Y Show Tasty (已結業)

餐廳晚上設有dinner semi buffet，$168任食意粉、飯、沙律、飲品等，價錢上真係幾抵🤤而餐廳環境不錯，座位舒適，有輕輕背景音樂🙈沙律bar同甜品區係一齊擺，refill食物速度都好快，甜品個晚有5款，分別係芝士蛋糕、朱古力蛋糕、泡芙、啫喱、奶凍🤪－－－－－－1. 卡邦尼意粉 4.5/5 👍🏻2. 黑松露野菌意大利飯 4/53. 芝士肉醬意粉 3.5/54. 甜品 4.5/5我覺得意粉份量剛剛好，如果太多會食唔哂，配料亦好足，意粉煮得好好，唔會過硬過軟，想再encore🥰意大利飯上面真係有黑松露醬，上菜時好香😋好濃郁菌香味，但我覺得飯有點硬同生米既感覺，口感如果再軟綿一點會更好肉醬意粉味道較淡，食唔到有芝士，而且肉醬唔夠多，試一次就夠🙈甜品款式雖然唔多，但質素相當高，個人比較喜歡朱古力同芝士蛋糕🥰蛋糕少濕潤入口香滑，芝士味濃，但食落唔會太膩，朱古力細細件，岩哂怕肥人士🤣

話說今朝去完教會返聚會🙏🙏，十一點幾就完咗，一班弟兄姊妹話一齊去食lunch🤣，經過厚福街，就睇下 h8有啲咩食🤔睇咗好幾間店舖嘅宣傳單張，發現呢間西餐廳做緊特價，第二個餐有六折優惠🤩，所以我哋膽粗粗走咗上去🚶‍♂️，呢間舖頭正常十二點先會開，但侍應未夠十二點已經叫我哋可以坐住等等👍🏻，我哋睇咗陣menu 就已經12點🕛，由於呢間舖頭係semi buffet形式，所以出面有啲嘢食可以拎😍，我哋出咗去出面拎咗啲嘢食，包括有沙律🥗，蝦🦐同埋湯🥣， 亦都有少量嘅火腿🐷，每一樣嘢都幾新鮮，我今次叫咗個煎立魚嘅set，都煎得好香，而且賣相都唔錯，食完個餐之後，沙律吧亦都有甜品提供，可以畀大家去食埋個甜品，所以己推薦畀大家👌🏼

今日同2個朋友黎呢到食飯, 同佢地慶祝生日, 原來餐廳新加左夜晚SEMI BUFFET, $168起, 有沙律/甜品/飲品任飲, 而已經包左幾款主菜任你食, 仲有海鮮拼盤! 3位就需要另外追加至少2份主菜 ($68起), 如果男士們都幾抵食, 不過我地唔食得多就決定散叫番, 邐住可以叫甜品XD叫左個帶子大啡菇, 1個risotto, 1個ribeye, 加左2份配菜, 露荀同truffle fries~帶子大啡菇粒帶子好好味!!!risotto 揀左海膽汁蟹肉飯, 個汁帶甜, 幾香, 仲食到絲絲蟹肉, 不錯!!ribeye 5成熟, 合格! 味道唔錯!!truffle fries好香好味!本身食完諗住叫甜品, 本身留左朋友個名想寫happy bday, 不過餐廳得番2款甜品可以叫,而真係好唔岩食, 點知坐多陣, 餐廳話照送個甜品, 雖然只係buffet table上面既cheese cake, 不過好靚, 好有心, ,原來仲幾好味!!

