WM Café & Bar (雅濤居購物商場)

營業中

休息中

今日下午係馬鞍山W M Cafe食下午茶，真係好失望。我哋嗌左個窩夫下午茶，同埋肉醬意粉set 同埋熱狗餐。個窩夫配果醬雪糕set，窩夫好淋，味道一般。之後嗰個肉醬意粉，肉醬味道係屋企整嘅完全一樣，煮意粉d水好似冇乜點隔，個碗底全部都係水，搞到成碗面味道好淡，失望。因為佢之前落留咗單，搞到個熱狗遲上。到熱狗上嘅時候，我哋發覺嗰啲薯條完全係凍。熱狗上面啲醬係用返啱啱啲肉醬，個包只係少少暖。總括而言，呢餐只係好似食咗啲嘢落肚，但係完全一啲都唔滿足。

Wm cafe 雖然唔係大街，但都人流不絕，做街坊生意都夠。今日去食個brunch, 兩個人都可以坐大卡位，真舒服。😊近排餐廳連口罩袋都有得比，真係衛生措施十足。明顯地店內都十分清潔。今日食個all day breakfast 加個肉眼扒，質素依舊地理想。All day breakfast 塊多士夠晒脆，每樣野都幾好，炒蛋又正，很滿意的all day breakfast個肉眼扒望落薄薄的，但切落真係做到五成熟既效果，肉質也不錯。最後無加甜品，因為真係太飽了

牛魔王的我，今晚很想吃牛扒，加上有長假期，輕鬆嘆下美國極佳級安格斯大草原自然牛肉眼配燒汁肉眼大件，肉質幼嫩，牛味濃郁，少許黑椒和鹽調味，輕易帶出本身牛香，薯茸滑身。忌廉龍蝦湯龍蝦味濃味，香滑順喉，忌廉令口感更幼滑；蕃茄湯有粒粒蕃茄，酸甜醒胃，伴上麥味甜包，香甜鬆軟。拿破崙三色腸扁意粉酸甜拿破崙汁好醒胃，沙樂美腸、司華力腸、香腸，各有風味，扁意粉彈牙又煙韌。朱古力香蕉忌廉薄餅（餐甜品）香軟薄餅，夾著新鮮香蕉片、香甜朱古力漿，夾著甜忌廉，香滑。凍朱古力頂層厚厚香甜忌廉，與底層朱古力，形成深淺色漸變色，朱古力味夠濃，好睇又好飲。熱檸檬蜜 清甜滋潤。環境乾淨，上菜快，職員有善，下次再來～

可以話對馬鞍山嘅餐廳瞭如指掌，話哂都住左十幾年~ 依間餐廳嘅前身都係一間西餐廳，定位就比較高。而今次依間同樣都係西餐，價錢就低少少，大眾化啲。用餐環境偏暗，帶少少工業風，衛生幾好，坐得都算舒服😌 夜晚嘅食物款式幾齊全，意粉，漢堡，扒，意大利飯個啲都會有，仲有自家製甜品可以加配添~-脆炸軟殼蟹香蒜魷魚圈墨汁扁意粉($88) 餐廳職員話依款比較多人揀。見到意粉上面有成隻手掌咁大隻嘅原隻軟殼蟹✋🏻外層炸得好脆口，但炸粉可以再薄少少~ 咬入去都多汁而且唔會腥🦀 墨汁意粉嘅蒜香味可以再重啲，同埋食食下會比較乾身。*美國極佳安格斯大草原自然牛肉眼配燒汁($248) 意粉另加$10~ 生熟程度可以選擇5/7成，冇3成嘅？因為塊扒偏薄所以比較難做到三成。牛扒就應該用pan去煎並非grill，因為冇grill mark，香味始終爭少少🤣 size就幾大塊，肉質幾嫩易咬開，叫左七成入面仲keep到少少粉紅👍🏻 牛味算濃，但如果塊牛扒厚身啲會更開心🥳*咖啡芝士餅(+$18) 係餐廳自家製甜品。見廚窗嘅cake有四五款，加錢係正常件裝size嘅一半，所以有啲細個。咖啡味都算突出☕️ 幾有層次。*朱古力香蕉忌廉薄

