WM Café & Bar (雅濤居購物商場)

營業中

休息中

平日都好多人食呢間👍🏻係附近比較精緻嘅西餐廳👍🏻烤西班牙伊比利亞法式有骨黑毛豬扒配檸蜜胡椒蘋果蓉 $188個名好吸引，有豬扒、薯蓉、蘋果條、四季豆、甘荀，好豐富呀！雖然有骨但食落去已經去骨👍🏻龍蝦汁海蝦蟹肉意大利粉 $82份量好多👍🏻海蝦好多👍🏻size中等男人食都一定夠飽👍🏻👍🏻升級set仲有餐包、餐湯、飲品同甜品👍🏻📍 WM Cafe & Bar 馬鞍山鞍駿街15號雅濤居購物商場地下G01B號舖

前幾日喺馬鞍山行完山，就搵吓市中心有咩好食。上網見到馬鞍山有呢間西餐廳，啲評價好似唔錯，所以就嚟試吓啦。呢度環境幾闊落，位同位之間既距離都幾多，疫情期間喺度食都好安心，因為唔會覺得附近嘅人啲飛沫傳到過嚟，加上感覺上呢度環境都好乾淨衛生。餐牌上面有好多選擇，意粉同飯普遍價位都係100左右有找，相當親民！我哋叫咗一個軟殼蟹墨汁意大利粉仲有一個美國安格斯肉眼扒，兩個都係套餐，有餐湯、飲品仲有個甜品。餐湯方面，我叫咗個番茄湯，朋友就叫咗個龍蝦湯，我比較鍾意龍蝦湯！啲龍蝦嘅味道都幾濃，幾香，感覺好足料！肉眼扒到咗啦！都好大塊，雖然冇我想像中咁樣係厚身嗰種，不過呢隻食落肉質都唔錯，牛肉味幾香！而我嗰碗墨汁意大利飯，真係超級足料！份量好多！感覺上可以兩個人食都飽，墨汁嘅調味好好，好惹味，意大利飯嘅口感校得啱啱好～真係幾好味！最後甜品係朱古力醬香蕉pancake ，係crepes筕，我就最鍾意食朱古力味crepes，啱晒我口味！另外佢杯黑牛都好正，飲到尾仲有朱古力粒既口感，好足料！唔會變淡曬！呢度嘅店員服務態度好好，態度親切，值得一讚

今日雖然疫情冇咁嚴峻， 但係都阻唔到我揾好嘢食嘅決心 ，一入到去餐廳，衛生都做得十分之好，張枱都好乾淨幾企理， 今日心情十分開心咁當然大擦一餐，我哋叫咗以下:蕃茄湯&龍蝦湯： 因為我哋叫咗兩個set所以就有兩款餐湯， 龍蝦湯整得都幾好飲， 因為佢呢個湯整得拮拮地， 同埋我都食到有一啲龍蝦肉喺入面 ，所以呢個要加分。 蕃茄湯最特別之處就係佢的放咗好多蕃茄肉喺入面，唔似係出面街啲罐頭湯咁樣 ，所以兩個湯我都幾滿意。Wm馬賽虎蝦海鮮湯配會意大利飯: 呢個意大利飯都幾豐富，因為佢有多種海鮮喺入面 ，有魚、大蝦、青口、蜆同帶子， 佢個湯有我最愛食嘅番茄係入面 所以食落去啲海鮮嘅鮮味同埋蕃茄嘅鮮味 都係我口中滲透曬出嚟。美國極階級安格斯大草原自然牛肉眼配燒牛肉汁: 呢塊牛扒一上到枱已經香噴噴 ，個肉眼扒其實非常之juicy, 雖然我叫咗七成熟但係啲牛肉嗰啲肉汁都流曬出嚟， 如果大家叫牛扒嘅話大家可以點下去少少少汁，因為夾埋個汁我覺得令到成塊扒啲鮮味出曬嚟， 亦都可以加少少鹽嚟食，食落特別有風味。 而我食埋佢個薯蓉都已經飽曬lu。我同朋友叫咗忌廉黑牛梳打 & 荔枝蜜桃梳打， 杯飲品調教得唔錯，下次都

