WM Café & Bar (雅濤居購物商場)

營業中

休息中

今日同小學同學食飯，大家都喺馬鞍山區長大，所以都喺附近搵下食。嚟到呢間西餐廳，見價錢OK,門面ok, 就入去嚕！餐廳裝修不錯，暗暗地，適合傾計談心。卡位空間好大不在話下，背墊又夠高，私隱度一流，讚！點餐後龍蝦湯同蒜蓉包先上，龍蝦湯雖然無肉，但個湯好濃味同creamy, 蒜蓉包上台仲熱同脆！我叫咗鹽烤帆立貝海膽醬意粉，可能加咗海膽醬嘅關係，成碟粉會比較濕，但係有帶子同海膽醬，的確非常鮮味！朋友叫咗脆炸軟殼蟹墨魚汁意粉，見到嗎？真係成隻軟殼蟹嘅形狀出咗嚟，呢碟粉明顯比較乾身，墨魚汁顏色唔係好深，但係食落味道都啱啱好，亦都防止食到成咀都黑色。軟穀蟹炸得都幾脆，味道都唔錯。聽講係呢度嘅招牌菜之一飲品方面叫咗荔枝蜜桃梳打同埋香茅檸檬梳打，成件事非常完滿

今日得閒，約埋老友記，試新餐廳，早排開車經過，這間餐廳，門面裝修黑色為主有點特別，經常見人排隊等候入座，今日不用返工，特登早啲走嚟試午飯🥣12:15到門口，門口接待員，熱情有禮帶領我們到卡位，入去裝修以啡色為主，更有我喜愛英式啡色窩釘梳化🛋️，而且座位十分闊落，整體裝修也有點懷舊感覺！不是一般茶餐廳感覺！Set lunch 也許多款式選擇，我們叫了1)鹿兒島黑豚西冷配北海道檸檬海鹽吼雞意粉🍝上碟，熱辣辣，海鹽烤雞扒，好味香脆，西冷扒厚肉，意粉硬度，適中👍，啱我口味😊還大大碟2)全天候早餐配烤多士朋友說，也很好味😋，全部新鮮熱辣辣上，竟然有兩隻太陽蛋，兩條好味豬肉腸3）餐湯忌廉龍蝦湯未飲，已聞到很香龍蝦🦞味，飲落香濃龍蝦湯，真想要求送多碗來😂凍檸茶 ok凍奶茶🥤，奶多了一點服務員熱情介紹，藍妹芝士蛋糕🍰，可惜我們食得，太飽了！下次一定要試吓！最後食了$124 好抵食，下次一定再來！

HOME OFFICE進入尾聲，家下在屋企日做夜做，有時真係好頂唔順3餐都仲要在屋企食。所以最近都冇再叫外賣，而係落街食下野同行下。因為做得太夜了，所以但求就腳，就在樓下的西餐食晚餐。都好一段時間冇來了，呢到依然都KEEP得好整潔乾淨，令人入到來都安心同坐我得好舒服。呢段時間，而且都比較夜了，人就少D.因為太肚餓了，打仗咁我飲左個餐湯同多士，就急急食呢個好香忌廉味的意大利卡邦尼意粉喔。流心蛋卡邦尼意大利粉$68份量好多，而且麵質好好，夠爽，仲有好重既芝士味，一入口就醒曬~HONEY就叫左呢個好特別既鹿兒島黑豚西冷配檸檬帶子青蘋果絲$98~酸酸的汁夏天真係幾開胃~而且個豚肉都好林，的確係幾獨待既菜式。好肉又有大大粒帶子，好豐富的一個餐~飲品有百香果SODA，我就要左杯朱古力咖啡。好美的拉花呢，想不到就在樓下都可以食到咁高質既西餐，真係滿足的一晚。