今日好多野要做，是但係街行過見到間餐廳靚靚仔仔，乾乾淨淨，就入去快快吃了。蒜蓉包龍蝦湯同埋蕃茄湯。蒜蓉包好脆，係焗到乾身嗰種。一咬落口好鬆化，蒜蓉包有一舊冇咁多蒜蓉醬，另一舊就多啲。蕃茄湯同埋龍蝦湯嘅味道都好濃。蕃茄湯你會食到好重蕃茄茄膏味，完全唔係溝水溝到癲ge 嗰種套餐有埋飲品，我哋叫咗朱古力同埋凍奶茶。杯朱古力都幾有心思，有埋topping大啡菇牛油果大牛蕃茄漢堡配薯條素食人士都食得。個包有少少烘過，所以食落又香嘅口感，包面搽咗少少牛油，配埋蕃茄大啡菇同埋芝士。大啡菇幾多汁，因為個包太高身嘅關係，我分開嚟食。冇肉清清地。 有埋牛油果， 增加滑ge 口感.西冷牛扒配燒汁薯菜。50幾蚊都有一個西冷牛扒，都幾抵。牛扒有牛味，唔似茶餐廳落咗好多鬆肉粉嗰種。咬開都有肉汁，唔銀。牛扒仲會保留少少牛筋。唔洗只係食肉，少少牛筋溝埋啲肉，仲好食. 令口感更豐富。另外仲要多咗個雞翼。10幾蚊就有三隻。點可以唔加

📍馬鐵馬鞍山站行過嚟大概5分鐘🙆‍♀️朋友過嚟美食沙漠探我 (感動🥺) 話想搵度舒適d嘅地方坐低傾下計食西餐🍴我畀咗幾間佢揀, 佢揀咗呢間~ 朋友有少少潔癖, 好在呢間餐廳嘅衛生情況都幾好, 朋友表示滿意🤭💰Dinner sets from HK$69-$248 (+10% service charge) - available on weekdays only 📜 Includes Lobster Soup/Daily Soup, Bread, Main, Coffee/Tea, Dessert 🍲 虎蝦海鮮湯配燴意大利飯 (HK$158 set)🐖 烤西班牙伊比利亞法式有骨黑毛豬扒配檸檬胡椒蘋果蓉 (HK$188 set) 🍟 追加薯菜 (HK$8) - 都幾大碟‼️🥧 自家製咖啡芝士蛋糕, 焦香芝士蛋糕 (+HK$18@ upgrade)

今日去到馬鞍山探朋友，完全唔熟呢頭嚟到真係唔知食乜好，見到呢間餐廳門口靚靚哋坐得幾舒服又多事野揀就入咗去啦🤣🤣佢哋嘅套餐都有包餐湯同埋麵包，我哋揀咗龍蝦湯，味道濃郁，飲得出有龍蝦頭嘅鮮味👍🏻👍🏻雙層檸檬烤雞拼香辣脆炸雞芝士漢堡配薯條（$71）🍔🍔🍟🍟想讚一讚佢哋嘅炸雞係外脆內軟而且爆汁，炸得好好💦💦唔會乾，烤雞都有檸檬香味，雙層雞扒搞到個包超大個，連埋菜同芝士一啖咬落去好滿足😋😋😋燒紐西蘭肉眼扒配紅酒燒汁（$81）一上枱嘅時候哇咗一聲，因為塊扒超大塊🥩🥩足夠兩個人share食，口感七成熟左右，切開內裏係粉紅色，好味👍🏻😗🍖

開頭以為呢間都係普通餐廳，冇乜特別期望。入去食估唔到佢價錢親民，經濟實惠，食物都算用心製作。我哋叫咗兩個午餐，配餐湯。餐湯是日可以揀羅宋湯或忌廉龍蝦湯。羅宋湯味道夠濃郁，似舊式西餐廳嘅味道。忌廉龍蝦湯味道唔錯，幾creamy，有龍蝦鮮味。小店來講算整得唔錯。另配有一塊薄薄嘅法包，雖然超薄但係好脆。紐西蘭肉眼配薯菜，牛扒幾大塊，肉質夠林，配有紅酒燒汁。薯菜有薯條🍟薯條炸得香脆。另外一個揀咗BBQ手撕豬菠蘿芝士漢堡配薯條，呢個個BBQ味道唔錯，而且中間有菠蘿，所以唔會覺得太「濟」。飲品加配左特飲茉莉花青蘋果梳打及荔枝蜜桃梳打，味道偏甜，但都ok~埋單連加一$198，OK啦！

