WM Café & Bar (八號花園)

營業中

休息中

WM Cafe & bar 裝潢以啡色為主調，背景嘅牆身以紅磚作配搭，Cafe以西餐為主，有牛扒、酒類、咖啡同甜品小食，而且環境幽靜，令您享受美食。🦞龍蝦湯 飯前先飲湯，龍蝦湯口感香濃，湯內有龍蝦肉，好開胃😋🍝龍蝦汁貝柱海蝦蟹肉意粉意粉佈滿龍蝦汁嘅鮮味，海蝦爽口，有蟹肉、貝柱、雜菌，口感豐富🍔WM安格斯牛肉雜菌芝士漢堡漢堡包嘅麵包烘到香脆，包上面有黑白芝麻點綴，安格斯牛肉香嫩又juicy ，有雜菌、芝士、生菜，味道幾好🍕煙三文魚千島薄餅薄餅厚批，批底烘烤至香脆，食到煙三文魚啖啖魚香味道🐔意式炸雞翼雞翼炸至金黃色，外皮炸至脆卜卜，雞肉嫩口🫓朱古力香蕉忌廉班戟罩鍾意班戟味道帶有香蕉嘅味道，班戟內餡料有香蕉、朱古力、忌廉，而且甜度適中飲品☕咖啡香濃WM Cafe’ & Bar 大埔安慈路2號八號花園20號地舖

WMCafe 嘅服務態度好，這點不在話下，自從佢哋換咗餐牌之後，我都好耐未去食過；所以去食一食。另外特別一提嘅係佢哋嘅龍蝦湯，平時自己喺屋企煲龍蝦湯，都要好多工序，包括要儲好多蝦殼，單嚟呢度食，唔單止慳咗好多功夫，加上佢哋嘅龍蝦湯亦都好好，嚟呢度食嘅話簡直慳返好多功夫😋一路飲湯嘅時候，亦都會食佢哋嘅餐包，餐包亦都非常鬆軟唔錯。除咗龍蝦湯之外，呢度亦都有蕃茄湯可以揀，但如果唔飲得太酸嘅朋友，我會建議飲龍蝦湯，因為呢個番茄湯會有好強嘅蕃茄味，會較為酸，適合食飯前開胃。我哋亦都叫咗一碟卡幫尼意粉，兩人共享，特別想提嘅係這碟意粉除咗有黑松露之外，還有一隻太陽蛋，蛋汁流滿整碟意粉，加上意粉嘅質感較為硬身，都幾好食。再之後特別揀咗佢哋嘅蘋果蓉黑毛豬食，雖然呢個晚餐要$196 ，但係我覺得望住舊豬扒嘅厚度，每一啖超級嫩爽嘅肉，再配埋蘋果蓉，肉汁加上蘋果蓉嘅酸甜，完全令人非常享受。

WM cafe & bar  大埔安慈路八號花園4座WM Café and BarCafe & bar 一次過滿足你兩個願望，又有Cafe嘅咖啡同小食又有bar嘅酒同牛扒，環境幽靜得來又有啲氣氛，啱晒收工同朋友嚟食飯同傾偈。套餐一：WM威靈頓牛柳 $146 （包嘢飲, 甜品同餐湯）牛扒份量多，大食嘅你都未必食得晒，個皮脆得來又有口感，唔知仲以為係食緊曲奇，牛柳個質感好食到好似入口即溶，呢份威靈頓牛柳簡直係外脆內軟，加埋佢嘅獨門醬汁同特製薯蓉，從此愛上威靈頓牛柳，佢個薯蓉簡直令我對薯蓉改觀，入口即溶得來又食到入邊嘅細薯粒，冇得彈。好味指數:😋😋😋😋😋打卡指數:😋😋😋😋大份指數:😋😋😋😋😋性價比:😋😋😋😋(5😋為最高分)套餐2:南瓜貝煮意大利飯配香煎帶子 $94 （包嘢飲, 甜品同餐湯）意大利飯唔係人人都煮得好食，呢度嘅意大利飯煮得啱啱好，啲飯唔會太硬身亦都唔會太淋，每一粒飯都食到意大利嘅味道，講笑！每粒飯都食到唔同醬汁同南瓜嘅味道，加埋帶子，簡直係人間美食！好味指數:😋😋😋😋打卡指數:😋😋😋😋大份指數:😋😋😋😋性價比:😋😋😋😋(5😋為最高分)番茄湯& 龍蝦湯 (包)兩款湯味道雖然唔同但係

