WM Café & Bar (雅濤居購物商場)

營業中

休息中

上網睇到好多人推薦呢間餐廳既威靈頓牛柳，所以專登同朋友黎馬鞍山度食！探完熱入黎坐底，每人都有杯檸檬水，唔算好濃，但非常解渴。睇完張menu，第一首選就緊係威靈頓牛柳（$138）啦，始終係最多人推薦菜！除左叫牛柳，我地再叫多左2個餐，分別係龍蝦汁海蝦蟹肉意粉（$82）同埋芝士雜菌波菜忌廉雞配農夫包（$80），額外+$8 加多左個薯菜！叫完野食冇耐，餐湯同餐包就黎左啦，餐湯方面有得揀龍蝦湯同埋蕃茄湯，我地全部都叫左龍蝦湯！而餐包方面就係提子餐包，冇提子味，非常乾，又唔熱（唔知係咪因為我地早黎，因為其他遲黎既枱面既餐包係圓形餐包而唔係呢款長形餐包）再隔左無耐，佢竟然係先上左個跟餐甜品—朱古力香蕉忌廉薄餅（大家可以選擇套餐係配熱咖啡/茶// 套餐配甜品，但甜品就只可以揀朱古力香蕉忌廉薄餅，否則其他甜品/野飲係要再額外加錢既）我地就叫左2個配甜品，一個配飲品！因為見佢個薄餅面頭既忌廉已經溶溶地，所以我哋決定先食咗個甜品再食主菜，個甜品比我想像中麻麻，因為佢得一半係有包香蕉，而另一半冇包香蕉既位係完全冇味，得塊餅皮，又冇朱古力味，面頭忌廉又唔多，又唔甜，對於愛吃甜食既我就略嫌失望到主菜方面，第一樣

一行4人點4份早餐，其中1份遲遲未上，25分鐘後追，仕應睇睇單話有落到單就廚房係做緊，等下啦。再等15分鐘仲未黎，再問，就話廚房未整其他人早就食完咁既服務，唔會再黎

屋企人附近呢間WM自開鋪以來都幫襯過幾次，感覺都唔錯，餐廳乾淨企理，服務都ok，近日發現佢轉咗餐牌，於是又揾個機會來試吓。新餐牌晚餐多咗好多選擇，A至V成22款，價錢有$69至$248不等，總有一款啱心水。晚餐依然附送餐湯和包，一樣可選蕃茄湯或龍蝦湯，味道同之前一樣咁濃烈。餐包就換咗脆多士，crack crack聲好脆！點湯都唔錯！主菜我哋要咗個「W M馬賽虎蝦海鮮湯燴意大利飯」（$158），估唔到幾多餸喎，除了一隻大虎蝦，仲有幾件魚柳、青口、蜆，和一粒大帶子，加上濃郁嘅蕃茄湯配意大利飯，好配合，又好好味！另外「燒紙包西京比目魚柳配焗雜菜」（$148），用焗爐紙包住原碟上，裡面除咗比目魚仲有一大片檸檬和西蘭花、雜菇，味道清新，魚肉軟身，由於用焗紙包住，好能保存到魚汁，原汁原味！新餐牌既晚餐可自選配啡茶或甜品，亦可以加錢轉其他，我哋就轉左一杯caffe mocha同一杯熱情果菠蘿梳打，兩杯都足料好味！

今日阿女生日，不過明天又要返學都唔可以玩太夜，所以晚餐都係附近食餐好算了。我覺得WM算係區內比較有質素又唔貴的西餐廳，而且乾淨得黎坐得舒服又唔趕，所以今日來同壽星女慶生。晚餐先來餐湯麵包，蕃茄湯夠哂濃郁，龍蝦湯都好有龍蝦味！麵包係脆的款式，都幾好。主菜有好多選擇，包括近來大愛的黑毛豬扒，個名超長😂「燒西班牙伊比利亞法式有骨黑毛豬扒配檸檬胡椒蘋果蓉」（$188）、「WM馬賽虎蝦海鮮湯燴意大利飯」（$158），另外再encore「WM威靈頓牛柳」（$138）。黑毛豬扒無令我失望，好腍好入味，仲有燒汁同蘋果蓉醬可點，個蘋果蓉都幾好食，感覺清新。海鮮意大利飯都幾驚喜，配料夠晒豐富，而且蕃茄味好濃，值得推介。威靈頓牛柳都可以，牛柳應該有8成熟但唔會韌，加埋個酥皮外殼都幾好。呢個唔係咁多地方有！👍🏻生日咁開心，就加多少少錢upgrade杯飲品，一杯要咗「雪糕忌廉梳打」，令一杯就係「薄荷青檸梳打」，雪糕忌廉梳打當然好受小朋友歡迎啦，雪糕夠晒好味！薄荷青檸梳打都好清新，唔錯。最重要梗係加個蛋糕啦，加$12可以有自家製甜品，都有唔同蛋糕可選，或者加$38有自家製三層雪糕蛋糕，最後決定要個貴嘅。四四方方唔