WM Cafe & Bar有幾間，今日就去咗馬鞍山嗰間悠閒食個brunch，環境舒適地方整潔。當然要試佢哋嘅WM全天候早餐配牛油多士，仲有紐西蘭肉眼扒配紅酒燒汁飯，及有兩個湯，另外叫咗一杯凍朱古力同埋一杯凍蘋果汁。😍全日早餐有茄汁焗豆、煙肉、 豬肉腸、黑松露炒蛋、沙律菜、多士、燒蕃茄、粟米、同埋蘑菇，種類好多，十分豐富。🤤食完依個早餐，全日都會精神曬。😆肉眼扒超大塊，而且好有牛味，而兩個餐湯都好濃郁，飲得出淆製咗好耐，而且有麵包提供 ，一啖包，一啖湯，感覺一流。而最後兩杯飲品，凍朱古力絕對係打卡之選，上面鋪滿cream忌廉，而且有色彩繽紛嘅碎朱古力，下次嚟馬鞍山一定要去WM Cafe & Bar。

位於馬鞍山雅濤居這間餐廳不算顯眼，但每次和老公想到吃牛扒、意粉、漢堡等，都會首選這間。無論是食物質素或者環境氣氛，這間西餐廳也做得不錯！有時也會叫外賣，折扣優惠後更便宜。不過，今天晚上，我們都想吃牛扒，那一定要堂食吧！美國極佳及安格斯大草原自然牛肉眼配牛肉汁：牛扒肉質鮮嫩多汁，五成熟實在剛剛好，既可嘗到牛肉的嫩滑質感，又不失牛肉本身的肉汁。加上秘製牛肉汁，提升牛扒的肉味更香更濃。還有，薯蓉具有濃郁的牛油香味，是很好吃的配菜。凍朱古力咖啡：十分欣賞這杯飲品，除了喝到濃郁的朱古力味，還有很香的咖啡味，忌廉甜甜的配合得很好的。

星期五當然想搵間好啲嘅餐廳去食飯慰勞自己啦！！ 朋友介紹咗呢一間，即管去踩下場先！！ 睇番餐牌都係正常價。下午茶仲有港女tea set供應！！餐包同餐湯都唔係一般例牌貨， 一開頭已經有驚喜！！烤西班牙伊比利亞法式黑毛豬配檸檬胡椒蘋果蓉～ 黑毛豬並唔新奇，但係見到佢配檸檬胡椒蘋果蓉就真係好想一試究竟！！ 果然冇令我失望 ，蘋果有解膩嘅功效， 而且非常惹味同個肉非常夾 。威靈頓牛柳～ 威靈頓牛最考功夫亦都花時間，要拿捏火候並唔容易， 見到牛柳仍然呈粉紅色狀態， 就知道牛柳依然嫩滑， 醬汁亦都夠濃味，夠曬惹味。朱古力香蕉班戟～ 一個完美嘅晚餐當然會有甜品喇～ 呢個香蕉班戟嘅係即時做嘅 ，熱辣辣，非常有heart.

呢晚同同事係馬鞍山見完客，所以就係附近食埋晚飯先返屋企，記得之前食過呢間西餐廳唔錯所以就帶同事再黎食。今次我地一人叫左一個dinner set，我叫左一個溫泉蛋卡邦尼意粉，同事就揀左一陣都諗唔到食乜好，最後侍應就介紹左佢試下呢度既威靈頓牛扒，話係呢度既招牌菜。Dinner set 包曬餐湯餐包同一杯飲品。呢晚個湯係龍蝦湯，個湯龍蝦味幾濃，好好飲。之後就上main course啦。卡邦尼意粉好有水準，好creamy，意粉個麵質好好咬，仲有份量唔少既芝士粉，成個配搭好出色！同埋個意粉都好大碟，食得好滿足！至於威靈頓牛扒，其實係唔少餐廳都有得食，但呢度個價錢就相當平民化，同埋份量都適中。至於味道就幾有驚喜，酥皮同入面既蘑菇汁好香，牛扒既質量都唔錯，不愧係招牌菜！最後我地仲叫左黑牛做飲品，平時啲餐廳都係個雀巢朱古力雪糕黎整，但呢度個雪糕竟然有朱古力碎係入面！超高質！食到好飽好滿足既一餐！