最近都習慣咗外賣，今晚都外賣啲好嘢，返屋企同屋企人一齊食馬鞍山呢個美食荒漠嘅名稱，逐漸有改善，無意間俾我發現到呢間都幾高質嘅西餐廳，最主要係佢性價比幾高，入面嘅菜式，仲要係貴有貴食，平有平食添！而家外賣自取做緊優惠價！唔係講笑，呢袋外賣真係可以令你變大隻，因為真係好重，夠晒大份㗎！未打開盒，可能你覺得平平無奇打開盒子後，你會覺得不得了！就算只係外賣，佢嘅賣相同埋配套一啲都唔馬虎！今晚我哋3個人食，真係擺嘢食擺到成枱都係😆嚟緊真係每樣我所揀嘅菜式都介紹俾大家，大家真係睇真啲啦我先介紹今晚嘅主菜，第一個有最貴，亦係最吸引嘅 $189 烤西班牙伊比利亞法式有骨黑毛豬扒配檸檬胡椒蘋果蓉！只係個名都夠霸氣，重點就係呢一件有骨嘅黑毛豬扒，一打開盒，都幾有驚喜，因為夠晒大塊，佔咗成個餐盒嘅一大半部份，而且佢嘅賣相都好吸引，外層煎得好靚，金黃色嘅佢，同旁邊嘅薯蓉及椰菜花等配菜，形成咗一個對比食起上嚟一啲都唔困難，因為佢嘅火候控制得好好，入面有肉汁流出之餘，口感比較林，一啲都d韌，確實做得幾好，亦都有佢賣得咁貴嘅原因！另一個主菜就有 $89 脆炸軟殼蟹香蒜魷魚圈墨汁扁意粉，同樣地炸得金黃色嘅軟殼蟹，同下

今日行經馬鞍山比野人,友人介紹依間餐廳。 估唔到無介紹錯店內環境清潔,牆壁放上綠悠悠的logo 讓人有種置身田園輕鬆感覺,而且價錢抵食又坐得舒服蒜蓉多士配龍蝦湯個湯鮮甜之外仲散發出濃郁龍蝦味,淋上奶油飲落更creamy亦增添美感另蒜蓉多士脆身之餘仲有蒜蓉牛油香西冷牛扒配意粉牛扒大塊更顯份量十足,而且煮得啱啱好,塊扒幾juicy,唔錯意粉配上黑椒汁撈埋食,好好味。

馬鞍山優閒下午茶之選，乾淨丶舒服丶唔太嘈丶唔迫丶唔趕丶唔貴丶唔洗等位，味道好，塊豬排真材實料。只係覺得全個包太厚，塞唔入口。比起以前嗰間要儲單，真係好好多，固唔到係集團。

係而家咁多西餐入面亦都有分高中低嘅價錢咁當然好多時都係一分錢一分貨， 但總有例外有啲餐廳就以一個平民啲嘅價錢但食到嘅質素就幾令人印象深刻，講緊嘅就係位於馬鞍山嘅呢一間WM Cafe入到去個裝修非常雅致，柔和嘅燈光令到個氣氛更加舒適享受，距離冇幾遠就會見到有個雪櫃而裏面就係包含幾款唔同種類嘅甜品例如蛋糕賣相都已經好出色所以預期都係一間幾有水準嘅西餐廳。首先要推介一下龍蝦湯，顏色夠曬深潤而且濃郁度非常高，當然唔少得就係一粒又一粒嘅龍蝦肉，絕對係作為一個西餐嘅好開始。至於餐包都係幾特別，唔係普通發包或者係牛油軟包而係有莓果成份嘅小麥包，好處就係唔需要用牛油添加味道本身已經有紅妹味再配合小麥味咁就已經可以當係飲完湯之後清新一下個口。主菜我就要左西蘭牛扒配意粉，牛扒嘅份量都幾大視覺上真係幾滿足，厚度亦都係偏向適中，就絕對唔係茶餐廳嘅級數。意粉就要配合黑椒汁或者燒汁嘅滋潤就會更加有層次感，我欣賞意粉唔會煮到過熟而變得軟林林，呢一點真係要稱讚一下至於飲品就都要試吓呢一度比較招牌嘅朱古力，上面當然要鋪咗一層嘅cream再加上七彩繽紛嘅朱古力針，濃到都係合格有餘，得益上面層cream嘅配合令到口感更加綿

