WOFT (已結業)

綿花糖沒法不甜吧？但實在焗得剛剛好！外面微脆，內層半溶又不是完全溶化！底下再加帶點香蕉味的朱古力及消化餅碎。每人一、兩口就好，我們兩個人吃就覺得太膩！脆焗綿花糖朱古力夾心批 Woft Fusion Smore $58

旺角向來是香港數一數二的人流集中地，縱使我們因為種種的原因要到訪這個地方，我們一直都對擠擁的人群敬而遠之。因此，我們特別偏愛靠近旺角東這邊的餐廳，貪其旺中帶靜。這天在染布房街覓食，發現這間從未留意過的餐廳－WOFT。餐廳未算起眼，但相當有格調，而且更近乎全場滿座，因而引起了我們的注意，決定入來一試。餐廳內在環境不大，而一張張桌椅在細小的空間內緊密地排列著，通道頗為狹窄。幸好，餐廳的樓底甚高，能給予客人另類的空間感，尚且不會過於壓迫。人頭湧湧的畫面配上時尚的酒吧風格，氣氛特別輕鬆熱鬧。餐廳以WOFT為名，與野狼的英文WOLF十分相似，而野狼則正正是餐廳的設計主題。其中，餐桌上盛載調味料的盤子印有的野狼標誌，感覺野性原始，十分型格。驟眼看來，這是一間不折不扣的酒吧餐廳，但原來它還提供著各式各樣的fusion菜和特色手工啤酒，別有意思。只可惜我們是夜志不在此，唯有留待下次品嚐。【精選生蠔 (Majectic & Gillardeau)】翻開餐牌的第一頁，我們就被首項食物所吸引，躍躍欲試餐廳的精選生蠔。據店員所指，餐廳是日提供三款不同的生蠔，而我們則選擇了當中的Gillardeau和Majec

飲野除咗要講環境, 仲要夠多選擇. 呢間旺角新開酒吧可以一次過滿足晒兩個願望! 位於染布房街呢條新興食街, 旺中帶靜, 地鐵行過去5分鐘左右相當方便, 位置處於區內有名的安安燒隔離, 唔怕搵唔到.是晚食完晚飯, 就入咗WOFT 度坐下了. 佢地主打手工啤酒, 而且款式有幾十款之多, 一場黎到當然要試下! 小妹唔係好識飲酒, 不過見幾得意我就叫咗支"九龍", Menu 有 Tasting Note, 話佢係用九種材料釀制, 英文叫Nine Dragons, 認真搞鬼. 呢隻啤酒麥味都幾豐富, 而且飲落味道唔算苦, 用黎餸濃味野食都唔錯呀!因為已經食到好飽, 所以同友人只係叫咗個生蝦黎食. 雖然生蝦係泰色食物, 但呢間都做得好唔錯! 蝦身厚肉飽滿, 蝦肉食落爽口, 醬汁夠辣夠香, 用黎沾蝦肉除咗可以去醒, 仲可以提鮮, 食完有再想食的衝動. 三兩下手勢已經清咗碟了! 下次正餐會再黎食過.

近排手工啤酒好HIT, 好多新開的餐廳都話有手工啤酒, 我又未試過, 所以今日楝左旺角哩間"WOFT" 去TRY TRY 先! (其實佢吸引我去楝佢的另一個原因, 係個甜品)因為未飲過, 所以都係睇佢地本MENUS 介紹, 是旦楝一款TRY, 今次就楝左 "Mikkeller American Dream Happy Pilsner", 話充滿啤酒的花香味同葡萄柚的芳香, 話酒身比較易入口! 黎到時, 佢地會將啤酒倒入杯中, 隻杯好得意, 唔知係唔係佢地餐廳的LOGO 呢? 因為我見隻杯幾靚, 可以用黎襯下影相, 如果唔係我覺得應該成支咁樣飲會好啲! 講番支手工啤酒味道先....我本人就覺得麻麻, 初初入口試, 都覺得還可以, 但係越飲就越覺得苦....係好苦味個隻! 叫得啤酒, 當然要叫啲小食送下啦...楝左"香濃芝士旋風薯圈", 個芝士好味, 個薯圈都好香脆, 但一定要襯熱食...因為一凍左, 個芝士會令到啲薯圈變淋左...冇咁好味MAIN COURSE: 我地楝左: "三味牛" 和 "大磨菇牛肉漢堡""三味牛" 包括左:牛脷, 牛肋骨, 仲有一款唔記得係乜野, 成碟野得個牛肋骨叫

