WM Café & Bar (雅濤居購物商場)

營業中

休息中

經過餐廳見到門面滿有氣氛的， 睇埋餐牌，見到價錢同埋嘢食都幾啱，就入咗去幫襯～ 裏面裝修亮麗，整整齊齊而且感到清潔度非常之高！！疫情下，都可令人放心！逢係晚餐都會配龍蝦湯同埋餐包， 一睇上去就知道唔係行貨。 龍蝦湯香濃美味並且配上忌廉，增加幼滑感。法式鴨肶香煎鵝肝配菠菜意大利麵～ 鴨肶size 比想像中大，鴨肉香濃， 上面嘅鵝肝更為入口即溶，令人回味， 不得不提，菠菜麵嘅闊度做得剛剛好，既沾汁又夠口感！！wm馬賽虎蝦配海鮮湯燴意大利飯～ 整個飯面都放上唔同嘅海鮮，包括有蜆、青口、 虎蝦、魚同埋帆立貝， 應有盡有，而且樣樣新鮮！！香蕉pancake～ 食埋美味嘅甜品，簡直係極度滿足！ pancake 即叫即做，熱度剛好溶化忌廉，香甜美味，口感一流！

約左朋友去馬鞍山食飯，佢介紹樓下間西餐廳，講真個位置有啲隔涉，如果唔係識路既人介紹都唔會搵到去果到食飯。係商場旁邊一個入口，商場入面一個入口，商場比較凋零，人流都比較少。可能影響到餐廳都比較少人，反而就係一個休閒放鬆約朋友詳談既好地方。餐廳入面都幾大，坐位闊落，枱與枱之間保持一定既距離，環境整潔，非常安心。而待應都安排左4人位比2人既我地。二人行：1. 慢煮黑松露流心蛋卡邦尼煙肉意粉＋餐湯＋餐甜品＋特飲($18)2. 芝士香草茄蓉牛肋條農夫包＋白飯 ($5)＋餐湯＋自家製甜品($12)＋特飲($18)兩個都係餐，跟左蕃茄湯同龍蝦湯，蕃茄份量十足，睇得出唔係茄汁湯，啖啖新鮮茄肉，都唔會有個種假甜味，有少少酸。龍蝦湯味濃，仲有啲蝦肉，當然唔好期待有成隻龍蝦係入面啦。1. 意粉黎到好香黑松露味，隻蛋都令人滿意，唔係一督就爆開既全生，係中間會有少少凝固，仲可以食到下個蛋黃。意粉份量夠，有煙肉，洋蔥，同幾片芝士，絕對夠食，味道有少少甜，但可以接受，都推介。2. 農夫包需要啲時間焗，黎到成個包都外脆內軟，多汁，入面既配料都好多，牛肋條入味又淋，仲有啲蕃茄，洋蔥，紅蘿蔔。飲品叫左pussy foot

WM Cafe and Bar @馬鞍山叫左2個set，包湯、餐包、主菜、甜品、非酒精飲品。.🔅番茄湯、龍蝦湯、餐包蕃茄湯充滿蕃茄蓉，酸酸的好開胃龍蝦湯比較淡，都有幾粒龍蝦肉餐包略為乾身，但充滿芝士鹹香.🔅脆炸軟殼蟹香蒜魷魚圈墨汁意大利飯意大利飯分明，墨汁份量剛好，不會太濕潤。加上波椒、蟹子增加口感。軟殻蟹粉感稍重。.🔅美式BBQ烤手撕豬菠蘿芝士漢堡配薯條手撕豬軟稔，菠蘿略為突出，整體酸酸甜甜好開胃。.🔅追加義式炸雞翼用上椒鹽，酸味的粉作調味，味道有趣，像吃乾身的水牛城雞翼，咬落都有肉汁。.🔅甜品-朱古力香蕉忌廉薄餅甜品即叫即整，不是用上件裝蛋糕，誠意十足。份量剛好，不會太甜膩，如果香蕉份量更多會更滿足。.🔅飲品- mocha 、 passion fruit mojito Mocha朱古力味香濃，奶泡尚算幼滑。Passion fruit mojito 薄荷葉味過重，熱情果存在感不大。.😋味道: 7/10💰消費: $200

