WOFT (已結業)

打算跟朋友飲下酒食下野，就選擇就近旺角火車站的 Woft ，未到7時已經差不多滿座，幸好有預早訂檯。店內滿佈我喜愛的烏絲燈，昏黃的環境更有情調。食店內有很多手工啤酒，但我偏好cocktail，看到menu已相當吸晴，選擇困難症又出現。Wet Dog Lemon Peach $68甜味偏重，酒精較少，很適合女士們，而內裡有不少桃肉，不過我略嫌太甜未夠清新。雞泡魚乾 $48飲酒不少得佐酒小食，香脆的雞泡魚乾，切得很幼，咬下去很脆有嚼勁，不會乾。藍青口 $98藍青口味道新鮮，配以香蒜白酒汁，以忌廉牛油、洋蔥粒煮成，香濃幼滑，拿著每隻青口吃相當滋味。軟殼蟹窩夫 $88平日burger就試得多，今次是用上窩夫，到底咸食又會是怎樣。窩夫單吃會太甜，不過夾著好香脆的炸軟殼陰、蛋黃醬、蕃茄、生菜，味道頗過癮，窩夫淡味點就更完美！豬肋骨 $188原來是一整條份量，比想像中較多，很經濟！先說薯條夠粗夠香脆，熱騰騰的上檯。至於豬肋骨肉質鬆化入味，不會乾，醬汁味道也是剛剛好。這裡的飲品、食物質素頗高，以這價錢來算是經濟抵食，很適合喜歡飲酒又同時品嚐美食的朋友，省卻了晚飯後再到酒吧的時間。

放工約咗女朋友dinner，朋友介紹話呢間Bar&Restaurant好正，好彩預先book咗位！因為真係好爆，想walk in都難呢度位於旺角麥花臣球場附近，平時行街去開旺角都好方便！佢嘅裝修好舒服、幾有情調叫咗個頭盤泰式生蝦，佢哋嘅生蝦真係好正！係我食過最好食嘅生蝦 生蝦竟然有一種蝦味，而且好大隻同埋好有質感！配埋佢哋嘅生蒜片，生蝦絕對唔會俾生蒜片蓋過咗佢本身既蝦味！在點埋佢哋自家製嘅醬汁，真係好正！叫左杯ball and law，佢係一杯菠蘿味嘅cocktail，單單睇個賣相就已經好吸引！佢嘅酒味唔會好重，好香菠蘿味、好清新嘅感覺，同埋好容易入口在叫咗一份生蠔，佢嘅海水味幾重，但係鹹中帶點甜甜地，又大又見美主菜叫咗一份rib-eye steak7成熟，牛扒上面會有一啲干蒜片，伴菜番茄半個，佢哋嘅番茄係燒過既，所以味道好唔錯！ 七成熟嘅程度對於我來講啱啱好，因為佢係啱啱好熟，仲有d紅紅地，牛扒既肉味好濃，而且配合埋佢哋嘅醬汁同香蒜片，味道非常香！最後叫咗一份小食，呢個係秘製醬燒雞中翼，雞翼嘅肉質好嫩滑、好juicy!!!!!雞肉入邊有蜜糖味，佢表層有啲脆同埋有d椒鹽粉，又甜又惹味！

WOFT!!!!我終於都食到！系open rice 見到想試好多次，次次去到都排長龍，就算book位都會full booking！難得今次book到餐廳環境優雅舒服，有兩人枱、四人枱、甚至八人以上，適合同三五知己或者愛人黎！呢間Bar&Restaurent絕對充滿情調，佢地既Bar corner好有風格！見到佢哋嘅cocktail menu真係杯杯都想試！Pan Lan Yeung($68) Applet juice mix pandan infused vodka，用貝殼裝住，再用藍色嘅冰襯托，成個感覺好有夏威夷風情，而且味道甜甜地，好容易入口。Gillardeau oyster($48/1)本身海水味偏重，但配合檸檬汁同埋自家製醬汁，中和左好多，食落保留住淡淡既海水味之外，仲有甜甜地既味道！而且生蠔本身好肥美，咬落好有質感。Portobello Mushroom($58)烤portobello mushroom配白汁煙肉洋蔥，蘑菇烤得啱啱好，唔會乾爭爭，而且好濃郁嘅蘑菇香味。表面仲灑上芝士粉，白汁嘅味道唔會蓋過咗蘑菇本身嘅香味，但係都食到白汁本身嘅忌廉香味！絕對值得一試！peach