厚福街本身就多好嘢食，今次試下Y Show Tasty！環境好適合同朋友聚會，可惜上菜速度十分慢，我同朋友兩個餓扁都未有嘢食，足足等左45-55分鐘先上菜 好彩食物就好味，最尾都係好開心咁走！餐牌設計，setting都幾靚！香煎帶子配大啡菇帶子啖啖肉，唔會過熟，大啡菇夠曬juicy，食落好夾啊香燒荷蘭黑啤豬手呢個豬手夠晒驚喜！皮脆肉滑，仲熱辣辣！感覺係即點即燒，咬落去肥瘦適中，最啱肉類愛好者！配埋自家製香醋調味，就唔會太heavy～ 黑松露野菌意大利飯好creamy又濃郁嘅黑松露加芝士味，意大利飯又唔會太硬。一個字，正！總括而言，好適合一班人聚會去食，雖然被上菜速度嚇怕左，不過食物質素值得一讚，有機會會試多次

好難得book到9人枱。order好野食之後，可以出去自己拎意粉，甜品。D野好好食之餘亦覺得老闆好細心，知道我地咁多人而去就返我地個數量出個海鮮拼盆。因為果日有朋友生日，一早同定佢地staff講完，到當晚再溝通一次，佢地貼心咁準備個甜品比果位朋友。成件事好窩心呀!!!

今日同閨蜜👭去食西餐，地址位於尖沙咀厚福街H8，H8成幢大廈都係餐廳，係夜晚食飯時候比較多人。餐廳環境氣氛好好，燈光有情調，令人感覺好舒服，傾計一流。分享下今次食左d咩啦首先有生蠔三隻，Creamy 湯：帶子蟹肉濃湯，唔錯👍🏻呢個我最欣賞「香煎鵝肝配雜莓無花果醬」真係必食，份鵝肝好大件㗎，個醬真係一流💯Main: 大啡菇配帶子，有D香草汁Main: 香烤乳豬，外層個皮好脆，配合個醬汁，酸酸甜甜好有層次感最後有甜品🍮特別推介 呢間餐廳既Cocktail , 好好飲

約了朋友食飯，想找間坐得比較舒服和方便傾偈的餐廳，今天來到尖沙咀H8上面的Y Show Tasty。菜單除了單點，有1人和2人餐，我和朋友3個人，order了一個2人餐和散叫了龍蝦蟹肉天使麵share食。先上的沙律有牛油果和番茄，感覺清新，龍蝦湯味道得濃，中間的帶子顯得特別甜。因為我最鐘意麵食，所以十分期待那款天使麵，除了有蟹肉，龍蝦有半隻和有鮮味。黑松露野菌意飯也好勁松露味，香煎比目魚和甜品都好美味，幾正。我覺得環境幾舒適，不會有迫的感覺，服務也好好，上網看到其他食評海鮮拼盤也很好，下次應該會再去試試。

今日同同事過左厚福街食lunch，因為見到某社交平台上面話第二個餐6折，所以過黎試一試。佢餐牌都幾多選擇，不過見到場內多數都係叫和牛漢堡或者豬胺，結果我地5個人都叫左和牛漢堡哈哈。叫完野食馬上出左去夾沙律同蝦。唔算話特別多選擇，但係全部野，包括蝦同沙律菜都新鮮。和牛漢堡份量好大呀！牛肉厚實，我呢塊有少少乾，但有兩個同事話佢地個兩塊好juicy。咁睇泥係個別問題啦！咁塊塊牛都唔太一樣都正常既，不過如果佢煎得無咁耐應該會好啲！薯條都厚肉好食，整體黎講都滿意，不過建議佢漢堡可以加番少少醬汁，應該會更加好。另外見到格離枱叫既豬胺都好吸引，好大塊，又厚，啖啖肉咁。同埋好彩我地都唔算遲黎，本身都full full地，我地再坐左一陣，成個場都full哂，都幾勁。