好日唔埋都唔會去一次馬鞍山，今次入到黎馬鞍山探朋友，睇吓附近有啲咩好食嘅餐廳可以試吓，就嚟到W M Cafe and Bar 食下午茶。之前都有去過W M Cafe and Bar 食過晚餐，但估唔到原來下午茶呢系會有T set，而且仲係超平超抵食， $138 兩位，包埋嘢飲，真係抵到爛。唔好睇佢一間普通嘅Cafe仔，做出嚟嘅T set都唔係求其㗎，鹹食嘅有煙三文魚，番茄沙沙多士，忌廉雞肉撻，迷你巴拿火腿芝士牛角酥。而甜食嘅又有意大利芝士餅，蘋果脆脆餅，意式奶凍，朱古力莫士蛋糕，馬卡龍。小小的生陈T set，真係啱晒我哋女仔打卡啊，而且食落嘅味道都係食得出好質素嘅食物，我特別喜歡這個蕃茄莎莎多士，多士趣卜卜又酸酸甜甜咁好好味，又好鍾意這個意式奶凍，同埋巴拿馬火腿芝士牛角酥，真係食得出餐廳嘅良心㗎。再嚟兩杯拉花咖啡，真係連杯咖啡都拉得特別靚，咖啡上的愛心圖型看得出咖啡師是在拉花上面有技巧的。呢度嘅環境坐得都好舒適，不會太嘈吵而位置都坐得好開，適合朋友嚟閑聊，食返個下午茶真係好唔錯呀，住馬鞍山嘅朋友就可以試吓嚟呢度食野啦。

行經馬鞍山，由於比較少去，所以見到這間餐廳就隨意入去試下。裏面環境寬敞舒服，侍應服務不錯，有禮貌。午餐時段，叫左一個香煎牛柳配紅酒汁，同埋一個WM All day breakfast.兩個餐都有跟餐湯和麵包，估唔到個龍蝦湯味道唔錯，個蕃茄湯就偏酸左少少。牛柳賣相一般，不過味道好，保持到牛味和肉質，算唔錯。All day breakfast 的賣相也算不俗（我見過同類價錢不過擺盤勁差的），裏面的配搭中規中矩，味道幾好。反而，要讚一讚的是餐廳自家製甜品，檸檬cheesecake,好清新！藍莓cheesecake 亦不錯。

假日訓到十一點幾,跟住去位於雅濤居既WM CAFE & BAR食午餐,午市係相對抵食既,出示指定既住戶證更可以享有九折。叫左兩份午餐（1）燒汁西冷牛扒配意粉+龍蝦湯+凍檸茶意粉煮得啱啱好,唔會太淋身,符合基本要求,西冷牛扒醃得入味,烹調時間剛剛好,又唔會太生或者太韌, 配上燒汁,口感同味道都加哂分美中不足係成碟野唔夠熱,呢點要改善一下！（2）安格斯牛肉漢堡配薯條+龍蝦湯+凍檸茶漢堡包既皮煙韌既,但我個人唔係太鍾意,牛肉有d乾身同唔夠多肉汁,較為薄切,蘑菇份量少又冇乜味,生菜正常又冇乜特別,成個包又得好小醬汁,整體感覺麻麻地,反而本人比較喜歡其他連鎖快餐店既安格斯牛肉漢堡包。龍蝦湯個湯幾重味,夠香濃既,不過入面冇咩料,個人覺得有dd龍蝦肉會好些,有d 咬口嘛!總括而言,呢間野普普通通,不過不失,但係性價比ok!

約左朋友馬鞍山聚舊，又想食下西餐就揀呢間餐廳外賣啦，因為外賣拎番朋友家食，所以都唔會揀牛。❣️忌廉蟹肉龍蝦湯返到屋企，友人再翻熱一下個湯，龍蝦味好香濃好突出，有鹹鹹嘅鮮味，而且仲有一粒粒龍蝦肉❣️WM馬賽虎蝦海鮮湯配燴意大利飯因為外賣，餐廳都好細心將白飯同汁係分開2盒，咁個飯就唔會浸到淋曬，而且仲好多海鮮，包括青口,帶子,龍脷柳,蜆，仲有大大隻虎蝦，隻蝦係彈牙同唔晦，好足料呀❣️烤西班牙伊比利亞法式有骨黑毛豬扒配檸檬胡椒蘋果蓉估唔到外賣個豬扒都可以咁好食，一食就食得出係靚料，蘋果蓉仲夾雜住一粒粒蘋果肉，甜甜地可以中和豬扒嘅油膩感。豬扒好厚，但一D 都唔鞋口，雖然係外賣，但依然都仲可以保留到肉汁，絕對唔輸比D 靚牛扒。另外，個扒仲配有薯蓉，都好飽肚❣️朱古力心太軟朱古力味好濃，但又唔太甜，外脆內軟，而且個SIZE細細個，唔會食到膩曬❣️熱情果,菠蘿芝士餅估唔到波蘿配芝士係咁出色。少少嘅酸味可以中和芝士蛋糕嘅濟膩感覺，食完都唔會有罪惡感。芝士好濃郁，而且綿密，係我嘅大愛雖然餐廳好忙，但樓面姐姐依然好NICE 好有禮貌，而餐廳要處理咁高流量嘅外賣單仲可以保持食物質素的確值得一讚👍🏻宜家外賣晚餐自取有7

