WM Café & Bar (八號花園)

營業中

休息中

#foodhkdiscoverer大埔—上網d人話li間野性價比高😬咁啱又去開大埔就不妨試下—黑松露雜菇薄餅($88) 加多$35可以變餐🙈有餐湯🍲廚師沙拉🥗同嘢飲🥤個薄餅做到拉絲既效果👍🏻 黑松露味都幾出😚個薄餅幾好食熱辣辣🤩新鮮出爐😝佢個菇味都幾濃🤓個菇都幾多汁🤤所以食落去唔會好乾🤫個皮厚薄適中🥸小編覺得個薄餅做得幾出色🤭至於個餐湯係南瓜湯🙈不過覺得可以加多少少cream 令個湯更加滑🤤嘢飲叫左荔枝蜜桃蘇打🤥荔枝味濃唔會好甜😝飲落幾清爽😚—黑松露流心蛋卡邦尼意粉($70) 洋蔥味好出🤭食到洋蔥既甜味🤓幾特別🤫個流心蛋都幾流心🥰勞埋d意粉食令個質感好creamy🤩意粉都唔會煮的太淋🙈唔錯😚$70包飲品同餐湯算係咁😝不過如果有埋甜品就perfect 啦🤤—價錢： 💋💋💋💋味道：💋💋💋💋抵食：💋💋💋💋💋環境：💋💋💋💋. ——地點：WM Café & Bar (八號花園) (大埔)地址：大埔安慈路2號八號花園地下20號舖營業時間：11:00-21:00—

從來都冇留過言，但係真係服務質素太差，忍唔住要出聲。陪家人去食午餐，因為其他餐廳都要排隊係得一間唔使排所以就入去試一試。要落單嘅時候先發現原來冇晒雞肉，因家人不能吃牛肉，絕大部份嘅選擇都係牛肉，所以要啲時間再揀第二款。其實都唔夠10秒，個侍應已經即刻黑面就咁講左句「一陣間再嚟啦」就行開咗。第二次落單時換咗第二個諗住態度會好啲，問我哋飲咩湯，我哋逐個餐咁嗌，逐個湯咁落單，一齊食嘅屋企人都係年紀大嗰啲，反應都係慢啲。嗌到第二個餐嘅時候，個侍應話你哋唔可以咁樣嗌，要一次過講晒要幾多個A湯要幾多個B湯。其實都唔會差得好多時間姐⋯終於食完食飯，落單嘅時候一早已經嗌左嘢飲，但仲有兩杯野遲遲都未到。吹左幾次，次次都話嘢飲嚟緊但係轉個頭就行咗去做其他嘢其實都冇行去廚房幫我哋跟。食晒成個飯大概過咗5分鐘先來買最尾嗰兩杯嘢飲。其實係一杯咖啡同埋凍奶茶，並唔係啲乜嘢好難調理嘅飲品。座位近廚房，冇閂門。啲油煙擁晒出嚟。本身隻眼比較敏感搞到隻眼就嚟流眼水。整體而言食物係OK，態度就不敢恭維明白係假日午餐時段係多人，但係忙還忙，如果態度好我哋都真係唔介意等，但係個態度一係黑面一係就唔應你，很難令人接受如果你當快餐

happy friday梗係要去食個靚晚餐啦！！ 見到呢一間西餐廳嘅裝修都唔錯， 門口餐牌睇過亦都覺得幾吸引就入去食啦！set dinner選擇都算幾多！！餐湯有蕃茄湯同龍蝦湯選擇， 仲配有特別嘅餐包！！烤豬西冷配檸檬帶子青蘋果絲（$98）～ 肉類配搭酸酸地嘅青蘋果有解油膩嘅作用，而醬汁濃度剛好，唔會搶過肉味， 本身應該只用咗鹽同黑椒去醃肉， 煎完之後突顯黑椒香味，既惹味又香口。脆炸軟殼蟹香蒜魷魚墨魚汁意粉（$82）～ 軟殼蟹炸到脹卜卜，賣相非常吸引！！蟹既size亦都非常合理， 意粉口感非常好， 絕對唔會過淋， 口味方面，亦都出乎意料之外咁突出了香蒜味道。荔枝蜜桃梳打（$18）～ 見到有 一片片嘅鮮果喺面， 已經吸引到我， 加埋香甜口味，簡直令我精神為之一振！！忌廉黑牛梳打（$18）～ 次次都好鍾意睇到雪糕跌落可樂嗰一下， 非常震撼，而且口味亦都有保證。飲品價錢都好合理，特飲只需$18。朱古力香蕉忌廉薄餅（$0_跟餐）～ 跟餐嘅甜品竟然係即整嘅真係非常之有heart!! 而且係用絕配既朱古力同香蕉♥️♥️自家製檸檬芝士蛋糕（$12）～ 酸酸地嘅甜品，永遠都可以令口腔感覺清新， 呢個芝士蛋