餐廳有多款主菜，其中肉類的款式較多，另外還有多款cocktail，我就揀了這個比較有特色的24 herbs，貌似中西合璧，中式的廿四味就飲得多，西方的則第一次，酒味又唔會太濃，真係有點廿四味的苦茶味，口感特別。白酒煮托托蜆：這裏出名食西式海鮮，不過人少少，叫個蜆試一試，托托蜆煮至剛熟，入口有蜆肉鮮甜，加上白酒增添了鮮味感。帶子蟹肉濃湯：帶子剛熟十分嫩滑，以龍蝦湯做湯底，有淡淡烤過的殼的焦香，湯底濃郁鮮味十足。香烤乳豬：乳豬即叫即燒，所以等待時間較長，乳豬表皮鬆脆，入口聽到卜卜聲，而且已經去骨，所以咬落去啖啖肉，中間帶層薄薄的油脂，肥瘦均勻，肉嫩甘香。黑松露醬炸薯條：即叫即炸，新鮮熱辣，炸粗薯比較大條，炸得外面金黃但未算很乾脆。朱古力心太軟配雪糕：心太軟都是即叫即焗，外層有點脆身，中間的朱古力未算太流心，但朱古力味道濃，配上曲奇雪糕，整體都不錯。

尖沙咀厚福出名是食街，尖沙咀美食集中地，今晚就同老公兩個去了這間Y Show Tasty食晚餐，看看是否食物是否如其名般tasty。本來想試下個海鮮拼盤，可惜來貨問題未有供應，唯有試下另一個每日精選。白酒煮托托蜆蜆肉大隻而且很新鮮，以白酒及忌廉烹煮，蜆肉有淡淡酒香同時亦很creamy。黑松露野菌忌廉湯以蘑菇打至蓉，所以湯底很濃稠，加上淡淡的黑松露香，入口菌香濃郁。龍蝦蟹肉天使麵天使麵幼身爽口，不會煮得太腍，有些雜菌等配菜，當然整碟的主角是龍蝦，半隻開邊龍蝦連蝦鉗，大大啖龍蝦肉，蝦殼已扑開，方便食用，龍蝦肉鮮甜帶點咸味，肉質彈牙。歌劇院蛋糕蛋糕的朱古力味道濃郁，有點朱古力的苦味，亦都比較甜，喜朱古的朋友必試，旁邊有些士多啤梨等生果中和一下味蕾。Flavour mojito以薄荷葉及青檸等調製，味道較清新，酒味較淡。

厚福街的H8出名多美食，每晚在樓下排隊等升降機到餐廳都要花上不少時間，Y Show Tasty是H8內其中一間人氣西餐，之前吃過這裡的午餐都幾抵食味道亦不差，今次約朋友在尖沙咀晚飯又再次光臨。七點來到時只有一兩枱食客，以為因為最近市道不好人客都少了，但原來只是時間尚早，七點半之後餐廳已經越來越多人。Fruit Garden($58)這是一杯由青蘋果和奇異果調成的特飲，特飲分成上下兩部份，先吃上部的青蘋果，之後才喝特飲，特飲內有很多青蘋果和奇異果肉，酸酸甜甜都幾好飲。黑松露野菌忌廉湯($68)菌味和黑松露味道同樣香濃，忌廉湯入口creamy順滑，如果能配上一塊多士就perfect~!!香燒荷蘭黑啤豬手配酸椰菜及自家製醋汁($268)豬手超大份，建議二人分吃。豬手鹹度適中，不會過肥，豬手皮非常香脆。黑松露醬炸薯條($48)任何主菜加$48都可以加配菜，黑松露炸薯是粗身薯條，啖啖肉很有咬口。意大利芝士餅($58)這個Tiramisu跟平時的最大分別是裡面沒有海綿蛋糕，所以入口特別綿滑，吃前澆上咖啡酒，咖啡香味夠濃很好吃。總結，食物不俗，定價亦合理，食物比想像中大份。

After a tiring day at work, I am looking forward to having dinner with my wife tonight. We planned to have dinner at Y Show Tasty, located at Hau Fook Street. They served appetizers, soup, pasta / risotto, mains, desserts and drinks etc. Berry punch - It was concocted with mix berry ball, pineapple juice, cranberry juice, lime juice and soda water. It was sweet and refreshing, with strong berry taste. Scallop and crab bisque soup - The soup was thick in texture and was creamy. The chef was gener