HAPPY FRIDAY, 約下朋友聚下，就在她工作的附近找個好地方坐下食下野。呢家WM其實都好像開左一段時間，通常都只行過，今次終於有機會去食下。入到去環境都好企理，俾人感覺好乾淨同RELAX，好喜歡呢個綠油油的FEATURED WALL, 令人好舒服，影相都好靚。叫左兩個SET DINNER, 都有餐湯同飲品的。今晚有龍蝦湯，好香濃的西湯，配上脆脆蒜客多士，比起一般餐包，真係好食太多了。主菜首先來了烤石班魚柳配芥末籽燒汁$88，魚柳好厚，有口感。而且燒汁有淡淡芥末味，開胃的呢~底有牛油薯容，好味~!脆炸軟殼蟹墨汁意粉$88，激讚呢~意粉炒得好香，重重的蒜香味我至愛，另外主角軟殼蟹脆卜卜〝好新鮮~!餐飲只要加$13元，就可轉特飲，天氣咁熱真係好想飲D童年消暑回億冒黑牛~~~~~哇，真係好耐冇係餐廳飲過了~超開心~朋友就叫左PINA COLADA，椰香飄飄~迎接快樂的周末~~~~CHEERS~

今晚嚟馬鞍山同朋友食飯，佢建議食呢間WM cafe。離新港城都近，馬鞍山站落車，大約行咗5分鐘。我哋都算早食飯，七點前嚟到唔使等位🤓🤓Set Dinner 都幾多選擇，而且價錢都唔貴！揀咗個流心蛋卡邦尼意粉$68跟餐仲有蒜蓉包同埋忌廉龍蝦湯😍係我最鍾意飲嘅西湯😚😚蒜蓉包幾香脆，呢個價錢有龍蝦湯都唔錯，好濃郁，有龍蝦肉絲，唔似係罐頭湯煲出嚟👍🏻👍🏻個意粉賣相唔錯，好大碟，分量十足！煙肉有輕輕煎過，個流心蛋真係流出黎架😍😍😍係出面食過類似既都要成舊水，呢到真係好抵食！烤石斑魚配芥末籽燒汁$88石斑魚煎得好香，都有手掌咁大條，面頭脆脆地好好食，薯蓉夠綿滑，而且芥末籽都唔平，用料講究👍🏻😏見到啲蛋糕整得幾精緻，跟餐可以加錢食，我哋就加咗一件榛子朱古力蛋糕。餅底都有朱古力，朱古力味唔會太甜啱啱好，中間嘅海面亦都好鬆軟，好食！😋😋餐廳坐得好舒服，服務又好好，不停幫我地斟水😆見到佢嘅下午茶餐都好吸引，好抵呀，下次可以再嚟幫襯👍🏻

今晚約左朋友係馬鞍山食飯，想食下西餐於是就去左呢間wm cafe😛😛外面望以為係小店，但一入去就覺得間cafe好大，枱同枱之間又唔係話拍得好埋，所以整體感覺都好舒服😊😊我地order左兩個dinner set,佢既價錢都好貼地😛👍🏼 前菜係龍蝦湯同面包， 龍蝦湯有啲龍蝦絲都算足料，面包雖然冇烘但點啲湯食都幾夾😛👍🏼脆炸軟殼蟹墨汁意粉（8/10）：蟹整隻上夠足料，脆卜卜熱辣辣， 正！個意粉炒完比較乾身，唔係個啲creamy既墨魚汁意粉，但炒上黎都幾香口，係另一番風味😋鵝肝鴨肉意大利飯 （7/10）：鵝肝煎得都幾香，個意大利飯係creamy 既， 仲有好多芝士，不出黎會有拉絲既感覺😛🤪份量都好大👍🏼👍🏼整體黎講，食物都唔錯，坐得好舒服，小聚又多個選擇啦😉😉

