Y Pasta (已搬遷) 新店位置

Chic and cosy restaurantWide range of food option. Great Pasta selection!Service is great, staff is very helpful. Would definitely comeback for other pasta selection.

記得好耐之前曾經過嚟食過一次，好似都已經有幾年，估唔到佢仲做得住，睇嚟品質真係有保證辣水牛雞肉薄餅薄身餅乾餅底，哥最愛芝士同茄醬都好夠，加埋上面舊大大粒嘅水牛雞肉，成個Pizza味道都好濃郁好開胃，仲有少少辣味，啱啱好，唔會辣到係咁飲水伏特加特濃茄醬長通粉原本諗住只係加咗少少走嘅長通粉，唔會太特別。點知佢個長通粉竟然做到Q彈嘅效果！好友驚喜，多數意粉或者長通粉，都會做得好厚身，或者太淋芝士厚薯條果然薯條都係要厚身啲先有質感，加埋咁多芝士焗一焗，又香脆好味，又邪惡，令人又愛又恨每日唔同嘅Special Menu好似係合作既到會

之前同朋友敘舊去呢間餐廳食晚餐傾吓計不過餐廳面積唔係好大坐得迫同埋有啲啲嘈呢間主打意粉，所以就試咗幾款可以自由選擇意粉種類按自己嘅喜好揀自己鍾意嘅意粉意粉口感唔錯，軟硬度適中咁多款之中最鍾意係明太子意粉夠creamy之餘又唔會好膩另外試咗佢嘅香草雞翼同埋酥皮湯雞翼醃得幾好味，上面有少少香草味道唔錯酥皮湯係蘑菇味，味道不過不失不過加埋啲酥皮食好正夠脆同埋夠熱甜品方面試咗香蕉pancake同埋Apple crumblepancake上面有好多cream同埋雲呢拿雪糕香蕉上邊有焦糖，咬落幾趣不過自己覺得pancake口感似蛋糕另外味道比較甜相比之下Apple Crumble好食好多熱熱地，配埋凍嘅雲呢拿雪糕一齊食好正而且餅乾同埋蘋果一齊食味道好夾口感唔錯，亦都唔會好甜呢間餐廳整體不過不失不過未去到超級好食而且環境都比較嘈，未必會再試

之前食過y pasta,覺得幾好食又同屋企人去食多次😳😳  😍太陽蛋煙三文魚薄餅😍 呢個係脆薄餅底，第一次見流心蛋放係薄餅度，咁特別就要試下佢蛋汁流開會令薄餅食落唔會太乾，三文魚味道好出好香濃😋😋😋  🥰卡邦尼蛋汁意粉🥰 呢個卡邦尼整得好好食，個底有d蛋汁可以撈黎食，所以唔會乾調味剛剛好，有少少煙肉增加口感😚😚😚  😃忌廉黑松露野菌湯😃 呢個係跟餐加配既，加左酥皮，個酥皮好飽滿好令，但個湯有d太杰，如果多翻d忌廉同水應該會飲落順滑d😁😁😁  😆番石榴汁😆 跟餐飲品就叫左番石榴汁，都幾鮮甜😚😚  呢度係樓上餐廳黎，但係新式個d，環境都企理乾淨，食物質素都唔差，銅鑼灣黎講價錢都合理唔太貴，值得一試🥰🥰🥰 

餐廳名稱有Pasta一字，當然對意粉的要求特別高。今次除了意粉外，亦試下這裏的薄餅。我跟朋友二人點了黑椒燒牛肉濃汁意粉以及辣雞薄餅，另每人加$48轉做套餐，分別有餐湯及飲品，餐湯有野菌湯及南瓜湯，飲品則點了蜂蜜檸檬及蜂蜜薑。起初對餐湯期望不大，但結果喜出望外，上枱的時候上面有幾圈忌廉以及香草，賣相精美。南瓜湯香甜，野菌湯用料十足，有濃濃的蘑菇味，幾乎帶有黑松露感覺，西湯濃度適中，不會過浠，推介。至於主菜方面，黑椒燒牛肉濃汁意粉分量幾多，上面鋪滿了大量火箭菜，牛肉煮得十分軟稔，黑椒味突出，跟本身的牛肉味很相配。另外意粉硬度適中，幾彈牙，有口感，很高質素！另外水牛城辣雞薄餅亦做得出色，餅底薄身脆口，上邊有大量水牛城辣醬，而辣雞外皮炸得香脆，裏邊亦保持留有肉汁，越食越覺得香辣，很過癮！而兩款飲品亦做得不錯，我點的蜂蜜檸檬甜度適中，蜂蜜入口感覺舒服潤喉，檸檬酸中和部份蜜糖的甜，配合辣薄餅食幾有解辣感覺。

