經聞到好香，食落仲feel 到個皮炸得好脆，啲肉又唔會好靭，值得食呀!香燒慢煮牛肋條 📍 $328份量太少啦…不過真係要提提伴碟個蒜頭堅好食香煎帶子配大野菇 📍 $98有3粒帶子，都幾大粒架，又唔腥。加埋落個多汁嘅大野菇，正呀～餐廳環境有啲暗，所以影相都唔係太靚 ☹

兩個姊妹生日，例牌食西餐，因為通常甜品都可以order 寫happy birthday 字句叫左個平d 既dinner set for 2, 再加個豬手， 四個女仔share 都夠食～人均$220dinner set 個沙律菜好苦。。同埋唔係好新鮮，但配既白桃好甜好味餐湯係帶子龍蝦湯，龍蝦味濃，口感杰身主食就揀左carbonara 同埋比目魚carbonara 味道唔錯～～比目魚熟既程度岩岩好～～配埋d 汁同薯蓉豬手塊皮係脆但唔係炸個陣既口感，豬手好驚炸到好硬。。勁介口入面d 肉都明顯有調味，唔會太咸，份量算多，四個女仔都食到滯滯地最後甜品係cheese cake~~芝士味夠，唔會好甜但唔算太滑環境係黑左d..其實可以每台加d 電子燈或者蠟燭，可以營造浪漫氣氛又可以光番少少我地影食物相同合照都要特登搵多部電話打燈先影到整體食物唔錯，但係價錢略貴，如果有男仔，叫足四人食物，應該要人均$300 以上但係尖咀$300@ 可以搵到更加好既西餐啦

環境不錯 幾靚 但略為唔夠光影食物相要打燈先影到呢晚重點係牛同豬到先講乳豬 皮脆肉滑..仲有肉汁好juicy2款牛都好好食5成熟又唔鞋..伴碟原個蒜頭配牛一流炸豬手 有D位好乾好鞋黑松露蘑菇湯 唔好比顏色呃左深色但唔夠味

今日（五）19:00左右到達，好彩仲可以walk in，入座後見再有一對客人想walk in都被拒了。-餐廳環境偏暗，因為無check過食評或餐廳資料等，暗到開頭仲以為係bar，不過呢種mood個人黎講都幾中意。-因為係第一次食，先食簡單D既，所以order左個daily special既龍蝦蟹肉天使麵。講真，無見到或食到蟹肉。不過有成半隻龍蝦，而且鉗爆左個殻，好味又易食。天使麵既汁較creamy，惜量少。另外order左杯cocktail “tough of sweet，酒味淡，果味重，Gin 份量多D好D。-總括黎講幾好，環境適合傾計，食物好味，cocktail算唔錯；雖價錢偏貴，但好食就cover夠了。

放假同朋友去開尖沙咀，想搵間樓上Cafe食個lunch，行行下就我到呢間Y Show Tasty啦，上到去個感覺好好，大大塊玻璃可以望到出面嘅景好適合同朋友一路食嘢一路傾吓計。我哋一人叫咗一個set lunch，首先就係個和牛漢堡set，係選用A5 和牛整成嘅漢堡扒，仲會配埋啲熱辣辣嘅芝士醬可以自己倒落個burger度，好邪惡啊~個芝士嘅份量仲要勁多倒晒落去基本上成個Burger都有~本身個和牛漢堡已經好juicy，再配埋新鮮熱辣嘅芝士真係超正，仲配埋新鮮嘅厚切薯條，好滿足！朋友就叫咗個溫泉蛋卡邦尼意粉個汁本身已經好creamy，撈勻啲溫泉蛋之後仲正，仲有好多菇同煙肉，份量十足。最後仲叫左杯Mocha可以食完野飯嘆住杯啡慢慢傾下計。

今日約咗個老友喺尖沙咀聚舊，就諗住喺厚福街搵間餐廳可以坐得舒服啲嘅，見openrice啲相呢間餐廳環境都唔錯，就過嚟試下。餐廳位於厚福街嘅盡頭嗰棟新嘅大廈，呢幢新嘅大廈近期進駐咗好多食肆，西餐邊爐日本菜酒吧各適其適應有盡有，Y Show Tasty就喺12樓。之前見到其他食友話喺餐枱上面每人都會放有一張寫咗名人金句嘅字卡，我今次嚟就見唔到， 不過牆上面依然有好多金句作為裝飾，餐廳環境舒適，甚具情調，唔會話好迫，啱哂我哋今晚詳談。由於老友今日好晏先至食下午茶嘅關係，我地只係嗌咗兩樣嘢，分別係卡邦尼意大利麵同off menu嘅burger。卡邦尼意大利麵，嗌越基本越簡單嘅食物，就越容易見到廚師嘅功架，意大利麵嚟到先將面頭嘅溫泉蛋搗爛，溫暖嘅蛋漿緩緩流出，惹人垂涎，卡邦尼醬汁creamy，味道濃郁，煙肉蘑菇同蛋漿喺口入面混和嘅味道令人沒齒難忘，我到執筆呢一刻都猛咁喺度流口水。Burger，估唔到個Burger off menu都咁有驚喜，一放低侍應哥哥就會喺塊新鮮滾熱辣嘅漢堡扒上面淋上半溶化嘅芝士，芝士有如熔岩瀉地，迅速淹沒整個漢堡，芝士強勁嘅拉絲效果相信係用上咗唔少嘅Mozzarella

係尖沙咀食嘢，自然會唸到厚福街，成條街都有好多餐廳同小食店，而H8入面有唔少嘅餐廳，我同朋友揀咗Y Show Tasty ,兩個女仔可以傾吓心事。入到去，感覺環境舒適，闊落嘅通道同柔和嘅燈光，真係好啱傾吓計食下野。Wagyu Burger 🍔 $148一見到大大碟嘅漢堡，就已經比佢吸引住。重點係有好多好多嘅芝士🧀如果係芝士控，就會俾佢吸引住。一個杯仔裝住好多嘅芝士，望住啲芝士流落去個包度，甚為治療，啲芝士多到流晒出嚟。個包夾住一塊厚身和牛漢堡，和牛仲保持住肉汁，咬落一啲都唔會乾，沙律菜同蕃茄都係好新鮮，記得要一啖食落去，夾住啲菜同個包食，正正。😍最鍾意食個薯條🍟，個薯條好厚身，食落真係鹹鹹地啖啖薯仔味，好有質感。食薯條最啱就係趁熱食。