WM Café & Bar 我耐唔耐都會去食下，佢係間價錢平民化但有質素既西餐廳，今日就約咗朋友仔係果度食 Dinner 喇。今次再去發現轉咗餐牌，多咗勁多選擇，由以往得 10 款搖身一變有 22 款，令客人有更多選擇。👍🏻忌廉龍蝦湯 (右) : 味道濃郁得嚟唔苦澀，而且重有啲龍蝦肉食到。美國安格斯大草原自然牛肉眼配燒汁 ($248) : 叫咗七成熟，肉眼幾大塊，口感鮮嫩多汁，配上自家製既薯蓉同爽口既配菜，整體幾好唔錯，不過如果再跟白飯或意粉會更好。WM馬賽虎蝦海鮮湯配燴意大利飯 ($158) : 份量好大兜，而且材料重好豐富，有好多海鮮係裏面，有虎蝦、帶子、青口、魚同蜆，起初以為咁多蕃茄汁會好酸，但食落又唔係喎，米粒煙韌有咬口，而且吸收了湯汁既精華，幾好唔錯。凍朱古力 : 好夠滑之剩味道唔太濃，不過大杯啲就重好。朱古力香蕉忌廉薄餅 : 呢個甜品好好食，忌廉係熱辣辣既薄餅上溶化，唔睇單都唔知係朱古力香蕉味，食落又滑又香甜。

今次介紹美食沙漠西餐廳🤭。食嘅哩間餐廳佢既係Cafe又係Bar,更重要嘅係佢食物選擇都好多🤓，比我地感覺乾淨企理🪑，坐得好舒服。我地嗌左兩個dinner set，包埋餐包+餐湯+甜品🍮。⠀🥖餐包 （9/10）⠀餐包唔算好大個，聞落陣陣黑糖味🤩🤩，好有空氣感好鬆軟，咬到有粗粒小麥🌾，搽埋牛油🧈幾好味，幾驚喜。⠀⠀🥣餐湯 （8/10）⠀餐湯可以揀龍蝦湯or是日餐湯👅⠀比較推薦龍蝦湯，龍蝦味好濃好鮮🦞🦞，質素都幾好。⠀⠀🍖威靈頓牛柳 $168 （8.5/10）⠀酥皮乾爽有牛油香🧈。⠀酥皮底下有薄薄一層菇醬🍄🍄，雖然唔多但足夠提升整體嘅香味同層次😍。⠀主角牛柳好出色，夠淋又有肉香，整體算係幾抵食的威靈頓💡。⠀⠀🥩美國安格斯西冷 配 燒汁 🥔$138（8/10）⠀一上枱聞到好香黑椒味，同見到咁靚嘅grill mark即刻食慾大增😈。⠀表面煎封做得好，肉汁鎖哂係入面，入口好有油香同肉汁🤎。⠀薯蓉冇壓成泥，仲有啲粒粒，食到小小薯仔嘅口感🥔🥔。⠀⠀🥤黑牛 +$10 （7.5/10）⠀懷舊嘅飲品哩到都有，唔知大家有冇飲過，其實就係可樂再加球朱古力雪糕🍨😗。飲到底發覺佢有啲朱古力粒粒，都幾得意。⠀⠀🍌🍌香

今日咁岩去馬鞍山做嘢，經過見到呢間就食埋個晚餐先走。餐廳環境好闊落，兩人坐嘅卡位好大張，足足夠六至八人坐！晚市有好多套餐選擇，每個餐都跟咗忌廉龍蝦湯，雖然係餐湯，但係一啲都唔遜色，龍蝦湯夠濃夠熱。仲有餐包，食落好soft，仲甜甜地添，好食！龍蝦汁海蝦蟹肉意粉，蝦肉蟹肉都有好多，醬汁比較稀，海鮮味重但意粉調味略嫌少咗啲，自己加少少鹽即刻唔同晒！威靈頓牛柳，餐廳招牌菜之一，大概要等20分鐘以上，仲要每日都有限量，唔係成日有得食。呢個價錢食到威靈頓牛柳絕對係超值，因為工序都幾繁複！食落酥皮夠脆，中間嘅牛柳唔會好鞋好乾，味道同靚靚西餐都有得比！最後仲包左自家製甜品-朱古力香蕉pancake，暖暖地，唔太甜。飲品升級左荔枝梳打同菠蘿梳打。