過完奧運，同番朋友去睇戲食飯，夜晚2個女仔食既份量有限，2個主菜一個湯一杯凍飲已經好飽。龍蝦湯呢個湯非常好味，真材實料，每啖都少少濃稠，充滿蝦嘅鮮味，唔係加水求其上枱，另外幾乎每啖都有蝦肉，我哋兩個share 都唔覺得唔夠。黑椒燒牛肉濃汁意粉意粉份量都好多，每人都分到一碟，意粉好彈牙，忌廉汁真係好濃好香，黑椒燒牛肉方面更加唔使講，黑椒連同燒牛肉好惹味，牛肉嫩滑有牛味，如果多一兩塊就當然冇得彈。水牛城辣雞Pizza本身怕個Pizza 會好辣，但原來我哋嘅擔心係多餘。Pizza皮係薄批，似餅乾咁脆，辣雞唔係整碎左舖上Pizza, 反而係每塊Pizza 上都有一大件辣雞，雞肉滑，唔會乾，連同d沙律菜一齊食都好味。最後一杯桃汁冇乜特別，如果唔係跟set, 就未必會叫。整體上都好正既晚飯，另外d waiter service 好好，會經常加水，值得一讚。

呢間意粉做主題嘅餐廳啱曬作為意粉控嘅我，仲有我最鍾意嘅軟殼蟹，所以呢款酥炸軟殼蟹黃金忌廉蟹肉意粉就係我心水之選鹹蛋香配炸物已經係非常搭，而且鹹蛋香恰到好處，唔會死鹹搶曬個味，蟹肉同軟殼蟹層次分明，意粉嘅質感都軟硬適中，上面嘅籽豐富咗口感，間中咬落脆卜卜咁，好有趣朋友就叫咗意大利茄乾大蝦意粉，我冇食到，不過朋友都覺得好滿意，蝦肉好大好彈牙順帶一提跟餐嘅野菌湯都好香濃啦，及格有餘蒜蓉包都算係我必點嘅項目之一，幾乎每次餐廳見到都會點，呢間嘅蒜蓉包焗得好香脆，味道必之前食過好多嘅都濃郁，蒜香鹹香香草味都好出，而且色澤迷人，更是吸引食慾呢杯蜂蜜檸檬雖然睇落平平無奇，但味道有d淨係，花蜜嗰個香味好出，每一啖入口都係一股蜜香衝入喉，好舒服

師妹知道我最愛意粉屋，一直幫我留意下D高質素意粉西餐廳，佢係銅鑼灣返工，話係駱克道發掘到一間餐廳，叫我去試試啱唔啱口味。餐廳名叫 Y Pasta。去到先知道，原來成座 Building 都進駐咗唔少餐廳，果然係一大發現!sorry..... 我係九龍人，少過嚟大島嘛!一打開電梯門，已經係餐廳範圍。最吸晴係落地大玻璃外大大個銅鑼灣夜景! 靚!打開本 menu，心水選擇有好多，但女友熊熊喝住我，叫我唔好眼闊肚窄.....結果點咗龍蝦湯同忌廉黑菘露野菌湯加酥皮，炸軟殼蟹黃金忌廉蟹肉天使麵，巴馬火腿 pizza。由於要焗酥皮，所以湯必定熱，小心辣咀!一整穿酥皮，強烈嘅黑菘露香味即時攻鼻! 哩吓真係幫襯過意粉屋多次都從來未試過!雖然龍蝦湯比黑菘露濃郁，但都係黑菘露夾自己口味多D。黃金忌廉汁即係咸蛋黃汁，蛋黃味濃郁，彈牙嘅天使麵沾上咸蛋黃汁極惹味，輕殼蟹係水準之作，外脆內軟。睇唔出薄薄一片嘅巴馬火腿咁濃味，即使連同 pizza 一同入口，亦滿口鹹香味，薄薄嘅批底以為係脆口感，但原來口感比較煙韌。最可惜係..... 九龍無分店，希望佢地快快係九龍開分店!