《WM Cafe & Bar》🍽WM威靈頓牛柳呢道菜都幾考驗廚師嘅功力，可以做到外皮酥脆，裡面牛肉熟得嚟又保持鮮嫩嘅口感，牛柳食落啖啖都咁juicy，唔簡單呀！🤤.🍽南瓜貝柱意大利飯配香煎刺身帶子見到咁大隻帶子真係心心眼😍帶子外皮煎到金黃色，食落爽口鮮甜，好滿足🤤意大利飯粒粒分明，醬汁份量啱啱好，仲有陣陣南瓜香味，呢個一定要試呀！.🍰朱古力香蕉忌廉薄餅食到飽飽最開心就係有甜品食，呢個充滿朱古力醬嘅薄餅為呢餐飯畫上完美嘅句號🥳🔸🔹🔸🔹🔸🔹🔸🔹🔸🔹🔸WM Cafe & Bar 大埔大埔安慈路2號八號花園地下20號舖🔹🔸🔹🔸🔹🔸🔹🔸🔹🔸🔹

呢間餐廳越來越多人幫襯，遲一步7點就已經要等位。第一次食呢種西式湯飯，WM馬賽虎蝦海鮮湯配燴龍大利飯，湯汁又幾好飲，幾鮮味。意大利飯本身係好濕潤，跟湯食又夾到喎。有一隻虎蝦，燒得幾香嘅。餐跟龍蝦湯，龍蝦味好重，唔錯。烤石斑魚柳配芥茉籽燒汁，石斑魚柳夠大塊，一啲都唔腥，亦冇雪味，個芥末汁燒汁繼特別，同魚柳配搭好夾。忌廉黑牛梳打，好正，好耐冇飲，真係要注意倒汽水嘅時候，佢會火山爆發，哈哈！好飲。檸檬香茅梳打，香茅味好重，酸酸地有汽爽呀！朱古力香蕉忌廉薄餅，朱古力醬濃郁配合香味濃郁嘅香蕉餡料，雖然細細份但滿足到食甜品嘅慾望！

脆炸軟殼蟹香蒜魷魚圈墨汁意粉 $82👍👍👍👍👍雖然會食到個嘴烏卒卒但真心好食軟殼蟹炸到好脆魷魚圈好多初頭成碟黑色睇唔出，食落先知咁多!香蒜同魷魚味調配得宜，好惹味~WM威靈頓牛柳 $138👍👍👍👍係呢度嘅招牌菜切開酥皮牛柳，見到5成熟嘅牛柳酥皮都好鬆脆，略嫌牛柳調味得比較淡配菜就有少少調好味嘅薯蓉同埋似係白烚嘅蘿蔔仔及豆晚餐配忌廉蟹肉龍蝦湯及餐包👍👍👍👍👍個湯好好飲，味道濃郁仲有啲蝦肉餐包就有黑糖味，鬆軟上枱時暖暖地，唔錯!熱情果落蘿梳打 套餐+$18👍👍👍有一塊罐頭菠蘿味道酸酸甜甜，其實幾好飲嘅係加18蚊有啲貴凍檸檬柑橘蜜 套餐+$4朋友叫嘅，就唔知味道如何了~加一完之後，都係每人百幾蚊，西餐嚟講算好抵食😋

其實夜晚我比較鍾意一至星期五食,因為條街會冇咩人加上餐廳會冇咁full😌經過大埔見到一間咁有情調嘅餐廳忍唔住要入去試一試😚先來一下跟餐龍蝦湯同南瓜湯,味道同賣相都非常之一流然後再來W M的王牌菜威靈頓牛柳,賣相似酥皮類的物體,原來暗藏了一大舊牛柳🥰🥰🥰仲要係我最鍾意嘅五成熟的。而且份量同價錢成正比喔馬賽虎蝦海鮮湯配燴意大利飯-雖然個名有啲難讀,但佢嘅賣相非常之吸引首先佢外型有大大隻虎蝦然後意大利飯比較鬆化🤪🤪最後叫咗兩杯荔枝蜜桃梳打,好好飲而且入邊仲有荔枝肉