旺角一向都是尋找美食的好地方。朋友說這裏的手工啤酒很出名，所以週末便約了朋友們來到這裏嘗試一下。這邊的環境旺中帶靜，周圍都有許多餐廳。週末果然很多人，幸好有人剛剛離開，才能很快有位置。餐廳位置不多，氣氛輕鬆，能容納二十至三十多人，適合三五知己聊聊天。這裏最出名的是手工啤酒，大約有五六十款，很多都十分吸引，真的不知如何選擇。詢問店員後，我們選擇了這兩杯，都是比較易入口的啤酒。一杯是立夏，酒味不太濃，酒精濃度也不太高，易入口。另一杯是台灣荔枝味的人工啤酒。這杯更易入口，帶有荔枝的甜味，適合不愛太苦的我。除了啤酒，我們也叫了食物。想不到這裏的食物質素很好呢這份芝士烤磨菇雖然份量不大，但中間的芝士與磨菇配合得很好，芝士雖然濃郁但不會搶走磨菇的味道。拉絲是少不免的，而且芝士還會流心呢又是另一樣充滿芝士的邪惡小食。這款小食更合我的口味。這個的芝士是較鹹的，雖然不會拉絲，但濃味的芝士配上脆脆，又剛剛炸好的扭薯條十分惹味，送啤酒一流而且薯條是剛剛炸好，特別脆又熱乎乎的。雖然熱量超級高，但也擋不住我的食慾啊第一道主食是軟殼蟹窩夫漢堡。這個味道是鹹鹹甜甜的。窩夫是甜甜的，軟殼蟹炸得剛剛好，鹹鹹的。互相配合

每次途經染布房街，都見到WOFT全場滿座，對它的高人氣度充滿好奇。是日放早，碰巧在附近，5時多來到，避過人潮。很喜歡它的設計、佈置和氣氛。淺灰色的牆，摩登型格。門面看似很大，原來店面不大，即使放得密密的，也大概只有20-30個座位。驟眼看有點逼，但相信入夜後，人人手裡拿著一支手工啤酒時，會很熱鬧。飲品餐牌都有好幾頁，有各式各樣、來自世界各地的手工啤酒。每頁都有一兩款想試的，突然揭到一頁，被它的色彩繽紛所吸引，把心目中的手工啤都拋諸腦後，下定決心選了兩杯雞尾酒。菜式的種類甚廣，由沙律、小吃、cafe的全日早餐，到一般西餐的漢堡、意粉、意大利飯、扒類，甚至串燒都有，而且充滿fusion特色。單是酒吧必有的薯條，有時興的甘薯條、惹味的旋風薯圈、帶港式風味的避風塘薯條，還有帶意大利色彩的黑松露芝士薯條。真沒想到，會在間酒吧餐廳找到瑞士的經典名菜－烤raclette。PanLan YeungPandan infused vodka, apple juice一來餐牌設計得吸引，二來每款的配搭都幾特別，實在難以取捨。店員介紹這款份量較少，斑蘭葉很香，賣相亦漂亮。果然，盛著蘋果汁的螺，在充滿線條美的高

旺角一向都是越夜越精彩，這一帶都有很多聚腳點，woft的位置旺中帶靜，客人可以在鋪內外用餐，除了不同國家的西餐外還有特色的fusion菜式。門面看起來很像酒吧，但其實除了酒還有很多美食～酒當然是重點呀，單是手工啤酒和cocktail就有非常多的選擇，有選擇困難的我又甚麼都想試試，最後點了手工啤酒一試。左邊的是荔枝啤酒($70)，偏甜似有氣果汁；右邊是叫立夏($75)，酒味也是偏淡的，不太好酒的人會覺得較易入口。menu的選擇也很多～單是前菜就有不同的小吃，青口生蝦等海鮮、芝士盤、湯和沙律。主食方面有芝士火鍋、burger、英式早餐各款、意粉類，和不同的肉類，更有不同的串燒和雞蛋仔！好像基本上想得出的西餐都有香濃芝士旋風薯圈 $58大量芝士鋪在薯圈上，看著也流口水了，薯圈很香很脆，但要趁熱吃，不然芝士凝固了跟薯圈結成一大塊就有點難分開吃啦。白汁烤焗大蘑菇 $58超吸引的兩塊大蘑菇，像我手掌一樣大的～切下去汁都流了出來，香濃的白汗還有配上洋蔥粒、煙肉粒等的配料來提升香味和味道，咬下去又很juicy超多汁呀黑松露肉醬千層麵 $128這是我最喜歡的菜式，每層麵的中間都夾住大量的肉醬，再加上黑松