話曬都係馬鞍山人，平時見到呢間餐廳外表都裝修幾靚🔆以為一定係貴價西餐廳，估唔到今日親身一試先知原來又平民價🤤又好食晚餐嘅西餐，岀面食真係平均都一百左右Dinner Set又平又多選擇忌廉龍蝦湯😍唔會太creamy，香滑龍蝦味道，平時岀面龍蝦湯一定要加錢/貴，好少真材實料👍🏻不過如果餐包會整熱先上會更好🤭$68流心蛋卡邦尼意大利粉份量十足🤔唔似貴格餐廳又貴又唔飽🍴但呢個味道絕對唔會輸蝕貴西餐，性價比十分高，比較偏向港式味道😚脆炸軟殼蟹墨汁意粉🍝 $88哇😆咁大隻軟殼蟹，竟然$100都唔使，仲要有蟹肉、蟹子，十分豐富，配料還有蘑菇及青椒，味道適中套餐包括飲品，可以加錢轉其他特飲意猶未盡，可以一試自家製蛋糕甜品🍰以上是mix berries味道，中間有士多啤梨🍓，套餐加$12

估唔到馬鞍山有一間性價比咁高既cafe。店內環境好靚，衛生好好，坐得都好舒服，完全唔迫。餐具亦好清潔，食得好放心。餐廳出菜好快，侍應都有禮貌。我地叫左個lunch， N餐 WM all day breakfast with toast。68蚊 特別要讚下太陽蛋整得好靚好好味，好大粒好大份。K餐係 鹿兒島黑豚西冷配北海道海鹽檸檬烤雞 配薯菜。 非常推薦呢個餐，西冷極完全冇雪味亦好淋，當日烤雞冇貨比左炸雞，估唔到都超好味，甜甜地酸酸地又辣辣地咁，好開胃。凍朱古力都係推薦之選。

WM Cafe & Bar 馬鞍山收工入左馬鞍山搵食商場內門口比路邊的門口吸引一片綠牆以揀龍蝦湯或者番茄湯龍蝦湯超好飲十分濃郁，嗅覺味覺全滿足！烤石斑魚柳配芥末籽燒汁魚柳烤後面層微脆，肉身雪白豐厚，每口都是啖啖肉。煎得好好唔會乾身肉質嫩魚肉細嫩多汁不乾身，調味不重WM威靈頓牛柳 超驚喜威靈頓牛名菜，賣相亦吸引外層酥皮焗得金黃鬆化牛油香酥皮包著牛柳，中間有蘑菇醬夾層牛肉嘅味道都好突出牛肉嫩唔乾，無overcook薯蓉唔會係粉開有薯粒，味道很不錯威靈頓牛柳必試充滿空間感位置好闊落，坐得頗舒服，而且環境亦算衛生潔淨。

星期五嘅夜晚，食店再現滿客情況，隨着疫情緩和，很多市民更有信心出街用餐。這一日，我哋放工之後嚟到依間馬鞍山住宅區中嘅餐廳。望落去都幾舒服。夜晚來講，食物同價錢都相對幾抵。我哋叫咗兩個晚餐。先來的是龍蝦湯，好少在餐廳餐湯飲龍蝦湯，想不到味道非常濃郁，而且仲有少少龍蝦肉。跟湯配上嘅蒜蓉包都幾香口好味。第一份主菜終於上枱啦！意粉好彈牙，配合埋醬汁好好味！好少在餐廳食到彈牙嘅意粉，較有咬口。軟殼蟹外皮嘅炸漿好薄，炸得好香脆。另外一份晚餐我哋點左意大利飯。今次嘅意大利飯粒粒飽滿，好煙銀，醬汁包得好均勻。鴨肉份量好多，鵝肝嘅油香好甘香。另外我哋點左餐飲，當中凍朱古力上面加咗忌廉，同埋佢係牛奶味好濃，好好飲。餐廳質素不差，難怪咁多客人。下次經過呢邊再會考慮來嘗試😊卜