本身喺大埔想食大榮樺，點知太多嘢sold out🙈，臨時喺openrice搵咗呢間平時唔太覺眼嘅cafe～平時出面食威靈頓牛柳閒閒哋都超過$500，但呢間竟然只係$138😱，仲要係套餐價包晒湯、飲品及甜品，CP值算好高，我哋兩個人夾埋都只係食咗二百幾🥳，lunch set應該仲抵食，大家可以留意下！.▪️WM威靈頓牛柳 $138▪️（晚市套餐 包飲品、餐包、湯、主菜及甜品)唔算係正宗嘅威靈頓牛柳，雖然只係得酥皮夾住牛柳，但呢塊牛真係超好食好重牛味😱，中間切開都係大概5成熟左右，平時食牛柳最怕韌，但佢處理得好好，煮得夠嫩但又唔會好生👍🏻，酥皮亦都做得好脆口，呢個價錢當係入門版絕對抵食呀😍▪️美式BBQ烤手撕豬菠蘿芝士漢堡配薯條 $72▪️（晚市套餐 包飲品、餐包、湯、主菜及甜品)平時手撕雞就食得多，今次見到手撕豬漢堡咁特別所以叫嚟試下～豬肉唔會好瘦，略有小小肥肥地咁👍🏻，蕃茄醬汁酸酸甜甜配埋菠蘿幾開胃幾fresh🤤。薯條就係粗身薯條，正正常常咁～▪️忌廉蟹肉龍蝦湯 跟餐▪️有兩粒龍蝦仔嘅龍蝦湯幾濃郁，飲落都唔會太鹹。▪️忌廉朱古力 跟餐+$12▪️表面勁多cream好邪惡😆，朱古力幾香濃，飲落唔會太甜。

今日係個重要嘅日子，就係我一年一度同Joey嘅紀念日，專誠嚟到大埔啊WM Cafe & Bar慶祝，一入到餐廳昏昏黑黑的環境，十分適合情侶在此約會紀念。頭盤先叫了一份龍蝦湯，龍蝦湯底質感濃稠每一啖都食到龍蝦🦞，飲落囗仲充滿鮮味，口感豐富，鮮味十足，到咗主菜吃了一份威靈頓牛柳，牛柳外面有一層金黃色的酥皮，外層乾爽透麗，花紋細緻，唔會濕濕腍腍，由內到外包裹着粉紅的牛柳，切開酥皮之後，居然沒有甩皮甩骨，一食落口質地酥脆，裏面的牛柳生熟恰好厚度平均。Joey就叫了一個芝士雜菌菠菜忌廉雞焗農夫包，一食落口，農夫包非常香脆，麵包嘅外層同內裏都係鬆脆無比，當撕下農夫包配搭上芝士雜菌菠菜忌廉雞，塞入口馬上湧現多種口感，一嚟係食到麵包嘅鬆脆，二來餡料又唔會太過重口味，香口濃郁。吃完主菜，當然少不了WM Cafe & Bar自家製朱古力心太軟，當我一切開心太軟，裏面嘅朱古力馬上流心出來，食入口更加感受到朱古力醬整成嘅味道，口感柔滑。