夏天為大地帶走脂肪，走在太陽底下行走，不消幾分鍾就可以大汗疊細汗，奈何自己喜愛運動之餘，喜愛美食的程度也不少，這晚才剛完成HITT訓練，留意到附近有這家WOFT，於是運動後再去大吃一餐…天啊…WOFT是一家restaurant & bar，主打幾十款手工啤酒，單是餐牌中一款又一款不同產地、不同款式、不同味道，每款樽身造型也不一就夠難選擇，實在令人眼花撩亂﹔而食物種類是多國菜，所以總可以揀出適合自己的下酒菜，不過對於我來說，所需時間就更需要長一點﹔先是手工啤被這款粉紅啤酒所吸引，來自日本產的Hitachino Nest Beer Red Rice Ale ($77)，酒精含量7%，是以古紅米釀造所以釀出來呈現粉紅色，充滿少女氣息，看到餐牌上寫著有股草莓的芬芳滋味，入口便發覺自己完全被草莓兩字矇閉了眼睛，他是啤酒不過粉紅色…入口帶苦澀﹔不過粉紅色啤油配以WOFT酒杯，賣相的確不錯﹔點了泰式生蝦配WOFT秘制醬汁($98)，作為下酒菜，生蝦質地肥大肉厚，配合蒜片及秘制醬汁，醬汁帶明顯的辣卻極之醒胃而不嗆喉，值得推介。經典瑞士香烤芝士配新薯($118)，烤得漂亮金黃色又香濃誘人的芝士能輕易拉絲

又到weekend 時間，理所當然的試下新野，朋友就介紹呢度！叫左芝士薯圈，焗大磨菇同千層面！老實說，千層面好失望，好彩其他兩樣小食十分唔錯先拉到分！千層面肉過多勁少粉皮，感覺好漏好滯，而且肉味不濃，食兩啖就想放棄。不過接住黎芝士薯圈，炸得香脆薯味十足！芝士半溶舖響面上，點住食好惹味！但最精彩係焗磨菇！超juicy!! 勁香菇味！而且忌廉芝士醬勁滑！回味！我杯莓沙冰亦非常好！冰打得幼滑又不會過甜，有少少鮮果肉味道又不會太人造化！非常好！

黎過呢間餐廳食dinner 或飲野吹水再次黎係因為太中意果個朱古力棉花糖！😋同埋好多款手工啤 收工去chill下一流呀🍻 那次晚餐叫左長板all day breakfast (好似$88🤔） 只是好普通既全日早餐 只係擺得比較藝術 煙肉同埋法包都太硬：（千層麵 （吾記得價錢，印象係超過一百！）賣外頹到冇單獨影🙈 吾夠多肉醬 千層麵 顯得比較乾 但朱古力棉花糖就加晒分！（$58）要小熱呀！除左賣相睇得 棉花糖烤得均混 有微脆 好香甜！入面仲有香蕉蓉 有誠意的製作！點呢個餅乾食一流😋👍 要留意好快食晒餅乾但仲淨吾少棉花糖 但再餅乾要另外加價 $10 四塊 $20 八塊 所以要點多d一齊食😂cocktail （lychee and lemon peach $68 each) 加上鮮花作襯托 即刻靚晒 好吸引！😍 相機食先！呢兩杯cocktail 都易入口 但酒味欠奉 第二次去係飲手工啤 $75 其實好喜歡手工啤既樽💕店員會比埋酒杯你 其實覺得成支飲仲有味道！🍻🍻第三次黎又係飲手工啤 同朋友吹下水🙌🏻當然係要encore 朱古力棉花糖！！