星期六假期去咗馬鞍山 WM cafe & bar食lunch，環境寬敞而且睇得出係有心機嘅裝修同佈置，令我覺得好舒服，lunch set叫咗香煎豬柳拼檸檬海鹽烤雞跟意粉，同埋全天候早餐跟牛油多士，飲品叫咗特色凍朱古力同埋橙汁。豬柳就煎得超香超多肉汁，估唔到檸檬海鹽烤雞個味道可以咁夾，少少鹹少少酸加埋雞肉烤味，絕對可以再encore再食，個全天候早餐超豐富，入面有黑松露炒蛋、煙肉、豬肉腸、烤蕃茄、茄汁焗豆、蘑菇、粟米、同埋沙律菜，材料食品都超新鮮而且擺盤好有心機，絕對係打卡之選。而另外兩杯飲品都整得好靚，如果下次有機會黎，我會再試埋佢嘅晚餐。

週末就想輕鬆下，呢間餐廳地方好闊落，好多座位，仲有半開放式座位，感覺悠閑。佢既牆仲有綠色的，很有庭國感。 我就專登揀咗個庭園位😂😂。 午餐選擇好多好多，揀左好耐先揀到：美式BBQ烤手撕豬菠蘿芝士漢堡，轉配廚師沙律 （$58+8）： 我推介呢個漢堡，個手撕豬肉同醬調得好好味，配一大塊菠蘿片，又多汁又香口😋😋。 個包仲要烤得好脆🤤🤤。 檸檬香煎原隻鴨胸配薯菜 （$52）- 清清地嘅醬汁配上入味嘅鴨胸，味道好夾。 黃色醬汁加上啡色鴨胸都好搶眼🤩。 每個餐都包餐湯， 仲有龍蝦🦞湯揀。 另外加 $10+有特色咖啡或特飲。 加$12 就有車厘芝士蛋糕🍒，個型好吸引， 唔好睇佢白雪雪咁，入便好多餡料。 食完大滿足😝。.整體來講我覺得好食又真抵食，環境舒服又乾淨衛生😌，服務態度非常友善。

今曰經開馬鞍山去左幫襯WM CAFE & Bar，餐廳的燈光柔和，環境非常整潔，贊！座位寬闊，卡位是皮梳化設計更舒適乾淨👍WM剛剛推出新的晚餐Set Menu有好多選擇龍蝦湯非常鮮味，龍蝦味突出，個湯好柔滑法式鴨肶香煎鵝肝菠菜闊條麵香煎鵝肝煎到好香口好好味。好少咁樣食鴨肶，鴨肶比雞肶更結實，肉味更濃郁❤️南瓜貝柱意大利飯配香煎刺身帶子勁好味呀😍南瓜意大利飯唔會太硬，符合港式口味。貝柱同刺身帶子雙重滿足，刺身級數帶子外層微微煎香，裡面仍保持鮮嫩👍配埋荔枝蜜桃梳打同熱情果菠蘿梳打真係無得頂🍍🍑這裡的Home-made Dessert非常出色，所有甜品都是甜品師傅親手整，我地要左個跟餐朱古力香蕉忌廉薄餅🍌同upgrage左一個自家製甜品士多啤梨軟身芝士餅(strawberry combo light cheesecake) 🍓我好鍾意這種很raw的芝士餅，更加有口感，軟芝士口感更滑溜，配埋士多啤梨酸酸甜甜好味道❤️❤️朱古力香蕉忌廉薄餅要襯熱食，pancake餅皮整得好薄好煙韌，唔會水漏漏，自家製忌廉唔會太甜，食得出好有heart, 我同老公都贊不絕口🤗💓