位於大埔嘅cafe，環境幾靚幾舒服，所以同朋友仔黎試試佢嘅晚餐，餐牌選擇多，連素菜都有兩款。就算吾食肉/減肥嘅朋友仔都有多d選擇。忌廉蟹肉龍蝦湯（餐湯）一嚟時候即刻feel到鋪頭既用心 摸到佢隻碟係暖既 保持到湯既熱力 天氣凍凍地既時候飲 成個人好舒服 😋 加上食到佢成個湯好濃郁，有好重龍蝦味 😋😋烤石班魚配芥末籽燒汁 $92見到佢賣相唔錯 魚外皮煎到脆脆地 肉質吾錯！配住佢既燒汁同芥末籽 好開胃呀南瓜貝柱意大利飯 $86每一粒飯都鋪滿南瓜汁 淡淡南瓜香味溶係意大利飯入面 😍仲有三粒帶子添😍

是日餐湯係蕃茄湯或者係龍蝦湯好少餐廳嘅餐湯係龍蝦湯 🍽忌廉龍蝦湯色澤橙紅色龍蝦湯望落濃稠學起來濃濃滑滑仲有少少龍蝦肉🍽wm威靈頓牛柳 $138脆薄嘅酥皮包住牛柳熟到剛好，牛柳無overcooked 旁邊薯蓉打得好幼滑加上蘑菇醬 令薯蓉味道唔會覺得太過單調🍽脆炸軟殼蟹香蒜魷魚圈墨汁 $82賣相好靚好香香蒜味炸軟殼蟹炸得剛剛好食落仲有少少膏tim加埋粒粒蟹籽令到成個口感更加豐富🍹荔枝蜜桃梳打 (跟餐加$18)都唔錯 係甜咗少少 🤏🍹茉莉青蘋果梳打 (跟餐加$18)茉莉味反而唔係好出 但青蘋果酸酸甜甜夠哂開胃個set 包左甜品🍰自家製檸檬芝士蛋糕 (跟餐升級加$12)好重檸檬味 甜度適中食完都唔會覺得好膩💬總括嚟講成餐飯都幾好呢個價錢仲食到威靈頓牛柳絕對係超值

大埔食嘢多小食小店，今次同朋友一反常態搵間西餐廳試下Set有齊餐湯、包、主菜、飲品、甜品👍🏻龍蝦湯-好香濃嘅龍蝦味，正呀！蕃茄餐湯-比起一般蕃茄湯甜，好醒胃餐包甜甜哋黑糖味好唔錯烤豬西冷配檸檬帶子青蘋果絲$98-豬西冷煮得唔錯，唔會榎，加上青蘋果絲果酸增添風味，薯蓉入面有粒粒薯仔更有口感拿破崙三色腸意粉$70-腸配上蕃茄汁冇得輸，意粉煮得剛好夠煙韌意式炸雞翼3件+$16-外皮夠曬香脆，甜甜哋咁幾好食朱古力香蕉忌廉薄餅-唔算大件份量剛好呢間cafe真係幾推薦，好多細節都顧及到好有心思，會再嚟食

入左大埔做完野已經好夜啦見到依間WM Café & Bar 有個星期一至五嘅晚市套餐就決定試下首先嚟左碗忌廉蟹肉龍蝦湯餐湯味濃，有蟹肉絲龍蝦嘅鮮味都好突出主菜分別叫左脆炸軟殼蟹香蒜魷魚圈墨汁意大利飯同烤豬西冷配檸檬帶子青蘋果絲炸軟殼蟹好香脆，魷魚圈爽口彈牙墨汁意大利飯粒間仲有少少拉絲豬西冷都容易切開，食落完全唔會韌帶子煎到兩面少少黃金色，外乾內嫩配住酸酸地嘅青蘋果絲一齊食，感覺好清新飲品就叫左薄荷青檸梳打同忌廉朱古力跟餐嘅甜品係朱古力香蕉忌廉薄餅細細件為今餐嚟個完美句號依間餐廳CP值好高一個套餐已經包左餐湯餐包主菜餐飲同甜品圍起上黎一個人都係百零蚊晚市嚟講真係幾抵食

成日經過都冇試過。今晚入去試下先😛。價錢$70-$188。有🥣有主菜同飲品。稱🉐️上抵食😆。 餐湯🥣可以揀忌廉蟹肉龍蝦湯。仲要唔洗加錢wor。味道濃郁。絕對冇將貨就價😬。餐包甜甜的。南瓜🎃貝柱意大利飯配香煎刺身帶子～飯濕潤有嚼口。味道甜甜的。除咗三粒大帶子之外。仲有粒粒小貝柱。啖啖🈵️足。❤️WM威靈頓牛柳～牛柳食得多。食酥皮牛柳真係一隻手數🉐️曬😂。牛柳軟綿綿。酥皮包住牛柳食。味道更加豐富同滿足。相當邪惡。😎飲品唔只普通🍋茶/🍋水。仲有jasmine同earl grey 。