男朋友約咗舊同事(也是我的舊同事)食飯, 我就食完飯先Join 佢地食甜品. 是日佢地去咗間位於旺角, 專賣手工啤酒的酒吧西餐食飯. 呢間除咗賣手工啤酒, 仲有Tapas小食, 意粉, 扒等等, 望落Menu 賣相唔錯, 不過最吸引我的係一款叫"脆焗棉花糖榛子朱古力夾心批", 用棉花糖舖面, 做到好似海咁, 雲海下面係朱古力榛子醬. 焗完之後棉花糖半溶, 可以用支叉一下深入到碟底"刮"上黎食, 如果鍾意甜, 又鍾意朱古力的女仔應該真係會好鍾意, 佢入口暖暖地, 朱古力又夠濃, 食落好Rich. 男朋友話, 如果就咁食會太甜, 不過襯返支手工啤酒都可以Balance 返. 都唔錯呀!

今日響旺角發現呢間酒吧餐廳，餐牌上有好多特色啤酒，而食物都比較多元化，芝士火鍋，burger, ribs 同串燒都有，真係好難話冇野啱食!我入黎既原因完全係因為芝士火鍋! 《極濃 黑松露芝士火鍋 $198》好邪惡，但食唔停口！估唔到呢間賣好多手工啤酒既餐廳，個黑松露芝士火鍋可以咁有驚喜！黑松露味道好香，芝士醬亦夠濃而帶咸香。芝士火鍋附有4種配菜：麵包-非常香脆，建議一秒沾滿芝士立即食，口感一流西蘭花-芝士醬完全滲入西蘭花既窿窿內，當你咬爽口既西蘭花既時候d芝士醬咇番曬出黎，好正❤薯仔-煮得幾腍，但唔吸醬長通粉-口感彈牙---------------------《辣菜甫雞蛋仔 $43》Menu內仲有五香肉丁，沙嗲牛肉雞蛋仔，但侍應哥哥推薦呢個辣菜甫，食落又真係幾過癮！粒粒雞蛋仔內都有菜甫粒，咬落好爽口，菜甫咸咸地帶微辣，而雞蛋仔帶甜味，聽落好奇怪但食落又唔錯喎！---------------------《脆焗棉花糖朱古力夾心批 $58》100%邪惡！由外甜到內！上層有焗得半溶既棉花糖，中間有滑溜既朱古力醬蓋住一片片既香蕉肉，最下層係消化餅碎。夾心批旁附有甜餅乾，比你將棉花糖放上去一齊食增

如何可在旺角鬧市hea過下午而不失覇氣？介紹下染布房街WOFT，集bar and restaurant於一身，非常好坐好hea，拍拖，閨密，大顆兒，一家人，一樣適合！今天有bb在身邊不宜酒精，但一樣有靚靚mocktail，啖啖都有鮮果的LOL mango，青檸薄荷味，夏日之選，踢走悶熱！士多啤梨加桃沙冰Old Lan Peach，個人推介，真材實料的莓肉，酸甜交替，又解渴又醒膩！（說起來，這裡的手雕飲品都有好特別的名字，幾好笑的～）主打手工啤酒的woft，食物一點都不失禮！甚至喜出望外！！all day breakfast系列有這個signature breakfast和baguette breakfast，兩者其實差不多，當中有微燒過的大蕃茄和草菇，新鮮多汁。烤至脆卜卜的煙肉，咸香有緻。全日早餐的中堅份子茄汁豆和煎蛋，和香腸兩條。一款配以大大塊法包，份量非常的大！一個人絕對沒可能完成！！另一款是兩小塊窩夫，加上煙肉薯餅，一樣是大大份！窩夫偏稔，蛋味極濃，個人喜歡這種蛋糕系的窩夫！點了一份雙重朱古力雞蛋仔作甜品。賣相比相像有少少落差，可能自己expect有點decoration？不過味