返左幾日工,終於都等到禮拜5,緊係要好好ENJOY下啦,放左工即刻上網買定戲飛先,跟住就約左老公係旺角等,因為要9點先睇戲,放左工出到旺角都係5點9,又唔想行街,所以就搵個地方HEA下先,FRIDAY緊係要飲D酒精野,甘就去左WOFT,好好彩我6點到左,無咩人,但入到去見到,好多留左檯,問下WAITER話今晚BOOKING FULL左,所以我剩係坐左一個鐘左右就走,自己一個,老公又未到,就叫返個甘梅薯條,同埋HOEGAARDEN ROSEE飲下先,ROSEE唔係間酒吧都有得飲,係呢到見到,緊係即叫啦,大大杯,可以俾我HEA住慢慢飲,再配埋呢到個環境,好似去左SOHO甘,甘梅薯條,食到有D梅粉,酸酸地再加埋蕃薯條,酸酸甜甜幾好味,食落都唔會覺得太"流",坐到6點9左右見到開始好多BOOK左位既客,所以我都唔霸住個位甘耐,賣單去搵老公

朋友知我鍾意食芝士, 就約咗我去旺角食芝士火鍋. 其實已有多年無食芝士火鍋了, 我都好期待. 去到發現原來係一間酒吧餐廳. 距離旺角地鐵站5分鐘路程左右, 都算係好方便. 之前去過呢頭食串燒, 估唔到而家開咗咁多特式食肆, 都好熱鬧!呢間酒吧唔止淨係賣酒, 食物都好多選擇. 朋友話想試下手工啤酒, 我就叫咗杯Mocktail "Old Land Peach" 黎試下. 佢係士多啤梨味+桃味的Mocktail ,賣相好靚! 即刻相機食先啦, 飲落味道清新, 有粒粒士多啤梨果肉, 而且最重要係唔會有藥水味. 夏天飲好Fresh 我地叫咗D小食, 跟住就到主角 - 芝士火鍋出場喇! 芝士火鍋用個爐仔㷫住保持溫度, 份量大約夠2-3人Share 食. 我用叉先試一試芝士味道, 聞落香味豐富, 食落較其它地方的芝士火鍋厚身, 除咗Cheeder, 仲有emmental cheese 同埋其它味道, 非常豐富. 配料方面有長通粉, 新薯, 面包粒同埋西蘭花, 四款配料都好Fresh, 係濃味芝士火鍋的最佳拍擋! 如果好似我咁鍾意食芝士的朋友唔好錯過啊! 下次會試埋佢個腐乳味同黑松露味!

上次同女友人食完串燒經過見到, 大定都想試下呢間新開酒吧, 我自己就想試下呢度D手工啤酒, 女友人就話一定要食佢個芝士薯圈. 今日終於約好去食下. 去到已經夜晚10點幾, 不過人流都唔少, 我地坐咗係近門口高枱, 氣氛都幾好.呢間酒吧主要賣點係手工啤酒, 不過都有好多野食選擇. 我地唔肚餓, 就叫咗個芝士旋風薯圈, 女友人叫咗杯荔枝 Mocktail, 我就叫咗支香港釀製的手工啤酒 - 雷公.杯Mocktail 幾得意, 沙冰上面配有兩包爆炸糖, 無錯, 係爆炸糖. 見佢倒落個口然後"啜"兩啖Mocktail都幾得意, 同埋好啱夏天飲! 我自己個支雷公啤酒味道都唔錯, 味道比較清新, 帶有少少果味, 幾易入口, 最緊要係香港釀製, 點都要支持下!講返佢個"香濃芝士旋風薯圈", 又真係幾正. 啱啱炸出黎好香口, 車打芝士夠晒多而且味道濃郁, 份量大約係兩個人左右, 實屬送酒佳物.總括黎講, 呢間酒吧餐廳地點夠方便, 手工啤選擇夠多, 食物都唔錯, 有機會會再幫襯.