今日係馬鞍山做完野，就搵個地方食lunch。我之前係大埔分店有食過呢間既dinner，覺得幾好食，反而未食過lunch。餐廳環境幾寬敞，同埋幾乾淨企理。我叫左個烤燒紐西蘭肉眼扒配紅酒燒汁。佢首先黎左個餐湯，係龍蝦湯，好鮮甜同埋濃味，我幾鍾意。餐包就係蒜蓉包，我好鍾意食蒜，呢個包蒜蓉味好重。件扒好大件，同埋我叫左5成熟，d肉就唔會煮得太老，肉質鮮嫩，好容易切開，個意粉佢煮得岩岩好，唔會太淋或者太軟。

係Happy Friday🥳 #到底疫情幾時完!!😭辛苦咗成個星期決定去屋企附近嘅一間餐廳食吓好西。餐廳喺新港城附近，唔算難搵。一入去就係cashier/reception，已經即刻有人招呼。入座係卡位，夠哂闊，好難得喺香港會有餐廳坐得咁舒服，greeting吹水都唔會覺得太逼。叫咗兩個set dinner，包餐包、湯（蕃茄/龍蝦湯）、主菜同埋甜品，都幾豐富。冇幾耐已經上咗個熱辣辣嘅餐湯同埋餐包，一個係龍蝦湯，一個係蕃茄湯。平時喺出面飲湯好多時會比較稀，我個人就會偏好夠味啲嘅湯。呢度嘅龍蝦湯夠濃，飲落一啲都唔油；蕃茄湯好足蕃茄味，有小小蕃茄嘅酸味，湯入面有蕃茄蓉同埋切開咗嘅蕃茄。::主菜::•鵝肝鴨胸菠菜闊條麵($88)配菜夠，有椒、菇，可能因為係菠菜闊條麵，食起上黎唔會太油，岩岩好balance到鵝肝同鴨胸嗰種heavy嘅感覺。•WM burger ($78) - veggie用料: 牛油果、大啡菇、蕃茄、生菜用牛油烘咗個包，比較少見，亦都見餐廳喺細節位有花功夫。大啡菇落咗黑椒調味，菇唔會太dry，夠juicy，滿意！•薄荷青檸梳打 (set dinner +$18升級)清新feel

成日都話馬路山係美食沙漠，今日同朋友係雅濤居購物商場地下發現左間唔錯嘅餐廳，於是我地忍唔住去試一試～入邊環境幾好，庭位位置足夠，而且坐得好舒服，唔會話太逼。午餐嘅選擇非常多，有意粉有扒，我同朋友分別叫左 J 餐 明太子貝柱蟹柳蟹子意粉（$56),同埋X 餐 烤燒紐西蘭肉眼扒配紅酒燒汁（$76),午餐都會配湯同蒜蓉包忌龍蝦湯仲未入口已經聞到好香濃嘅龍蝦鮮味，而且唔會太鹹，味道岩岩好。蒜蓉包都係非常之香脆，蒜蓉味香濃～烤燒紐西蘭肉眼扒（五成熟）份量非常足夠，肉質鮮嫩，唔會太乾亦都唔會太硬，入口肉汁四溢，配埋紅酒燒汁，味道一流明太子貝柱蟹柳蟹籽意粉（$56)貝柱同蟹柳都非常足料香草味濃郁，意粉好滑，非常推介！薄荷青檸梳打，薄荷加埋青檸非常清新嘅味道，好好飲！！！值得一試！