去左馬鞍山諗去遊下車河入西貢， 先食個午餐， 我地兩大一小， 很好有BB櫈， 而係內在環境乾淨又闊落， 感覺好放心我叫左個烤燒紐西蘭西冷牛扒配紅酒燒汁飯(五成熟), 西冷牛扒剛剛好， 好軟而且多汁，烤燒做到剛剛好5成， 唔簡單，。我同朋友都大讚好食(我分左兩舊比佢) 另外我朋友就叫左全天候早餐(All-day breakfast), 大大份， 蛋都有兩隻， 我食all-day最留意係d菇， 因為一食菇就睇得出餐廳用料( 菇靚唔靚味道爭好遠), 佢既菇係香口多汁， 而係配埋牛油多士一家夠飽另外不得不提餐湯， 我既係龍蝦湯， 我估唔到細細間西餐廳都有龍蝦湯叫， 仲要真係有龍蝦肉， 好飲最後見有時間， 試多兩個甜品， 叫左一個檸檬蛋糕同一個藍莓蛋糕， 藍莓個款不過不失， 檸檬蛋糕好味， 有檸檬香味好易入口總括食物性價比高， 環境衛生乾淨， 值得一試

👍重點推介：龍蝦餐湯極之濃厚我哋今日分別試咗兩個唔同嘅Lunch set：1️⃣雙層檸檬烤雞配香辣炸雞漢堡一上菜便給那大份量嚇倒，檸檬烤雞香味十足，配上新鮮炸香辣炸雞， 滿足口感嘅享受。2️⃣香煎豬柳配檸檬海鹽烤雞，香味四溢，猶如吃鐵板餐一樣。豬柳和雞肉口感嫩滑，肉質新鮮餐廳地點方便，入面環境舒適，乾淨企理。午餐經濟實惠，人均$60左右另外，轉凍飲不用加錢，值得一讚🥰今日晏晝食到咁飽，晚餐應該又慳返。

今日去咗馬鞍山附近嘅一間西餐廳食嘢！見到門口好多人排隊搞到我都想趁下熱鬧因為睇落都好乾淨棋企理！入到去坐低都覺得周圍都好乾淨！令到減少衛生問題嘅擔心午市嘅Menu都有好多選擇！好多都好吸引，不過我就揀左 all day breakfast 🍳 咩都有啲好似好滿足咁再加左一份沙律，沙律原來有ham 跟！好驚喜同埋開心午餐跟龍蝦湯同埋餐包，個龍蝦湯好好飲，再點埋嗰塊包食真係好正加咗雞翼做小食，雖然唔係好大隻但係呢個價錢來講都唔錯呢個係有人揀嘅豬扒雞扒意粉，朋友都話好好味😋而且仲有配菜，覺得好全面我嘅寶貝嚟啦！一上枱就覺得好正 at leadt係賣相好好！而且真係咩都有啲呢度我好欣賞佢嘅菜嘅煮法唔多油！而且其實overall都幾大份蘑菇幾香，炒過嚟，但係唔會多油同埋嗰粒太陽蛋煎得好靚之餘又有厚度！good 呢度坐得舒服，又乾淨所以呢個情況嚟食都唔怕

今次嚟到馬鞍山區食西餐，估晤到平民價錢，有呢個質素五十幾至六十蚊嘅價錢邊到揾牙💛WM西柚柚子巴馬火腿煙三文魚沙律 $54 個柚子汁酸配甜甜好醒胃！個parma ham 同個沙律好夾，三文魚分量都算多，抵食💛香煎牛柳配紅酒燒汁$66牛柳要讚，好淋無筋，紅酒燒汁配意粉出奇地夾👍🏻💛Ice Latte 奶滑，咖啡味好濃，甜度岩岩好💛Ice chocolate 正，有好多cream ,朱古力味濃濃，飲完好開心總括嚟講好鍾意呢間餐廳，職員特別有禮貌，裝修好有風格，舖頭有一種好舒服好乾淨嘅感覺,臨走時仲見到晚餐有生蠔食,同有酒飲加上有好多抗疫優惠,下次你馬鞍山一定會再試食👍🏻👍🏻