約朋友緊係去尖沙咀啦，大家都就腳。上了厚福街的食廈，客人大部份是女士，環境很舒服。Seafood platter上網見到每人必點的海鮮拼盤, 當然不客氣嚷著要吃. 海鮮拼盤有2 隻生蠔, 1隻麵包蟹, 4隻帶子, 2隻青口, 2隻翡翠螺, 海膽. 陣容十分強大. 生蠔很creamy, 鐵銹味不濃, 海水味都是淡淡的鮮. 朋友不吃海膽, 我太幸福啦. 海膽大大件, 滿口都是海水的味道. 最開心是吞了海膽後在回味after taste時, 還可以再多吃朋友的那件, double 滿足!Sucking Pig主菜的西班牙乳豬是必點的. 乳豬的皮和肉是連在一起的, 是西班牙的做法. 乳豬皮和肉中間的脂肪已經完全融掉, 所以肉質非常juicy. 乳豬皮脆口, 有陣陣的肉香, 是水準之作. 今餐的海鮮太豐富啦，十分滿足。

和朋友多次來吃，一定要點海鮮拼盤，真係好抵食。大大盤的海鮮拼盤，最最最主角是麵包蟹。麵包蟹十分多膏. 而蟹膏較結實, 雖然蟹肉都不少, 吃了蟹膏有點飽，蟹肉味鮮，一濃一啖，很容易把麵包蟹吃完。而帶子如果有醬汁可點會更佳. 帶子很大件，口感特別好. 其他海鮮都是回本美食，吃得滋味。New Zealand lamb chop羊架的擺盤令人食指大動，中間的迷迭香令人有了聚焦點. 羊架3份, 比正常的羊架更厚身, 而羊架肉質夠juicy，不嚡口，更沒有羊騷味。Alaska dessert甜品要有儀式感。點了一個吸引眼球嘅火焰雪山，侍應淋上酒精後，彩色的火餡一直在燃燒著。待差不多完結時，我們拍熄剩下的火焰，以免雪山有些位置燒焦。蛋白夠creamy，內裡還有冰凍的雪糕蛋糕呢！

暑假終於結束，學生又要收拾心情返學喇，街頭上少咗人，放工係尖沙咀行個圈揾野食。聽聞厚福街H8有唔少好野食，平時多數係地鋪食野，唔知樓上嘅質素如何，一試便知龍與鳯。一出lift就直達餐廳，燈光暗暗，每張枱上面都有個蠟燭仔，好有情調，令人好放鬆。前菜叫咗香煎鵝肝配雜莓無花果醬，先講份量，絕對對得住個價錢，性價比好高，鵝肝同件多士一樣咁大塊，多士香脆，鵝肝入口即化，味道好香濃，加埋個果醬，又幾夾，鍾意食鵝肝嘅話呢個必嗌。白汁煮托托蜆，蜆大大隻，肉質好鮮嫩，隻隻都好完整，好乾淨無沙，白酒味好香，同蜆嘅海鮮味融合得好好。香烤乳豬，皮脆肉嫩，同中式燒味嘅一樣咁香口，但佢地多咗層醬汁搽落去燒，咁樣更香更惹味。前菜好食，主食同樣高質，卡邦尼意粉非常Creamy，麵條順滑，最怕意粉嘅醬唔夠濃厚，好似水咁，佢地呢個唔會，仲有唔少肉片係裡面，食到最後都仲有。好耐無係menu見過火焰雪山喇，超級懷念，細個一去西餐廳都會扭屋企人叫一個食，佢地雪山係燒過之後就有好明顯嘅焦糖香，d cream唔會好膩，唔太鍾意cream嘅人（如我）都接受到，酒味幾重下，個人覺得可以輕返少少，同埋裡面包住嘅雪糕可以再厚d就完美喇。