早幾日去咗朋友屋企附近馬鞍山嘅呢一間細餐館食嘢，喺門口睇佢嘅餐牌覺得唔算貴，而且環境都唔錯，所以就入咗去食。餐湯同埋餐包都屬正常水平，個湯係龍蝦湯，唔係羅宋湯或者忌廉湯，平時食開嗰啲西餐廳都係得羅宋湯或者忌廉湯，有龍蝦湯嘅話我自己感覺比較良好。飲品我哋叫咗啲特飲試吓，青蘋果特飲同埋熱情果特飲，兩種都幾特別，平時喺出邊未必咁容易可以飲到，所以如果嚟到可以試一試。之後叫咗一份帶子意粉，同埋一份佢哋嘅招牌威靈頓牛柳。啲粉幾好食，醬汁唔係好多，但係調味我覺得算足夠，威靈頓牛柳一出嚟就好熱辣辣，因為佢係即叫即整，配上佢嘅燒汁，我個人幾鍾意，因為以呢個價錢食到威靈頓牛柳其實已經好難，而佢整得唔錯。整體來講，呢度嘅環境相當唔錯，而且價錢唔貴，可以嚟試試。

呢排鍾意踩單車入馬鞍山，因為發覺裏面真係又開始有好多好嘢食，所以今次就入咗去食呢一間WM bar & cafe。首先睇吓個環境，個環境係坐得好舒服嘅Cafe，裝修都好別致，張枱好大，好啱同唔同嘅朋友傾偈，一路食嘢都好舒服。因為今次係食平日嘅晚餐，所以有個好抵食嘅dinner Menu，晚餐已經配左餐湯，一個主食，套餐仲會配咖啡或茶，和一個甜品，以呢個價錢其實真係性價比好高，同埋食物質素都好好食，今次就叫咗兩個餐，分別係E餐嘅脆炸軟殼蟹香蒜魷魚圈墨汁意粉，同埋L餐雙層檸檬烤雞拼香辣脆炸雞芝士漢堡配薯條。首先係餐湯，今次叫咗一個番茄湯，同埋一個龍蝦湯，兩個湯都會配上一個餐包，番茄湯酸咪咪手好開胃，龍蝦湯個龍蝦味好重，兩個湯都好唔錯。跟住就到脆炸軟殼蟹香蒜魷魚圈墨汁意粉，個炸軟殼蟹炸出嚟，配埋一啲飛魚子喺上面，成個配搭都好夾，魷魚好新鮮，墨魚汁同扁意粉嘅配搭更加係一流，呢個意粉真係好好食呀。然後就到雙層檸檬烤雞拼香辣脆炸雞芝士漢堡配薯條。個麵包皮係煎過嚟好趣嘅，裏面有兩種雞，一隻係烤雞，另外一隻係香辣脆炸雞，個漢堡包醬好好食，啲薯條都炸得好趣口，成個漢堡餐都幾特別。然後就叫咗兩個嘢飲，分別係

武漢肺炎差不多半年了出街都唔夠膽怕感染早前有立限制令唔食野時要帶口罩😷如果被捉就罸款情況下真係唔想堂食最近疫情好轉下想外出食下野同男朋友入馬鞍山買野時順便係周邊搵食經過見到呢間食西餐嘅Bar見佢裝修都幾靚👉🏻其實似餐廳多過Bar😅見佢門口menu又有set dinner 價錢上晚餐算係貼地Set dinner有湯(有二款)+包+主菜+餐飲+甜品）仲可以加錢升級轉飲品&可以加錢追加小食𠻹晚餐嚟講算多選擇👍🏻我地選擇咗特別的主菜(屋企及出面都少食)👉🏻鴨肶鵝肝菠菜濶條麵👉🏻雙層烤雞拼香辣脆雞芝士漢堡👉🏻加小食雞翼👉🏻加沙津👉🏻加特飲龍蝦湯🦞🦞滑而濃味蕃茄湯🍅🍅酸酸甜甜餐飽🍞都幾特別👍🏻👍🏻主菜👉🏻鵝肝煎得香鴨肶好入味😋主菜👉🏻漢堡二件不同口感雞件幾特別小食👉🏻沙津小食👉🏻雞翅入味及香脆甜品👉🏻跟餐"香蕉pancake"甜品👉🏻加錢"檸檬芝士蛋糕"餐飲👉🏻加錢特飲透心涼😬餐飲👉🏻咖啡"掂"估唔到跟餐都唔差👍🏻