哩晚同朋友食哩間book左半個月先有位既餐廳，一心黎試佢既綿花糖pie餐廳座位非常逼，而且我地係坐高櫈，要經常跳落地讓人入座實在好煩，望餐廳喺座位編排上有改善。叫左3樣野，分別係黑松露芝士火鍋，黑松露千層麵，同埋綿花糖pie,仲有兩杯野飲。率先黎到既係我杯飲品，確實材料係乜已經忘記，只記得飲落有檸檬草，薄荷葉同埋芒果味，不過飲落都順喉，唔錯！顏色仲好靚添！朋友叫左庶味手工黑啤，樽同杯都靚，不過飲落係完全無庶味，但麥味非常濃厚，朋友話幾好飲。第一樣黎既竟然係綿花糖pie,次序有d怪。綿花糖下有朱古力醬、餅碎、香蕉，用麥芽糖餅筆黎食其實都好難難食，不過餅唔夠，空口食綿花糖勁甜，食到一半已經甜到有d辛苦！再黎既黑松露芝士火鍋，樣好靚，但食左一啖之後就面有難食，只能講好濃，好膩，杰到不得了，食食下已經食唔到，放棄左。最後一樣-黑松露千層麵，哩樣認真唔錯，肉醬既酸甜度教得岩岩好，不過黑松露味就食唔出，之不過整體味道好好!總結，下次黎一定唔會叫芝士火鍋，綿花糖pie建議多人黎先叫，坐位麻麻地，價錢都偏貴，一人300蚊左右，未必會翻兜！

這天與朋友來到旺角逛街，從朗豪坊走到染布房街，即已經不知不覺由旺角走至接近旺角東。朗豪坊與染布房街真的天淵之別－一個嘈吵得很；一個寧靜得很。大家都逛得有點累，想坐下談談天。看到這餐廳挺有風格，便選了這餐廳進去坐坐。餐廳頂上掛著的燈泡和吊扇，我真的很喜歡，這些都使餐廳變得更型格！餐牌封面使用木，很配合餐廳的風格。餐廳很細心，飯與小食給叉與刀，而甜品則給另一類餐具及替你換碟。與朋友叫了2杯cocktails，前者檸檬荔枝，後者菠蘿。2杯酒都極容易入口，但酒味真的不太重，特別是菠蘿，所以想喝酒但不敢喝太濃烈的酒可以嘗嘗這些cocktailsBTW我覺得後者的杯很有趣很吸引人注意xd這個龍蝦意大利飯，先說飯－因為是意大利飯，所以不會很軟熟，但也不會十分的硬，我覺得硬度是適中的。飯除了色澤美外，亦入味。龍蝦則鮮甜多肉，彈牙爽口，配合飯一起吃是非常的配合。這個小食（其實忘了名字）十分香脆，配合三種不同顏色的醬（青白橙）？(我只記得有肉醬），真的挺美味，不過因為新鮮焗，要快點吃，否則冷了便不脆了，不脆便會影響口感和味道了。來到甜品時間，從上面看，棉花糖好像變大版的旺旺饅頭我覺得綿花糖焗到這色是剛剛好

香港美食, 就係勝在成日有新鮮感, 創意無限. 呢間酒吧係正我男友屋企樓下, 睇住佢開張, 都幫襯過佢幾次, 服務同環境都唔錯. 而且隔一排去食又有新野出, keep 住有新鮮感.今日食完飯約咗朋友去飲野, 見又有新野出就捧下場. 今日試呢款係"辣菜甫雞蛋仔($43)" -> 將港式美食再度crossover. 一甜一辣的味道, 淨係諗, 諗唔到蹱出黎係咩味道, 但食落去又出奇地夾喎. 雞蛋仔新鮮整, 外層脆卜卜, 蛋漿做得夠香, 裏面軟腍香軟, 每一粒雞蛋仔都充滿菜甫, 口感係 脆 -> 軟 -> 爽, 層次好豐富, 而且味道都好夾, 蛋漿甜味做得啱啱好, 唔會功高蓋主, 食落係菜甫本身的香脆味再加埋蛋漿香味, 一粒一口, 令人忍唔住食完一粒又一粒.呢間好多新奇古怪crossover 食物, 亦係其中一樣吸引我的地方. 雖然食物古怪離奇, 但大部份味道都唔錯, 睇得出店主花過心思去設計. 而且價錢都好親民, 值得推介!

