影片
更多
2021-03-02
1788 瀏覽
年初三 赤口 最啱就係同朋友出去嗌下交( ´▽｀)因為二人限聚 所以都知我地三個人會分開坐但只係務求唔洗坐咁遠。。隔離枱都仲可以傾兩句黎到呢間 玻璃上面貼左啲 福同煙花 嘅圖案初三 其實又撞正情人節 估唔到西餐選擇做新年餐都唔做情人節餐特別一提 可能市道唔好 除左新年餐 平時嘅午餐menu都仲存在二人限聚加1.5米 餐廳又唔算大生意額應該都有限呢個係午餐menu 我地一點半就企喺門口等因為我地三個人 所以其實都預左好難等枱店主/經理都一有兩張枱吉出黎就問我地無奈真係太遠啦。。反正都開始左等 就等到有隔離為止( ´▽｀)後來終於入去坐 係就黎三點嘅事經理好似最後都嬲左 覺得我地揀枱不過店員都係好好禮貌同我地講野既我地其實都係喺出面等姐。。我地冇叫 佢都冇為我地hold 枱實際上我地一坐低就落單 一秒都盡力唔浪費不過當時三點已經冇哂蘋果批我地先再望左陣menu龍蝦湯好快就到 發現碗唔係統一 有啲冇耳仔 有啲冇兩邊耳仔太餓唔記得影相 掛住食個湯係幾好味嘅 都算係濃味 質地都正路嘅之後雞翼就到 同我想像中嘅炸雞翼有出入諗住係有炸漿嗰種炸翼 咁之後就知意式係咁食落有啲油 我明炸翼有油好正常 不過
因為二人限聚 所以都知我地三個人會分開坐
但只係務求唔洗坐咁遠。。
隔離枱都仲可以傾兩句
黎到呢間
玻璃上面貼左啲 福同煙花 嘅圖案
初三 其實又撞正情人節
估唔到西餐選擇做新年餐都唔做情人節餐
特別一提 可能市道唔好
除左新年餐 平時嘅午餐menu都仲存在
二人限聚加1.5米 餐廳又唔算大
生意額應該都有限
呢個係午餐menu 我地一點半就企喺門口等
因為我地三個人 所以其實都預左好難等枱
店主/經理都一有兩張枱吉出黎就問我地
無奈真係太遠啦。。反正都開始左等
就等到有隔離為止( ´▽｀)
後來終於入去坐 係就黎三點嘅事
經理好似最後都嬲左 覺得我地揀枱
不過店員都係好好禮貌同我地講野既
我地其實都係喺出面等姐。。
我地冇叫 佢都冇為我地hold 枱實際上
我地一坐低就落單 一秒都盡力唔浪費
不過當時三點已經冇哂蘋果批
我地先再望左陣menu
龍蝦湯好快就到 發現碗唔係統一
有啲冇耳仔 有啲冇兩邊耳仔
太餓唔記得影相 掛住食
個湯係幾好味嘅 都算係濃味 質地都正路嘅
意式炸雞翼
$16
20 瀏覽
0 讚好
0 留言
之後雞翼就到 同我想像中嘅炸雞翼有出入
諗住係有炸漿嗰種炸翼
咁之後就知意式係咁
食落有啲油 我明炸翼有油好正常
不過係佢個油膩感真係有啲重
香燒黑豚柳拼檸檬海鹽烤雞
$63
11 瀏覽
0 讚好
0 留言
呢份雞 豬 配左薯菜
薯條點燒汁好食 係熱辣辣嘅！
唔係好熱氣嗰種脆 係較軟身嗰種
雞柳開左三份 份量有啲少 我食唔太出
但食得出都係嫩嘅
而朋友話真係食到海鹽同檸檬味
豬唔算大塊 但都算係厚切
唔韌 易咬開 夠鬆化其實我都就冇批評啦( ´▽｀)
都算juicy 冇放左好耐嗰種硬同凍
冇乜調味 主要食個燒汁
美國西冷牛扒拼紅酒燒汁
$57
10 瀏覽
0 讚好
0 留言
西冷 我地配左意粉 呢道冇問幾成熟
意粉份量都多 牛個size就都好合理嘅
見到作為牛但價錢比豬雞平
我其實就冇期待
不過兩位朋友都話全餐最好食係西冷
可惜我唔食牛( ´▽｀)
咁如果呢個價錢 有main 配意粉 有湯有野飲
而牛係食到juicy嘅 唔老嘅 有厚度 有鹽香
我覺得性價比都真係好高
煙三文魚千島醬pizza
$71
22 瀏覽
1 讚好
0 留言
最後仲有份pizza 本身已經幫左你開六
三文魚少腥 係貨源嘅問題 如果有舊檸檬就好
餅底係薩利x同款 應該唔係手工薄餅
所以更加需要熱食 如果唔係就好快硬
呢個呎吋黎講都已經算係多配料
係千島醬比較少 食得唔太過癮
食薄會少少乾
年初三 情人節 個價錢都真係抵食
味道不過不失 可以再黎
真係再黎就食埋個蘋果批！
張貼