接女朋友放工 順便係銅鑼灣附近搵野食~記起曾經有朋友介紹過依間就決定去試下餐廳位置好方便 地鐵站出口行幾分鐘就到~ 時間尚早所以walk in都有位餐廳環境不錯,簡單既裝修風格 燈光充足開放式廚房係一間餐廳對食物衛生情況既信心 餐廳提供由廚師推介既Specical Menu, 價錢較優惠水牛城辣雞薄餅 Pizza份量好大 每一件都平均分配左一舊辣雞味道方面偏辣 鍾意食辣既朋友仔一定鍾意薄餅厚度適中，唔會太厚既同時又會有些少飽足感辣雞亦處理得好好 肉質嫩滑同時帶點彈牙 配合醬汁非常之惹味怪唔得每個人黎到都會嗌Pizza 因為真係好好味以$138既價錢黎講非常抵食 強烈推介 香草焗原條魷魚墨魚汁意粉睇相就知魷魚既份量非常多，魷魚新鮮彈牙 處理恰當唔會太韌 好食！意粉亦煮得好 每一條都掛上滿滿既墨魚汁  坊間既墨魚汁會整到好咸 但依間唔會 同時帶有魷魚既鮮味 會令人一啖接一啖換來既係成個嘴都黑晒 哈哈 $178雖然唔算便宜 但意粉質素對得住價錢  推介玫瑰花茶原先以為會好似其它餐廳咁用茶包，誰不知鋪滿花粒茶味清澈 解膩堆單$378, 雖然只係嗌左一個意粉同Pizza, 但2個人都食到好飽人均

呢幾日食得太多大餐，所以今日就想簡單啲食個意粉🤣點知原來一啲都唔簡單，入到去見到有好多特色嘅意粉、Pizza、湯同埋飲品🤩🤩搞到我都好期待😇😇-呢度除咗有regular嘅餐牌之外，餐廳仲會將額外嘅特別推介寫喺黑板上面😋既然一場嚟到，就梗係要食下啲特別嘅menu😊所以就點左兩樣嘅黑板推介😆佢嘅廚房亦都係open kitchen，可以睇住一碟碟嘅意粉成品，真係寧捨肚餓🤤-1.黑椒燒牛肉濃汁意粉 $158牛魔王必點嘅意粉🍝呢到嘅意粉好特別，如果你想配搭另一款麵嘅話，呢到亦有好多選擇😇講翻個意粉，佢嘅牛肉有少少似西冷嘅口感，好淋，濃肉味😍意粉特別有咬口☺️每條意粉都掛滿濃忌廉汁-2. 水牛城辣雞薄餅 $138估唔到水牛城雞都可以玩得咁出神入化😆每一舊Pizza上面都有一舊雞😋咁就唔洗爭啦🤪Pizza嘅餅底好薄脆，雞肉醃得好入味，唔會太辣，成個Pizza都好惹味吖😍-晚市嘅話主食、意粉、薄餅都可以加$48轉set🤩今日我揀左龍蝦湯（+$10）同凍峰蜜檸檬，龍蝦湯飲得出唔係罐頭湯，好鮮甜，而且入面都有好多蝦肉🤤而同行友人就揀左野菌湯同特飲（+$20）-阿梅😻🥰朋友話個湯都好真材實料，飲到粒粒嘅蘑菇，

☆ 𝙔 𝙋𝙖𝙨𝙩𝙖銅鑼灣駱克道459-461號The L. Square14樓一打開本menu實在太多野想食，可惜食唔到太多，但呢到嘅質素係會令人想再次回頭嘅(*≧ω≦)✦ 明太子帶子意粉個汁嘅分量岩岩好，每一條意粉都掛到汁，明太子嘅咸香我本身都好鍾意，而佢又無over咸味，個帶子煎得岩岩好，好好食！(´∀｀)PS：佢仲可以揀其他嘅粉黎煮。✦ 太陽蛋煙三文魚Pizza本身想叫多個意粉黎試，不過見隔離枱食pizza又好似好正咁所以就叫個pizza試下，批底好脆，個太陽蛋增加左濕潤度唔會話乾爭爭，幾好食。✦ 焗香蕉酥 (配雲尼拿雪糕)一睇就知好有心整，又畫左d花花(〃ω〃)個皮好酥脆，入面d香蕉食落又唔會話勁甜，個雪糕似係movenpick，好味！意粉Pizza都可以加錢轉做set，跟沙律/湯同埋飲品，沙律汁酸酸咁好開胃，湯我揀左南瓜湯，好濃郁好有南瓜味，正！飲品都有好多選擇，我地揀左桃汁同番石榴汁。