記得好耐以前, 係中上環一間酒吧餐廳食過甘梅薯條, 但自從個間野執咗粒之後, 好耐都無見到有得賣了. 今日竟然可以係呢度搵到, 當然叫一客一嘗心頭好啦! 甘梅薯條係用甜薯黎做, 食落去比起一般薯條密度較高, 所以會厚身D, 而且帶有微甜. 呢度D甘梅薯條上枱時仲好熱, 而且非常脆身, 食得出係即炸的. 呢種味道同口感係會令人不自覺地拎完一條又一條, 成碟薯條幾乎比兩個女仔清晒!我地仲叫咗另一碟小食就係一口蜜糖腸. 腸仔本身味道都好豐富, 用蜜糖黎炒加多咗份甜味就更易入口. 佢唔係就咁成條腸去煎, 而係切咗簿片, 炒出黎微微彎曲好似個兜仔咁, 賣相攞晒分. 因為同友人都唔係好飲得酒, 所以叫咗兩杯Mocktail 黎飲, 我就叫咗杯士多啤梨蜜桃Mocktail, 裏面有好多士多啤梨果肉, 飲落好清新果味, 唔會有藥水味, 做得唔錯!呢間酒吧裝修同Services唔錯, 但食物同野飲的價錢好親民, Mocktail $58, 薯條$53, 蜜糖腸$48, 認真抵食!

幾個月前已經很想試這裡的芝士火鍋～朋友和食評大部份都是好評好朋友剛巧5月生日，壽星又鍾意芝士，一班人黎食就岩曬！黑松露火鍋＋一碟配料黑松露味道非常濃郁，配上香濃的芝士一齊，好夾啊！！！另外會上一碟配料，包括：西蘭花，薯仔，麵包粒，長通粉。個人最喜歡西蘭花和薯仔D芝士食食下會漏，薯仔大大舊淡淡地可以中和翻，食多幾舊都無問題！西蘭花點一次已經吸到好多汁，好滿足～其實仲有叫一個原味既芝士火鍋。原味太漏了，芝士味十分十分濃，食幾淡就覺得好滯不過鍾意食芝士同重口味應該會喜歡的！最後 棉花糖朱古力脆批作為總結！果然餅乾太少了，不夠跟甜甜的棉花糖一起吃...原來再點餅乾要加錢呢  

今日同多年好友暢聚, 揀咗旺角呢間酒吧. 算係大家都啱食又就腳. 黎得呢度當然係要試下佢D手工啤酒啦, 大大話有幾十款咁多, 實在係花多眼亂, 我地都唔係咁識, 就睇返佢D tasting note 跟返個人口味來揀喇 (有D仲附有中文嫁! 好貼心). 我就揀咗呢支大象 logo 的手工啤, 係帶有Mocha 味同埋朱古力味, 仲有少少芫茜味, 認真搞鬼! 飲落味道清新同幾特別, 又唔算苦, 就咁飲或者餸食物都OK. 朋友叫咗支穀雨, 係有烏龍茶的啤酒, 飲落麥味較重, 個人覺得會適合配濃味食物.然後到佐酒小食喇. 我地叫咗生蝦刺身同埋芝士旋風薯條. 本來諗住酒吧食物大部份都係普普通通, 點知有驚喜! 生蝦好厚肉, 食落有鮮味, 而且個醬汁做得好好, 夠清新之餘又唔會過辣. 而芝士薯圈係新鮮炸出來, 份量夠2-3人食, 重點係佢面頭D芝士好香濃好多, $58一客可算係超值. 怪不得眼見差不多每枱都有叫一客, HAHA, 真係無得輸呢度D侍應都好有禮貌, 坐係度飲野食野都唔會有壓力, 我同好友食完都好滿意, 下次會再黎