馬鞍山一向都係美食沙漠，難得有一間餐廳野食又唔貴，食物又好味嘅。首先係tong已經值得一讚，好少地方會有龍蝦湯飲，而佢嘅龍蝦湯係好濃，一啲都唔馬虎，叫左個wellington beef非常美味，完全唔老，仲叫左檸檬雞burger好大件，配菜薯條又脆。叫咗杯朱古力，仲有cream tim! 70幾蚊一個晚餐，仲送pancake做甜品，簡直抵到爛。下晝去嘅時候成日見到排長龍，想食就早啲去等位啦！環境仲好適合一班朋友聚一聚，最緊要職員服務態度好，值得再去

今日在馬鞍山吃飯，這家餐廳面積頗大，有餐選擇，送餐湯和飲品，扒飯只要數十元，我覺得可以接受。餐湯可以選擇番茄湯或龍蝦湯。番茄湯有番茄，酸酸幾開胃。龍蝦湯容易入口，無腥味。餐包就一片麵包，我覺得可以厚小小。⭐️米蘭豬豚柳鮮茄焗飯$59我太肚餓，所以點了豬柳焗飯。飯上面鋪了很多番茄醬和芝士，另外還有一隻流心蛋。一整塊豬柳已經預先切好一條條，入口鬆化，米飯很多，所以很飽。⭐️烤燒紐西蘭肉眼扒配紅酒燒汁薯菜$81最抵食一定是肉眼扒，我點了四成熟。肉眼扒頗高質，厚度適中，入口很鬆化，肉味很濃郁，配上醬汁吃，很香，分量足夠一個成年男人，所以我覺得很抵食。凍檸茶熱檸水芝士蛋糕我點了菠蘿芝士蛋糕，除了上面的菠蘿醬比較甜外，芝士蛋糕意外地不會太甜，很香滑，另外餐廳還有其他口味的芝士蛋糕，可以一試。

今日經過馬鞍山，又想去幫襯返呢間西餐廳。因為疫情所以好耐都冇再嚟呢區，入左前餐廳職員都熱心探熱消毒雙手，衛生情況令人安心！呢度嘅晚餐一定要飲龍蝦湯，之前嚟過好幾次都冇失望過，雖然味道唔係超級濃郁，但係入口會覺得好舒服，不會太鹹，可以飲到龍蝦肉添。今次晚餐唔想太飽肚，一向我都喜歡墨魚汁嘅菜式，於是叫咗脆炸軟殼蟹香蒜魷魚墨魚汁扁意粉，軟殼蟹無腥味，唔錯唔錯！廚師仲送蟹肉同蟹子添，抵呀！另外，朋友點咗龍蝦汁海蝦蟹肉意粉，呢款意粉更加好食，從未響其他餐廳食過呢款醬汁(龍蝦汁)煮意粉，個人覺得好特別。配料有海蝦同蟹肉，口感豐富！下次再嚟一定再叫再回味。雖然晚餐有甜品送，不過朋友話見到餅櫃有意大利芝士藍莓蛋糕，口痕叫咗一件食，兩個人分下就好快食晒因為好好味，除咗芝士味濃郁之外，藍莓醬汁滿滿。建議芝士迷試一試睇。

星期日想去食早餐，攞飛等位，入面有好多吉枱又唔放人入，懷疑因為仲有5分鐘cut早餐。入到去，落左order ，等左半個鐘，見遲過我落單嘅都有得食，即刻追單，點知原來冇落到，仲要我本身叫嘅都冇晒。管理混亂，服務零分