在馬鞍山食西餐🍽常常會去WM,因為離海濱長廊非常近，🌊食完晚餐可以去行行海邊、睇睇月光!🌜WM主要食簡約西餐，吃過幾次都相當有水準! ⭐️先講講餐湯👉🏼係忌廉龍蝦湯，龍蝦味好濃郁並有一絲絲的龍蝦肉🦞...好有誠意！Main Course 選了🦢鵝肝鴨肉意大利飯, 米粒軟硬適中粒粒被湯汁包圍；鵝肝肥美外面焦香、入口即融；而鴨肉令整個飯好香呀！😝$12 必加 Home made dessert 👉🏼係華田Mousse Cake 🍰 麥芽的甜蜜美味，加上脆脆口感，欲罷不能！👩‍❤️‍👨最後係白雪公主遇上黑牛👉🏼我選的雲呢拿忌廉梳打同朋友仔的朱古力雪糕可樂！🍨好玩好食又懷舊滿滿嘅drink......好一個完美的美味衝擊！🥊

馬鞍山其實有好食的西餐！😋佢可能會比馬友都忽略左，因為佢離馬鐵站都有5分鐘的距離，但係好抵食同出色！👍🏼先睇個晚餐餐牌，全部都係$100有找，仲要係餐的價錢，出面食個意粉，都坐底$100啦。雖然冇牛扒，但係都有威靈頓牛柳，都只係$128！出邊食過牛樓無返$200都落唔到樓啦，呢度真係好抵😻😻😻😻.龍蝦湯（推薦指數😋😋😋😋😋）呢個龍蝦湯一啲都冇偷工減料，因為真係好重龍蝦味🦞🦞同埋好濃！😱😱😱你係飲得出真係落足料去煮，淨係飲呢個湯都抵！完勝好多西餐廳的龍蝦湯。.脆炸軟殼蟹墨汁意粉🍝🦑🦀 （推薦指數😋😋😋😋😋）$88呢個又係要比5個😋，$88渣！真係去邊度搵咁好食又咁平嘅軟殼蟹墨汁意粉呀！啲意粉有淡淡的蒜香味🧄。隻軟殼蟹仲要好香脆同埋好大隻。佢仲落咗少少嘅蟹子，所以食意粉嗰陣時會食到卜卜脆，口感好特別。$88都唔會交行貨，佢仲有糯米小小嘅蟹肉😋😋😋😋😋😋.烤石斑魚柳配芥末籽燒汁 $88（推薦指數😋😋😋😋😋）呢個烤魚樓都係想推薦，首先個魚柳肌肉係比較實淨👍🏼，所以應該唔係我哋平時喺茶餐廳食開嗰啲所謂嘅石斑魚，舊魚本身應該係有質素🐠。咁當然佢都炸得好脆。依家重點反而係個汁度，個魚可以點三隻汁：1

WM Café and Bar (馬鞍山).男朋友住喺馬鞍山附近，見呢間西餐近近地而且價錢亦都非常親民！.⚜️忌廉龍蝦湯⚜️.好濃郁嘅忌廉龍蝦湯，比較creamy!.⚜️鹽烤帆立貝海膽汁意大利粉⚜️.意粉份量多，兩大粒帶子，但食唔出鹽燒過，意粉屬多汁.⚜️龍蝦汁海蝦蟹肉意大利粉⚜️.佈滿蟹肉碎，龍蝦湯龍蝦🦞汁睇黎都係呢到招牌之一.⚜️阿華田芝士蛋糕⚜️.呢個店員10分推薦，佢同我哋講佢哋有自家餅房，阿華田味道嘅東西好難抗拒！(⁎⁍̴̛ᴗ⁍̴̛⁎)————————————-味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️環境：⭐️⭐️⭐️⭐️.📍 WM Café and Bar (馬鞍山)馬鞍山鞍駿街15號雅濤居購物商場地下G01B號舖—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #WMcafeandbar