今個weekend 行開銅鑼灣，想食意粉但係周圍附近都選擇好多，最後去一間樓上叫Y pasta 😎餐廳環境唔錯似family 聚會地方，地方都幾闊落，好多都係家庭或情侶黎捧場，餐牌食物款式好多，今次我就叫左水牛城辣雞pizza 🍕$138水牛城辣雞係佢地最近推出special menu 其中一道菜，唔好以為聽到水牛城辣雞就以為一定好辣，為左迎合大眾口味，辣汁吾會調教到好辣，雞件肉好嫩口再加上pizza 本身芝士，好夾得黎！自家製香草醬帶子意粉🍝$158自家製香草醬食起上嚟同出邊嘅真係好大分別，會食得出香草醬香氣好突出，調味不會過重，帶子都好新鮮，意粉煮得好軟硬適中，雖然價錢會有少少偏貴但係都係推薦嘅菜式兩樣食物都配左Set (包湯或沙律及飲品)+ 48 叫左法式洋蔥湯(再+24 )同沙律😋飲品方面叫左個番石榴汁同熱檸蜜😆

店舖打正旗號賣意粉，但絕對唔係普遍樓上cafe嘅頹貨，有驚喜!平日下午兩點到，人不多，店舖光猛，坐得舒服Lunch Set以銅鑼灣西餐嚟講唔算進取我叫咗忌廉黑松露野菌湯(+$10)，男朋友點咗龍蝦湯(+10)，欣賞佢有加酥皮嘅選擇(+10)兩款湯濃到都剛好，唔會太咸令人飲完口渴，好飲～意粉方面，我叫咗藍芝菜花螺絲粉（$128），我好鐘意blue cheese，所以覺得呢個螺絲粉超好食🙈不過未必人人頂得順blue cheese咁濃嘅芝士味螺絲粉無煮得過淋，麵包脆粒亦令口感豐富咗男朋友點carbonara ($128)，煙肉粒好香口，汁濃而不膩，唔需要額外加其他調味都好食！飲品就叫咗蜂蜜檸檬同烏龍奶茶，飲品相對失色啲，不過不失整體嚟講，意粉真心性價比高，如果lunch set有多啲意粉選擇就好!

亞洲菜食得多都想轉換下口味，於是今日同埋女朋友一齊走到嚟銅鑼灣食一間以意粉為主既餐廳，做好安心出行同埋量體溫就安排入座。餐廳環境雖然唔算大，但係裝修精緻同埋環境寧靜，令人有一種額外嘅舒適感！話明意粉專家，梗係要試吓啲意粉啦。其中一個就叫咗香草焗原條魷魚墨魚汁意粉，魷魚夠新鮮，食落爽口。而墨魚汁意粉就真係我第一次嘗試，墨魚汁食落唔腥亦都唔澀，而係有種小清新嘅感覺。至於意粉嘅軟硬度控制得啱啱好，而且食得出好香蒜蓉炒意粉嘅味道，成個配搭口感好豐富！唯一要注意嘅可能係食墨魚汁意粉嘅時候可能會搞到成個口都沾滿墨魚汁，但個畫面係幾有趣嘅🤣🤣仲有另一個意粉就係酥炸軟殼蟹意粉（山葵蛋黃醬），軟殼蟹嘅size夠大隻，外層炸得香脆，而內裏蟹肉同埋軟殼嘅口感層次分明。意粉同樣唔使多講十分出色，而最特別就係個汁醬，蛋黃醬嘅味道較重，但食落口唔會感覺到好溜，山葵味雖然唔太濃烈，但食落口嘅時候經常會帶出到山葵嘅辣味，兩者加埋口感十分特別，配埋木魚絲撈埋一齊嚟食，讚！另外仲叫咗個酥炸牛油果，外層同樣炸得香脆，而入面嘅牛油果就好軟滑，有種外脆內軟嘅口感。牛油果味道雖然唔強烈，但食完之後會慢慢滲返牛油果嘅甜味出嚟，幾特

平時外賣已經試過幾次這間意粉，價位中上，但是味道有保證，是好味的！今晚在Openrice 訂了枱，還有9折，就和朋友吃個晚飯。【布袋流心芝士沙律】比想像中多料很多，主角當然是中間的burrata，超級奶滑濃厚又軟熟，配上黑糖山楂洛神汁酸酸甜甜，不是太濃味，沒有遮蓋芝士味道。還有Parma Ham加添鹹香味。【香濃野菌湯】蘑菇磨碎得很均勻，很重的野菌味，咬到少少蘑菇碎，有質感的野菌湯。【南瓜湯】稠身的南瓜湯有少少creamy和濃濃的南瓜香味，幾開胃。【忌廉汁牛肝菌米仔粉】原來米仔粉是一粒粒長條形狀有點像浸泡了的米粒，口感幾特別，夾著牛肝菌好吃，更像意大利飯。【雙子墨魚汁意粉】三粒大帶子煎香了兩邊，中間軟熟鮮甜，有咬口不太韌；意粉al dente，的確拿捏得很好，墨魚汁食到整個咀都變黑，黑之呼吸。