今日同屋企人嚟到馬鞍山行街購物，好想食西餐，就試吓朋友推薦嘅呢間西餐廳試吓，就係呢間WM Cafe！我哋特登早少少嚟唔使排隊，因為朋友話呢間餐廳一到晚餐時段就好多人，我哋今日下午6:30就到左～真係啱啱好啊暫時仲有好多位。疫情期間最緊要睇吓間餐廳嘅清潔度，望落非常企理乾淨！枱同枱之間亦隔開左一段距離，食得好安心。呢間唔係一間好普通嘅一間西餐廳，見到佢哋喺酒類方面都非常講究，有好多款唔同嘅酒，mocktail。唔飲酒嘅我哋都有好多款唔同飲品嘅選擇。非常吸引！我哋叫咗一人一個晚餐，有湯有嘢飲，好豐富。最鍾意咁樣一 set set嘅晚餐呀！首先當然係飲咗湯同埋餐包先啦！是日餐湯有得揀蕃茄湯或者龍蝦湯，超愛飲海鮮湯嘅我哋，梗係嗌龍蝦湯啦！龍蝦味超級超級濃郁好正，完全唔似平時嘅餐湯，好高質😋之後上嘅係烤魚柳，外層非常非常脆，好香口，入邊嘅肉又超級嫩滑😱唔係講笑，真係好好食！$88食到呢個質素，超值！之後就黎到我好期待嘅威靈頓牛柳啦😊呢個威靈頓牛柳上碟時已非常吸引，切開就見到好靚嘅牛肉😍好正呀，酥皮加埋牛肉嘅感覺層次好多，仲要熱辣辣，配埋薯蓉真係好Perfect！好有誠意的一道菜！最後當然叫埋佢哋

難得喺馬鞍山都搵到一間環境雅緻嘅西餐廳，佢哋跟足衛生要求入去時都會探熱、同隔離枱亦會保持距離，食都食得安心啲。我同屋企人每日嗌咗個set dinner， 威靈頓牛扒同埋燒帶子青蘋果厚切豬鞍。 其實喺香港通常都係食西冷牛扒，比較少見到咁特別嘅威靈頓牛扒，當然要試一試啦！另外值得一提既係佢餐前嘅包唔係普通餐包，係意大利式嘅一片脆包，可以用嚟點湯食。酥皮嘅外層包住七成熟嘅牛扒，感覺好特別亦唔會煮得太熟，咬落去牛味濃得嚟又唔會太硬。不過份量唔係好多，如果你食量比較大可能就唔夠喉喇。另外個帶子豬鞍其實年半你都放得好靚好有心機，青蘋果食落去出奇地同豬鞍好MATCH，最緊要係豬肉食落好juicy，唔會係乾爭爭硬柴嗰一種。整體嚟講環境舒服，嘢食分量雖然唔多，但係味道好

今晚約咗朋友係馬鞍山食飯，呢間餐廳之前都有食過，所以今日再幫襯，入去時職員都有為我地量體溫同提供搓手液服務，而且侍應個個都有帶口罩，餐廳環境亦好乾淨，真係食得安心又放心。👍🏻餐廳既餐牌成日都會更新，所以我耐唔耐就會黎幫襯，今次有十款Set Dinner，最後叫咗脆炸軟殻蟹墨汁意粉同 WM 威靈頓牛柳。蕃茄湯 (餐湯) : 蕃茄味濃得嚟之剩一啲都唔杰，而且重有茄肉食到添。忌廉龍蝦湯 (餐湯) : 龍蝦湯唔係人人都鐘意，不過我就超鐘意喇，如果加埋酥皮既話重正，呢度既龍蝦湯雖然無酥皮但係都唔錯，加咗忌廉飲落滑口，而且味道濃郁。脆炸軟殻蟹墨汁意粉 ($88) : 份量好大碟，軟殼蟹上面重有蟹肉同蟹籽襯托，軟殼蟹夠大隻啖啖肉 😍 墨汁意粉一啲都唔膩，而且帶點蒜香味。😋WM 威靈頓牛柳 ($128) : 有薯蓉同雜菜做伴碟，酥皮焗至金黃色，口感鬆化，而內裏既牛柳肉質粉嫩，而且牛味濃郁。忌廉黑牛梳打 : 好耐都無飲過黑牛喇，以我所知重有白牛、紅牛、黃牛四隻牛牛，不過最得我歡心既係黑牛 😋 朱古力雪糕加可樂，完美邪惡配搭。薄荷青檸梳打 : 好香薄荷葉味，飲落有種清新脫俗既感覺。