有時特別喜歡一個人周圍食下野行下街, 今日去完星際買野, 行行下旺角見到呢間餐廳幾靚, 上網見到D評語都唔錯, 就單拖入去試下喇.雖然係主打手工啤酒, 但食物都唔會馬虎, 由沙律, Burger, Paster, 甚至芝士火鍋同雞蛋仔都有. 一個人食唔到咁多, 我就叫咗支手工啤同千層面試下佢D手工啤好多選擇, 唔同國家都有, 我叫咗支COEDO日本黑啤, 味道夠晒濃, 好香麥味, 啱晒我飲. 至於黑松露肉醬千層面就做得好好, 蕃茄味唔會太甜, 食得出係用新鮮茄肉. 黑松露, 芝士同埋蕃茄肉醬個比例配合得好好, 食落口感好豐富又唔會感覺"溜". 估唔到酒吧D食物都唔錯, 職員都幾有禮貌, 下次會再約朋友黎試

呢間完全冇冷氣 愈食就愈熱 d人反應都好慢 明明好多侍應 都好耐先會有人應機 想叫杯水都難 野食方面我叫左班蘭蛋下面用左薯餅 煙三文魚 再加水蛋 薯餅唔係好熱 不過好大陣油益味 太脆太乾身 似翻炸 唔好食 煙三文魚就冇咩特別 個蛋都算流心 不過個汁就太沙律漿feel 好膩 我諗d人黎都係貪佢既手工啤酒 野食真係會食到燥低

朋友極力推介去食話d酒好好飲我叫左咖啡雞尾酒，係咖啡+伏特加唔似baileys,冇咩酒味，好有咖啡味，係幾好飲，但略嫌細杯黑松露芝士薯條薯條炸得好脆，芝士味岩岩好不過我麻麻地黑松露，朋友話好濃好正生蝦刺身，好新鮮，好甜，個汁唔辣少少酸芝士磨姑，磨姑好鮮甜，芝士中間係流心😋呢個肉醬蝦意粉，我最like,辣辣地，意粉夠爽，蝦夠新鮮入味班尼迪蛋，蛋做到流心，醬汁少少酸但用薯餅做底就好怪，淋哂，麻麻地

真係好好味，每樣食物都好特別，味道無得彈！五香肉丁雞蛋仔超特別，無想過會咁mach!飲酒加上味道一流既食物，簡直係大滿足。生蠔好新鮮，我之前唔食生蠔，但這裡的的確確唔同，我竟然可以食入口，仲好想食多啲。一句講晒，yummy

自從生咗BB之後都好耐無去飲野, 難得今日食完飯奶奶幫手湊仔, 就即刻約好姊妹出黎吹下水! 唔想走到咁遠就約咗係旺角了, 姊妹話有間新酒吧想試下, 就係呢間WOFT 喇.地鐵行過去5分鐘到, 我地去到已經10點但都唔少人, 亦都有唔少外國人, 氣份都唔錯! 唔講以為自己去咗中環, 哈哈. 同朋友一人叫咗杯Cocktail, D名搞鬼, 味道都唔錯.我叫咗杯Big Lemon Joy, 主要係Apricot 加 Vodka, 賣相唔錯, 飲落有甜甜果味, 一D都唔藥水, 好啱港人(女)口味! 友人叫咗杯Wet Dog Lemon Peach, 用熱情果同埋桃加Vodka, 佢個杯口感更豐富, 賣相一樣靚仔.總括黎講呢度裝修唔錯, 氣氛都好Relax, 咁既格局係九龍區實屬少見, 重點係, 一杯野都係幾十蚊, 淨係飲個環境同服務都抵