見星期六要返工，就諗住同同事去食餐好，而同事又想食西餐，就睇下有冇咩西餐好食，跟住睇到呢間餐廳咁多好評，所以就選擇去食呢間！點知一入到去就聞到好大浸油煙味，感覺似食BBQ一樣。環境已經差，期望食物質素高，但是不似預期。我地主食叫左西冷扒，墨汁意粉，焗豬飯，pizza，小食叫左炸魚同白酒忌廉蜆，而湯就龍蝦湯。一黎龍蝦湯就覺得太咸，之後西冷扒紅酒汁唔掂，墨意粉就ok，焗豬飯同某快餐店一樣，另外pizza同麵包冇分別，炸魚薯還可以，而最差的就係白酒忌廉蜆，只咸味，一啲忌廉味都冇。整體非常失望，下次唔會再去

介紹咗咁多港島餐廳 今次小編終於再一次入到新界！嚟到呢間大埔嘅餐廳📍平日夜晚嚟到餐廳唔算太多人 坐得都幾舒服💕🌟 龍蝦汁貝柱海蝦蟹肉意粉 ($90)意粉入面十分足料！🍝 除咗有好多隻蝦之外亦都有好多嘅瑤柱🦐 加上龍蝦汁十分入味 唔知太乾🥰🌟 南瓜貝柱義大利飯配香煎刺身帶子 ($94)呢個飯有勁大2粒帶子🤤再配上蟹子口感十足！🦀 比較可惜嘅係可能小編影相影得有啲耐📸 啲意大利飯凍到有啲硬~ 😣但整體嚟講算係唔錯同份量真係十足🤣🌟小食拼盤 ($118)小食拼盤真係驚喜🤣 有茄汁肉丸、南方雞翼、炸洋蔥圈、芝士車打薯皮、早餐豬肉腸同BBQ烤豬仔骨！真係十分之豐富😍 味道亦都唔錯😋 感覺3個人都夠食😂🌟龍蝦湯、蕃茄湯、朱古力香蕉忌廉薄餅跟餐包龍蝦湯或者餐湯🦞 龍蝦湯十分入味 仲有提供蜜糖麵包俾大家點湯食🤤 除咗湯同飲品之外，跟餐仲包甜品！可以揀朱古力香蕉🍌忌廉薄餅🫓或者加錢試其他甜品~*另收加一服務費味道：🌕🌕🌕🌕🌑環境：🌕🌕🌕🌕🌑價錢：🌕🌕🌕🌕🌘

我約1點坐係近門口位置，一坐低見成地曱甴屍體同超大陣殺蟲水味，同個短頭髮女 侍應講轉枱講左4次先轉到其間係有空位的！個女侍應態度差到極點！！！當日我同朋友點了忌廉龍蝦湯同蕃茄湯西冷扒同北海道3.6牛乳卡邦尼意粉龍蝦湯上枱凍的 蕃茄湯一飲就知道係罐頭蕃茄加水！意粉有頭髮又大雞粉味 係得塊西冷扒食得落口總知態度差食物渣曱甴多到怕唔係朋友係到一早反枱走人

原來大埔都有呢間餐廳的。我哋之前有喺其他分店食過，價錢都幾抵。今日行過大埔見到，貪平，又走咗入去檸檬蜜糖雞翼雞翼外皮炸得脆，咬落雞翼啲肉都好滑，有肉汁，一啲都唔乾。檸檬味唔重，唔會話食到有檸檬嘅酸味，唔知係咪因為有檸檬葉過所以啲雞肉咁滑。賣相都砌得靚車打芝士醬鐵板薯條芝士醬薯條好好味呀，熱辣辣，炸至金黄色，香脆可口。平時好怕啲薯條凍咗會好難食，佢用鐵板上，就算慢慢食都唔怕佢會凍哂香煎牛柳配紅酒燒汁 同埋 西冷牛扒配紅酒燒汁估唔到五十幾$60嘅扒都可以咁大塊，仲要係有肉味的。牛柳ge肉就比較結實，芝士醬薯條好好味呀，熱辣辣，炸至金黄色，香脆可口油脂含量較少。西冷就比較軟林。紅酒汁嘅份量亦都好足夠，夠我d薯條點埋個汁黎食。呢個價錢就已經有呢個set,真係好抵。個set會包埋餐湯，呢個係龍蝦湯。之前飲過其他分店的，呢間分店嘅龍蝦湯可以話係最好飲。夠濃郁仲有凍朱古力同菠蘿梳打。鍾意杯朱古力上面嘅厚厚忌廉