呢個舖位上一手都係西餐廳，食物質素普普通通，轉手之後裝修就無乜點變，餐廳本身舖位大，卡位好闊落，坐得都幾舒服，而食物掂唔掂就要試過先知。雖然有幾間分店，但呢間主要做街坊生意，雖然價錢係區內唔算平，但比起普偏西餐廳算係相宜，晚餐百零蚊樓下，有餐包、湯、主菜同啡茶，算係咁。🍴忌廉龍蝦湯龍蝦湯都算濃，仲有幾條龍蝦肉過下口癮，但爭少少鮮味，同忌廉撈勻之後都幾濃稠，飲落去尚算順滑。餐包韌左少少，點下湯先食較好。🍴WM威靈頓牛柳 HK$138份量唔算大，表面金黃，酥皮焗得還好，唔會成口粉。皮肉之間ge醬稍薄，食到蘑菇味同帶酸ge芥末味，但就缺少左鵝肝醬同火腿，唔夠鹹香。牛柳無過老，夠腍好易切。138蚊就食到英國名菜，如果如體驗下不妨一試。🍴鹿兒島黑豚西冷配檸檬帶子青蘋果絲 HK$108帶子表面煎得幾香，入面夠腍無過火。黑豚西冷都煎得幾靚，切落去結實，咬落去唔韌，肉略呈粉紅，黑豚肉唔洗全熟，豬味幾香，我鍾意呢道黑豚西冷多過牛柳。薯蓉雖然唔算綿滑，但粗糙口感都幾好咬。🍴即磨咖啡隻杯幾靚，原來係意大利百年老牌Caffè Barbera，但因為我未飲過呢個牌子ge咖啡，所以唔肯定係咪用佢d豆，飲落幾濃，偏

今天入泥涌玩航拍，住馬鞍山的朋友仔介紹我試呢間西餐廳🍴餐廳很大很乾淨，防疫做得很好，因為很大，枱和枱隔很遠，隔離做得十分之好！呢度既餐會跟龍蝦🦞湯或蕃茄湯龍蝦湯十分香口，好有龍蝦味送湯既包有香香既辣椒乾，有辣椒香，但唔辣既，好好食。包一杯野飲，凍飲+$4薯菜+$8自家製甜品+$12甜品十分之吸引，我地試左個紅莓芝士蛋糕，酸酸甜甜的，一啲都唔溜，非常之好食😋我地叫左佢地招牌WM威靈頓牛柳 $128牛柳酥皮整得好靚，薄薄的好香口，包住牛肉汁唔好俾佢流失，啖啖牛肉香氣，牛柳十分之香軟，入口即化，拌碟有一行酸酸的鹽，很好吃，好特別，墊底既薯蓉唔油膩，仲夾雜左薯仔粒，口感和味道都十分驚喜。配菜有西蘭花同蕃茄，煎得香香的，很好吃😋另外點了一份，鹿兒島黑豚西冷配檸檬帶子青蘋果絲配了蘋果是十分清新，檸檬帶子十分之鮮甜，鹿兒島黑豚西冷爽脆可口，而且十分之特別。唔係住呢頭既朋友仔應該唔會特登入黎試，所以我介紹一下泥涌，馬鞍山站A出口，馬鞍山中心樓下就有巴士站，坐99號巴士十分鐘車程於泥涌站下車，有指示牌指示泥灘方向，行一分鐘就見到目的地，當日都有幾個人玩航拍，泥涌有天空之鏡影，亦有一條石路可以行出海影相，