好耐冇見過我自己個好🐢🍯，今次就下佢，約佢喺佢屋企附近食飯。佢話呢間餐廳開正喺佢屋企樓下，但係咁多年來佢都冇食過。喺門口見到佢個餐牌好似好多嘢食揀咁，而且又咁岩有位唔駛等，一於入去試吓同埋傾吓計。我哋嗌左兩個set dinner，除咗餐湯之外佢仲跟咗個餐包，佢個餐包個外型好似一粒薯仔咁，但係食落佢絕對唔係好似薯仔咁硬，而係好鬆軟兼且帶有黑糖嘅甜味，🐢🍯讚不絕口。餐湯我揀咗個龍蝦湯，佢個龍蝦湯入邊真係有啲龍蝦肉，而且個湯有濃濃嘅蝦殼味，都幾唔錯。🐢🍯就揀咗個蕃茄湯，佢個湯真係純蕃茄，冇其他嘢，好酸好開胃。前菜我就加咗錢轉咗做雞翼，佢個雞翼燒到外皮脆卜卜，但入邊仲係好多汁同埋好嫩滑，正。🐢🍯都加咗錢叫咗個沙律，佢個沙律上面仲有兩塊煙鴨胸，啲菜都幾新鮮，只係沙律醬同埋沙律醋少咗啲。主菜我哋揀咗個BBQ手撕豬菠蘿芝士漢堡，佢個豬手已經撕成一條條，好方便食用。依個菠蘿亦都超Juicy，但係最正嘅竟然係佢個包，外層係脆嘅，但係入邊係鬆軟嘅。再加埋佢個好粗身嘅薯條，又係外脆內軟，份量啱啱好。另一個係烤石斑魚柳，佢個魚柳出邊都係煎到好乾身，令到個魚皮好脆，但魚肉仍然都保持滑嘅口感，係唔錯。呢個就跟咗個

老公知道我一路都想試吓食威靈頓牛柳所以今次就搵咗喺大埔呢間餐廳食晚飯因為聽同事講呢間餐廳性價比非常之高，所以我哋就決定收工去試下！我地六點半去到食dinner set 呢間餐廳嘅選擇非常之多有A餐至S餐，真係有選擇困難症嘅人都好難決定食咩餐好！不過我哋今次嘅目標係主要食威靈頓牛柳所以我哋就首先叫咗個威靈頓牛柳set另外就叫咗一個炸軟殼蟹香蒜墨魚圈配意粉set 。成個set餐包餐湯餐包嘢飲品同埋甜品，今次個餐湯就有龍蝦湯同埋南瓜湯，我哋每樣要咗各一，龍蝦湯非常濃郁，個南瓜湯都唔輸蝕，南瓜味非常之突出好好味。首先講吓個威靈頓牛柳用左層酥皮包住啲牛肉切開果下個酥皮非常之鬆脆，入面啲牛肉望落但有少許微紅，肉質煮至大概五成熟左右，生熟程度啱啱好而且食落非常鮮嫩另外配埋啲薯蓉同埋雜菜黎食，咁嘅價錢食到咁嘅質素真係令人喜出望外。另外炸軟殼蟹香蒜墨魚圈配意粉隻軟殼蟹揸得非常之脆口，而且好大隻！意粉吸收晒啲墨魚汁嘅味，非常入味不過我就覺得啲墨魚汁可以再多啲應該會更加好食。甜品我哋就叫咗普通嘅香蕉班cake另外升級要咗個芝士蛋糕，甜品方面不過不失。飲品我哋就叫咗一個飲落好泰式嘅香茅檸檬梳打同埋荔枝蜜桃梳打

WM Cafe嘅晚餐食過幾次，上次食完佢個威靈頓牛柳，今次就試吓佢嘅香辣蒜片橄欖油蜆肉意粉🍴🍝 。呢一個餐包括左：龍蝦湯、餐包、意粉、同埋餐飲，如果將套餐升級，仲可以加$8加多一份薯條🍟。佢個龍蝦湯我覺得真係做得算唔錯，龍蝦味係有嘅，而且個湯都唔會太鹹，估計廚師都應該有用蝦殼去煲，鮮味頗為突出，但分量唔算非常大份。之後個餐包，口感適中，唔會太軟太硬，拎嚟配湯嘅話都幾唔錯。另外就係個主菜，香辣蒜片橄欖油蜆肉意粉，佢個意粉炒得都算熱，幾香，有海鮮味，但味道偏濃，建議食嘅時候可以點一杯可樂，會食得更加舒服。另外亦都可以加$8 ，加一份薯條，薯條好熱好新鮮。最後餐飲我哋叫咗杯黑牛，令我覺得特別的是，黑牛會加忌廉，令到杯可樂更加順滑。