我攞咗飛等咗好耐叫入座，點知後來一對情侶重早過我入去，佢哋仲唔需要拎飛，咁我都算啦。入到去之後，一個短髮嘅女侍應叫我坐係收銀附近張枱，話而家執緊枱，陣間幫我轉枱。點知等咗一陣，又有一對夫妻入嚟，個女侍應已經安排咗佢哋坐喺另一張枱度，我個陣問佢，你係咪幫我轉位。佢竟然同我講，你想轉位啊？咁要再等多陣。即係咁，如果可以唔使轉位嘅話，你就直接同我講，如果唔係我就唔使等咁耐，可以直接叫嘢食囉🤬

放假要搵好地方休息一下，食好野紓緩壓力，餐廳既食物選擇算多，意粉、薄餅、burger都有吾同款式，而星期六都有午餐同下午茶menu，價錢合理😉✅北海道3.6牛乳溫泉蛋卡邦尼意粉意粉份量算多，上碟夠熱，卡邦尼醬汁吾算好濃味，但有溫泉蛋陪襯令意粉唔會太乾，意粉爽身吾會笠，硬度適中，如果配料同醬汁多啲會更好，建議食既時候加黑椒會更惹味✅WM大啡菇牛油果大牛蕃茄漢堡配薯條呢款素食漢堡味道清新，帶有唔同口感，大啡菇保留到內裡juicy，而牛油果有軟滑口感，蕃茄同蔬菜新鮮，再加左一塊較重味既芝士，咬落有吾同口感但味道清新不膩，值得推介👍🏾薯條亦炸得夠熱夠香脆，另外再追加一份薯菜只係加$8✅餐湯餐湯有忌廉龍蝦湯同蕃茄湯兩款選擇，龍蝦湯帶有少許蝦肉，味道突出，濃稠度適中，而蕃茄湯味道偏酸，餐前飲增加食慾😂😂✅意式炸雞翼叫套餐可追加小食，加$16就可以有3隻雞翼，雞翼皮脆，裡面都保留到肉汁，但味道可以醃得更濃味✅蘋果金寶配雪糕呢個甜品值得一試，冷凍雪糕配搭熱辣辣既蘋果金寶，一凍一熱既口感個人好鐘意，蘋果金寶肉桂味好重，加埋提子同蘋果粒，咬落好有口感👍🏾個人覺得好鐘意

之前食過馬鞍山既wm cafe & bar 今次再食大埔分店今次揀左套餐 前菜有龍蝦餐湯 同黑糖包個餐湯好濃味 好鮮甜 個黑糖包 又唔算太甜 岩岩好 我就鍾意將個包點埋個湯嚟食 都幾開胃主菜我地就揀左炸軟殼蟹香蒜魷魚圈墨汁意大利飯 個軟殼蟹好脆 個意大利飯就岩岩好 係我鍾意既口感第2個主菜就揀左檸檬烤雞拼脆炸雞芝士漢堡配薯條 個漢堡係有2層 上層就係檸檬烤雞下層就係脆炸雞 中間有一大塊芝士 好好味 炸得好脆 又有dd 辣味 配埋薯條 完美 個薯條仲要係我最鍾意既波浪紋薯條 正甜品係朱古力香蕉班戟 都係唔太甜 唔太大舊 份量岩岩好wm cafe 果然唔錯 下次有機會試埋其他分店