餐廳距離地鐵站大概10分鐘左右，不過好易行🤣不過去個日落大雨，就有啲濕唒！一入到去店員好好人問我哋要唔要遮袋，好friendly好nice!!!!又好快拎餐牌俾我地😂晚餐西餐來講唔算貴，都抵食嘅！我哋叫咗2個套餐🤣好快就上餐包同埋湯，有蕃茄濃湯同埋龍蝦湯！蕃茄湯好多蕃茄蓉，好濃味好正！龍蝦湯更加係一百分💯好濃味，而且加埋忌廉，就creamy!!鴨髀鵝肝意大利波菜闊條麵🍝鵝肝好肥美配意粉啱啱好，好夠味！！鴨髀就好入味，不過略嫌有少少un!!不過切開咗，就好好食😋我哋再追加咗個雞翼，好嫩滑！而且熱辣辣，面又好脆😍推介！！美式BBQ烤手撕豬菠蘿芝士漢堡配薯條🍟超級好食！！個菠蘿酸酸甜甜，令豬肉吾會好肥膩，好refreshing!!夏天食一流！性價比超高！！試過一啖咬晒係咬唔晒㗎！！！最後，仲有個甜品🍮香蕉朱古力忌廉薄餅😎好食😋熱辣辣！！最搞笑係三色雪糕蛋糕！我估係佢哋自家製！！好特別㗎都，有心思有創意！！不過要加38蚊先有🙈

今日去咗馬鞍山‘沙漠’附近搵嘢食，呢間餐廳唔係新港城中心入面而係係馬鞍山泳池附近。餐廳好闊落，整體感覺好自在亦好乾淨。價錢亦都好抵食tim.1️⃣ 芝士香草茄蓉牛肋條 $80即係坊間所講嘅農夫包🥰之前係其他餐廳食過農夫包佢地個啲好乾，好淋，但今次呢個農夫包表皮脆卜卜，一打開就有芝士嘅香氣，加上熱辣辣嘅醬汁，一齊放入口就有一軟一硬兩種層次嘅口感，牛肋條都整得好淋，唔錯。.2️⃣ 拿破崙三色腸扁意粉 $74個意粉好重青椒味，而啲意粉煮得啱啱好唔會好軟身，兩個人可以share食 因為佢份量都算多.3️⃣ 意式炸雞翼（3隻）$16我地仲追加咗一份炸雞翼😍 一咬落去有陣檸檬味 酸酸地好開胃，好似平時食日式炸雞自己加檸檬汁上去咁，會忍唔到口🤤呢個雞翼有驚喜！

📍WM cafe’ & bar(馬鞍山）食物荒漠之抵食午餐，價錢$55-$81加1服務！繁忙時間要等耐少少！餐廳好大，整體環境好舒服，星期六嘅中午全場爆滿，侍應都非常忙碌，但都keep住好既服務態度！叫左兩個lunch set （餐包、飲品、湯、主食），加$12仲有一件甜品。order左龍蝦湯&蕃茄雜菜湯，味道濃郁，朋友仲話未試過咁濃味嘅龍蝦湯，個甜品藍莓芝士蛋糕都很不錯！👍🏼-all day Breakfast $73這個全日早餐都幾有誠意，味道不錯，但如果煎蛋變咗做牛奶炒蛋就更加正🤤整體都好味-肉眼扒配紅酒燒汁$81因為冇哂薯菜轉咗做洋蔥圈，本身唔鍾意食洋蔥圈，建議下次都用返其他野代替會吸引啲😛，呢個牛扒嘅味道不過不失，建議可以選擇其他menu 食物。用餐日子：想搵個地方坐下傾吓計，平平地搵個環境好少少嘅Cafe坐下是不錯的選擇。味道👅：7/10服務💁🏻‍♀️：7/10環境🌾：7/10人均午餐消費：$60-90

馬鞍山係食物荒島🏝️想搵間坐得舒服d又平平地嘅西餐廳唔容易💜今日終於俾我搵到啦😘1. 忌廉龍蝦湯 vs 蕃茄湯個人推薦龍蝦湯🤩🤩因爲餐廳落左啖啖肉😘口感比蕃茄湯豐富。呢個蕃茄湯甜甜的，岩哂d食蕃茄覺得酸嘅人飲🤪2. 餐包 & 熱朱古力🤩🤩呢兩樣比想像中高質，餐包係好有心機咁塗哂成塊包再焗，熱朱古力係應該係用左高級朱古力粉沖，飲落去有黑朱古力嘅味道💜3. 雙層檸檬烤雞拼香辣脆炸雞芝士漢堡配薯條🥰🥰🤩🤩👍🏻👍🏻強烈recommend的餐！估唔到兩塊雞都咁大，$80幾蚊可以滿足我呢個想試唔同新野嘅人😗因爲有兩種唔同口味嘅雞，烤雞好有咸香味，而且雞皮烤到好香脆，炸雞味道辣辣地，好惹味，而且唔乾💜，一個包，滿足我兩個唔同嘅口感🤤🤤4. 烤燒紐西蘭肉眼扒配紅酒燒汁肉眼扒份量好大，好岩男仔食，如果餐廳可以將肉眼扒放係一塊鐵板上面，汁另上，將汁倒落去鐵板上面，感覺會更perfect池😘5. Blueberry Cheese Cake女人永遠有第二個胃🤤🤤blueberry cheese cake濃濃的芝士味，藍莓唔算甜，餅底硬度適中😛😛都可以一試PS:以前去開連鎖西餐廳🤔都係油淋淋嘅感覺，呢間小店竟然好