#cassiegotaipo-瘦編今日去大埔超級城附近掃貨，隨便去八號花園附近搵食，見到間WM café and bar嘅餐單幾吸引，平時餐廳Lunch Menu通常都係6至8款選擇，依間餐廳剩係Lunch Menu都有超過20個餐揀，當然要試吓啦！🙆🏻‍♀️-入座之後好快見到餐廳外面有人排隊，睇嚟依間餐廳係大埔區應該幾受街坊歡迎。每個餐都會包餐湯、脆餐包片同餐飲。餐湯居然忌廉龍蝦湯，非常吸引！忌廉龍蝦湯味道濃郁鮮甜，好足料。另外唔食得海鮮嘅朋友都可以揀蕃茄羅宋湯。😎-兩個餐分別叫咗WM安格斯牛肉燒汁蘑菇芝士漢堡配薯條同香煎黑豚柳拼檸檬海鹽烤雞。安格斯牛肉一咬落去口感十足、肉味濃郁。黑豚柳同烤雞肉質好嫩滑，小食炸雞翼新鮮炸起好脆，整體質素好高，絕對可以再黎！🤩-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ WM Café & Bar (八號花園) (大埔)📍 大埔安慈路2號八號花園地下20號舖-

打算食個tea再去大埔海濱公園行，行到八號花園見到馬路旁有人在這間餐廳門口等，於是過去一看究竟，原來是西餐廳，有意粉、漢堡同pizza等食品。餐廳環境，雖有射燈照明，仍有點偏暗，但還可清晰看見枱面所有擺設，另外，餐廳冷氣比較凍，最好帶多件外套。枱面放着全日使用的餐牌，但沒有任何下午茶的餐牌。因是假日，所以我以為沒有下午茶時段，於是在全日使用的餐牌點了漢堡和pizza，其中一個加$35 upgrade，有餐湯，兩隻吉列炸蠔和一杯飲品。在等候食物到來其間，我才發現原來有下午茶，但已下單，不好意思跟店員轉order。等了幾分鐘，店員突然拿着午餐連下午茶的餐牌過來說，我們點的漢堡是午餐套餐的，問我哋要不要轉為午餐，我哋當然同意，最後可以用平啲的價錢食到2個套餐。食物方面：美式BBQ手撕豬菠蘿漢堡配薯條 - 漢堡的包烤到微焦，有心思，再加入芝士菠蘿和蕃茄沙律菜，而手撕豬有點失色，BBQ汁蓋不住豬羶味，本人不太喜歡；扭紋薯條炸得ok，鹹度剛好夏威夷傾情薄餅 - 餅乾一樣硬的餅底，加上芝士、火腿和菠蘿。味道一般，冇特色，最唔鍾意個餅底吉列炸蠔 - 炸粉一般厚，蠔🦪新鮮好味，炸得剛好餐飲 - 咖啡雖然

年初三 赤口 最啱就係同朋友出去嗌下交( ´▽｀)因為二人限聚 所以都知我地三個人會分開坐但只係務求唔洗坐咁遠。。隔離枱都仲可以傾兩句黎到呢間 玻璃上面貼左啲 福同煙花 嘅圖案初三 其實又撞正情人節 估唔到西餐選擇做新年餐都唔做情人節餐特別一提 可能市道唔好 除左新年餐 平時嘅午餐menu都仲存在二人限聚加1.5米 餐廳又唔算大生意額應該都有限呢個係午餐menu 我地一點半就企喺門口等因為我地三個人 所以其實都預左好難等枱店主/經理都一有兩張枱吉出黎就問我地無奈真係太遠啦。。反正都開始左等 就等到有隔離為止( ´▽｀)後來終於入去坐 係就黎三點嘅事經理好似最後都嬲左 覺得我地揀枱不過店員都係好好禮貌同我地講野既我地其實都係喺出面等姐。。我地冇叫 佢都冇為我地hold 枱實際上我地一坐低就落單 一秒都盡力唔浪費不過當時三點已經冇哂蘋果批我地先再望左陣menu龍蝦湯好快就到 發現碗唔係統一 有啲冇耳仔 有啲冇兩邊耳仔太餓唔記得影相 掛住食個湯係幾好味嘅 都算係濃味 質地都正路嘅之後雞翼就到 同我想像中嘅炸雞翼有出入諗住係有炸漿嗰種炸翼 咁之後就知意式係咁食落有啲油 我明炸翼有油好正常 不過