龍蝦湯：餐廳有兩款湯供應，令一款就是蕃茄湯，識飲嘅一定揀高質嘅龍蝦湯啦！龍蝦湯香濃帶有不少龍蝦肉，加上一些忌廉令湯更滑溜，為主菜揭開重要嘅序幕。脆炸軟殼蟹香蒜魷魚墨魚汁扁意粉：炸軟殼蟹非常脆口，軟殼蟹又軟綿綿，非常好味。值得一讚係扁意粉嘅配菜十分豐富。除咗有軟殼蟹之外，亦有一些蟹肉和蟹子配襯，加上大件墨魚🦑，口感一流！龍蝦汁海蝦蟹肉意粉：呢款意粉每次都會點食，因為龍蝦汁味道配搭海鮮極好，廚師不會炒得太乾身，還有一點會意粉嘅感覺。海蝦加上蟹肉都令意粉更加好味。平時愛吃海鮮嘅你一定要試！WM安格斯牛肉燒汁雜菇芝士漢堡配薯條：呢款招牌漢堡非常有特色。除咗安格斯牛肉不會令人失望之外，雜菇和芝士配搭合適，大大口咬下去可吃到牛肉汁爆出，所有配料夾在一起吃最滋味！　烤紙包西京比目魚柳配焗雜菜：上枱時見到紙包着魚，神神秘秘，賣相非常特別，將紙打開後陣陣魚香味非常撲鼻，魚柳滑溜，蔬菜也吸收魚的鮮味，非常精緻特別！💡💡💡💡朱古力香蕉忌廉薄餅：甜品最驚喜，薄餅加上香蕉粒軟綿綿，分量十足，令整餐晚餐畫上完美句號。飽晒！餐廳亦都非常注重衛生，入內需要探熱，座位都好乾淨。不錯！

好似好耐之前係叫餐廳沙漠，定咩沙漠既地方，而家都多左好多餐廳，仲要係好食既～～～～今次就食左間好食既cafe and bar～～食左一個蕃茄牛肋條農夫包，仲有一個黑松露卡邦尼意粉！兩杯野飲，一杯係pussy foot, 一杯係pino calada，個名好似係甘叫哈哈哈Dinner 係有餐既，有湯仲有野飲，我地加左$12 去飲特色飲品～講下野食先，個蕃茄牛肋條農夫包好好食～佢既蕃茄吾似係就甘蕃茄醬既汁，係好濃，有好多蕃茄係入面既感覺！個包最上面既包好脆，同醬同埋芝士食好match！正～～～中間果啲包軟左，因為入面係醬包住～中意軟包既人就會好中意～我就中意脆既～～～個意粉一黎到就好香～～好味！黑松露令到個意粉加左好多分！啲汁掛住哂係個意粉到～好中意呢個意粉！兩個野飲都係fresh既～～～～我中意pino calada多啲！

今日同朋友喺馬鞍山行完街，睇下附近有咩好西食，見到呢間好似唔錯，價錢都唔太貴，就試下啦😝揀左個幾好既位坐😀 個feel都幾有情調好快就上左呢個忌廉龍蝦湯，配麵包，個湯好好味😋，第一啖就好濃郁既龍蝦味👍🏼麵包就比較普通，可以用黎沾湯食都唔錯🎃南瓜貝柱意大利飯配香煎刺身帶子($92)個飯吸哂個sauce, 唔會乾身，係味道比較清淡既選擇😝，重點係個帶子，幾彈牙嫩口，煎得啱啱好，唔會有冰鮮味🍔WM安格斯牛肉燒汁雜菇芝士漢堡配薯條($76)一上黎就聞到香噴噴既burger味，雖然張相唔太影到啲餡，但其實好多餡同sauce, 每一啖都好滿足，薯條啱啱上既時候會脆啲，但擺得耐就冇咁好食啦其實仲有扒類同tea set都好吸引! 有機會可以再試下😋